February

營業中

休息中

星期一中午，我地一行七人到呢間February 食lunch, 為著黑毛豬鞍而來🐷🐽⋯⋯（友人推薦）😌😋🤤我地叫咗七個餐，餐牌基本上每個set都過百，黑毛豬就叫咗三個。先講餐湯，黑松露忌廉湯🍵，足料唔錯。黑醋沙拉都okay🥗西班牙黑毛豬鞍架$142: 份量同價錢成正比，夠大件，但就比想像中無咁好，只係做到黑毛豬唔鞋，但keep 唔到黑毛豬的幼嫰口感同juice 感覺，其中幾口食到梳打粉味道，無咗黑毛豬每本的原味，可以再改善。法式芥末芝士焗羊架$162（3件）：我本身唔食羊，無試，但眼見友人食得津津有味，應該不錯。欖油蒜片蟹肉炒天使麵$102:呢個夠晒味，份量大，天使麵爽身，每條麵都有欖油蒜片香味，略蟹肉少了一點。芝士焗雞扒$112:呢塊只可説是一塊跟茶餐廳內的焗雞扒一樣，沒特別，談不到$112這個價呢🤦🏻‍♀️🤦🏻‍♀️最後精美甜品竟然係：細粒裝嘅雪糕糯米滋⋯真的欠缺了誠意啊🙈😂

同朋友遊船河完，由西貢出彩虹再上地鐵到觀塘再行去海旁，就是為了吃火燒豬手。星期日晚上很少人，環境頗舒適和適合朋友聚會。綽頭是有的，但味道真係非常一般，反而伴碟的紫薯幾甜又有口感，味道濃郁，第一次吃甜的配菜。

<REAL FUN FOODIES> 呢排choose有左㨂餐廳困難証～成日唔知食咩好，轉左好多次都決定唔到～地區決定唔到 決定到食咩餐就搵唔到！最後朋友做決定！今次去觀塘！搵左間穩世既餐廳～成個商埸都好吉，似係新起既！一入到去又唔叫好大！但又幾有情調咁～我地4個人今年應該係第9年食飯！個個唔係結左婚就準備結婚！咁岩呢間野有個4人set！我地太lazy 唔想諗～就choose 呢個，佢又話送一枝酒比我地～首先就一人一個湯～佢話今日轉左雜菜湯～岩晒我呢d減緊肥既 再黎就個salad 4個分 我原本以為佢一個個上～個salad 都出奇地好食喎竟然～之後我地叫左牛排同豬手！兩個都好正！估佢唔到！隻豬手仲要火燒一燒先斬件上～同埋好得意兩樣野都跟埋紫薯蓉上～味道好得意又創新 （我第一次食，所以覺得幾special）但朋友話好多觀塘都用紫薯做配菜跟住叫左個蟹肉天使麵！但我唔記得影相，賣相係麻麻！但味道係有驚喜架！唔想太肥 可以choose呢個呀！另外係龍蝦汁海鮮意大利飯～多汁！似返平時食開既意大利飯！最後黎左個甜品～但無咩驚喜 同怪怪地 唔知咩味道黎既～呢枝就係佢送個枝紅酒喇～都算

店員很細心地為遅來的客人上湯，倒酒和安排餐飲。燈光薰暗，環境舒適，不趕人，是放工在觀塘閒聊的好地方。松露醬薯條好好味，薯條炸到金黃，剛剛好👍豬手的皮好香脆可口，且不會太多肥膏。拼腸份量非常多🤡牛排medium rare 剛剛好，醬汁又不太濃，不會掩蓋牛味！最後，藍莓芝士蛋糕可媲美cova😋

