Espuma (H8) (已易手) 新餐廳

定期會來espuma因為對他們的奶蓋烏龍和黑松露意粉念念不忘。老爸難得回港「渡假」一於帶他來一試！本來打算下午茶時段來的可是星期六下班趕不到（哭）幸好有打電話改booking又剛巧有枱！espuma的晚飯時段是超火紅的，不想撲空建議訂座唷！小弟今年升職無望，小小失望決定化悲憤為食量，一家四口點了一個二人晚餐，再散點了一些餐牌想吃的。其實晚餐menu挺划算，約$250一位已由餐湯一直吃到甜品了，實屬拍拖好去處。餐湯是甜甜的蟹肉湯，味道不錯的。小吃頭盤有餅乾配芝士醬和我最愛的芝麻呑拿魚蕃茄莎莎。芝士醬超濃，內裡有些提子乾，我認識不少朋友不愛吃提子乾，而我雖然吃但亦覺得浮沈在芝士醬中有點雞肋... 兩款相比，當然是呑拿魚完勝啦！主菜要了芥末芝士雞肉pizza和牛膝西班牙炒飯！先講雞肉pizza，芝士厚過餅底，毫不吝嗇，雞肉亦多，雖是薄批底，但亦很飽肚。芥末味我個人覺得是弱的，不算突出。牛膝西班牙炒飯，牛膝是真心入口即溶，非常腍，有點像台灣牛肉麵的那種。西班牙炒飯是espuma名菜，用了很多香料炒，不是在家能輕鬆煮的菜（最少對我來說是...）每次上到來唯有乖乖貨金嚕（笑）散點的當然就是我說念念

聽說Espuma轉了新menu，週末有時間就去試下。限時用餐1.5小時，而且格局轉變了，變得比之前擠迫，而且我們坐的位有冷氣吹著，好似在冷藏庫。為了隻紅鸛而點，名叫你是女神 $45，是夏日特飲，士多啤梨及香芋味奶昔，唔算太甜，不過奶昔唔太好。牛油果蝦沙律 $88好多橙色的蝦、綠色的牛油果、黃色的芒果，色彩繽紛。蝦鮮甜彈牙，而且經特別醬汁調味過，帶點惹味，而沙律有芝麻醬調味，好味。BBQ醬燒豬肋骨 $168滿是BBQ醬，賣相好吸引~~豬肋骨肉入味帶點嚼勁，很不錯。最後又是新出的甜品綿綿夏日 $78，上面是兩色的綿花糖，相機必影！而下面是忌廉、朱古力雪糕、粟米片、啫喱等等，味道不過不失。

厚福街食店非常多，整座H8很多食店林立。 人氣一直高企的ESPUMA食物款式及飲品多元化，晚上時間特別FULL，呢到用餐時間1.5小時，餐廳氣氛特別岩三五知己一齊食野談天說地。 很喜歡鵝肝，試下呢個<鵝肝黑松露醬意大利麵$118> ，好足料鵝肝大件，多菇，醬汁唔係好杰身個種，食落唔會覺得漏，意粉口感彈牙，不過鵝肝煎得乾左小小，美中不足。 <白酒忌廉藍青口配蒜蓉多士 $118> ，蒜蓉多士有4件外層脆內層軟，用黎點白酒忌廉汁好夾，唔會晒左個汁，藍青口肉未算好鮮甜，反而比較欣賞個汁點麵包食多D。 飲品有驚喜! flamingo 近期大熱，配上<你是女神 $45 strawberry & taro smoothie>飲品，顏色相當美，strawberry smoothie飲得多，配上竽頭口味完全未試過，全新感覺的配搭，竽頭味好香，質地細滑，先飲到濃濃竽頭香，到中間是strawberry的酸甜，好飲! <棉棉夏日 $78> 不能錯過的甜品，富色彩的棉花糖好奪目，頂層係大大個棉花糖，由甜食到酸酸甜甜，一層層不同層次，有雪糕，粟

