Espuma (H8) (已易手) 新餐廳

某夜難得有幸與幾位食友見面地點梗係要揀間食店架啦XDD我地今次飯局就選址係最近新開係Instagram風頭不小既Espuma進行究竟一間小小既西班牙風Cafe……點解可以令我地IG日日俾人洗版呢？環境幾闊落，我地幾個人都有少少鬆動空間坐得舒服，難怪Last Order之後我地同隔離枱都坐係度唔肯走XDD一出𨋢已經可以由大大玻璃窗望到成個裝潢燈光夠猛但又唔會刺眼，可以睇得清楚影得清楚真心讚（微夜盲TapasTruffle Fries黑松露菌薯條是冇得輸的XDDDD黑松露香味非常濃郁配上菇菌既獨有香味，更上一層樓咀嚼之間，發現原來仲有點肉碎肉碎既肉香同質感反而形成左對比，有嚼勁又不油膩整體食材及味道配搭不錯:^0唯薯條夠香，但稍為軟化了，未夠脆口（也許是我們拍照拍太久導致薯條被濕氣影響？Jamon and Spinach Tortilla賣相……還好吧，說實話冇外面tapas bar用鑄鐵平鍋上咁熱辣吸引不過一切係要取決於味道既:^)表面呈金黃色，帶有淡淡焦香一切開可見有不少餡料，是不吝嗇的Spinach打得夠碎，加上有蛋香坐陣，冇咩青味苦味火腿鹹香可口，脂肪不多，沒有油膩既感覺薯仔切片後

難得男朋友有心機搵新餐廳帶我試，原全冇伏 🏠🏠餐廳環境一入到去餐廳裝修好有特色，全部都襯過晒少有地係尖沙咀區唔會逼，D位好闊落 🍴🍴食物質素全部都好有水準，唔係單單冇伏既水評價錢仲平過晒d連鎖西餐廳，起碼廚師都叫做有心機煮😋😋總結 其實性價比真係超值，可能新開所以未算人多 好希望佢可以好好地keep住有水準又抵食。絕對睇好佢會大排長龍，但排隊食我就冇心機啦，好矛盾添🙇🙇🙇

暑假同朋友冇野做，就去左尖沙嘴行下搵下野食。本身諗住食sugarland但朋友被h8 2樓既燈吸引住，就本住試下吾會小忽肉既心態去試下。去到先知原來佢地岩岩新店開張。整體黎講，我同我既朋友都好滿意。我地叫左幾個甜品，做得非常出色！一定要試！好鍾意尼度既西班牙油炸鬼，比起出面食到既，尼度比較脆口，自己好鍾意，但朋友就比較鍾意出面果啲。另外重點左半份waffle，亦都系我十分推介！女孩子一定喜愛尼個心形waffle，影得又食得。飲品方面，待應非常推介尼度既咖啡，所以試左佢地既mocha，吾會話太甜，幾鍾意。不過佢尼度好多其他特色飲品，下次黎一定要試下其他野。系度坐左幾個鍾，其間有員工黎問我地意見，覺得佢地好有誠意去進步。

認真 , 唔係甜品FANS既我 , 平時好少好少好少會叫甜品。不過, CREME BRULEE 焦糖燉蛋可以話係例外 , 因為唔會只係得個「甜」字。而今次試左呢款EARL GREY CREME BRULEE 真係有驚喜,鍾意飲茶既您可能會食到茶香 , 加上蛋香同焦糖香, 呢個組合真係出面少有。配番杯西班牙ESPRESSO做下午茶, 咖啡味比一般出面既意大利ESPRESSO 較濃較甘, 比較啱我口味

開張的第2天，人不是太多傾計一流呀，服務態度超讚耶侍應會為你介紹有什麼推介，也會建議你waffle叫半份1個人去工作..功課都不錯👍先來西班牙奄列👍👍👍，說是由3隻蛋加薯仔再加洋蔥火腿做的，毫不油膩，值得一試水果茶可選烏龍/綠茶，味道淡淡的Crazy for xxx..only on Mon and Fri👍👍每天也要一款推介啦，這裡半份，外脆內軟-好食只是雪糕份量能多dd朱古力醬不要太杰再半份吧，真的太硬啦有待改良，或許我期待是那QQ口感吧待應有問：食物如何嘛？👍想意見，精益求精，I will be back😏🍴

今天去厚福街, 係街度看見H8 2樓有一間餐廳叫Espuma, 於是上去看看.  新裝修環境唔錯, 空間也較大. 點了個黑松露薯條(Starter),  西班牙海鮮炒飯, 西班牙Pizza同一杯水果茶Share.等的時間不多就上了菜.  黑松露薯條非常好食及入味, 比其他街外薯條野味得多. 海鮮炒飯的蝦都幾新鮮, 份量不錯.  薄底Pizza四塊夠食.  水果茶不太甜. 食完再點了半份雪糕Waffle, 脆脆地都幾好食!  總括而然, 值得推介再來多次!

位於厚福街的Espuma主打甜品，並帶來了多款的西班牙美食及高質素咖啡。食物賣相精美、味道一流，而且性價比高，誓必成為大熱新食店！Espuma店中的裝潢帶點西班牙風情：馬賽克地磚、七彩幾何的窗花圖案、黑白磚牆、雲石水吧配上碟形吊燈等，把巴塞羅那的地道感覺帶給食客，盡顯店方的心思。店中空間寛敞舒適氣氛浪漫，約會或大伙人聚餐也很合適。店方獨家引進了西班牙歷史悠久的品牌 - Novell的咖啡。作為主打，更專乘請到了西班牙的冠軍咖啡師在店中坐鎮，為食客沖調出最佳水準的咖啡。是次我們便試了一杯Latte及Irish Coffee。這位冠軍咖啡師果然在短時間便繪出了精美的拉花，為咖啡生色不少。Latte的奶泡打得香滑，牛奶與咖啡完美地平衡，乳香的味道不會蓋過咖啡，是功力的表現。($36) 愛爾蘭咖啡Irish Coffee下層的威士忌、中間的濃縮咖啡及上層的忌廉層次分明，喝起來時咖啡與威士忌的碰撞刺激著味蕾，喜歡咖啡及小酌一杯的人不要錯過呀！前菜方面先來了一個黑毛豬火腿配番茄脆多士。在烘得鬆脆的多士上有混合了番茄及西班牙火腿(Jamon)的醬，味道清新醒胃。($188)另一味是西班牙火腿菠菜奄列