Dates (已結業)

哎...這種甜吃叫做"心太軟", 重點同精髓係d溶左既朱古力心, 而不是個外層.所以如果話中意個皮厚d既話, 咁就會失去佢原本既重點. 食時要小心, 不過佢d朱古力心係一定會溜出來的, 不用太擔心, 唔駛話"食唔切" "飲唔切"...因為你唔係係度食小籠包,灌湯餃... 你可用外層點上糖心來吃, 但不要說"喝不到了"...這個甜品不是要你飲晒d漿!

那晚我們兩人吃了8安士牛柳和焗豬扒意粉, 先說牛柳, 肉汁豐富, 配菜是薯茸, 不知是不是用粉加開水, 但像吃雪糕的感覺, 綿綿的, 我愛吃.豬扒上有些半溶芝士, 醬汁豐富,意粉口感不錯, 但豬扒肉就一般了.最後叫了焗軟心朱古力和拿破崙餅, 朱古力那個不算是蛋糕, 是面粉糕而且很薄, 我只是輕輕一切, 裡面的熱朱古力漿馬上大量流出來, 弄上整個碟變了"朱古力湖", 根本"喝不到了", 剩下的糕馬上倒塌下來, 吃的不好看, 如果朱古力糕份量多一些, 而溶漿少一點, 這才是我們心中的軟心朱古力了, 而不是像"灌湯餃"了.至於拿破崙餅, 酥皮層有些硬, 像吃過期薯片, 用刀用叉切都是會成碎片, 要分一層層的吃, 吃得狼狽, 我覺得美心做得還好吃呢!每人花了140元, 不值呀!

之前叫Daisy 已經想黎試...去到先知改左叫Dates...唔知係咩原因呢?上完堂同老公走黎嘆下...叫左兩個頭盤: 油醋吞拿魚沙律, $68...六小塊吞拿魚外面有好多黑椒粒, 暖暖地, 酸酸地...普通! 白汁煮青口,十一隻, $78...呢個好好食..真係好好食...之前係amaroni...食既giant mussel 已覺好食...但佢不但汁好味...而且青口既肉好creamy...正正! 然後再叫左個露荀雜菌意大利飯$88, size 好細好細...不過飯好有咬口, 似italian style...雜菌煮得岩岩好...加埋芝士....味道一流! 最後因為唔係太夠....同埋想試甜品...再叫ginger souffles and warm chocolate! 前者夠薑味....兼做得好鬆軟...$28..好抵呀! 後者味道唔會好甜....漿流得好快...食都食唔切...好滿意!呢餐雖然係旺角食....但個感覺唔似...雖然份量好細...但同老公share ..仲可以試多野! 服務...如果侍應多笑容就仲好!

今晚補足個friend生日.. 又唔知食乜好..去問下好朋友意見.. 佢建議我試下呢間.. 咁就決定試下.. 我地兩個女仔.. 叫左一個凱撒沙律, carbonara, 燒焗羊鞍, 朱古力軟心蛋糕..凱撒沙律--好細碟.. 味道都ok.. 不過如果d菜再新鮮d.. 脆d就更好.. carbonara--轉左扁意粉.. 味道都幾好.. 意粉亦有口感.. 燒焗羊鞍--有3件.. 份量ok.. 叫左medium.. 不過就唔係每件都係medium..但幾好食.. 唔韌.. 個薯蓉都好好食.. 朱古力軟心蛋糕.. 真係好似食評人話有湧出黎既感覺.. 很豐富的視覺享受.. 如果朱古力再苦一點就更好.. 不過都係好ok的.. 唯一令我感覺不太良好的.. 就係d侍應成日好似好趕時間咁.. 未食完就好似想收左你d碟咁.. 但實際上間餐廳o個時係唔多人架喎..

洋葱意米忌廉湯：起初覺得怪怪，但味道ok，餐包係熱既煎鵝肝牛柳：鵝肝煎得未夠火喉，一刀切落去點解吾分開既，吾係掛，鵝肝都有根，唉...牛柳無乜味，order六成熟，一半係食吾倒龍蝦天使麵：天使麵黏埋一舊舊，好吾掂煎鵝肝牛柳跟餐要加$30.00被一侍應誤道，差啲要加$55.00明顯侍應不熟餐廳價目

