Dates (已結業)

昨日經過女人街，又未食晏，原本想食日本菜，但佢地落場，所以就到Daisy 食tea啦～我係第一次黎既．．．．估唔到女人街有間裝修咁”骨子”既餐廳～椅子是全白色的，座位之間亦不會太迫，唔係置身於旺角，仲以為自己去左尖咀／老銅既高級餐廳！好少係旺角區見到咁正既餐廳，所以環境我俾好高分！食物方面，我點了一客清雞湯豬扒湯意粉，個湯底好得，但意粉略少，同埋個豬扒煎得麻麻有機會夜晚黎試下佢地ｄ晚餐啦～

星期六既旺角度度食野都人山人海，於是乎諗都唔駛諗就去左呢度食，貪佢o係旺角都可以唔駛等位兼靜靜地食餐飯，點知差唔多己經9點先去到，都仲full house，我仲以為自己入左茶餐廳添!!!環境上嘈左好多，連佢d客路都唔同晒，好似多左好多師奶客，心諗乜宜家d師奶咁識門路入到黎呢度食既...而冄仲見到d waiter踢晒腳，做到頭都暈，同我第一次黎既時候望一望都知道我叫佢好唔同，就知佢地一定未試過咁忙喇.... 到後來聽d waiter講先知原來出名識食既蘇絲黃早幾日o係收音機介紹過，掛唔知得多左咁多人啦!!!入黎既時候見到menu上面有生蠔同白酒忌廉煮青口，我向來都係貝殼類既fans，諗住叫啦，點知己經賣晒，連退而求其次既車厘蜆都沽清...有d失望!!最後兩個人點左軟殼蟹茄茸意大利飯set dinner，煎鴨胸黑醋沙律同3個甜品(vanilla 梳乎厘，蘋果枇併vanilla雪糕同鮮果napoleon)軟殼蟹茄茸意大利飯set dinner - 味道不錯，軟彀蟹夠大隻但非常之咸....差d想叫佢換個隻!!! =(煎鴨胸黑醋沙律- 正!!! 鴨胸一d都唔"鞋"，沙律個sauce好醒胃!!甜品

素來不喜歡涉足旺角, 總覺得人多煙多車多, 又沒有好的地方食飯, 所以每次來旺角都是by request的~好友生日, 晚飯地點一改再改, 最後才決定這裡~ 唯有一手提起蛋糕一手抽著禮物去女人街找這小店, 真的又熱又累~到了~ 純白色的裝修, 簡潔明亮, 如看不到店外女人街的藍白帳篷, 仿如置身中午的soho一樣~ 店內環境不錯, 選地點的朋友應記一功~因為set dinner不及a la carte menu吸引, 9個人只點了3個set dinner, 另外再散叫~ 印象較深的有:炒田螺蒜容菠菜–侍應說有炒或焗兩個煮法, 可惜當日並沒有焗的(不明白…材料不是一樣的嗎?), 其實炒的都不錯, 蒜容菠菜是切碎了墊底的, 炒田螺夾雜了新鮮磨菇~ 味道配合~蛋黃醬寛條麵–是朋友全力推薦的, 第一次上檯的時候給朋友們清了, 一致好評, 結果叫多一碟, 好香的蛋黃醬, 味道濃而不膩~ 辣蝦天使麵–醬汁帶辛辣味, 對我來說是剛好~ 3-4隻中蝦十分新鮮, 天使麵不太稔~ 好醒胃~豬扒大蝦–正確的名稱又忘了, 總之有2隻烤開邊大蝦加一塊豬柳~ 因這個豬柳的顏色跟牛柳是一樣, 還好點菜的人記得是豬柳

食之前...感想 舊同事知道我今晚去Daisy食飯, 就叫我出食評同影相. 睇怕我有一日如果唔再打工, 只有2個可能性: 一係死左, 一係轉左去爬格仔, 講飲講食講旅遊呃飯食... 一頓美味既晚餐, 除以食物本身衡量外, 亦有好多其他因素影響評分, 旺角花園既Daisy係其中一間因為一篇雜誌報導, 而吸引我既光顧既少眾. 與友人合資並將所有積蓄一鑊過付出既總廚, 今年33歲, 肥仔一名, 佢會考零分, 讀書唔成係咪真係三大害, 就好睇個人日後造化. 曾在Sheraton and Inter-continental任職既總廚哥哥, 千辛萬苦學識煮意法菜, 並試左多年先炒得一碟上佳既意式海鮮飯. Daisy既呢個飯, 造價128蚊, 好多人嫌呢間位於mk咁cheap既舖仔貴, 但總廚相信, 總有識食既人會入門幫襯. 訪問出稿當日, Daisy仲蝕緊錢, 但總廚孤注一擲, 不成功, 便成仁, 開店願望達成喇, 但往後既路, 可能係... 食物一個二人餐作價198, 我點左龍柳天使麵同牛仔骨. 先說湯與沙律, 湯係好簡單既minestrone, 好有香草味, 沙律有鴨胸同vine

又係睇完食評,所以夜晚同男朋友黎試下..叫左個煙三文魚沙律,好得..連平時唔好三文魚既男朋友都話好,煙三文魚好新鮮,配左個芒果汁食落好清新..,而主菜我就食炸原條石班,而男朋友就食龍蝦牛扒..石班炸得好好味..而男朋友牛扒都唔錯,要6成熟,但隻龍蝦肉有d梅,同個經理講,即刻換過比我,service 好好..不過旺角區黎講,佢\都算幾貴,but 都有下一次的...

