Day and Nite by Master Kama (已結業)

不知道大家有沒有這種奇怪的感覺, 每到一段時間, 就超想狂吃某一種食物. 記得早陣子宅女突然超想吃煙三文魚, 那個時期真的很任性, 幾乎隔天就買一磅煙三文魚回家吃. 再有一期又突然很想吃蝦, 就一口氣買回幾盒赤蝦刺身回家吃... 而來到這期, 就很想瘋狂吃龍蝦! 繼之前去吃了次龍蝦自助餐之後, 仍不太滿足, 得知最近旺角開了家新餐廳, 居然是主打各款龍蝦菜式!! 所以這天放假特意早點出門, 獨自前去吃個龍蝦大餐!! 這家Day and Nite by Master Kama其實就是位於銅鑼灣一家龍蝦專門店Master Kama開出來的分店, 不過這家分店提供的菜式就跟銅鑼灣店不同. 店子位於旺角山東街, 門面都算開揚幾易找, 進去後還要上一層樓梯才到餐廳, 算是樓上CAFE格局吧. 宅女這家是星期日中午來到, 原以為剛開店沒什麼人, 走進去完來都坐滿了大半數的食客. 幸好剛好還有張2人枱給我. 餐廳地方不算很大, 店內屬長方形設計, 一邊都是半梳化的2人或4人卡座, 另一邊就有幾張2人枱, 中間只淨一條通道, 不算很寬廣. 不過坐下來也算舒適. 餐廳用上純白配粉藍的設計, 沒有太花巧

day and nitemaster cider$68~果味濃郁，只有少量酒精，女仕們最愛，配薯條一流什菜湯～味道甜美流心芝士龍蝦三文治$108～溶岩般的芝士湧出來，食得超満足麵包預先刮空，釀入雙重芝士、龍蝦肉，大大件超好味啖啖濃郁流心芝士芝士龍蝦意大利飯～龍蝦鉗非常大，啖啖鮮味，配芝士意大利飯，絕配識食一定係咁食鮮奶伯爵茶～奶泡豐富，但甜了一點點

走在旺角山東街，發覺原來Master Kama開了分店。 回想起上次去過的美味，立即走入去試試。隔了一段時間到餐廳，餐牌已改變了不少。多了很多以龍蝦為主題的菜式。 可是我仍然鍾情於龍蝦餐，要試試這間店子的功力。龍蝦餐 $428 (Kim子推介指數7/10)龍蝦包依舊香脆無比，但是這次的龍蝦肉比起上次好像是少了一點似的。味道方面有輕微過客但是仍然野味。 薯仔及蕃薯炸食的薯條非常香脆，至於龍蝦肉味道有點偏鹹。吃完前菜，等了20分鐘才來龍蝦石鍋烏冬。剛製作完成端出來，熱氣迫人。我最喜歡是龍蝦湯底，湯入面有龍蝦肉的鮮味，尤如龍蝦湯一樣濃郁，配上彈牙烏冬， 帆立貝，魷魚，魚蛋及青口，非常鮮味。

曾於銅鑼灣店試過這家餐廳， 今日於旺角也開了新的分店，就是位於旺角以前馬德里的那個位置。 我也急不及待想再次嘗試他們出名的龍蝦滙。 double berry 沙冰士多啤梨,藍莓來製作， 顏色奪目非常而且味道不會太甜，很適合女士飲用都不怕肥胖。龍蝦包的 蒜蓉麵包非常香脆，把龍蝦肉夾起裏面，還有他們特製的沙律醬，吃起來非常夾味道 鮮甜， 肉質爽口。另外半邊的蒜蓉龍蝦亦非常香蒜蓉味重。龍蝦湯石鍋烏冬首先會看見龍蝦頭於鍋上， 石鍋中不乏各種 海鮮， 海鮮非常新鮮， 龍蝦湯非常甜， 明顯示廚師經過長時間淆製， 烏冬香軟帶點煙韌。

見到d相好靚，一於約朋友一齊試。book 左7:00pm 我一個人到左，reception 話一定要齊人先可以入，我話自己入先照計90mins 但唔可以。坐低左其實都有d嘈，叫左3樣野食Risotto lobster (正常味，個lobster入面其實冇咩肉， 但其實幾貴$208）海膽pasta （都ok creamy,但海膽少左d)$128/$138 薯皮 同cafe 食果d 差不多$48朋友叫左chocolate bailey 話好甜個mint lemonade 唔甜都ok 不過service 都冇咩，有d over price !如果係cafe 價錢同樣食物質素係ok ,不過要$200/person 就唔係好worth

