Espuma (H8) (已易手) 新餐廳

I like the atmosphere in Espuma and the prices are reasonable. However the food is far from good and is below average at best. We ordered a spaghetti gambas in a tomato sauce and also a baked grouper with veggies. The tomato sauce is virtually tasteless and we had to ask for Parmesan to give it some taste. The fish was small and the potatoes were rock hard. Next we ordered a crabmeat tortilla but nowhere on the menu did it say it had ham. As we are vegetarians, we couldn’t eat it. When we compla

諗住同男朋友慶祝生日 點知黎到 d waiter waitress態度令我感覺好似去左茶餐廳咁 冇禮貌 卜左枱都仲要坐係出邊等位 卜枱就係唔想等位 卜左又要等咁卜黎有咩意思 你地唔比客遲到太耐 但我地準時到都要個客等食物款式又少 個西班牙飯又貴又難食 d飯好硬 又話last order 10點就收 催人埋單 都理解 但埋完單 都未上甜品 然後十點十分先同我講棉花糖機壞左整唔到 仲係咁叫我轉食waffles 人地唔鍾意食waffles就唔食架啦 好啦收完錢先話冇 要人等咁耐 然後又要void左張單再簽過 又要等 我本身諗住甜品 寫男朋友個名 同佢開心影張相食下甜野 掃興到嬲爆爆咁走 晒左我好多時間 好好地一個生日 比你搞wo晒 真係好差令到今年男朋友生日食得唔開心

今次同一大班朋友食飯，生日嘅主角提議到呢間餐廳食西班牙野，餓jj都係第一次試呢間！雞亦炸得香脆，不過唔覺有西班牙特色吧！薯波夠哂香口，入面仲有芝士，上面有一片Parma ham...其實都唔可以叫一片，因為細塊到小弟唔識形容小弟一向係薯條控，薯條新鮮炸起再灑上芝士，配上黑松露醬，好食，加佢幾分黎到呢度當然要食西班牙海鮮炒飯啦，佢有分2人份定4人份，唔知係咪我地太餓？一陣風就冇哂，不過味道係幾好，飯嘅texture剛剛好，海鮮都叫合格。唔夠飽嘅關係，就追加多一個pasta，忌廉汁香濃，食到尾有少少漏，令我地終於開始有飽嘅感覺。總結呢度環境幾好，不過份量偏細，唔建議一班朋友黎食，性價比亦比較低，菜式偏fusion路線，想食正宗西班牙菜就搵過第二間吧！

環境清新，乾淨舒適。幾個朋友或情侶都幾適合假期坐低聊天，服務員都會時不時幫你添水。但食品一般，對於本人而言偏咸，尤其塊肉眼，價錢368超咸！肉身又薄，不值呢個價！叫左份薯條配炸魚柳，78左右，幾特別幾好食。仲有鵝肝黑松露意粉，差啲見唔到塊鵝肝，同相對比細塊好多，價錢11x左右 意粉唔夠濃味，偏淡，份量適合一人享用，兩個人share每人幾啖食曬。埋單600左右，點左3樣野，建議試下咸豬手或其他。總括而言，價錢偏高，選擇少！

整體而言，環境優雅清新，食物質素頗高。一進來，整個餐廳的氣氛就非常溫暖，充滿一種暖暖的感覺。侍應的服務態度極佳，每次看到杯子沒水，都會自動為客水添水值得一提的是，來這裏吃飯，整個人的心情都會變好！！！我個人最喜歡喝的飲品是烏龍瑪奇朵，每喝下一口茶，都會有淡淡的回味，淺淺的感覺。簡直太棒了我個人最喜歡的食物是墨魚汁燴飯配天婦羅蝦，墨魚汁清香濃郁，每吃一次，都會有種滿足的感覺，而且天婦羅蝦脆而不膩有空還會再來光顧。

