February

營業中

休息中

連續兩晚食西餐，尋日果餐好唔錯，令我對今晚都唔寄予厚望，點知一食落口，就發現我哋今晚食。好。西呀～先嚟一客芝士蒜蓉包~一份有6件嘅佢，芝士香濃又足料，完全係會令一個芝士控瘋狂~新奧爾良烚蝦好特別，表層香中帶辣，惹味非常。呢個慢煮豬肋骨，實在係唔講得笑咁好食!佢嘅肉質鬆軟之餘，更滿戴肉汁同烤醬，我估計就咁落街市買料都唔平，依度$188咁大份肉厚，性價比極為出色!好過出面出名嘅美式餐廳好多倍!必點!最後嚟一個龍蝦汁海鮮意大利飯，飯身較煙靭，但裏面藏咗好多、好多帶子+青口+蜆肉等等嘅食材，全部都肥嘟嘟唔係瘦弱，雖然已經飽咗，但都忍唔住食晒!

「法式白酒蒸煮煮藍青口」磨菇湯三包椒配青口，食落青口新鮮冇腥味但個湯原來仲出色，個磨菇湯底加入三包椒口感十足，大家都這個頭盤皆讚不絕口一人叫左一杯酒:Classic Lamborghini叫得林寶堅尼地 就係烈酒，飲落暖暖地，輕輕的醉了加上美食絕對是品味與逼 ...&Foxy Peach，清香果味令人難忘「芝士焗珍寶蠔」勁多芝士加白汁，陣陣生蠔香味四溢，食落隻蠔有手掌🖐️般大隻，非常好食，焗蠔新鮮大隻即使經過煮熟後都依然十分巨大而且鮮味十足！「諾曼海鮮天使麵」有齊大蝦、扇貝、蠔、蜆肉、上面曬上提子乾，白汁不會膩，是一道海鮮交集既天使麵February Dine•Wine•Coffe restaurant 食物味道非常正～推薦！！！

而家喺觀塘返工發現近年多左好多食肆進註呢度，無論工廈、商廈四圍都係食肆，但午飯時間食飯周圍都仍然要排隊，因為實在太多人喺呢頭番工啦。而一到夜晚，觀塘又變得清靜，變成另一個地方，因為個個收工都急急腳走，間中我都會選擇喺呢頭食埋飯先返屋企，享受下寧靜嘅觀塘，又可以避開放工時間成日塞車、塞人嘅慘況。今次揀左喺駿業街中海日升中心2樓嘅February，午市黎食過覺得環境幾舒服，價錢又合理，而且店員仲推介呢到嘅招牌菜德國火焰咸豬手，所以一於黎試下佢個晚餐。Menu有多款套餐可供選擇，比較過後，我地一行4人叫4人套餐最抵食。先黎蟹肉忌廉湯，勁多一粒粒蟹肉，口感非常creamy。主菜前先黎個新鮮水果青芥末沙律，蔬菜夠fresh，生果有青提子、火龍果、蘋果、士多啤梨等等，可以幫手開一開個胃口。咸豬手一上檯我地幾個就準備好相機，好似等明星出場咁。侍應一點火我地就影影影，個火得幾秒架咋，如果手腳慢啲都未必影到。呢度嘅侍應好好人，等我地影完相就幫我地攞番入去廚房幫我地切開，唔駛我地雞手鴨腳落手搞。火焰咸豬手要趁熱盡快食，層皮燒得夠香夠脆，肉質又夠腍，而且份量十足。牛小排件頭不會太大，切開尚見少許紅紅的，半生

說起德國菜，相信大家第一時間會想起啤酒與咸豬手，在觀塘原來都有高質素的德國咸豬手吃，所以今晚就帶爸媽一起來嚐嚐⋯位於觀塘中海日升中心的February環境寧靜又有情調，燈光暗暗的，坐位舒適，而且還有一個很大的酒吧枱，內裡放置各式各樣的酒類，啤酒、紅酒、白酒應有盡有，想放工跟同事或三五知己聊聊天，摸摸酒杯底，盡訴工作中的喜怒哀樂，來February絕對可以放鬆一下心情⋯晚餐除了單點食物外，還有二人餐及四人餐選擇，剛好我們一行四人，可以點這個招牌德國火熖咸豬手四人套餐$882+10%先來餐湯，是日餐湯是海鮮忌廉湯，湯碗都頗大，而且材料十足，有元貝、蜆肉等海鮮，忌廉湯的濃杰度剛剛好，不會水汪汪，也不會杰杰的令人覺得膩，讚﹗水果青芥末沙律分量同樣大大分的，除了新鮮的沙律菜外，還有新鮮切成粒粒的水果，有蜜瓜、蘋果、火龍果、士多啤梨，配以酸酸甜甜的沙律醋，口感爽脆又清新⋯主角火熖咸豬手登場了﹗非常巨大的一隻咸豬手，配以酸菜絲及紫薯蓉作配菜，可以減少豬手膩的感覺，店員點火後我們當然相機先食，大家興𡚒完之後店員收回豬手再幫忙切件，客人不用自己忙忙亂亂的去切豬手，因店員專業的刀法將豬手分件再送回給客人品

