Flames (海濱匯)

營業中

休息中

疫情之後很少約朋友一起吃飯，今日出外去牛頭角工作於是約了很久沒見的老友吃午餐，她是在牛頭角工業區工作不話二說推介了一間不錯的餐廳吃飯聚一聚。餐廳環境舒適還有一個開揚户外開放式露台，外面是一片草地藍天白雲，在都市裡也夠吸取新鮮空氣，輕一輕心情。 葡式燒雞漢堡配薯條葡式燒雞是餐廳招牌菜，葡式燒雞醬汁配上烤雞扒的確很惹味，每一口雞肉充滿肉汁又嫩滑。 配上香脆薯條，薯條上灑了七味粉令人吃不停口。 燒大蝦配香草蕃茄汁扁意粉兩大隻燒大蝦配上香濃撲鼻的洋蔥粒、蕃茄粒、蒜蓉粒、蕃茄醬炒扁意粉， 大蝦肉彈牙又新鮮，蕃茄味道很入味，口感層次豐富，而且份量都非常大份！ 意大利泡沫咖啡 Cappuccino~ 提一提神

這兩星期，經常到牛頭角海濱匯工作，午飯時間每次經過這間Flames，都座無虛席，一位難求！今天星期日，專登揸車過嚟食個午餐，順便行吓海濱長廊！想不到禮拜天也高朋滿座，大多數一家大細來食，應該都好似我咁樣食完飯後行吓海濱長廊吧，現在只剩吧臺仍有位置！餐牌選擇項目似乎不多，但勝在各類品種都有，啱晒我呢啲有選擇困難症嘅人菇味超香超濃嘅鮮打忌廉蘑菇湯，夠香又夠滑！肉眼扒大大份絕對足夠兩個人食，薯條脆，大蝦超彈牙！肉眼煎得外脆內軟，真服了大廚的手勢！薄餅貌不驚人，但絶對有驚喜！整個餅邊脆脆的，配上雞肉、香濃芝士、香草，令我回味再三！作為呢餐的總結，飲品同甜品當然唔少得，焦糖布甸雖然細細杯但鋪滿大量新鮮生果，布甸面層有焦糖的香脆，內裏口感非常香滑，甜度啱啱好！而即冲咖啡泡沫豐盈，味道超香濃，不枉我們專程來試呀！

小編係觀塘海濱果邊番工放飯時間比較彈性見間餐廳兩點食有折就book左去到冇乜人 揀左係戶外隔黎既位置叫左個烤雞漢堡餐對住草地食個漢堡好大份 開胃 爆汁薯條亦炸得好香口 係我鐘意既粗薯條食完lunch儲足精神 番工都有動力d

睇到咁多人贊，所以來左，野食正常，但係味濃，會口渴個種，其實對服務都無乜期望，間餐廳一眼望晒，但唔知點解當時得個三台客，侍應都有幾個，但硬係會睇唔到有人舉手想叫野....不過都係好小事者。落單時問左侍應，佢話主餐牌入面所有野都有折，除左餐同飲品，仲要用手指住主餐牌d categories,咁大家都好清晰啦。叫之後野食到，其實都可以，我地無叫野飲，野食味好濃，食食下都要問佢地先會比杯水。但最正係比錢個時，比完錢望下張單，見到有野食無折，只係輕輕問左聲乜呢個無折？點知個侍應冷笑咗聲答：「哈！邊個話比你知呢個有折？」我話頭先落單時你同事話呢個有折架喎，佢再答，邊個同事啊？你話啊？邊個同事啊？我內心真係O晒咀，個刻我覺得既然都食左啦，又唔想做金手指，只差一百以內，我就話咁算啦由佢啦，佢再答多野，係個同事唔清楚者！呢位侍應態度真係正到呢....茶餐廳都有禮貌過佢，作為客人，一路有禮貌，就換來咁既回應，真係貼錢買爛受，絕不回頭，我睇過折扣條款無講過呢個category唔包，落單時侍應又答係有折，咁個問題唔係個客到，但要受咁既回應？而家飲食業市道都唔多好，仲咁既態度，公司真係多謝佢，唔想做，就讓比其

