Dates (已結業)

見門面幾企理，就看看內裡是什麼料子，餐廳被屏風隔著，甫入店方見到有水吧，呢個屏風真夠毒．．．裝潢以白色為主幾casual，樓底好矮，人多的話仲嘈過「798」，是晚7成滿，真夠「吵作」。見有set dinner，就來個risotto，掛著傾電話，到risotto上來方知是軟殼蟹risotto。講返個set，是普通的沙律，叫侍應加黑醋，主動堅議話另上，唔錯，奇就奇怪黑醋是加了蒜頭來調過的，醋本來都夠稀，仲加埋蒜頭，是「騎呢」到盡的組合，此為第一次吃到的特色黑醋。邊食邊等著risotto，聽著侍應大聲講大聲笑，收碟set位又撞到「澎澎」聲，作為西餐，給他個「F」。而risotto，濕腍腍汁收得完全唔掂，飯是不夠光澤，未食已知是失敗之作，最慘還是愈吃條愈麻，絕對有理由相信是加了msg，是第1次食到msg risotto，對比飯焦risotto，又是另一境界。唔識食的偶亂點一番，可能點錯了非師傅的拿手菜，至有咁既收場，或者跟著某食家點藍貝，會好好多。然而有一點可以肯定的，就是服務及環境及地理位置，都無辦法做到「西餐」的效果。