409
52
26
港鐵旺角站 E2 出口, 步行約3分鐘 繼續閱讀
電話號碼
31060900
營業時間
今日營業
12:00 - 22:00
星期一至日
12:00 - 22:00
付款方式
Visa Master 現金 支付寶
座位數目
50
其他資料
網上訂座
電話訂座
賞訂座積分
外賣服務
當面支付
有關獎賞計劃
食評 (522)
等級4 2018-06-27
2377 瀏覽
嚷左好多晚,心想食龍蝦包,所以就黎到master kama一解心癢。呢度 除左龍蝦包外,飲品選擇以及食物方面都好多種類。今晚就叫左3樣野加1杯飲品。飲品全部都好大一杯。Peach & lychee tea $48蜜桃與荔枝嘅配搭、想像不到的顏色。兩種香氣味道都幾夾,唔太甜。龍蝦包 $188大大龍蝦鉗非常吸引,啖啖龍蝦肉爽口過癮。店員可預先將龍蝦包分成兩份,麵包是酥香蒜蓉包。薯條有粗薯、同蕃薯條。蕃薯條甜甜地好順口。吉列牛排配忌廉蘋果咖喱撈烏冬$148手打烏冬彈牙,咖喱加左忌廉較順口。吉列牛排色澤鮮明,外皮脆口。共10-11塊,都幾抵食。牛味都算濃郁,幾有驚喜。Kama 石頭濃湯鍋 (龍蝦芝士濃湯+日式叉燒+溏心蛋) $93龍蝦芝士濃湯可配飯或烏冬。呢個自選鍋 有多款配料可選。為試到最濃郁龍蝦芝士味選了飯,芝士仲會拉絲。日式叉燒6-7塊,大大塊,肉稔唔痴牙。份量足以兩人食飽飽。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-27
1479 瀏覽
呢間餐廳平時聽朋友講話龍蝦餐好得,想不到原來龍蝦以外既食物同樣好味出色,而且夠創新特別,而且好鍾意呢到既裝潢,影相都影得特別地出色!未食前,必定要試呢到既茶飲呢杯Duo Bubble Tea 好吸睛,雙色兼有雙重味道HKD48我呢杯係蜜桃同荔枝口味既茶,香甜又清爽,加上甜度適中,仲大大杯,夏日飲好清新醒神呢到既食物真係好夠創新,呢款可以自由配搭,而我覺得創新係你平時係好難得食到既配搭,好似呢個Master Kama Pot,可因應自己口味喜好去選擇,從揀湯,配料同主食都係自己話事配料揀左醬燒豬手HKD88味道鹹中帶甜,豬手燒得好香,加上醬汁更惹味而湯就選了蕃茄濃湯HKD10想不到蕃茄味真的好香好濃郁,又唔會過酸過甜,主食就選燴飯,整個濃湯燴飯用上石鍋上,令到整個飯熱呼呼,加上有粟米及其他配料,令到口感更豐富而燴飯好入味另外我對呢個本店限定更係情有獨鍾,一見到就看上它了吉列牛排配忌廉蘋果咖喱撈烏冬HKD148呢個吉列牛排睇到都吸引外面好香口,而內里的牛排入口唔韌,加上醬汁味道更討好好香而且味道好好,盡在不言中而呢個忌廉蘋果咖喱撈烏冬更是夠特別,呢個配搭又係好創新將蘋果加入忌廉打均攪拌就變成呢個香濃汁,再加上咖喱,味道唔會搶到對方,反而出奇地夾,咖喱甜甜的但又唔會辣烏冬煮得唔會爛,反而好彈牙入味,成個口感好豐富好味美整個晚餐好令人回味,款式創新,味道又討好,而且影相係呢個環境影得好靚,整體感覺良好! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-15
2403 瀏覽
