Espuma (H8) (已易手) 新餐廳

即興約了知己見面 要搵個地方食飯 最後決定再黎一次espuma! 去到已經好多人等緊位 最後等左30分鐘先入到去 不過門外有一排椅子 可以邊坐邊傾計邊等入到去第一時間叫飲品 見到佢d熱花茶就好想試 有個熱爐仔煲住佢 所以成餐飯都可以飲到熱飲！我揀左貴妃茉莉花茶，聞落好香荔枝味 飲落唔甜 好好飲！主食方面，我地叫左單骨雞翼，因為雞翼一早已分開了兩條骨，所以容易食，雞翼係炸的，然後搽滿蜜糖，好惹味！之後仲有個西班牙式蛋奄列，今次係第二次食，而且更好味！入面有洋蔥，林到無晒洋蔥味（岩晒我），仲有菠菜，蛋沒有整得太老，所以好味！最後叫左西班牙海鮮炒飯，份量唔太多，但味道一流，有少少辣，但恰到好處，飯粒軟硬剛好，而且煮得入味！呢度員工服務好好 有禮貌，但環境比較嘈，因為大家都傾計！而且限時1.5小時，即使店舖唔full都一樣要你走！所以有d失望！

一直都想黎試下西班牙菜，不過好可惜呢間野係吾好既試範，唯一挽回好感既只有甜品。呢個抹茶窩夫內餡有麻薯，十分好味，抹茶既味道都有帶到出黎，不過個雪糕就好差冇抹茶香，得個甜字。另外，煮食方面都吾太好味，特別係波菜庵列同個西班牙炒飯。前者，得個蛋味，雖然內餡好似好豐富，但實質波菜味吾突出，其他配料都好似有調過味就放入個蛋裡面一樣。後者完全令我對西班牙既炒飯印象好差，完全吾入味番茄汁亦好淡味，而且飯炒得太濕完全吾好味。D海鮮就係普通正常既問題，冇同個飯融為一體既感覺，好似分開既兩味菜一樣。至於個西班牙PIZZA就不過不失，SIZE好細，芝士都夠不過烤得吾夠香。最好個水果茶好淡味，說不上好味，D水果冇帶出應有既酸味，飲落就好似飲緊茶加好淡好淡既果香咁。整體黎講，除左甜品有D體頭，其他食物都做得吾太好，有待改善。不過下次都會再黎試試其他菜式，希望吾會再一次失望吧!兩個人埋單大概四百蚊頭。

美國307團好耐冇見，約到齊人又缺一。真係出黎做嘢，好難齊人。本來想去韓國cafe,但班男仔嫌得個幾中食嘢，吹水都冇左，加上有人遲到，所以轉黎呢度。諗住食lunch,等等下變tea到頭黎，呢度都係限時，好彩係我地walk in都有位，平時要book。呢間嘢係openrice排名見過好多次，今日由食過既男仔們推介到呢度，算係滿足我好奇心同個胃。一睇門面，幾簡潔，但帶有異國風情。座位有sofa位，設計方便一堆朋友齊娃娃傾計。 朋友首堆雞翼同黑松露薯條。雞翼睇落件件細細舊甘，原來餐廳好細心將雞翼分半，方便食客，尤其女士。雞翼外脆內嫩，而且幾juicy,好入味，正！ 黑松露薯條齊食感覺實在，啖啖薯仔香，而且吾覺油膩，配上黑松露淡淡鹹味，好夾。 呢個係西班牙式蛋餅，入面有啲蔬菜同肉，因為口感好鞋，食左一啖冇食喇，對入面有咩已經印象模糊。 全部人都叫左水果茶，真係值得試，壺內擺滿新鮮水果，加上充滿茶香既茶包，感覺舒服兼消滯。 呢個海鮮麵，配料吾多，有啲油膩，但勝在味道濃。 海鮮飯，好普通，冇咩香味，而且飯吾夠入味。整體價錢吸引，氣氛一流，食下午茶傾下計都吾錯。

Espuma已經成為我最鐘意帶朋友去lunch/tea既地點～每次都念念不忘佢地既水果茶。今次係第三次黎食，都係叫差不多樣既野ｄ人成日話好難book，我都知道+試過，打電話仲分分鐘要俾人串兩下先book到位計我話，早起的鳥兒有虫吃，我宜家每次都係12點半就到，即使weekend都唔洗點等即刻有得入座，不過要留意一點就係佢地一點打後先可以order waffle，所以你如果想食完lunch做甜品就唔好太早到如果唔係食飽就要等好耐先有得食waffle...今次都係叫左招牌水果茶，Carbonara，黑松露薯條 (<-必點)同埋saturday special既waffle (唔太記得係咩味，普通..)今個星期五又再去啦我 