出差時翻開舊有飲食雜誌看到阿蘇有篇介紹青口的報導，頓時食指大動，況且青口算是其中一種至愛食材；青口的美味是源於其獨有的鮮甜跟海水味，加上雌姓青口及雄姓青口都有不同的食味，以及其本身亦煙韌亦腍腍的感覺就是鍾情的原因；法國藍青口、澳洲青口及西貢新鮮青口都是鍾情的幾款，而這裡是以美國青口為主打，故回來後馬上抽空一試。到來的時候已經是下午茶時段，有多款下午茶餐可選，但最終只點了這裡的白酒忌廉煮青口。青口上檯時賣相真的不錯，約十隻約三指大小的青口，青口肉挺飽滿的，而忌廉汁內滿佈乾蔥頭及香草，理應食味不錯；馬上一嘗，頓時失望，青口肉只有腍腍的，沒有煙韌的感覺，鮮甜味道欠奉，更不論海水味了，而忌廉汁內基本上沒有白酒的香味，真的失望。到這裡已沒有太多心情談其他，希望其他菜式可以，但下次一定不再點此道所謂名菜！唯一值得讚楊的是這裡不設加一，算是一點補償。

吃罷好旺角後,時間岩岩好,靚女朋友放Lunch,地點為女人街,其中一間"高級"西餐廳Daisy.入到門口,白色的簡約裝修,以旺角指數黎講,的確別樹一格,很有型似的.記住,只在旺角,一過到海,便不入流了.論環境,最岩一些吃厭港式三流迴轉,連鎖式茶記的年青男女光顧.先講講服務先,入到去明明有二人檯,有個男侍應叫我等等,轉頭,再叫我等等,其後,才有個女侍應帶領.雜亂無章的服務,這就是旺角.睇個餐牌,一面係港式set lunch,大約係咖喱雜菜,牛扒之類,另一面就係比較認真的set lunch,有Pasta等選擇,既然此店的賣點係Pasta同Risotto的話,便來一客香草野菇意大利粉吧,友人要個蜆肉意粉.頭盤西蘭花忌廉湯,連一條酥皮條上,西蘭花味得少少,近乎罐頭湯質素,如果以lunch標準就不過不失,晚餐就一定唔合格.香草野菇意大利粉,用香草醬去煮,簡簡單單,野菇也有菇香,意粉都叫算彈牙,但同Al Dente又差少少.尷尷尬尬.友人的蜆肉意粉,質感一樣,蜆肉有沙,肉唔鮮.Te的兩分鐘即炒貨色,都仲好過佢.吃罷再點餐茶,三催四請才送到上面前,同侍應叫唔該埋單丫.)侍應係!).真係西餐格局,茶記

今晚同honey去試, 覺得美國青口肥美新鮮好特別, 墨魚面都ok, 裝修都唔錯有feel~ 全晚o既精髓就係心太軟, 又香濃又熱辣辣又軟滑,好sweet^^ 下次會再去試多d野!

去到1830左右, 既然已經full house~ 因為係突然想去, 無book 到枱, 所以就被限時, 1930 要交枱~ 就環境黎講, 旺角+ 女人街, 想型造一個中上收費, 又要唔迫既atmosphere, 都可以話交到貨~ 食物就叫左白酒煮青口, 香草三文魚天使麵& 龍蝦扒海鮮飯~ 加左$30 將個餐up 左做set meal~ 一個要左紅湯+ 餐包, 一個要左三文魚沙拉~ 唔…個人比較鍾意個餐湯+ 包~ 個湯唔太酸, 味道濃, 個包又熱喎~ 實在係一個驚喜(要知道, 外面依家好多貴價餐廳都無咁細心)! 個沙拉…份量少得可憐~ 連我呢位女仕都覺得少, 可想而知份量有幾少~ 不過, 值得一讚係個沙拉sauce (balsamic+ olive oil) 就真係好食~ 白酒煮青口個青口呢~ 大大隻, 又肥美~ 雖然係美國入口, 不過仲大隻過係paris既“Leon”食既青口!! 而個sauce呢~ 簡直係一流~ 好creamy~ 我同男友都超鍾意, 食晒d 青口都要將d sauce 當湯飲!!個香草三文魚天使麵, 一個字: 香!! 個碟一上已經聞到陣陣既香草味~ 食落又唔會好油~