今日要ling 個電話去整. 等成兩個鐘. 本來想去屎落比餐廳坐, 但樓下已經n 個人... 結果行下行下去左女人街... 又比我發現到li 間野. 全間野都好白, 同周圍好唔襯. 但坐響裏面, 冇乜人, 好似同外面抽離左甘, 幾過癮.叫左個香草煙三文魚意粉, 算幾唔錯, 但份量比較細. 不過都可以一試既...

15:00入來可以叫tea,可以叫lunch.羊扒Lunch set~叫了七成熟,好OK喎,真係七成喎,唔似其他餐廳叫七成但就比八成半熟你.味道都OK,但薯仔唔得,無薯香味.蜆肉意粉跟蒜香汁Tea set~味道OK,算係蜆肉及意粉成正比.乾巴馬茄意粉Tea set~幾好味,顏色好靚.朱古力Tart~size約三吋半倒,但撻皮唔得,唔夠鬆.

一向女人街裡面既食肆都唔會幫襯,實在太怕唔衛生又唔好食...但友人介紹既呢一間似乎係唯一既例外去左3次,1次食晚飯, 2次食甜品, 都只可以用一個字黎形容: 正!!裝修同環境絕對唔同平時女人街食開那種, 唔講仲以為自己去左尖沙咀添!!!平時晚飯有2人set都只係$198, 但那時我只係散叫左吞拿魚沙律, 羊架同雜菌意大利飯...除左個意大利飯有d"濟" 之外, 其他都非常正, 唔係平時馬虎了事!!另外2次都只係食甜品, 因為知道佢既梳乎厘同軟心朱古力布甸好出名... 梳乎厘就有雲厘拿,朱古力同橙酒揀, 3款同好正; 而軟心朱古力布甸既份量剛剛好, 唔係太甜得黎又有好濃烈既朱古力味!!! 而cream brulee就冇乜驚喜....佢仲開到淩晨1點, 如果想係旺角搵間可以靜靜地可以傾到計又好味既餐廳, 不妨可以試試!!!! yummy yummy...

一直以來都相信女人街附近有些餐廳是禾旱蓋珍珠，但每次經過一些小餐廳門口總覺入面好狹窄，食得都唔舒服。上星期六約了朋友去旺角，在唔知食咩好的情況下，再沿住女人街行，諗住睇下有冇咩好食，結果就俾呢間餐廳外面的裝修吸引，就入了去食。的確係估唔到女人街入面會有咁樣裝修既餐廳，當然唔係好富麗堂皇好似高級餐廳，但簡單得黎幾有氣氛，總之絕對係我buy果種，坐得幾舒服。當日我同個朋友叫左個二人套餐，我覺得單睇餐牌價錢好抵。198蚊，每人有一個沙律或湯做前菜，一個主菜及飯後飲品。朋友點了安格斯牛柳，我點了君度橙汁銀雪魚。朋友話第一件牛柳好好食，但第二件唔知做咩好韌同好燶；我份銀雪魚就令我覺得有些失望，銀雪魚應該係好滑的，但佢做出黎好"鞋"，質地我覺得不似銀雪魚，唔知係做法唔好，定係果件真係唔係銀雪魚；如果唔當佢係一件銀雪魚，食落都ok既。餐後杯熱咖啡就好飲。由於我鍾意飲咖啡，同埋鍾意坐得舒服既地方，所以就算今次食物方面有些少失望，我都會再去，試下其他野，因為上次趕時間試唔到甜品，下次一定要試試。

今日到此一食，估唔到晌女人街都有好既西餐廳!晚飯叫左set dinner，賣相精緻，味道亦恰到好處。甜品尤其出色!!

17/3 黎食菠菜忌廉湯, 上面條脆既包? biscuit? 好味白汁chicken 意粉, 都好味but 杯coffe 好好飲睇得出d waiter, waitress 係新手環境好舒服, 間野以白色為主

我個人來說很少在旺角食西餐, 好多時都係選擇一d集團經營的酒樓, 經朋友介紹, 今次已經係第二次同屋企人來食飯. 每次來都食個大蝦海鮮意大利飯同雜菌焗乳鴿, 好好味, 今次都唔例外. 頭盤仲叫了半打生蠔, 好鮮甜, 一客鵝肝, 用來送麵包食, 甜品叫了榛子芭菲同芝士蛋糕, 好滑. 可以媲美大酒店的甜品.

幾個月前同過男朋友黎呢度食...裝修幾好架....個日食左個天使面........都幾好食喎........下次有機會都會再黎！