星期五晚黎呢度食晚飯真係有夠誇張, 搭lift上去條隊長到佔了半條厚福街…今晚與女友人食飯, 佢早左放工, 就搵間要排隊嘅餐廳食野順便等埋我. 佢真係好好, 自己一個幫我排左個幾鐘, 我都唔係咁好意思, 去到已經差唔多入得.一開始叫了涷水果茶, 好似無茶木果個咁甜同比咖啡弄果個多d生果, 幾好.叫左個黑白芝麻吞拿魚卷, 一開始無睇佢個英文名係乜, 而呢度又好似係做d fusion菜咁, 睇佢中文名以為佢係有飯嘅卷物. 黎到之後先知原來係厚切吞拿魚, 只係個邊圍左黑白芝麻… 無乜特別同吞拿魚有d難咬的根, 亦不算抵食, 可以不叫.呢度pizza得兩款, 一款是vegetarian, 一款則是Pizza Espuma. 請注意佢menu上的箭咀是指錯的, 那幅pizza的圖是Pizza Espuma instead, 佢指左係個vegetarian 嘅pizza. Pizza Espuma挺不錯, 芝士好rich好香濃. 細細個啱哂女生食. 海鮮西班牙炒飯有兩隻青口兩隻蝦, 飯是微辣, 不算很有飯香, 不過勝在份量唔係好多, 容易滿足乜都想食又食得唔多嘅女生.前菜主菜都唔係好係西班牙菜,

下午來到尖沙咀…《Espuma》…招牌雜果冰沙（$42），以多款水果打成的冰沙，面層更以切片青蘋果、蘋果及橙作點綴，個人覺得觀感不俗，喝來酸酸甜甜的，頗清新啊。黑白芝麻吞拿魚卷（$98），店子將吞拿魚慢烤，令之表面微熟、內層仍呈刺身的質感，鮮美而帶黑芝麻和白芝麻的香氣。炸魚柳配厚切薯條（$68），哈哈，炸魚柳的賣相有如「人蔘」般，很有趣。外層炸漿加入了啤酒，吃來不太油膩。忌廉藍青口（$158），以淡忌廉煮成的醬汁，再加上羅勒葉等等作調味，惹味得很。烤美國西冷牛扒伴大蝦（$198）。以疑似炸意粉的東東墊底，端來時頗香噴噴，但略嫌牛扒及大蝦均烤得稍為乾身。一輪主菜攻勢後，來到壓軸，亦是我最期待的甜品環節，聽說是店子推出不久的「High Tea Menu」啊。酥點拼盤（忘了價錢），勝在從鹹到甜、「樣樣都有」，挺適合如我這類既患有選擇困難而又多心的人。拼盤包括：西班牙黑毛豬火腿、牛油果醬煙三文魚、芒果拿破崙千層酥、英式鬆餅、鮮士多啤梨、檸檬撻。整體表現不俗，西班牙黑毛豬火腿還捲入火箭菜於其中，嚼起來更「過癮」。牛油果醬煙三文魚，我是第一次吃這配搭，想不到效果又「幾夾」。檸檬撻酸度不少，要有點心

友人生日點名要來試一下，1星期準備訂位，打了3天3夜也沒人接聽，最後找到她們facebook～留言2天後終成功訂位 星期五的晚上滿街是人，從厚福街頭走到尾，已見到不遠處有長長的人龍，天呀...呢座建築物點解d 升降咁慢? 等左20mins終於上到去～裝修很舒服～有Cafe的感覺～如果2人檯可以闊少少，私隱度會大好多，傾計都好好多！入正題：當晚叫左：Carbonara ／ 單骨雞翼 ／ 黑松露薯條 味道都好OK！～份量岩岩好，唔多，但對得起呢個價錢～而且又可以試多幾款食物！飲品： 招牌果茶都係真材實料！好飲！甜品： 當然係窩夫啦～叫左brownie，朋友生日所以加＄寫名～味道都OK呀～全份都食得晒呀！～呢餐大家都好滿意！