旺角新開master kama ，食評唔錯就去試下食。由於佢少人都可以訂枱，所以唔洗等好耐就上得去食因為新開張關係，啲野都等得幾耐先食得，除左個kuma pot石鍋飯。我叫左個什錦海鮮芝士龍蝦湯石鍋燴飯，，個湯底好正，又夠哂芝士，都只係九十幾蚊，由於個石鍋嘅熱力，個飯好似由濃湯撈飯，變左食 Risotto 咁，好食。之後其他野食隔左好耐先黎，先講分享盆，我覺得就普普通通，入面有雞亦（似kfc雞亦），有雞軟骨餃子（普通），芝士雞肉薄餅，八爪魚丸（普通）同埋啲薯條（粗薯條都ok la ）.本來個拼盆應該有芝士條架，不過賣哂冇得試本來想食雞泡魚乾又係冇得食。之後再黎一個龍蝦包，我覺得啲龍蝦都新鮮嘅加埋啲醬汁好夾好食，係貴左啲囉。飲品方面，magic soda其實只係lemon soda, 只係特別在佢會變色，飲落麻麻，但影相就好靚（由藍色變紫色）。另一杯cookie mint smoothie就ok la，甜左少少總結，kama pot 最好食，必食，其他龍蝦野應該都可以試多幾款嘅

見到呢間餐廳一致好評當然黎試下, 雖然明知好評有可能係做出黎。黎左兩次, 中午同夜晚都有黎。中午黎果次, 我就係叫左呢度極力推介既皇牌龍蝦3文治。因為睇呢度既相同埋睇IG啲片個龍蝦3文治啲涵都多到瀉出黎咁, 好吸引。龍蝦3文治黎到. 我體會到所謂既"理想和現實" 可惜我冇影到龍蝦3文治入面啲涵俾唔到有力既證明但喺我面前果份個涵應該只有呢度食評show出黎既相既一半(都唔知有冇)左右至於龍蝦肉...um...我咬到好似都有幾粒掛....面包汁邊仲要極乾(呢個相都可以睇到, 雖然冇影入面, 但表面包個形狀都已經睇得出個分別sosad)咁平心而論, 除左個邊乾同燶, 係幾好食既, 雖然涵唔多, 但我覺得都夠味, 同埋佢既薯條都唔錯但呢種份量, 賣呢個價錢, 值唔值就見仁見智啦。另一日黎就食佢果個Mac N Cheese 飯$208本來唔想點, 怕份量太多食唔哂, 但朋友想試咁就叫啦一黎到, O左咀, 佢係用鐵碟裝既, 但隻鐵碟個圓周同一隻普通細size既紙碟差唔多...我地都忍唔住UP左句, 下~~咁就$208!! 我唯有講句, 可能貴喺隻龍HA度呢~不過再一次失望又係...龍HA入面果舊龍

係openrice見到新野見到啲野食幾正所以即係book位去試去到覺得環境唔錯佢有兩層 啲裝修都幾令我地早到左 職員話坐陣先六點先可以落order咁我地睇menu見都唔係幾多野食就揀左個三重芝士雞肉烤餅,龍蝦包同埋三杯野飲首先,個三重芝士雞肉烤餅幾好味 一碟有六塊全部細細塊 入面有足料雞肉 面頭有沙律醬同幾粒蕃茄粒 之後,個龍蝦包又係好細份 不過都幾好食既佢仲有一兜薯條 不過個薯條都炸得幾黑好幾條都黑到唔食得 後尾仲加左個章魚燒章魚燒一碟六粒食落完全唔知咩黎 又勁難食仲叫左3杯野飲上網見到介紹杯Unicorn Dream幾令寫就話波子汽水味加提子飲落冇乜味 不過真係幾令之後仲嗌左杯Sunset-Chubby呢杯係3杯入面最好飲 個樣又令又好味仲有杯係Peach&Lychee Tea呢杯賣相馬馬 但都算ok好飲唔會太甜 又唔會太淡口埋單都要成$515蚊 太貴了呢間餐廳限時90分鐘職員服務都幾好

