February

營業中

休息中

老友係觀塘收工，我地約左傾佢婚禮嘅安排，用OPENRICE APP搵到呢間 February 可以訂座，睇食評覺得環境都幾舒適，所以我地用OPENRICE APP直接訂左19:00先到先等。February 位於觀塘工業區中海日升中心2樓，都幾近地鐵站，我未到7點已經到餐廳，客人仲未係好多，餐廳裝修以木色為主，馬賽克吊燈配合柔和燈光，氣氛都幾有情調。😄晚市有二人套餐，價錢由$482起，份量都好多，不過因為老友唔太喜歡食豬肉，而且我地都唔係好肚餓，所以最後我地點左兩個主菜另加飲品Share食。美國頂級黑安格斯牛小排 (10oz) $228呢份牛小排非常有驚喜，熟度剛剛好，肉質軟腍多汁，而且肉味好濃，油脂都好豐富，我地兩個人share都相當滿足，另外配菜嘅薯仔沙律混入了少少芥末調味，味道好清新。👍香煎帶子牛肝菌意大利飯 $158帶子好厚身，外層煎得好香，而且唔會過熟，口感彈牙，牛肝菌意大利飯加入左翠肉瓜粒提升口感，味道非常唔錯。😋飲品我點左焦糖牛奶咖啡，唔會太甜，焦糖味好突出，唔飲熱飲嘅老友就點左可樂，我地用餐後係餐廳慢慢傾，侍應都好細心不停幫我地加水，埋單每位只係$242，價錢合理，下次

February – 位於觀塘中海日升中心，由於身處工業區，閒時traffic不多，成功與否，全靠品牌自身的努力。定位中低價西餐 ，target mass market ，晚市套餐人均二百多元，食物份量亦頗大。白松露忌廉野菌湯 ($48): 忌廉份量適中，使其夠creamy之餘亦不會太膩，野菌味突出，還有大量菌粒，蠻好飲。唯一是餐具不及唯美。德國火焰咸豬手配酸菜及薯仔沙律 ($298): 所謂火焰，其實是原隻豬手上檯時，店員會隨即淋酒點火，帶來視覺享受，及後餐廳會協助切件。豬手頗具份量，足夠3-4人享用。其皮脆，但皮下連著芳香的脂肪，既香脆又有油香，而肉質卻是一絲絲的滑嫩，微有咸香。所配的芥末醬偏香甜，使豬手更為惹味。欖油蒜片蟹肉天使麵 ($158): 經爆香的蒜片使整碟麵更加香口惹味，此亦含大量蟹肉，味鮮而帶微咸香及欖油味。

今日約左個外國讀書既朋友食飯原本一盡地主之誼既我打算帶佢食港式野食不過佢就竟然話想食西餐咁我就一於陪佢食西餐我地去到中海日升呢邊睇到有咩岩食就見到地下有好多唔同店既廣告我就被呢間吸引住又有得暢飲而且食物又好似都唔錯 我地就叫左兩個主菜加一個小食好鐘意食雞翼既我就當然叫雞翼食一黎就係小食了 水牛城雞翼味道辣辣地又帶一點點甜味同酸味好開胃就好惹味辣到適中就算唔食得辣既朋友如果食到呢個雞翼都會忍唔到口而且都有好多隻真係岩哂我呢d食肉獸  美式慢燒豬肋骨其實我一直唔太鍾意西餐食豬肋骨 因為好麻煩 用刀叉又唔係用手食又唔係不過朋友想食唯有一齊食啦點知呢個慢燒豬肋骨好有驚喜 用刀輕輕一切落去 唔使點用力啲肉同骨就分開哂 之後叉起嚟食啖啖肉可能因為慢燒 肉質好細嫰 特別係近骨既部位 結實得嚟又腍肉完全熟哂 但又有半生熟個種嫰滑口感 真係要比個LIKE佢個醬汁酸酸甜甜 中和左豬肋骨本身既肥膩 所以份量好多但食落都唔會覺得滯 欖油蒜片蟹肉天使麵天使麵煮得好好 一條條好分明唔會黏住 食落每條都好滑口好彈牙蟹肉好足料 雖然只係白煮 但配埋欖油同蒜既香味都好夠味 甚至反而因為咁每舊都好鮮甜好有咬口不過成個麵比