之前去過Espuma 的中環 & 灣仔分店，食物同環境都吾錯，性價比都算高，所以今次朋友話想係九龍區食飯，就諗住同佢來試尖沙咀呢間分店。食物方面，order 左好多人都會叫的黑松露薯條, 好夠黑松露味；另外叫左條 '鹽焗原條鱸魚配檸檬欖油汁' 。呢條魚應該係成晚最好食既一碟。條魚外面係鹽焗，裡面釀左d香草檸檬，食果陣好入味，魚既肉質好滑，配上檸檬欖油汁，口感好fresh。環境方面，都係中環&灣仔既裝修佈置比較好，呢間d環境似好普通的cafe. 如果係慶生/ 週年紀念果d, 不建議來呢間，一d 情調都無，灣仔果間好好多. 而且呢到d 侍應都麻麻。吾叫佢地加水都吾主動加，叫完加水，侍應態度反應不太好，又好耐先到。而且，我地傾傾下計既時候，個侍應黑面咁拎住樽水大大力咁擺落來就行左去，真係俾佢嚇親。整體來講，吾會有下次係都去返灣仔/ 中環店。

由於openrice好評如潮，馬家開飯又有介紹，所以對呢間嘢都好期望，但結果令人失望。值得一讚係翻枱快，因為有限人用餐時間。不過服務差，啲侍應既樣好似爭佢地錢甘黑口黑面。冷氣開到超大，明顯趕客，啲嘢食到一半就凍晒。加上岀菜時食物溫度只屬於剛剛暖，所以我地好似食快餐甘，拿拿臨食完，驚佢凍晒。落完單好快上晒菜，所以估佢煮定，三個主菜同一時間上，頭盤同湯反而最後。然後講食物，paella 令人失望。好咸，吾好食。牛扒同mushroom soup 幾好食。牛扒岀場用木盒裝，有驚喜。水果茶甜度適中，幾好飲。黑松露寛條麵幾香，值得一試。今次去主要想食paella ，但吾好食，所以好失望。加上冷氣又凍，又一次過岀晒啲主菜，啲嘢凍晒好食都變難食。

其實呢間都食左幾次晚餐 ，係真心好食既。今次見佢有出promotion就走去試下個tea set一開頭送上一碟兩件綠色英式鬆餅 跟兩款醬（berry jam , matcha cream cheese)，但係鬆餅鬆得嚇人，一攞上手就已經開始碎，仲要乾到我要飲水先吞到跟住就送左有三層，入面放左野食既膠箱。但搞笑既係，西班牙餐廳，出日式食物為主，但走西方路線既tea set😂所以，可能因為係日式，所以成個set都好難食，係冇一款食物好食第一層有炸物同蕎麥面，係冇味既第二層有三文魚飯團、芝士蛋糕、焦糖奶凍，飯團係散既，而且三文魚冇三文魚味，放係同一層既芝士蛋糕就食到飯團既紫菜味，焦糖奶凍係面頭一層黑色糖水當係焦糖第三層有兩件玄餅、兩件抹茶蛋糕、兩粒黑芝麻蛋糕，唔想多講，總之呢層成層都係難食既第一次食tea set會難食都係咁打冷顫，因為食物既質感、顏色、味道，都係唔合格。明白可能係做開西班牙菜，又突然搞啲日本野出黎係會難食啲，但點解咁都可以賣$228？真心叫兩個黑松露薯條食都冇咁嬲

收藏了這間好耐了，一直好想試，終於有機會同朋友仔黎依到試！Bk左七點五位，佢只會hold五分鐘，所以大家都準備時到，唯一唔好係bk左枱都有一個要坐街邊。一開始黎係水果茶男，水果沙冰，本身想叫沙冰但驚好甜所以叫左個水果茶，點知反而覺得自己個水果茶普普通通，朋友個沙冰就有啲驚喜，因為唔太甜，冰都好細緻唔會一舊舊，味道都好清新，所以中意飲沙冰又驚甜既朋友岩曬！之後到卡邦拿同蜜糖雞翼，個卡邦尼個汁好creamy，味道好濃，如果個意粉煮再硬身少少就好，因為個人唔太中意林身既意粉。至於雞翼，大家都覺得普通，雞翼有少少乾身，味道甜甜地，有少少奇怪。再至炸雨同薯條，都炸得幾脆，炸魚個粉唔會太厚，再點埋個醬就完美了！然後，唯一大家都食到唔想搶住食就係個西班牙飯同個蟹肉餅，因為個食太少，又無乜味，好普通，個蟹肉餅就怪怪的，同好易食飽人。