之前見到有fd食過，見d相好吸引。今日決定試一試，賣相好靚，但龍蝦包味道一般，無咩味，最緊要係唔係新鮮另外點了一碗烏冬，味道都ok既。整體一般，回家再煮了個麵食

係IG見到唔少明星都有黎Day and Nite食飯，睇見都流哂口水~馬上約FRD黎過飯聚，試試新餐廳喇~Unicorn Dream ($58)非常吸睛，睇見都令人心動baby pink + baby blue 既顏色，再埋綿花糖，很有青春少女感唷!!!除左賣相吸引，飲落味道都唔錯，有波子氣水同提子味，值得一試!!水果Yogurt 沙律($48)以Yogurt代替沙律醬，更健康更有新鮮感!Yogurt 既酸味X 水果既果香味，為味覺帶來享受!最LIKE既係...水果用上較貴價既生果作材料，如青蘋果、籃莓，絕對唔頹!龍蝦芝士Mac N cheese 意大利飯（$208），粒粒飯都俾芝士重重包圍，芝士控必愛!!伴碟有兩片檸檬，可隨個人口味加入檸檬汁，咁就食再多既芝士都唔洗怕會有飽膩感喇！值得欣賞既係有部份龍蝦已經拆肉，撈係意大利飯當中，啖啾飯都食到龍蝦肉，真材實料!!再加上龍蝦鉗作裝飾，好睇又好食！綠茶心太軟+曲奇雪糕($68)，綠茶心太軟入口鬆軟，裡面既綠茶漿非常澎湃，一切落去就BI哂出黎，令人非常有滿足感!!心太軟味道偏向奶味重，沒有綠茶既苦澀味!伴碟既曲奇雪糕非常多曲加碎，令口感更豐

同朋友諗住嗌個signature流心芝士龍蝦三文治，點知個刻已經賣晒，好失望🙈🙈🙈🙈就退而求其次嗌左個漢堡包同炸菇試下。首先上個炸菇，賣相味道都好👍🏻👍🏻👍🏻炸粉唔會太多，炸到趣卜卜arm arm好，仲配個他他醬😋不過就得幾舊，略嫌太少。冇幾耐就上埋個漢堡包，個塊漢堡排好juicy，唔會un唔會乾，裏面仲有炒過既洋蔥圈，所以好香仲有d洋蔥汁係度👍🏻👍🏻👍🏻正呀😋仲配埋薯條同個小沙律最後講下個野飲unicorn dream，佢除左賣相一流，仲好好飲，唔覺得太甜同膩。佢其實係bubble soda加提子味既smoothie👍🏻👍🏻👍🏻👍🏻👍🏻總括黎講，野食水準唔錯，環境都ok，其實我地食食下個waiter話有番個三文治，不過已經太遲，我地食唔落，所以留番下次試下，佢仲話可以打電話去order定咁就包有得食😉

有次team lunch 去左銅鑼灣分店Master Kama，一試難忘!!九龍宜家開埋分店，加更方便!旺角宜間分店有更多食物款式選擇!裝修簡潔舒適，岩哂同一班朋友食飯傾計食飯!海膽忌廉汁蟹肉意粉，意粉頂層排上一排排海膽，先聲奪目過人!!先淺嚐一小啖海膽，海膽鮮甜CREAMY，一D腥味都無!!之後，將海膽同醬汁撈勻，味道十分相融美味。再加上鮮甜既蟹肉，閏蜜們都爭著食，真係明副其實好味到無朋友!!忌廉汁份量非常多，保證每條意粉都沾上濃濃既忌廉汁，正呀!幾乎每檯都會ORDER既流心芝士龍蝦三文治，真係無得輸呀!!!三文治即叫即烤，非常香脆!麵包皮既位置仲夾雜左NUTS，令麵包更有口感，看得出廚師製作既小心思唷!!麵包中間位置塗上橙色既龍蝦膏，入面夾著豐富既芝士中同龍蝦肉，啖啖都係龍蝦肉，令吃貨港女感到好幸福唷!沙律菜新鮮爽脆，配上酸酸微微既沙律醋，夠哂開胃，正好平衡一下芝士既飽膩感!至於薯條亦不俗，係我最愛既厚切連薯仔皮既薯條，即叫即炸新鮮熱辣，外脆內綿，唔洗點茄汁都已經好好味!!朱古力心太軟配朱古力雪糕，係我既至愛！心太軟即叫即焗，上檯時非常熱，配上凍冰冰嘅朱古力雪糕，雙重朱古力享受，朱