同朋友係H8度搵食，好多間都要等位，仲要等好耐，於是就近近地二樓espuma算~ Nachos 上綠色source有少少甜，加上脆卜卜的薄片，口感有些層次，不錯，亦都好新鮮。  green pepper就有少少辣，少少酸，都算帶有spanish的食物特色。份量亦都算大碟 黑松露闊面，面條軟硬適中，有好濃的芝士味 ，但份量不多。海鮮飯，呢個好味呀，軟硬合適的飯浸左有蕃茄味，但味道調教得不會酸，蝦好大隻又新鮮，青口唔會韌，不過分份量不會多。呢個招牌fruit drink甜甜地，有啲水果味  好好味。除左食物外，呢間餐廳啲services 有啲奇怪~ 好似好趕咁，啲食物未食完就收左去 ，感覺好奇怪又啲rude. 下次有option就未必會黎loo...~

難得一日唔使OT，就約左朋友C及朋友M到公司附近幾受歡迎既西班牙餐廳食飯當日可能閒日，客人唔多，所以好快安排入座嗌完啲野食都幾快到其實我地都叫左幾多野食，但得呢兩樣野有影相咁岩呢樣都係我最中意既。所以揀呢兩樣同大家分享就最好不過。幾好食，幾足料，又夠脆好足料，好多芝士，啲芝士拉極都仲有，好香芝士味呢個飯又係好值得推介，超級足料又夠味啲蝦又唔霉，仲幾爽口3個人都讚不絕口，encore左次下次去一定要嗌，好食到不得了其實佢其他野都好好食，例別係個fish n chips,可惜肚餓得劑，唔記得影相就食左總括而言，呢間鋪絕對有下次食物質素好好，而且唔貴，員工又都幾細心裝修都幾好幾有格調下次會試下下午午餐時間再去，睇下係咪同晚市一樣咁高質既

project完梗係要慶祝下啦，但係唔想又係食放題韓燒西餐咁普通，所以特登試下新野--西班牙菜一入到去間餐廳發覺啲裝修幾有情調,心諗同groupmate泥食簡直哂曬，我就推介啲情侶泥食～可能present完心情都好啲，我覺得啲野食真係好好食，重點係價錢真係唔貴！！我個人認為真係好扺食！好似個炸魚柳配厚切薯條都係$68! 個魚柳大大條，熱辣辣，外脆內軟，切開嘅時候啲魚肉又唔會一切就散開。隔泥桶薯條都好正！厚切加新鮮炸，唔洗點醬都好正！仲有個西班牙薄餅，都係$68！雖然細細個，如果鐘意食pizza嘅真係唔夠喉，但連我呢啲平時唔太食pizza嘅人都覺得好食！啲芝士多到真係好似pizza hut廣告咁可以拉出泥！！加埋個硬硬地嘅薄批，唔會好似平時啲pizza咁覺得好漏～去到甜品，個甜之夢想曲真係好正！！！6支唔同味嘅慕絲/甜品用香殯杯裝住，砌成一個花形，真係好靚！！唔食得都影得～更何況係好好食！ 個石榴白朱古力慕絲好fresh，好特別，出面好少石榴嘅甜品，酸酸甜甜，感覺無咁漏。而個抹茶慕絲朱古力布朗尼真係好正！因為個抹茶慕絲好滑，茶味好濃，食到底仲有個朱古力布朗尼，梗直岩哂我口味！

去尖咀係街路過見到，所以就去左試下去到個陣七點左右，入面冇咩人，裝修幾靚，幾岩同fd影相！叫左炸魚薯條，薯條新鮮炸熱辣辣，點埋沙律醬超正！！炸魚吾似出面既魚柳一夾就散，好實淨，又大份，都幾飽肚！綠茶窩夫都好食！外面脆脆食落似威化餅，入面有綠茶麻糬，仲配埋紅豆吉士同雪糕，想點乜都得！野飲叫左水果茶，生果好fresh，好開胃，料又夠多，酸酸甜甜，幾好！仲叫左pizza，整體好食，但冇特別，芝士多，中意食芝士既朋友可以試下！