一坐底叫左三杯飲品Hoegaarden 比利時麥啤 麥味香濃Suntory Premium Malt’s 日本生啤 口感交談Mocktail February (梨、橙、cream、爆炸糖) 唔飲酒都可以試吓新野經過店員推介，今次全部都叫晒海鮮，估唔到啤酒配海鮮係係咁夾，以前都只係識得叫啲炸嘢香口食物，例如炸雞或者雞泡魚干送啤酒。估唔到咁樣變一變，可以開發到味雷。叫左個「芝士焗新鮮珍寶蠔」每隻蠔個size都重大過我塊面，非常之厚肉，啲肉多個打邊爐啲筒蠔，而且仲要係新鮮嘅，非常之鮮味。法式白酒汁煮藍青口，白酒、三色燈籠椒、洋蔥。藍青口唔會太大隻，係啱啱最鮮嫩個大細，份量都幾多。龍蝦汁意大利飯，食落先知，係落得咁足料，有數唔清咁多粒帶子仔，四隻蝦，仲有啲藍青口同埋扇貝，今晚食得好飽肚，下次會再嚟感受埋個德國鹹豬手。

放工後同事提議到附近的酒吧餐廳消遣，於是到了觀塘工厦內的February。餐廳內播着足球比賽，又配有強勁的音樂，辛勞工作後也可放鬆一下心情。先點法式白酒蒸煮藍青口，白汁襯以淡淡的白酒香，配料有青紅椒和洋蔥粒。而青口味道不會過鹹，友人吃光青口後更大口大口喝汁底，可見相當美味。主菜則點了美國安格斯肉眼扒，牛扒非常大塊，但則比較薄身，調味恰當能把肉汁的鮮甜味帶出來。最後友人點了龍蝦汁海鮮意大利飯，根據店員所說此飯是即點即煮，所以等候時間比較久，但味道上絕對值得這等待時間。香濃的龍蝦汁剛好覆蓋著意大利飯，而飯粒煮至恰當好處。友人最欣賞是廚師預先將蝦殼除掉，進食時更加方便。

觀塘愈來愈多野食，已經唔係第一次係中海日升中心食野。上次見到有間西餐廳加洒吧的格局既德國菜，仲主打飲野睇英超，好岩我個肥仔，同埋一班仔仔係到睇波慢慢坐。店內燈光幾柔和RELAX，BAR台擺滿酒樽，好似咩酒都有得飲咁。BAR台個電視真係踢緊波架!水牛城雞翼$88(8pcs)雞翼size 肥大，味道香辣，而且加左茄汁甜甜酸酸咁，好開胃。美國安格斯肉眼扒配香辣薯角(10oz) $198因為係10oZ既關係，所以比較薄身，但係有七成熟的牛扒好嫩滑，咬落去鬆軟，牛肉味幾重香草柏士圖蟹子蟹粉大蝦炒意粉$158大蝦有五至六隻左右，最讚係意粉炒得好爽口，幾重蒜味，有少少蟹子和蟹粉味道意粉幾夾。OVERALL，成晚男仔都排住睇波，好在我都會睇足球! 唔係好嘈，下次睇波可以再黎！

今次黎到一間氣氛唔錯既西餐廳，燈光同座位都幾舒服。位置都唔算遠，出左地鐵十五分鐘左右就到。小妹今次就叫左一個精選四款二人套餐。（$482）新鮮水果青芥未沙津青芬未味唔錯太重，水果都幾足料。少少甜味配埋啲菜幾特別。西式濃湯 （龍蝦湯）海鮮味幾香，唔會太淡。配埋肉絲感覺幾適合食正之前飲。香煎三文魚柳拼醬燒雞脾扒魚同雞都煮得唔錯，入面都幾juicy，唔會太乾。不過魚柳既皮再煎脆少少會啱小妹口味多啲。醬汁有少少酸味，配埋甜味既紫薯球幾特別。意大利肉丸伴尖通粉有大大粒既肉丸，肉丸亦都煮得唔錯，味道幾好。醬汁既微酸甜同少通粉幾夾，口感都幾特別。甜品甜品精選拼盤 （糯米糍加焦糖布甸）甜品係唔定既。味道唔會太甜或者太淡，中規中距。整體份量都幾多，小妹同友人都食得好飽。不過可能小妹喺晚餐時間黎，待應都有啲忙，service可能要耐心等等先得。

今日叫咗阿媽出嚟接我收工，而我就請佢食番餐!因為之前下晝經過February ，覺得個環境幾正，所以一直都心思思想試下佢地個晚餐因為想孝順下，所以叫咩食咩都交比阿媽話事~佢鍾意食帶子，所以叫咗個香煎帶子做頭盤。帶子大大粒，煎得好香口但一啲都唔油膩，每粒帶子上面都有啲芥末醬，食落好match！值得推薦！之後main course有慢燒豬肋骨，有兩大塊，應該係2-3人份量豬肋排煮得好淋，口感好好，唔會咬到牙軟。而最特別係有一個黃薯同一紫薯球，配搭有特色之餘亦好好味！最後仲叫咗一個海鮮意大利飯，個飯好足料好多海鮮，配龍蝦汁，一句講晒：好好食！估唔到觀塘都有依個質素嘅bar & restaurant, 值得再帶其他朋友encore!