曾有聞Master Kama，龍蝦與石鍋的結合，聽起來不算新奇。一直未有一嚐，一來未有時間空閒，二來未能讓我感到好奇。只是最近就有點新變化了，在旺角開設的新店以Day and Nite為名。看到不少友人在開業之時已經率先一試，單看相片可是吸引得很。問過朋友，沒有吹奏到天花亂墜，單是說了句「ok啦」，示意還是可以的水平。既然有賣相，味道又中規中矩，看來不會是伏味濃之選。　　店名其實早已有少許提示：Day and Nite，讓人聯想到Day and Night。特色？就是日間與夜間有不同的餐牌菜式可選，那可不只是價錢上的差別。老是常出現的龍蝦芝士流心三文治正正就是日間餐牌的熱門代表之作。晚上到來的話就無緣一試了，但是不要忘記晚餐餐牌都是亮點處處的。Lobster Mac n' Cheese　$208　　有趣在於註明是Mac n' Cheese，但下單時店方會問是要Risotto還是Macaroni。這才發現原來下面有一行寫可選其一，不過其實Mac n' Cheese本指Macaroni啊……在餐牌上的偷懶省功夫卻未會影響到出品，小小一盤的龍蝦芝士通粉用料甚是豐富。主角龍蝦完整一隻鉗佇立於通

耐唔耐就會行下波鞋街，睇下有咩新鞋買，今晚行行下竟然比個招牌吸引住。大大個發光招牌好難睇唔到，原來係一間餐廳，一於上去睇下。餐廳燈光都幾有氣氛。餐廳提到Day and Nite，原來有分 Day 同 Nite 既餐牌，日間有日間專屬既食物，晚間又有晚間專屬既食物，令客人有新鮮感。而見到餐牌比較多出現以龍蝦為主既食物，應該係餐廳signature。龍蝦包 $188整作精美，龍蝦包好有驚喜，驚喜之處並非龍蝦本身，而係個包，因為用左蒜蓉包。一般呢類既包都唔會用蒜蓉包，所以咬落既脆口又有香蒜蓉味真係好特別。餐廳又同時考慮到蒜蓉包可能會令口感乾身，所以亦用一個忌廉汁可以自由加落個包度。薯條會見到分別有黃色同橙色，黃色係平常食開既薯條，而橙色既薯條就較有口感，兩者一樣新鮮熱辣，不過就無跟醬。吉列牛排配忌廉蘋果咖喱烏冬 $128 (旺角店限定)初時望落去感覺好似酸忌廉，表面完全感覺唔到咖哩既感覺。但入口真係有咖哩味，辣道只係bb級，可以放心食。忌廉蘋果咖喱比平時食開既質感更稀，但當烏冬沾上咖哩，又滑又香咖哩味。旁邊有似足吉列豬排既吉列牛扒，相信合埋眼都未必分得到牛同豬。吉列既感覺做得唔錯，而且又有醬

在銅鑼灣有一家Master Kama吃龍蝦的餐廳，之前也有聽朋友提起過，但卻沒有吃過。今晚專程來到旺角有事辦，順便來這家旺角分店吃個晚飯。雙重炸薯條|配3種醬料(龍蝦芝士醬.黑松露芝士醬.蜜糖芥末醬) • $68有薯條和蕃薯條新鮮炸出，全部都粗切，而且亦廷長條。炸得香脆，口感十足。蕃薯條甜甜的。再配上三款醬料，最喜歡是點黑松露芝士醬>蜜糖芥末醬>龍蝦芝士醬。點了醬後感覺沒那麼熱氣，不錯。吉列牛排配忌廉蘋果咖哩烏冬 • $128吉列豬排吃得多，但吉列牛排真的是第一次吃，質感偏乾身，不是太厚切，所以要配烏冬來一起吃。忌廉較杰身，忌廉汁底下有咖哩，撈過後便更好吃了。龍蝦芝士Mac and Cheese • $208改了做意大利飯，龍蝦鉗配上芝士意大利飯更令每粒飯黏上龍蝦汁。飯粒明顯，相信意大利飯比意粉味道更入味而且有龍蝦味也不錯啊！Unicorn Dream • $58顏色鮮豔繽紛，果然是獨角獸的夢啊！味道像甜甜的波子汽水，味道也不錯呢！Grapefruit and passion fruit Bubble Tea • $48這杯味道較清淡，不會太甜。而且色彩漸變正是今期大熱