Espuma按季節轉換餐單, 給客人新鮮感覺, 炎夏殺到.你是女神💃🏼 用天鵝水泡盛著出場的"女神", 顏色配搭得好靚 - 淡粉紅 vs 粉紫, 芋頭比士多啤梨味道較突出, 好似食芋頭糯米糍的味道.心大心細💕椰子 + 士多啤梨🍓Smoothie 夏子飲椰子系列的飲品, 清清涼涼, 真係好舒服...不過椰子味太重又會搶走士多啤梨味.清新夏日風味沙律炎炎夏日食沙律真係最適合, 以西瓜🍉來模仿黑白芝麻吞拿魚, 蟹肉牛油果蕃茄做成層次分明的他他, 旁邊仲有沙律菜、水牛芝士、藜麥, 同埋靚靚食用花🌸襯托.冰雪鮮果叢林椰子沙律用新鮮椰子盛載新鮮水果 - 火龍果、藍莓、紅桑子、提子、奇異果🥝、士多啤梨🍓, 等......再加上藜麥, 仲配埋Espuma自家製椰子冰條, 唔會太甜, 充滿椰子香味, 咬落會有椰絲.海洋鮮果叢林椰子沙律同樣用新鮮椰子盛著新鮮水果, 分別就係由自家製椰子冰條改成海鮮 - 鮮蝦與青口.蟹肉🦀西班牙奄列西班牙奄列蛋味🍳極香, 切開後有薯仔片🥔夾雜著蟹肉🦀, 層次豐富, 完全適合我口味.第一次見西班牙奄列, 原來是比較厚身的, 要好似切生日蛋糕🎂般切開.烤牛肋骨炸薯條配蜜糖芥末

什麼豬肉卷又乾沒有肉汁無味垃圾什麼牛肋骨似煲完湯的骨頭又無味但又燶又黑💩🤢什麼單骨雞翼不知所謂半隻雞翼又乾又硬到咬不入的所謂豬肋骨不如叫隔夜豬肉乾侍應又無禮呼呼喝喝去麥記都有聲多謝早些收檔

第一次吃espuma，被它的黑松露薯條深深吸引，於是很快又與友人來這裡吃晚飯。必選：黑松露薯條👍👍薯條上面有芝士粉，令味道更突出，再配上黑松露醬汁，無得輸！意粉都不錯👍

同朋友相約去尖沙咀做facial 做完兩個人都已經餓到想死所以朋友帶路，殺左上去佢食過話唔錯既餐廳黎個brunch先一上到去，裝修好令wor好寬敞乾淨而且有格調可能我地閒日上去而且下午菜時段只係得幾枱所以安排我地坐張大枱舒舒服服連濕紙巾既設計都好可愛既然朋友食過，就朋友決定啦我只係負責睇自己杯野飲水果mix永遠係我的最愛好香熱情果味，酸酸甜甜，好好飲同行友人既野飲，唔知咩咖啡（我唔飲咖啡唔識分呀）西班牙蛋奄列入面有好多料，最多係洋蔥好香好脆口，口味好特別，好食超香菇味，意粉軟硬適中薄底pizza,超脆底醬汁好濃既蕃茄味，配上火箭菜，不錯最後黎多個甜品，人生 就完整了