厚福街好多餐廳好揀。上openrice 睇到呢間好多好評，見好似幾好咁。所以就揀左呢間喇。驚多人要等位，所以一早就打左去book定抬先。😄去到唔洗等就入得去喇。仲安排左窗口位俾我地。雖然無咩景色睇 😂叫左佢個黑松露忌薕薯條食 😁都幾大盤。😂佢啲醬唔係直接落左係薯條度。咁就可以自己點幾多就幾多喇！同食得會方便d.個味道都唔錯，好有黑松露既味道。黑毛豬pizza😃新鮮整出黎，仲熱辣辣。每塊pizza都有塊黑毛豬。再連埋d芝士食，幾香口。幾好味！同pizza個份量唔會好大。可以食到其他野。再叫左個黑松露醬炒鮮雜菌寛條麵。呢個整得好味，每啖都食到黑松露個味，唔會話好淡。唔錯！👍但份量就細左d喇。

好朋友生日飯，訂了「Espuma」，但時間很差，7-8:30或者8:30。我收工時間多為7點，很難就。其中一個朋友又可能會遲走，所以另外再訂了德國餐廳8:30。當日原本想早些走，奈何月尾很忙，又以為朋友沒應機，也應遲走。怎知她兩人都可7點到，所以照去「Espuma」。最後我7點半才到。朋友已點好所有菜式。牛油沙律 - 牛油果很香，沙律新鮮好味！薯條 - 麻麻。不夠香，又不夠脆。鵝肝意粉 - 鵝肝太淋，口感一般。菌配意粉，味道不錯，但汁太多，吃上來很漏。藍芝士披薩 - 難食到一個點！我頂不住那個藍芝士味道，連半份都吃不完，吃了兩三口便停口。朋友亦只吃了一件。結果剩下半個披薩。豬手 - 皮都算脆口。但不能說很好味，算ok啦，始終不是德國餐廳。生果茶 - 三人每人點一款生果茶，都是熱的。我的是西柚，較她倆的少甜，味道不錯。因為趕過來，口很渴，很快便喝完。本以為Espuma很好吃！期待大，失望也大！而準時8點半就催交枱，我們叫甜品作生日蛋糕，照送來，但沒多久，又催走。應該是分兩輪，8點半換另一輪。時間真的很沒彈性。人人都是可7點過來吃飯，8點走嗎？如果時間不就，奉勸各位不要訂這兒。

小編最近就食咗萬聖節大餐🤤-｛賣點｝南瓜湯，好creamy，小編朋友就算唔鍾意南瓜都鍾意飲；至於smoothie，骷髏骨同十字架造型，係白朱古力，另有淡淡嘅黑芝麻味；頭盤帶子好嫩滑🤤Main必揀肉眼，7成熟，薯蓉同酸酸哋嘅醬很配合，挺開胃的；至於甜品，係芝士水果撻，有小編至愛嘅甜甜無花果、蜜瓜、藍莓，另外芝士仲加入咗墨汁，好jenggggg好特別🤣-萬聖節套餐(四道菜式)Soup「開腦」南瓜湯 | 香烤南瓜湯Appetizer 頭盤肢離破「脆」| 紅莓雞胸甘荀春卷Main course (3選2)陰森墓園 | 墨魚汁南瓜核桃海鮮鴛鴦燴飯 (*黑糯米及意大利米)嗜血法醫 | 肉眼扒配紅莓汁酥 Creepy | 雞肉菠蘿南爪酥皮批Dessert血腥呼喊 | 墨魚汁雜果撻配雪糕*供應日期：10月27-31日的晚飯時段-EspumaHK$498 二人份 (+10%服務費) 尖沙咀分店