我幾鍾意，依類可以飲酒既地方，但又唔會有人係到玩，是可以飲酒吹下水的地方，雖然今日我唔係飲佢個任飲plan，不過2百蚊任飲，仲有幾隻酒，真係幾低今日黎食飯，所以散叫，不過都再飲下酒既，叫左一杯無酒精的rose，用左幾種梅，梅味真係好足又唔甜，而咁岩我又見到有林寶堅尼，難得地飲下，不過我估唔到乜都未食就飲左先，一口氣飲哂，員工們都唔敢散開，驚我即刻醉，哈哈，好彩都無失威之後就食野啦，一黎就芝士焗珍寶蠔，真係人頭咁大隻，但估唔到蠔的鮮味都仲保持到，之後又有水牛城雞翼同龍蝦汁海鮮意大利飯，個意大利飯真係好足料，滿足

餐廳有電視有bar檯，很岩同朋友飲酒傾計同睇波呀！意大利班馬火腿配蜜瓜作為頭盤十分清新開胃。班馬火腿脂肪分布平均，入口肉嫩沒有半點豬膻味。夾上清甜的蜜瓜絕對係perfect match 呀！龍蝦汁海鮮意大利飯非常足料，賣相亦10分吸引。意大利飯均勻地沾上龍蝦汁，每啖飯入口都能夠細嚐到蝦膏及龍蝦與海鮮的鮮味。海鮮的份量10分足料和豐富，有蜆肉、帶子、青口、蠔、扇貝、蝦，令人非常滿足！意大利飯軟硬度適中，只是比一般吃開的白米飯硬小小，很適合港人的口味。零一個主菜係西班牙黑毛豬安鞍配番茄，黑毛豬扒厚厚的，入口肉感滿滿非常有口感！黑毛豬比一般豬扒肉味濃郁，肉質鮮美香甜。配上輕烤過酸甜的蕃茄醬，能減少吃肉的飽膩感啊！

餐廳喺觀塘工業區，不過由APM行過去都係幾分鐘，地點都算方便。位處工業區嘅餐廳主要係做午巿，夜晚少人係必然嘅，但今晚係平日夜晚，都有差不多7成客人，都相當不錯。除咗嚟食晚飯嘅客，放工嚟同同事飲返兩杯嘅亦都唔少。兩人叫咗一set【精選四款二人套餐】有齊沙律、湯、主菜、意粉/飯同甜品，唔駛點諗～睇餐牌原來六點前訂枱送兩杯紅酒，可惜我哋係walk-in，不過都有餐飲～【新鮮水果青芥末沙律】大大碟沙律菜再加勁多水果，有蜜瓜、香蕉、士多啤梨、火龍果。清新鮮甜，既開胃又健康。不過芥末醬味道太溫和食唔出芥末味道。【牛肝菌忌廉湯】有少少牛肝菌粒，味道唔算突出，普普通通。【香煎三文魚柳拼醬燒雞脾扒】好大份嘅主菜，兩件醬燒雞脾扒都有手掌咁大，而且都幾厚。三文魚柳都係厚切嘅。醬燒雞脾扒醬汁係濃濃嘅甜，肉質極嫩滑而且夠 juicy。三文魚柳下面係粒粒爽口青瓜，同魚柳一齊食又幾清新。配菜係沙律菜唔係薯角，減低膩感。【欖油蒜片蟹肉天使麵】天使麵食落有少少煙靭。用欖油蒜片整食落幾香口。蟹肉唔算太多但食到係新鮮蟹肉味，不錯。【二月甜品精選拼盤】甜品有啲驚喜，兩件精緻嘅cake加兩粒雪米糍，不過擺碟就平淡啲。雪米糍係香