整個下午沒有吃過什麽，openrice觀塘一下，見附近的LM Cafe同呢間February位置相近，食評都不錯，心想就這兩間其中一間餐廳用膳吧。不知何解LM Cafe超多人輪候，於是往樓上看看，發覺此間餐廳menu都不錯，侍應小姐更告知有七折，於是便入去用餐了。當時時間兩三點並沒有太多客人在內，我們可以自行選擇座位。要了兩個set lunch，分別是龍蝦汁海鮮扁意粉及香煎帶子牛肝菌意大利飯，配上餐湯，甜品及餐飲，七折價錢很抵食。龍蝦汁意粉有濃濃的蝦汁，只有兩隻青口及蝦，如能有多些海鮮或配料感覺口感會更豐富，味道是不錯的。要讚讚意大利飯，因為飯煮得很林，沒有半生熟的情況出現，只是略嫌份量小了一點其實如果不是侍應小姐於我們在門外看餐牌時跟我們說有折扣，我們便會錯過這間餐廳了。建議可以於餐牌附近貼上折扣字眼，溫馨提示食客該段時間有折吸引食客。臨走前侍應哥哥還溫馨提示我們剛下了一場超大的雨，不知現在外面是否仍大雨，叮囑我們最好有帶備雨傘。如此貼心，又加分呢。(後話:離開中心時幸好雨已停了，但見地上濕濕的，果真下過一場大雨啊)

見倒這裡有很多好評，難得同事好友齊人食餐飯，一行9人浩浩蕩蕩去食下。我點了帶子意大利飯，餐湯。另外同事叫了龍蝦汁海鮮意粉，羊架，香煎三文魚，豬鞍。餐湯係白松露忌廉湯，很香同事叫了沙拉而不要湯，也讚不錯。我的意大利飯太多汁，好似湯？帶子有強烈鹼水味，而且只有－隻，我覺得$92吃這樣質素的食物，是太貴了！最大件事係，我同事也叫了同款意大利飯，發現有－條鐵線在飯內！佢個set 就waive 左，我同另一個同事見倒都估係同一鍋煑出來，就停左手唔敢再食！其他同事對羊架評價ok, 海鮮意粉ok，螺肉拌烏冬ok, 三文魚和豬鞍就無味道。今次之後，我估班同事都未必會再去了。希望佢地以後小心－點。

今日適逢父親節其實book咗一間日本放題黎慶祝父親節，但係因為放題要分時段嘅關係爸爸又想早d食飯 所以放棄左放題 臨時揀左間德國菜首先由我男朋友發牌叫左我最愛既2樣餸菜就係德國鹹豬手，腸仔拼盤另外眼闊肚窄既我地叫左一客水牛城雞翼小食同埋多一客蒜片蟹肉天使麵男朋友叫左細既Stella 而我叫左peach boom boom 💥 係一款mocktail黎既不過好唔make sense既係邊有酒吧唔做happy hour 架 真係好貴食水好深講番食物先 豬手有火焰燃燒既效果 好eye catching Waiter 都好好咁叫我地拎定相機影相好好既呃like效果腸仔拼盤都好classic但冇左我最愛既芝心腸 有點失望旋片蟹肉天使麵方面，蒜片味超級重食完令到個口好臭總括黎講都ok既😙會有下次

豬手一直中意食, 不論係韓式, 鹵水, 德國豬手都好喜歡, 早排同2個豬手控的朋友一齊去觀塘一間叫February 的餐廳食豬手。地方係觀塘, 由港鐵站行過去大約要10分鐘, 地點都算方便, 建議由apm穿過去巧明街會快一點。到達餐廳, 裝修用上深色主色, 但有大量飾物配襯。最重要係睇下餐牌, 有2人及4人套餐, 我地3個人唯有叫4個人餐。餐廳做緊優惠, 4人餐特價$552, 真好平呀 ! 我地揀左以下 :精選沙律唔係一人一碟, 而係4人份量一大碟, 沙律菜新鮮, 配上黑醋, 味道清新。白松露忌廉野菌湯湯味濃, 易入口, 唔會太杰身, 食到有野菌粒。主菜二選一德國火焰咸豬手之前上網見到豬手係你面前點火, 好吸引, 果然職員奉上一隻燒得卜卜脆的豬手, 再係大家面前點火, 我地的相機當然不會放過, 不停影相, 影相後, 職員會替我地將豬手切件。豬手果然好味, 唔會太咸, 而且好嫩滑, 豬手皮卜卜脆, 令你停不了口。大家都大讚好正美式慢燒豬肋骨豬肋骨上枱時已經切開, 肉質好淋且入味, 但我覺得醬汁過濃, 豬肋骨配上薯角, 而且份量都不少呢牛肝菌汁意大利飯伴蒜香帶子食左豬手及豬肋骨都飽左6成,