一直都想喺香港揾到似Nando’s 嘅燒雞，懷念一下以前食過嘅味道，但無奈地試咗好多間都揾唔啱🤷🏻‍♀️由牛頭角站行過嚟都要十五分鐘，沿路都無遮蔭，大熱天時行過嚟都幾辛苦，曬到身水身汗😅 行到觀塘海濱長廊盡頭，就會見到海濱滙。店舖位於商場嘅一樓，走到盡頭就會見到呢間店。店面相當開揚光猛，有個戶外飲食區，可以比寵物內進，係一間寵物友善餐廳💁🏻‍♀️店內有個開放式廚房同bar枱，入口位置更有防疫設施同menu。今次同條佬就叫外賣打算去海濱長廊野餐😂佢哋有daily dine-in special 優惠同外賣優惠，優惠會不定期更新，去之前要上官網留意。今次我哋叫咗兩份半隻Peri peri chicken 再加一份雞鹽薯條🍟。半隻Peri peri chicken係$85，雞鹽薯條就加$15，total$185。❤️ Peri peri chicken 葡式香辣燒雞外皮燒到好脆，雞髀同雞翼肉質嫰滑多汁，雞胸肉燒得略鞋。外皮係好香有陣炭燒味，但入面啲肉醃得唔算入味啦，主要靠隻醬增添味道。隻醬就唔似Nando’s嗰種，接近返傳統嘅葡式Peri peri醬，味道都有少少辣。好食度：⭐️⭐️⭐️✨(3.5/5

今晚和友人晚餐短聚，行行觀塘海旁之餘，見到海濱匯入面有間半露天餐廳，非常之有格調和浪漫。於是就上去找到Flame，見到Flame 整體全白色的格局簡潔美觀舒適，而且有開放式廚房和水吧，邊等待食物和友人聊天的時候，亦可以順便看看廚房製作食物和調製飲品的過程。主菜我和友人點了蟹肉香草忌廉番茄汁扁意粉，濃濃的醬汁配上蟹肉，啖啖都多汁，滿滿的蟹肉味充斥著整個口腔，juicy又creamy。既然有這麼漂亮舒適的環境，當然要鋸扒啦，燒肉眼牛扒配大蝦薯條，我非常喜歡這個配搭，材料豐富之餘，食物的品質亦相當高。飲品亦是今晚的主角，兩杯飲品都有驚喜，我最鍾意自己果杯 nuts bout tella，除了非常適合打卡之餘，味道都非常特別，可能我比較喜歡Nutella，所以喜歡奶昔這種的配搭，不會太膩之餘更突出Nutella的味道。

蒜香雞肉香草番茄汁扁意粉確實整得唔錯，蒜香味好出，同埋濃濃既香草同蕃茄簡直係完美配搭，好加分架。而澳洲雞鹽薯條都幾抵嗌，都係加$15，CP值高，大家有機會黎食都推薦叫依兩味。

近牛頭角海濱原來有隱世Chill Chill 餐廳，仲可以對住草地嘆杯酒最近仲做緊買一送一優惠添~我唔客氣啦😋環境很好，望住外面草地喝酒很治癒。黑松露薯條偏咸，建議加茄汁中和。有小吃當然要配酒，來杯手工啤吧，有很多口味選擇！香草白酒煮青口($198)份量適中，香草味濃，更有海水味😋再來客主菜——燒大蝦配香草蕃茄汁扁意粉($158)大蝦肉質爽嫩，蕃茄味濃，份量適中。兩個人吃兩款主菜不太飽的話，可再加點小吃。

東九不斷變天，連牛頭角海濱都新建不少商廈。事隔數月再訪Flame，星期日晚上竟高朋滿座，可幸樓底高又是半開放式，氣氛依然舒適輕鬆。簡單點了兩個主菜和太座分享。必點的是燒雞。雞皮薄脆，肥油已迫走，火候剛好，肉質不過老，加上香辣Peri Peri醬，百吃不厭。粗身薯條同樣高質，有肉身，脆香不油膩，最佳配菜。另外一道主菜魚柳同樣出色。魚皮微鹹香脆，肉身結實，配合黑松露忌廉汁味道更添層次。各式烤蔬菜帶牛油香又不膩，外食健康之選。這裏環境氣氛一流，食物出色，值得一再光顧。

平日想要返少少浪漫，黎到海濱附近散步搵食。 其實之前已經食過一次，今晚試下全叫新野，估唔到都係咁正。葡式燒雞漢堡配薯條 ($168)知道呢度燒雞出名，但怕多骨、兩個人分又麻煩，為方便叫左燒雞漢堡，十分好味。 葡式燒雞醬汁好惹味，配菜又新鮮，雖然烤雞扒未去到香脆既程度都食唔停口，啖啖肉有肉汁又嫩滑，難怪燒雞係招牌菜。 漢堡同薯條份量都好多，女仔食一個set一定食唔哂，性價比極高。芝士雞肉燒忌廉薯仔批配沙律 ($178)睇個名都唔知乜黎，究竟係pie&tart個種，定西式焗薯呢，搏一搏，好彩其實係後者。 作為薯仔控，好滿意薯仔片幼滑香甜，忌廉汁更加係creamy香口，熱辣辣完全係comfort food。 值得一讚所有食材都好新鮮，無論係焗薯上面既baby露荀，定係沙律入面既粟米、蕃茄都爽口鮮甜，下次一定encore呢味。瑪格麗塔披薩 ($78)薄底pizza好香脆，芝士配料自然惹味，但比起前兩者就冇咩驚喜，不過不失啦。食過兩次都咁滿意，可以話亂咁叫都冇失敗作，諗唔到食咩會再黎。