突發奇想，這家餐廳如果開分店，會繼續沿用店名February，抑或改為March呢？哈哈！餐廳所在位置離地鐵站比較遠，一貫酒吧的格局，燈光幽暗，設有吧台，天花懸掛幾盞異國風情的燈飾，頗有格調。餐牌有二人或多人套餐選擇，還有意粉、排類等等。⭐️白松露忌廉野菌湯$32跟餐配餐湯和飲品。忌廉湯入口幼滑香醇，不錯。⭐️香煎帶子牛肝菌意大利飯$152這道意大利飯沒有令我失望，米飯已經熟透，吸滿湯汁，濃稠綿糯，吃起軟硬適中，帶子軟綿鮮甜，伴以牛油果粒和牛肝菌，吃起來特別滋味呢！⭐️西班牙黑毛豬鞍架配番茄菠蘿沙沙$182黑毛豬鞍架醃過再微微一煎，也不掩肉香，入口嫩滑無比，加上番茄菠蘿莎莎調味，更添風味！此外伴菜薯泥也相當不錯，香甜可口，解膩佳品喔！⭐️stella artois 500ml$82泡沫細緻，入口清爽帶甘。⭐️熱檸水▫️平日晚上人流較少，用餐環境不俗，適合與友人慢慢享用美食。

早幾日約咗朋友行街準備情人節禮物，響book位app見到間餐廳幾特別於是拉咗朋友嚟試下位置有小小難搵，大廈本身響APM後，要行入小巷經過AXA大樓先到，再上兩條扶手電梯，都搵咗一陣下午茶時間餐廳完全無人，好似包場咁店內全部係我最鐘意嘅彩色玻璃燈，總係覺得有呢啲燈嘅地方好神秘同會有啲意想唔到嘅事發生。店內嘅裝修都好vintage 朋友剛食完lunch，於是我哋決定叫啲小食，朋友係松露控，我哋叫咗一份黑松露薯條同白松露忌廉湯，加多份水牛城雞翼，飲品就揀咗焦糖latte同pina colada，啱曬想一早就飲番啲酒精嘅朋友可能因為店內無其他客人，小食叫咗30分鐘先到黑松露薯條剛炸起脆卜卜，松露味道比較淡，不太食出松露味，只有當成普通薯條食。相反白松露忌廉湯味道好出，飲落係有啲碎菌，有啲咬口，好想加塊多士，最後我哋用薯條點湯食連之後打嗝都有陣松露味水牛城雞翼不過不失，多汁但不太辣，十分抵食最驚喜係latte可以揀焦糖或雲尼拿口味，老闆好隨性，話部機整到㗎，呢個係menu冇㗎，鐘意latte嘅朋友下次可以試下叫下次約番幾個朋友再試個主食賣相 5/5口感 5/5味道 4/5番食率 5/5

兩年前吃過，那次的火焰咸豬手真的十分搶眼又惹火。今晚再去，感覺豬手縮小了，而且那店員沒有笑容，不停只機械式問我們"要唔要影相",很不耐煩似的。點了火後，那"星星之火" her一聲便燒完! 我和家人在驚嘆那火快速燒完的同時，另一個侍應在我耳邊說，係呀，只燒一陣㗎喳。天氣寒冷，問他們要熱水，問一次他們只給一杯，我們四人，也有叫兩個餐，也吃了不少，只是想喝熱水卻好像在騙取他們般。雞翼天使面雞翼很軟，但裡面沒味道。感覺很不爽，說真的，觀塘區不是沒有更好的西餐選擇，近年也不考慮再來。

呢家既餐廳名字多數吾會太過突出，因為始終一間餐廳既名吾似餐廳入面既環境/ 餐牌咁易轉。我個人覺得February做餐廳名真系幾特別，或許系老闆同二月呢個月份有淵源？最近我男朋友既媽咪成日買團購比我地食，於是有時可以比少許既金錢就能大飽口福，得知系食February既時候，我第一時間系：我聽過呀😆 因為有時伯母買比我地既團購既餐廳系比較冷門既，而今次呢間系我之前睇過openrice已經想試。餐廳既環境比我想像中細，原本睇啲人系openrice既相仲以為系好大既地方，但事實並吾系。我真系好中意佢既環境，雖然細細地咁，但裝飾系幾靚同埋睇得出系擺左心思落去，上面有一盞盞有啲懷舊既吊燈，餐廳同時亦有bar枱範圍比人飲酒吹下水。散叫價錢都幾貴😨由於我哋今次食嘅團購，所以就唔使特登睇餐牌了，不過嘢食黎嘅速度就唔係十分快，但食到咁好味既野我覺得等耐啲系ok。先簡單介紹一下，呢一餐係有蟹肉忌廉湯、德國火焰鹹豬手、欖肉蒜片蟹肉天使麵同埋跟餐送嘅甜品。原本湯係我食西餐嘅環節當中，我係唔會十分期待，因為湯畢竟都始終都係湯，硬係覺得冇乜特別，但呢個蟹肉忌廉湯令我呢樣價值觀改變。佢嘅蟹肉忌廉湯加左少量蕃茄，雖然我