2017 過左十個月，終於黎到festive 嘅萬聖節啦。添加生活味道，今次黎食espuma halloween special 應下節。今期espuma 以兇案為主題，色彩富豐得黎，又唔算太嚇人，感覺舒服。一行二人點左2人餐Murder Scene ($498)應下節。Halloween set 同 Full set一樣，包餐湯、前菜／頭盤、main、甜品和餐飲。叫到菜名，都好生動，完全感受到halloween氣氛。先黎一人一杯各飲長相屍首、消失的孩子。長相屍首：好cute 嘅十字架，似淡淡芝麻糊色，飲落清清滲出baliey 味，酒精成份調控得剛好。尚到baliey之餘，又不會重酒精感。至於消失的孩子，沈澱嘅腸好吸晴，由於都幾像真嘅關係，都研究左一陣。杯身靠鼻之時，甜溜溜的味湧上，一嚐，偏甜，隨後fizzing bubble 入口，口感好趣緻。開腦南瓜湯: 南瓜湯面上有白色小拉花，睇真d係大腦外形，設計活潑。湯身濃郁夠滑，一細杯仔，飲落都幾飽肚。肢離破脆 Horrific Fingers: 春卷外形，但釀入火雞絲，最怕嘅油膩感，竟然無。好感動！嗜血法醫呢塊肉眼扒好厚身，最緊要係色澤均

下星期就係萬聖節‼️🎃👻諗好去邊度狂歡未？😏未諗到既不如同朋友去試下期間限定既萬聖節套餐！套餐包哂飲品、湯、前菜、主菜同甜品幾好食一坐低就叫杯野飲先叫左杯竹炭飲品賣相100分味道較淡勝在賣相吸睛跟住飲返個南瓜湯好香濃好Creamy濃濃既南瓜配上滑滑既忌廉支離破脆～脆脆脆脆脆真係炸到好脆中間係雞胸同甘筍幾爽口加埋紅莓汁減低油膩感今次有幸試哂三個main courses逐個介紹下先上圖中既牛扒好味到連鬼手都想拎😈牛扒大概7成熟好腍好入味紅莓汁酸酸地幾開胃配薯蓉食好正個南瓜個樣真係有D Creepy鍾意酥皮既人士應該會好鍾意呢道菜BTW酥皮再多D牛油香就好嚕雖然中間好多餡但味道相對上較甜而且太大個南瓜要大胃王先食得哂墨汁Risotto又係造型加哂分因為係黑糯米同意大利米口感較硬配海鮮食味道較淡最後最後點都要食返個甜品先叫圓滿！成個手掌印真係幾有feel第一次食墨汁撻味道又幾特別Bor唔算太甜幾好雪糕夠哂軟滑整體黎講最欣賞佢將菜名改到好應節 堅有恐..怖..feel.....😈👻呢個套餐係期間限定既供應期係27/10至31/10既晚飯時段🎃有興趣既記住去試..下..啦.....👻

尖沙咀食肆林立，淨係呢棟位於厚福街既H8都已經晚晚排哂長龍等lift，真係冇啲毅力都唔好黎🙄早幾日book左枱同準時黎到espuma都仲要等廿分鐘先入得，真係巴閉。最嬲係等完咁耐啲野仲要又貴又唔好食，好後悔千揀萬揀黎左呢度🙄先講個Seafood Paella ($398)。影落好似好大份，但其實不然。重點係啲飯調味極差，成個西班牙炒飯不知所謂。脆炸咸豬手($238)好少少啦，都算係脆既，但我懷疑啲廚師太忙，唔記得左seasoning就攞左去焗，都係冇咩味既😑簡單黎講，一間野又要book完位再等位，而且野食又貴又唔好食，女明顯唔會再黎啦byebye👋🏻

We have eaten at Espuma a few times. The food is always wholesome and fresh. Espuma offers a wide range of cuisine which focuses on a Spanish coffee shop theme offering high quality organic coffee from Novell.The food served here is what you would ask for in a proper home cooked meal and nutritionally balanced. Espuma changes their menu seasonally and offers special dishes to celebrate different seasons. This time we tried the Halloween menu and abused the decorations a bit The Halloween menu is