最近疫情終於好返啲啦，去返單位數確診，叫做安為返一下，所以都決定出去食下飯當吸收下新鮮空氣，記得觀塘海濱公園附近有一間食西餐唔錯就決定去試吓呢個地鐵站大概10分鐘左右到都算方便，餐廳而西餐為主我哋點左蟹肉意粉，燒春雞，同埋脆脆片加蟹汁，先講個意粉好多蟹肉混埋一齊加埋醬汁簡直係冇得彈，而且麵嘅質地亦都住得剛剛好唔會太淋唔會太硬，而醬汁嘅方面亦都好creamy 食得出廚師嘅心機，而燒春雞方面烤得非常香口仲有薯條配埋簡直冇得彈燒春雞用咗好香嘅秘製醬汁醃製而成笑得皮脆肉滑，兩個人食就啱啱好啦，而脆脆片好適合餐前小食你一刻，估唔到蟹醬汁加脆脆片會係咁適合，而且呢度happy hour 都好正出邊有得坐枱飲啤酒下次放工嚟都可以嚟放鬆一下。

朋友話牛頭角附近有個好chill的地方，相約一起晚餐。原來也頗隔涉。離兩個地鐵站都要行15分鐘左右。一入到海濱匯，已feel到那種chill,最好就是放工走過來happy hour。 餐單不算多選擇，但仍然令我選擇困難😅。想點青口但沒有🥺,結果要了牛扒。🔸️蟹肉香草忌廉扁意粉好食，忌廉落得足，奶香味十足。推介!🔸️香辣炸雞新鮮炸起，好香脆。附上的汁是亮點，帶點點酸辣，又不是傳統的bbq醬味。感覺好新鮮。🔸️肉眼扒大蝦配薯條肉眼扒有筋，而且質感不太似平時的肉眼扒。 大蝦正常，薯條好香，好食。在秋高氣爽的天氣，不用開冷氣，非常舒服~ chill爆~

去左觀塘海旁附近，係海旁一路食一路欣賞日落。依家外賣有優惠，平過堂食，仲有九折添。葡式香辣燒雞同平日食嘅燒雞差唔多，雞髀位好香，但雞胸肉位冇雞髀咁入味同香，但整體上都好味。澳式雞鹽薯條都係加$15，薯條份量比想像中多，兩個人都食唔曬，好抵！我食薯條好鍾意有鹹味，而鹽味都好足，所以我好鍾意。

到觀塘睇完展覽，沿住海濱散步，一直行到去 Flames食晚飯。原以為星期日的觀塘應該是冇咩人，一踏入餐廳我就慶幸自己是有Book枱的，因為九成座位已經滿座。我們分別點了避風塘雞翼、雞肉凱撒沙律以及肉眼牛扒配大蝦薯條。餐廳上餐速度極快，10分鐘內己送上所有餐點。另點了一杯Berry Licious 果味很濃，味道偏甜，菠蘿汁的味道很重，被愛甜男友搶去喝光。雞肉凱撒沙律沙律份量很～大～芝士份量沒有半點留手，蔬菜冰冰涼涼的，很新鮮。避風塘雞翼雞翼上鋪上滿滿的炸蒜，香口滋味，雞翼不會過老，肉質很滑嫩，帶少許辣度。肉眼牛扒配大蝦薯條每枱必點的牛扒，相當大份，足夠2人share，牛扒肉味香濃油脂豐富，唯略多筋，切得有點累，但整體仍是不錯的。

一行四人到海濱逛逛，順道找餐廳晚餐。四個女仔一坐底點左四樣野食，有蟹肉意粉、小pizza、凱撒沙律、牛扒大蝦薯條。可能我地早（6:30），所以好快就上齊菜。每一道都好靚，份量合適，而且剛煮好，十分吸引。蟹肉意粉好好食，我們很快就清碟😝牛扒有肉汁、口感夠鬆軟！薯條係原隻薯仔切，好好食！沙律也很👍🏼👍🏼pizza味道不錯！夠哂芝士！最驚喜係杯飲品，strawberry delight(好似係咁叫）有個大泡泡❤️❤️外表靚，而且飲落好香，唔會太甜!我地四個太大食，仲追加左個牛面肉意粉。牛肉味濃，而且蕃茄醬的酸甜度剛剛好！整體餐廳環境好，氣氛舒適，很合適小型聚會。服務也不錯👍🏼推薦大家來！