曾經到訪呢間餐廳唔止一次,由於佢地日、夜餐牌有所不同,試過午餐,亦都試過晚餐,不過最主要都係試佢地嘅龍蝦系列,因為我真係幾鐘意食龍蝦啊,龍蝦包、三文治,仲有蕃薯條都係我必點。而除左龍蝦,早前佢地都推出左以蟹作為主題嘅套餐。近呢個月每逢星期四都要上堂,就襯機會反正要黎旺角,一於再訪,約埋一齊上堂嘅朋友前來由於時間緊逼,我地7點半就到達餐廳,店員於樓下安排好座位,就通知我地上去。其實佢地有兩層,我地被安排到一樓,平日依然爆滿,人氣依舊。由於一早決定要試蟹套餐,不多考慮,直接下單。蟹宴包括前菜六小砵、芝士蟹肉釀蟹蓋、鱈場蟹海鮮紙火鍋、蟹雜炊,定價$588/2人份。點單後,店員好快送上紙火鍋、醬油、蟹醋、餐具。六小砵 - 前菜可能客人頗多,前菜約等左二十多分鐘,由於我地仲要去上堂,所以一上菜就急急扒入肚。六小砵擺盤精緻,用一個六格小木盒盛載,賣相同味道都很開胃。分別有蟹肉玉子燒、蟹籽日式凍豆腐、虎蝦配芒果慕絲、柚子醋海藻沙律、酸辣羅勒海蜆、海鹽枝豆。海蜆乾淨冇沙,凍食入口酸而微辣,清爽開胃。海藻煙煙韌韌;而虎蝦亦都很爽口。豆腐、玉子係一口size,朋友讓左俾我獨吞。芝士蟹肉釀蟹蓋食完前菜約等十五分鐘就上釀蟹蓋,都怪我地將時間預得太趕急,當晚都未能好好用餐,一上菜就滾水淥腳咁食。蟹蓋係新鮮熱辣焗起,面頭加入大量芝士,烤到微焦,有拉絲效果,芝士夠熱真係好好食。蟹蓋中放有不少蟹肉,方便唔鐘意去殼嘅朋友可以直接食到蟹肉,份量大方,入口有絲絲蟹肉,再加少少伴碟嘅三文魚籽,鹹鹹地更美味王樣 鱈場蟹海鮮紙火鍋紙火鍋真係幾特別,我地都食得好小心,其實唔用筷子直接督個底,都唔會穿,可以放心。紙火鍋爐面比較細,可以放入嘅野唔多,變相大家都慢慢食,急唔來,可以一邊傾下計。由於上次跟朋友黎試過蟹宴,今次嘅體驗更好,感覺上食物都係即時預備,而且味道、用料有改善首先有一盤海鮮,入面有原隻蟹、兩隻大蝦、十隻左右嘅蜆肉;另一盤係蔬菜,有南瓜、鳴門卷、娃娃菜、油麥菜、雜菌、獅子狗、粉等,湯底好簡單,用左昆布調味,煮完蟹之後都會冇少少鮮味。本來都擔心唔夠飽,不過可以放心,因為仲有碗粥,都相當夠食。蟹夠大隻,最重要係隻蟹幾好肉地,食落真係啖啖肉,最怕食蟹搞黎搞去得個吉。蟹約莫都煮左十零分鐘,一來隻蟹大,二來火力唔算好猛,啲水唔會滾出來。另外大蝦都高質啊,比之前食嘅時候大隻,而且新鮮得多,食落爽彈。至於蜆肉亦都粒粒開口,乾淨冇沙。我地一食完海鮮盤就淥埋啲菜,蔬菜盤都幾多,娃娃菜配呢個湯底特別甜;其他配料係正常水準蟹雜炊蟹粥係直接食得,大概每人一碗多啲,粥底稠身,增加飽肚感。粥底有少量蟹肉,鮮味唔會太鹹。整體而言,人均消費300左右,材料有所改進,蟹、蝦都係大隻好肉。如果套餐包埋飲品,性價比更高,哈哈。餐牌: 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-15
639 瀏覽