小妹素來認為美食係人生的最大享受，不惜花錢花氣力去滿足口腹之欲，看了名食家的介紹，便急急跑去試菜。第一次去係星期六晚七時，等了半粒鐘終於有位。誰知一坐下想点客招牌青口試試，竟然已經售罄，有冇離譜d呀？！晚市才剛開始招牌菜就沒有，立刻起身走人！！！但為了美食，我係唔会放棄的！！！終於第二个星期六我一早就book位並預留青口，做足準備再去！！當晚点菜如下：頭盤:白酒忌廉蒜容青口x2青口比法國的藍貝青口大，肉厚嫩，鮮味ok!汁則花奶味極重，沒有什麼酒味，只是略咸了一点！感覺良好！鴨胸沙律鴨胸沙律係under salad的item，理論上我expect係多菜，為什麼這碟鴨胸沙律只有數條伴碟的沙律菜？！鴨胸味道ok，不嚡，沙律汁是我喜歡的黑醋汁，除了比例嚴重失衡外，尚算ok！湯: 青豆忌廉湯只比茶歺廳好一点，沒有誠意之作！而且好咸！！我只喝了兩口便要喝水！！main course:阿拉斯加蟹腳併肉眼扒阿拉斯加蟹腳不是只需溶雪便能吃嗎！？為什麼比起在其他地方吃的咸咁多？！！男友order肉眼扒要medium熟，待應竟然不知，反問要幾成熟？！一点西菜的manner及常識也沒有！！下次谷氣答要53%好

見門面幾企理，就看看內裡是什麼料子，餐廳被屏風隔著，甫入店方見到有水吧，呢個屏風真夠毒．．．裝潢以白色為主幾casual，樓底好矮，人多的話仲嘈過「798」，是晚7成滿，真夠「吵作」。見有set dinner，就來個risotto，掛著傾電話，到risotto上來方知是軟殼蟹risotto。講返個set，是普通的沙律，叫侍應加黑醋，主動堅議話另上，唔錯，奇就奇怪黑醋是加了蒜頭來調過的，醋本來都夠稀，仲加埋蒜頭，是「騎呢」到盡的組合，此為第一次吃到的特色黑醋。邊食邊等著risotto，聽著侍應大聲講大聲笑，收碟set位又撞到「澎澎」聲，作為西餐，給他個「F」。而risotto，濕腍腍汁收得完全唔掂，飯是不夠光澤，未食已知是失敗之作，最慘還是愈吃條愈麻，絕對有理由相信是加了msg，是第1次食到msg risotto，對比飯焦risotto，又是另一境界。唔識食的偶亂點一番，可能點錯了非師傅的拿手菜，至有咁既收場，或者跟著某食家點藍貝，會好好多。然而有一點可以肯定的，就是服務及環境及地理位置，都無辦法做到「西餐」的效果。

服務+食物都有水準。唔會有旺角感覺。叫左個二人晚市餐。有湯，頭盤，主菜揀左牛扒，同意粉(女士門會食唔啥架!!)同餐飲，甜品就另收費。值得再去!!

今日同個朋友黎食飯..share左一個海鮮天使麵，ｄ海鮮好好味．．．ｄ麵都ｏｋ．．不過ｄ汁太稀．．仲有個沙律同個餐飲都係四十幾蚊．．都扺食既．．

看戲前來吃DINNER.雜菌雲吞: 雲吞四件, 味道好home-made, 但好快涼. 顫底有波菜茄茸.soup of the day 不能再普通.炸軟殼蟹意大利飯: 炸軟殼蟹味道好麻麻地, 不過預左. 意大利飯係好濕一pat pat果種, 味道口感不錯.海鮮墨汁麵: 很多地方都能把這道菜做得更好. 墨汁麵不似墨汁麵, 口感不好, 海鮮除了霉霉地的蝦外僅較濕碎的蜆肉和小片帶子.心太軟: 全餐最impressive的, chocolate syrup一切即湧出來流勻全個碟, 冇得頂. chocolate syrup夠熱又不過甜, 蛋糕皮微脆.環境在MK來說很好. WASHROOM也很整潔. 服務OK啦. 但覺得價格以份量味道來說貴了點點.

友人生日想試新野又想環境好就揀左呢間ｏｖｅｒａｌｌ，　個ｅｎｖｉｏｒｎｍｅｎｔ都唔錯食物價錢偏貴一個ｓｅｔ　ｄｉｎｎｅｒ都要１２０左右而且每碟都好細碟唔抵味道方面個人認為太ｈｅａｖｙ個意大利飯好鹹下而且太濕ｄ意大利粉都ｏｋ既你個天使面麻麻地不過ｄ配料就唔錯個餐湯真係會嚇你一跳因為少到都唔知點咁我地見到隻碗咁大但係ｄ湯只有４分之一咁多就好ｓｕｒｐｒｉｓｅ　ｌａｗ