唔經唔覺又到 3月尾 阿囡又到測驗週 溫左成個星期書，一測完驗，當然要帶佢去食番餐慶祝下 這間位於官塘海日昇中心2樓的餐廳，地理上係有少少偏 要先入商場，再乘扶手電梯先到 (搭LIFT 係去唔到架) 因為係吧，所以燈光都比較暗 掛上了好多富民族色彩的燈~ 基本上以四人枱為主 另一邊有個角落可以坐一家大細好多人 (有人用餐中，唔好意思影) 呢度仲有得睇波同任飲惠優 HKD 120/位 仲有特價小食 當然，仲有唔使煩的SET DINNER (2人套餐) 2人餐都幾經豐 有沙律/湯/主菜/意粉/飲品/甜品拼盤 一家3口，叫左個2人套餐 先來個是日餐場，磨菇湯 湯比較稀，入面都有唔少菇粒 不過味道非常濃，似乎重手左~ 呢個鮮雜果蔬菜沙律正呀 賣相已經好吸精~明顯係落過心機架~ 入面除左有菜外，仲有蜜瓜，桃，粟米，提子，而且生果仲好新鮮~ 啱哂唔食菜的女女，佢揀哂D生果黎食~@@ 沙律醬應該係餐廳自己較過，味道偏淡，而且份量又唔太多 未能做到調味的作用。 黎啦黎啦~ 呢個就係晚餐D既德國火焰咸豬手拼德國腸~ 我見枱枱都有點架~ 待應會係你面前淋上一杯野(我估係酒黎) 跟住點火，就

二月通常都會比較忙，因為二月大多數都會過年，同埋情人節都係呢個月份，所以二月會過得好快，餐廳名字「FEBRUARY」，唔知二月對店主有咩特別意義呢餐廳用上的燈好有復古氣息，亦增添一份浪漫感原來呢度有英超西甲直播，一大班黎睇波的話就岩晒，因為呢度有任飲啤酒同三款紅酒，男仕$220而女仕就$120，四人以上仲有小食送，都真係幾抵餐飲及餐湯 ($32)主菜加$32就可以轉套餐，會跟餐湯或沙律，另外再加多一杯飲品西班牙黑毛豬鞍架配蕃茄菠蘿沙沙 ($182)今次係為左菠蘿沙沙而叫的，呢個配菜好特別，第一次見到，蕃茄醬用上新鮮蕃茄做成，西班牙黑毛豬鞍肉質唔鞋，通常豬咁厚都好容易會韌，但呢舊完全無呢個問題，高水準之作牛肝菌汁意大利飯伴香蒜帶子 ($152)意大利飯滲出濃濃牛肝菌味道，飯的質感岩岩好，帶子煎成半熟狀態，保持入面嫩嫩的感覺藍莓芝士餅 ($52)原來係用上藍莓汁而唔係芝士餅入面有藍莓，芝士餅芝士味都幾突出，如果入面有藍莓就更好啦

觀塘愈開愈多高質既小店，當然要瓹竉瓹罅周圍搵食，近排餐廳推出左個紅酒啤酒任飲，仲有小食跟埋都好吸引，不過今次我地係俾個火焰燒豬手吸引黎既。餐廳佔據左小商場一上電梯就見到既位置，暗暗地既環境好有情調，好岩三五知己坐底傾下計飲下酒，當然唔少得個酒吧位放滿左唔同既酒類喇。裝飾都花左唔少心機，好似座位則邊放左唔少飲完既酒樽做裝飾，另外頭頂既天花燈用上左馬賽克既圖案，感覺好歐洲風味。是日既餐湯係牛肝菌湯，送埋黎聞到陣陣既香味，湯品唔算好杰身，入面有粒粒既菇類同埋面頭灑上左香草。之後就上左沙律，淋上左青青既沙律牆，有唔少既沙律菜都幾新鮮，旁邊灑上左栗米同埋有青瓜蕃茄仔一齊食。最吸引一定係呢個《德國火焰咸豬手》($298)，豬手原隻上再用火即場燒真係超吸引，絕對俾時間大家相機食先，燒完之後先拎入去切，成道菜夠哂表演性，燒完之後食落皮脆肉嫩。再叫左個二人餐《西班牙黑毛豬鞍架拼法式芥末羊架》($582)，黑毛豬鞍真係勁大塊霸哂個碟咁濟，仲係勁厚切食勁厚身，食落真係啖啖肉又唔韌有肉汁。另外羊架件上左芝士係面一齊焗，芝士味唔算太突出，但係羊果陣羶味都幾濃岩哂我，而且入面仲係嫩紅色食落又唔難咬。好特別咁配上左