想黎試左好耐,聽聞都好Full 上網睇到佢推出左夏季Menu，「冰雪鮮果叢林椰子沙律」同埋「海鮮鮮果叢林椰子沙律」，「清新夏日風味沙律」再加上有優惠活動，即訂位去試。7點鐘入座限時個半鐘。好,一去到個裝修都ok，環境幾好自然心情好，睇睇個menu ,唔係好多選擇問佢有無新出果啲夏季食品，佢話無，問佢優惠活動店員口啞啞答唔到叫店員倒杯水叫左3次應承左又無針*，叫第四次終於有人fill 點了三個菜：千層面，炸魚薯條，牛肋骨，三個菜都係失望千層面肉醬係無味炸魚啲炸漿同魚分離，炸漿太厚，魚唔夠新鮮牛肋骨味道尚可接受但平平淡淡得個樣最後連甜品都唔想比機會去試時間8點已經行埋黎收錢埋單趕客

四位美女好友已經九個月冇見，難得一聚需暢談一番，想搵間坐得又好味的餐廳，見到有人post出來，仲撞正週年慶搞緊Promote ,一於試下。點左一個二人Set Dinner ,Upgrade咗西班牙海鮮炒飯，要多加一佰九十幾(二人份量），但味道一般，味道有點怪，d蝦有點晦。甜品亦upgrade 咗，要左waffle,賣相好靚，味道亦好好，姊妹們食到嘴,餐跟一個香草蒜片意粉，唔油有咬口幾fresh 。其他額外點咗一個烤雞雜菜，味道好香，肉好嫩滑，大家一致舉起，值得一讚。黑松露薯條好香，食落亦不大咸，點的黑松露醬好重黑松露味，野味停唔到口之選。三位靚靚點了果茶，佢地都話好味，我點咗香蕉咖啡奶昔，都好味不太甜，但略嫌咖啡味唔夠，味道不太平衡。最後甜品還選了高人氣的蕉糖流心蛋白，太甜，食剩好多。餐廳裝潢都不錯👍，幾光猛，服務都Ok,值得一試的餐廳。

生日的大日子，當然要到訪我最愛的<Espuma>! 晚上七時已經座無虛席，幸好我們一早訂位，舒適的享受舌尖上的盛宴! 餐廳的色調佈置繽紛，光猛的吊燈和白色的磚牆，洋溢著年輕、有活力的感覺。Espuma有多國的美味佳餚，選擇令人眼花撩亂，我們最後點了二人Dinner Set Menu，已經包括2款前菜、餐湯，自選Main Course及甜品，十分豐盛! 香煎帶子配辣肉腸及黑毛豬火腿/ 八爪魚配柚子醋 香煎帶子配辣肉腸及黑毛豬火腿是3層滋味口感，帶子煎至微脆柔滑，夾合油脂豐盛的辣肉腸，肉汁香濃、惹味，令人回味，但如果份量多點會更佳。八爪魚冰涷，入口新鮮、有嚼勁，配上蜜甜的柚子醋，帶清新的感覺! 龍蝦湯是日餐湯是龍蝦湯，橙黃的湯配上白滑的忌廉汁，令人胃口大開。龍蝦湯十分鮮味，湯中有蝦肉粒粒，口感不錯，但略嫌不夠濃稠。小牛膝西班牙炒飯 小牛膝肉質肥厚，燉至黏滑軟腍，軟糯適中的口感，骨膠原十足，燉牛膝帶著番茄和紅酒香，滋味鮮香不膩。西班牙炒飯濕軟，口感煙韌，加入微辣的辣肉腸、爽口紅黃椒粒粒，啖啖肉味誘人。香草保雲蘇焗羊架香草保雲蘇焗羊架的賣相吸引，點了七成熟，肉質鮮嫰淡紅，經過香

即興同朋友食晚飯諗住試下呢間人氣西班牙菜不過booking 已經full左唯有walk in等下好彩大家早收工，等左20分鐘有位入得✌️食得西班牙菜，一定要試下西班牙海鮮炒飯。呢度用料十足，青口同蝦都大大隻👍另外叫左薯條，一路傾計一路食話咁快清晒叫得招牌水果茶，點都要試下，果味好濃好多人叫既，女仔應都鐘意飲另外一定要試下甜品(太心急食左無影相)🙈🙈甜品食左份full既竹炭黑芝麻窩夫配雪糕脆卜卜熱呼呼窩夫配冰凍雪糕甜品控最愛 😋