父親節食飯，難得一家人唔再食圍餐，一於帶老豆去劈酒 Gathering 一番！是日餐湯，白松露野菌忌廉湯香濃白松露上檯已陣陣香味，口感都滑滑煙鴨胸田園沙律大大件厚切鴨胸配酸酸的黑醋是夏日開胃頭盤黑安格斯牛小排因為媽媽關係我們要七成熟，切開後又不覺太熟，中間位置正好六成熟合我要求嫩滑無比，入口即溶化，濃濃牛香豐潤而不膩，滋味無窮德國火焰咸豬手視覺及味覺同時獲得滿足，香脆熱辣佐酒同嚐一流香煎帶子牛肝菌意大利飯帶子爽甜香口龍蝦汁海鮮意大利飯龍蝦汁味香濃，意大利飯咬感煙韌欖油蒜片蟹肉天使麵沒什麼特別整體表現算可以甜點魅力無論在什麼情況下都難以抗拒香濃蒸餾咖啡印度燈飾設計座位寬敞舒適

係觀塘睇完個盤，就去醫肚。搵咗呢間西餐，個格調又好似唔錯！同埋都好大間下！你知啦，觀塘咁多餐廳，好壞參半，要搵間舒服有時都要撞下彩！先黎食個西餐。想不到都好大碟下。有好多新鮮既沙律菜之餘，仲有新鮮芒果，食起上黎夏日感更強。而且酸酸甜甜更加開胃。而蝦都好大隻下。數一數都有四五隻，都唔錯喎！咸豬手，唔知係唔係德國個隻，但個皮就勁脆！成隻上，都幾大隻下喎！原來仲有嘢玩，係要俾火燒佢一燒！咁食起上黎有點酒香，又好似幾得意喎。外層好脆又有酒香。內裡啲肉質都幾嫩，厚切，更滿足到食肉獸啦！松露磨菇意大利飯。都幾香松露同菇味。意大利飯唔會硬，食起上黎有晒個白汁既香滑。兩個人Share食就好，一個食會有點太滯！最後，當然係要食返個甜品！心太軟係我至愛。夠晒熱同流心。朱古力味再濃啲就更加好啦～～

招牌德國火焰鹹豬手四人套餐 $782主菜 德國火焰鹹豬手好食指數: 8/10抵食指數: 8/10睇餐牌 呢個餐用火焰做招倈😏究竟豬手點樣火焰法呢？上到枱 店員係燒好嘅豬手𣺉上brandy🍷再點火🔥 一來賣相已經贏哂 相機先食📸二來豬皮燒完後更加香脆影相後 店員仲好細心😮拎返入廚房斬件 食得好方便講返豬手味道 豬手肥瘦適中 皮脆肉嫩比一般主打德國菜餐還要做很岀色😋主菜 西西里大虎蝦蕃茄意粉好食指數: 8/10抵食指數: 8/10虎蝦超級巨型又厚肉😍番茄都香濃都不行整個意粉味道都好balanced仲有少少辣味 辣辣地咁好惹味😋

觀塘呢間西餐雖然位置唔算好方便，但環境唔錯，亦夠哂靜，好岩情侶呢。德國火焰鹹豬手豬手上枱先燒香，視覺效果滿分。皮脆卜卜，肉好嫩滑好香口，豬既骨膠原口感仲keep到。加上酸菜整體唔漏。香煎帶子牛肝菌意大利飯賣相好靚既risotto。不過醬汁略為收得唔夠杰，太水影響味道。飯亦唔夠煮得硬，無左意大利飯應有既口感。美式慢燒豬肋骨豬肋骨燒得好香口，醬汁甜膩惹味。肉亦好多好厚肉。