聽朋友講呢度德國豬手識噴火，而且好好食，原來德國腸都好好食啊，皮脆內軟，好濃肉味又唔會死鹹。還有紫薯蓉比你搭配，加埋一起食，好正。另外一個味道。另還有個主菜，素食人都食到，就係黑鬆露大菇意大利飯。一上臺就聞到好正黑松露香，軟滑後切菇片連飯一起入口，cream香交疊黑松露。正呀~不過個人覺得可以再煮耐多兩分鐘，收下醬汁。咁就更加creamy啦。呢度有波睇，還有3小啊任飲happy hours~服務好，裝修又夠格調。good！

一行二人又走黎觀塘呢邊搵野食啦，地鐵站行過嚟無幾耐就到既中海日升中心，近來真係開左好多新食店。行搵咁多間見到二樓 February 裝修幾有特色又多客，所以及引左入黎。可能因為呢度推廣緊三個半小時啤酒任飲，男$220、女$120。入到黎聽到啲好正同柔和既音樂，坐位梭落，燈光柔和，好岩傾計飲野。最鍾意就係呢個火焰德國鹹豬手，簡直回味無窮，夠晒正宗，再配埋酸菜一流，諗起都流晒口水。一次好開心既相聚，下次再嚟會任飲啤酒🍻。

今晚約了朋友在APM睇戲，朋友帶路去了觀塘駿業街食肆， 正好可以來過輕食。正直放工時候人潮陸續湧往地鐵站， 而我們卻往工業區逆流而上。 這食肆不是設於工廠大廈，而在一個小型商場，扶手電梯上便到了。西餐廳+洒吧的格局， 店內燈光柔和， 裝飾擺滿酒樽， 不其然就讓人想飲幾杯happy hour 放鬆一下。Mango Freeze 先來一杯 Mocktail refresh一下。感覺似沙冰混合芒果汁和橙汁。味道很清新。 沙冰唔易溶， 結尾都keep到味道。香煎鮮帶子煎得剛剛好， 叫得做鮮帶子， 完全冇雪味， 好鮮甜， 外皮微微煎香，肉質鮮嫩。 中間的沙律菜也不錯，黑醋汁酸酸甜甜， 好清新開胃的頭盤。 黑松露薯條新鮮炸起的粗薯條熱辣辣， 配上茄汁黑松露沙律醬， 非常惹味。 雖然是小食但分量大得驚人， 我們由頭吃到尾都吃不完。 讚一點吃完 都幾熱氣的薯條，喉嚨沒有好痕好乾。烤大啡菇蘑菇湯先看份量之大，可以用一個盤來形容! 蘑菇湯充滿碎蘑菇， 香濃幼滑， 啖啖充滿蘑菇香味又不會過鹹。 嫌蘑菇不夠， 仲有隻燒烤大啡菇放上面， 啱曬我這個蘑菇控。 成盤飲曬!香草伯士圖蟹籽蟹粉大蝦炒扁意粉意粉炒得很乾

今天我約了哥哥在觀塘吃晚飯。來得觀塘，就必定要到一些大廈覓食。我們想到一些酒吧餐廳，因為可以飲下酒，坐耐一會兒。觀塘中海日升中心美食臨立，在樓下看見February的廣告感覺食物質素不錯，便上去一試。今天人都算多，原來有是英超足球賽。不少足球發燒友都穿着球衣和朋友三五知己一起在這裏享受美酒佳餚。這裏的招牌菜式就是火焰德國豬手，看見旁邊的食客都吃得津津有味。豬手着了火讓外皮變得更香脆。不過我和哥哥害怕二人吃不完，所以沒有點了。我們每人分別點一個扒套餐。套餐加＄44可以享用沙律，餐湯和飲品。餐湯是日餐湯是黑松露忌廉蘑菇湯，有淡淡的黑松露香味，加上忌廉香滑，更有一粒粒蘑菇口感，飲落口很暖胃，很滿足。新鮮沙律這個套餐的沙律份量都算多，材料有新鮮蔬菜，火龍果，蘋果，小番茄，青瓜等等。爽口的蘋果加上黑醋汁，更添酸酸甜甜口味，開胃得很。美國安格斯肉眼扒＄202這塊牛扒有十安士，我們點了7成熟。牛味香濃，牛扒帶有嚼勁，味道不錯，不過牛扒略薄。旁邊更有不少配菜，薯蓉香滑，它帶有些少酸，而且有啖啖薯仔粒，口感豐富。西班牙黑毛豬鞍架配番茄菠蘿沙沙 ＄182黑毛豬肉頗有肉汁，香煎過後肉味更出。把它切開，清楚看