係尖沙咀行街行到攰攰地想搵個地方食野之前成日見到啲人黎呢間舖食就黎試試我地去到既時候未過兩點半 仲有lunch set叫左個意大利香辣大蝦炒意粉(個名好似係咁) 再配多個餐湯 今日個餐湯係甘荀忌廉湯~首先一黎就上個湯啦 係足料既 飲到打爛既甘荀蓉飲落個味令我諗起baby food 但個味係唔差既不過個人會想個湯可以稠啲同忌廉味濃啲個意粉就略嫌唔夠味 可能我平時食野都比較濃味但啲蝦彈牙得黎又夠鮮味而且都有四五隻 抵讚另外當然唔少得食呢個人人都推介既甜品啦日式香芋麻糬窩夫配雪糕 真係超級好食麻糬窩夫外面脆入面煙韌 而且好香芋頭味仲另外有紅豆蓉 吉士醬 香芋汁俾你蘸黎食個人鍾意配吉士醬 因為紅豆蓉會太甜蓋過香芋味而個香芋汁味道唔係好出 淋左同無淋分別唔大綠茶雪糕綠茶味唔量 但同個脆餅一齊食口感唔錯美中不足只能話份量太少 但個窩夫真係超級好食!!!

大家都知道TST厚福街有4間糖水店...晚晚8點幾開始已經有人大排長龍~所以唯有去H8 Espuma食好好彩...等左5mis就有位日本綠茶麻曙waffle配雲呢拿雪糕 (真的不太識欣賞麻曙 vs waffle係兩種質感, 麻曙的QQ口感同Waffle應有的脆卜卜好唔夾而且個雲呢拿雪糕小得好可憐半球都無....感覺被騙)相反,這個香蕉朱古力waffle就好好食 (吉士醬+香蕉片+朱古力醬....真係好好味而且個雪糕係正常一球的size)

約了Aeris在尖沙咀食飯,難得二人聚會,想搵一間特別的餐廳,係openrice見到呢間有不少好評,而且是西班牙菜幾特別,地點又就腳,值得試下,平日的7:45去到,已經好多人了,要等位,等了約20分鐘便有位了,限時1.5小時。起來是歐陸式cafe的格局,細看之下,地磚是顏色豐富馬賽克圖案,牆上掛有藝術掛畫,戴點西班牙的色彩,幫襯的,大部份是女生。牆上的彩繪畫,色彩繽紛。我們2人排排坐。連濕紙巾也要靚!我們點了出名的幾款菜色。招牌水果茶,$42,賣相十分吸引,入面好多水果,有蘋果、石榴、橙、草莓及蘭香子等,味道清香,但時間耐了有點苦。貴妃荔枝茉莉茶,$38,好香荔枝味,清甜味道。西班牙火腿菠菜奄列,$58,賣相不俗。厚身的奄列,入面有菠菜、火腿及洋蔥等,都幾香口,但不算太好味。海鮮西班牙炒飯,$118,份量少,有兩隻辣肉腸、大蝦、魷魚及青口, 味道普通,炒飯口感偏硬, 濃茄汁味。黑松露醬炒鮮雜菌寬條麵,$98,雜菌香氣味道濃郁,寬條麵口感煙韌,不俗。整體味道正常水準,不算想像中有特色。

同好朋友慶祝生日，諗住揾一間decent既餐廳，可以享受食物之餘又可以舒服咁傾計，始終隨住大家愈黎愈忙，可以一齊食飯既時間已經買少見少。見Espuma咁多人話唔錯，就試下啦!!Churros 西班牙油條完全揾笨!!$48得四條，而且味道似沙翁，極唔正宗。呢個西班牙油條同正宗最大分別係choco醬，正宗係會thick d creamy d，會比較似 belgium dark chocolate，不過唔係nutella，suppose點完之後仲可以飲埋杯朱古力......熱水果茶，自己比較嗜熱既飲品。但呢個水果茶當不停加熱時，會產生苦味同澀味，同想象中既清甜有頗大分別。西班牙海鮮炒飯鋪係面頭上有青囗、大蝦，飯係用茄汁去炒，入面仲有蕃茄碎同辣肉腸。以main course 黎計，呢個份量係食兩啖就無哂，而且海鮮比我想象中少好多。草莓蜜桃沙冰同芒果沙冰味道真係唔錯, 有濃郁既水果味，而且沙冰既涼爽感覺好正喔。係甜左少少，如果唔嗜甜既朋友可以叫少甜喔。呢度既服務相當麻麻，明明當晚無乜人，但係淨係叫侍應加水都係叫好幾次先到，而且上菜上得好慢好慢。