✿╮❤╭✿ ✿雜感女生 好味日記✿ ˚*•✰。Day and Nite by Master Kama .鮮蟹迷心。✰•*˚ ✿✿小滋女的Dolce Vita✿✿ ❤餓底飯聚.食勻全世界❤ ❤吾係POL - Peggy On Line.Proof Of Life❤ ❤ 人活著,每一天感受著所有的細節和瑣碎 並且嘗試將它們位於欣賞的位置...... 因此,小滋女如我,喜歡以吃來確認生活的意義 今次,確是為了滿足自己的海鮮欲望 特意走去旺角鬧市品嘗招牌海鮮 向來,在香港要數龍蝦專門店,一定會想到Master Kama 今次特意到訪為的卻是時令蟹宴! 「六小缽」 日本人最愛小碟,今晚的日式蟹宴,從木盒盛載的「六小缽」開始 蟹子日式凍豆腐、虎蝦配芒果慕絲、蟹肉玉子燒、 柚子醋海藻沙律、酸辣羅勒海蜆及海鹽枝豆 蟹子日式凍豆腐與柚子醋海藻沙律都是清爽開胃的佳品 即使我對酸度有所偏心,不忘鮮甜的引誘 虎蝦配芒果慕絲是演繹得頗佳的,2隻大蝦夠肉厚鮮甜 芒果慕絲帶出鮮香,很適合2人前分享 「芝士蟹肉釀蟹蓋」 很有誠意的菜式,金黃色的香濃,芝味即引發口水直流 蟹肉、洋蔥粒、蟹膚的混雜美學,完全令人無法抗拒 加上日式香口魚脆,加入了海洋的鹹香,脆出新意思 有心思的做法,令朋友愈食愈滋味 也是對的,蟹肉釀蟹蓋,是永恆的蟹宴主角 「王樣 • 鱈場蟹海鮮紙火鍋」 真正的主角——紙火鍋終於出場 昆布味香的清爽,配上鮮甜的鱈場蟹 鮮紅的蟹膏、白嫩的蟹肉,教人吃得開懷! 海蜆鮮甜、大蝦肉質彈牙,滾得雖然慢但確實是即滾的海鮮湯 蔬菜盤份量十足,配上大量心愛的菇菇 為海鮮湯帶來陸上的味覺默契,加入魚片 令湯底更有層次 「蟹の雑炊」 比較鮮甜的海鮮紙火鍋 雑炊的味道比較平實 但當加入海鮮湯,海鮮的靈魂就出現了 甜度即時昇華 「抹茶布甸」 抹茶味出色,質感香軟又夠奶香 原來用了2款抹茶粉,又加入了北海道牛奶 難怪水準十足! 繼續閱讀
(以上食評乃用戶個人意見 , 並不代表OpenRice之觀點。)
二人蟹宴 焦點食評
等級4 2018-05-29
3184 瀏覽
朋友話想食呢間, 仲提醒我要book 枱去到樓下, 對好booking有位先可以上樓我地原本想散叫, 但見到人地食個蟹set 都好似唔錯, 就叫左呢set, 已經係二人份量六小缽, 用木盒形式上, 六款前菜都係凍食, 所以都上得幾快蟹肉玉子燒, 玉子味道唔錯, 表面放左少少蟹肉, 但如果玉子係熱既就更好蟹子日式凍豆腐, 豆腐滑配日式麻醬虎蝦配芒果慕斯, 虎蝦唔算大隻, 味道配芒果汁&蕃茄粒, 味道清新柚子醋海藻沙律, 海藻幾爽口, 加上柚子醋幾開胃酸辣羅勒海蜆, 酸辣味唔夠, 而且海蜆較咸海鹽枝豆芝士蟹肉釀蟹蓋, 將蟹肉蟹膏混入濃郁芝士, 即時變得有內涵, 大啖食好滋味蟹蓋插上白飯魚乾, 好脆旁邊有三文魚籽&火箭菜王樣  鱈場蟹海鮮紙火鍋包一盤海鮮, 一盤雜菜, 都係放係紙火鍋到滾海鮮有蟹蓋蟹鉗蟹腳, 蜆, 蝦蟹蓋有好多膏, 不過熟左之後甩左好多蟹腳幾粗, 蟹肉都好鮮甜而雜菜種類多, 菜, 菇, 魚蛋魚糕, 南瓜等其中有塊好魚形既魚餅, 好得意蟹之雑炊, 即係蟹粥, 煮得好綿, 入口幾creamy, 同中式蟹粥好唔同Blue Vanilla 雪糕, 淺藍色既雪糕, 襯返餐廳主色, 幾靚不過天氣熱, 雪糕好快溶 繼續閱讀
(以上食評乃用戶個人意見 , 並不代表OpenRice之觀點。)
你可能會有興趣的...