住在觀塘的朋友最近跟我們介紹了一家酒吧餐廳，貪食的我當然想找機會去試試，餐廳位於觀塘的新商場中海日升中心，這晚來到，餐廳位置不難找，這個商場稍靜，可能還新，店舖亦不多，人流也較少，但來到餐廳，已經快滿座了 ，相信口啤很不錯。 餐廳環境有情調也很舒服，店員細心介紹，服務周到。《招牌德國火焰鹹豬手四人套餐$882(六點前訂枱四人餐送紅酒或汽泡酒一支)》我們選了紅酒一支。易入口、不太酸、香醇。//沙律//煙鴨胸田園沙律煙燻味濃，配搭田園沙律的清新，酸酸甜甜帶些煙燻味，很開胃，讓人食慾大增。//湯//白松露忌廉野菌湯餐湯賣相簡單不花巧，入口好重松露同磨菇味，不會太奶油膩。//主菜//招牌德國火焰咸豬手店員會在客人面前將酒精倒在豬手上，然後點火，火焰豬手登場，幾特別的，之後就會幫我們切好，再端上桌，豬手皮好脆而不硬，很香口惹味，豬手肉一點不干，水份還在，肉質嫩而且入味，再配一點點芥末，更添美味。美國頂級黑安格斯牛小排我們選擇了5成的熟度，切開中間還帶些粉紅色，火喉剛好，而且肉質好嫩滑，一點不韌，高要求的朋友也大讚牛小排非常不錯，出奇的滿意。//意粉飯(四選二）//西西里大蜆蕃茄尖通粉帶一點小辣的

好耐冇約我個中同食飯，一於近近地喺觀塘聚一聚。香煎帶子牛肝菌意大利飯$152好香濃嘅芝士同牛肝菌味，意大利飯口感軟韌、飯粒熟透👍🏻好惹味！兩個人食啱啱好,唔會太漏。帶子大粒鮮甜，不過得一粒就少咗啲。😳美國安格斯牛扒（10安士）$202因為想食牛肉，所以就試吓。估唔到幾有驚喜！！牛扒好大塊，牛肉味濃；雖然比較薄身，我地叫咗五成熟，但真係整到！仲好有肉汁。伴菜有清甜紫薯蓉，配搭清新。+$32轉餐（配餐湯及熱飲一杯）餐湯充滿忌廉香味，好夠熱👍🏻黑松露薯條$62同朋友都好鐘意食薯條！都係忍唔住叫左😎薯條冇油益未👍🏻👍🏻好大碟😳配濃味既黑松露醬都幾特別，但可以再多d醬/倒係面就更美味🤔食咗咁多肥膩野，餐飲都係飲番杯熱檸水好啲！餐廳環境算靜，另一邊可以睇波同飲酒，好適合上班一族放工後喺度歇下腳飲杯野👍🏻

去觀塘接個朋友收工，佢順手帶我去食一間附近的餐廳。觀塘的工業大廈之中真係隱藏好多美食的，今次呢間叫做February的餐廳，名字都已經夠耐人尋味，內裏的裝修幾浪漫，適宜情侶來浪漫晚餐！叫咗個套餐，先來個帶子煙三文魚沙律，聽個名好似都係平時食開嗰啲沙律，但係上菜的時候都幾令人喜出望外，首先個帶子係有輕輕咁煎過，幾香，而且都幾大粒，三文魚亦都份量很多，而且唔係一片片的，佢幫你切成一條條，配合沙律菜一齊食，令到三文魚肉的size同菜可以配合，幾細心！之後上的龍蝦湯，亦都比我想像中精彩，餐廳毫不吝嗇，龍蝦湯都大大碗，裏面亦都好多蟹肉，十分鮮，龍蝦味好濃郁，湯的質感幾滑，但係又唔會太厚身，作為餐前湯唔會太滯，很好。蟹肉再次出現了！就係main course 橄欖蒜片蟹肉天使面。就咁看圖都見到又係大大碟好抵食，而且碟邊的裝飾幾有心思，令到一碟意粉的賣相加分。而且蟹肉的比例其實都幾高，令到我每一啖意粉都可以同時食到少少鮮甜的蟹肉，蒜香令到意粉的味道生色不少。呢碟好夠肉感的main 可以同時滿足晒你兩個願望，首先由厚身的黑毛豬鞍開始食起，想像中豬肉只能夠係平平無奇的一舊肉，但原來可以咁正，豬鞍肉的油脂