平日下午來吃不用等位呢😌裝修都係咁令～食物薰衣草鬆餅配鮮忌廉及果醬好特別既鬆餅，食落薰衣草味都幾重，仲食到小小薰衣草架🤣 不過影得太醜了到我地既主角出場喇😝e-House 甜食五花茶凍爆珠五花茶竟然都可以用黎做甜品？而且仲係爆珠咁款！食落真係一咬就爆，五花茶即時流哂出黎～好特別！味道有點似菊花茶呢！紅莓芝士蛋糕個人覺得有d普通呢...不過蛋糕上既裝飾充滿夏日氣氛！原粒西柚啫喱以啫喱模仿西柚肉👍🏻松露拿破崙沒想到會拎松露黎做甜點。成個組合都好特別，食落松露味超重啊！而且好好食！咸食烤蝦薄脆配牛油果莎莎醬好食！粟米白汁焗青口稍微有點不新鮮呢青口╮(￣▽￣"")╭但也不錯吃！蟹子蕃茄螺丝粉（冷）蟹子為呢個粉增添不少特色，令食落既口感更加突出，如果有熱既就好喇😝煙三文魚紙米卷個人不食三文魚🤣😄都讓給朋友食了！與朋友加錢轉左特飲(*¯︶¯*)好幸福呀成餐都♥️

玻璃金字塔有型👍總共有3層 賣相非常吸引!咸點與甜點各有5款 每人1件，齊齊開心食😀。蜜桃柚子茉莉茶： 蜜桃和柚子味淡，還可以放多點水果增加味道。松露拿破崙：微微松露味不會搶過拿破崙本身的甜味，餅夠鬆脆。煙三文魚米紙卷 ： 煙三文魚加蔬菜用米紙卷，令我想起越南。烤蝦薄脆牛油果莎莎醬：牛油果莎莎醬和烤蝦很吸引，配上薄脆很好味。紫色鬆餅薰衣草味道，餅鬆軟，軽微薰衣草味，配忌廉和士多啤梨醬都好味。葡式蜆肉迷你法包: 法包細細個好Ｑ，葡汁内有蜆肉好惹味，配上軟脆法包👍。甜栗米吉士撻：栗米配上吉士醬，味道很夾又不會太甜。五花茶凍配爆珠：爆珠類似珍珠奶茶内的珍珠，口感頗得意，茶凍吃到五花茶味，颇特別。紅莓芝士蛋：造型十分可愛 ，蛋糕仔上插上了一把彩色小傘，還有用朱古力造了比基尼泳衣，海鹽造出海水，非常有心思。Tea set比雖然每件都細細件，但吃到大半已經飽肚感，再加上蟹子蕃茄螺絲粉晚餐食沙律已可以。

萬聖節套餐 - 凶案重組餐湯係南瓜🎃忌廉湯，飲完都幾飽肚嫁。前菜係炸春卷入面包住蘿蔔絲同洋蔥絲，唔知係唔係扮緊D 筋脈呢，春卷炸得幾香脆不過餡料有點失色。眼紅紅沙律🥗，賣相得意，用帶子同黑橄欖扮眼珠👀，最正係有粒粒芝麻，連埋火箭菜一齊食，味道好match主菜既南瓜批，夠晒有萬聖節氣氛。墨西哥夾餅既元素，餡料有雞肉、南瓜蓉、粟米同菠蘿🍍，甜甜地，如果係辣嘅話應該更加好味！西班牙餐廳又點可以冇西班牙海鮮飯啊，用咗墨魚汁做底再加上紫糯米用黎增加咬口，有啲似食緊中式糖水😂甜品就係墨魚汁芝士撻🦑小小咸，連埋個撻皮一齊食，感覺唔膩。不過就太鍾意嗰啲吉士醬感覺好杰而飲品方面就有竹炭baileys沙冰，望落去好似漸變色，如果加埋黑芝麻嘅話就好啦😍P.S 份量都幾多，兩個人食實飽到反艇。菜式設計上亦見心思，用上配合萬聖節嘅食材。