阿妹生日晚餐，之前見團購介紹，好似好正，不過没有想像中咁吸引，火焰豬手最為出色， 因為團購係四人餐，我哋五個人去，所以店員要我哋加一個主菜，結果加左個西冷牛排，2百蚊左石， 這件牛扒很簿，冇鲜味，比其他食物遜色，香煎帶子意大利飯，味濃飯軟硬適中，欖油蒜片蟹肉天使麵略為乾身，賣相好似一碟炒米粉，甜品略為寒酸，四人餐得一件cake，糯米糍就有五粒， 不過糯米糍沒有特別，同便利店買的一樣，總括食物一般，服務都OK，試一次就好！

終於約齊朋友試火焰咸豬手先淋上烈酒，點火一刻(好震撼)，影相要快~火好快熄左(我未同豬手影合照呀~)外層皮用火燒過，豬皮更加香脆肉質鲜嫩，好惹味影完相~店員會將豬手切件(貼心位)餐湯好香松露味(忌廉湯好濃郁)沙律水果蔬菜新鲜(配芥末汁，令沙律更鲜味)安格斯牛排大大件配菜有紫薯蓉(好sweet)5成熟肉質好鲜嫩(肉汁滿滿)令人回味蒜片蟹肉天使麵麵質有彈牙口感，蒜片令天使麵好香口，滿佈蟹肉絲(好惹味)龍蝦汁海鲜意大利飯龍蝦汁味道濃郁(惹味)，無奈汁太多，令意大利飯浸得太軟身(失意大利飯口感)青口，蝦好新鮮(鲜甜)預早book 枱(送红酒/白酒一支)只供堂飲~酒精含量低，易入口4人餐$882~+1O%服務費亮點位(火焰豬手)令人回味位(火焰豬手，安格斯牛小排)環境好靚，座位寬，坐得舒服

二月·February 位於觀塘商場裡面，人流不算多，地鐵站行過去都要十分鐘左右餐廳座位不算多，要提早訂位比較好未決定主菜前，先叫一客薯角醫肚，有啲失望嘅，72蚊份量一般，芝士不算多，辣粉又唔夠，大家可以不用點食完薯角決定叫個二人餐，因為想食豬手，叫二人餐就比較化算，582蚊有餐湯，沙律，豬手，意粉，甜品，餐飲，另外有預先訂位的朋友，凡惠顧二人餐都會送兩杯紅酒今日飲洋蔥湯，“結“身，足料洋蔥，味道都合格紅酒兩杯免費贈送沙律醬係青芥末醬，對於我不中意芥末的人來講，醬汁係可以接受，菜同水果都新鮮食完薯角，沙律，飲完湯，其實都飽左6成終於上豬手，上碟後會淋上酒，點火，影相呃like一流一路燒，豬手的香味即刻撲鼻而來之後侍應會收起切件再上枱，豬皮非常脆，肉又夠冧，好食，牛仔腸就不太特別，重點豬手意粉欖油蒜片加蟹肉，依個混搭好難不好食，非常香口甜品三款，芝士餅，奶凍，雪米磁，貌相簡單，味道一般，無太大驚喜整個餐，量好多，4個女仔應該就可以食得完（不包薯角），事後都好後悔多點薯角，我兩個人食，食淨好多需要打包😂😂

星期一中午，我地一行七人到呢間February 食lunch, 為著黑毛豬鞍而來🐷🐽⋯⋯（友人推薦）😌😋🤤我地叫咗七個餐，餐牌基本上每個set都過百，黑毛豬就叫咗三個。先講餐湯，黑松露忌廉湯🍵，足料唔錯。黑醋沙拉都okay🥗西班牙黑毛豬鞍架$142: 份量同價錢成正比，夠大件，但就比想像中無咁好，只係做到黑毛豬唔鞋，但keep 唔到黑毛豬的幼嫰口感同juice 感覺，其中幾口食到梳打粉味道，無咗黑毛豬每本的原味，可以再改善。法式芥末芝士焗羊架$162（3件）：我本身唔食羊，無試，但眼見友人食得津津有味，應該不錯。欖油蒜片蟹肉炒天使麵$102:呢個夠晒味，份量大，天使麵爽身，每條麵都有欖油蒜片香味，略蟹肉少了一點。芝士焗雞扒$112:呢塊只可説是一塊跟茶餐廳內的焗雞扒一樣，沒特別，談不到$112這個價呢🤦🏻‍♀️🤦🏻‍♀️最後精美甜品竟然係：細粒裝嘅雪糕糯米滋⋯真的欠缺了誠意啊🙈😂