Dates (已結業)

本來睇左樓上幾個食評都唔信邪...心諗,肯定呢間餐廳係得罪寫食評既人先會俾人咁評發啦! 之前我去過呢度食都無受到不禮貌對待(可能果陣仲新),頂盡都係d野食上得慢d o者!咁剛剛過左果個星期五,我同我個仔仔(11歲了^^)就訂左位去食啦(之前同我家姐睇電視介紹時介紹過之後都去過,唔訂位無得walk-in),一去到,有個waiter帶左我地入去,成間餐廳都嘈左好多,以前真係無咁嘈ga,連我個仔同我講野我都聽得唔係好清楚... d台布又有陣唔知咩味,同pizza hut果d台布都係一樣有陣味ga! 聞到覺得有d反胃.我地果晚叫左鵝肝1客同個仔share食,仲叫左個牛扒set同埋大蝦set. d鵝肝真係唔熟ga T.T 叫個waiter換過碟俾我... 點知一等...就連d set dinner黎到食埋晒先上... 唉... 我地叫餐茶,一杯coffee同ice tea,黎錯2次先俾到我地. 鵝肝味道比以前差,"鞋"口左,牛扒好乾身,d汁又唔夠.... 係個大蝦幾好味.叫埋單,我有問定有無折先,個waiter (高高瘦瘦戴glasses)好唔願意咁諗左陣先話有折(個眼神真係好似睇唔起人咁ga)

11月11日(星期日)...由於之前有個朋友介紹話呢間食鵝肝好食...所以約埋我女友一齊慕名而來試下...起初都覺得呢間鋪頭唔錯...裝修得幾靚...坐落去感覺都幾舒服...而且叫左幾款菜都ok...鵝肝都幾好...但好可惜既係...遇到不禮貌對待...就算有幾好食...裝修有幾得...但比人激到消化唔到...再有幾好都冇用...我只不過點菜既時候問多幾句..服務員已經擺出一幅好唔耐煩既樣子...我起初以為佢多野做...點知佢見到我地想點菜...行都唔行埋黎...當睇我地唔到...搞到我成個傻佬咁...埋單既時候...我用信用咭比錢(因為有優惠,我朋友同我講)...怎料...又話要一早出示先有優惠...咁我第一次黎...我又點會知你貴公司既規矩呢...而且你地係唔係應該一早同我講你地有d咁既優惠呢如果有誠意既話...最後為左果一百幾十既爭辯搞到樣都衰埋...我係黎食野...唔係求氣lo...

我唔係會員,但都成日有上黎openrice睇食評,一間多笑樣o既餐廳先會敢去食... 之前睇dates o既食評都話ok,所以先去試.第1次去同剛剛哩次去實在爭得太遠.去dates係因為同男朋友都喜愛食鵝肝,講真,我自己都有食過好多間餐廳,有好多間一食落口都好"陋"o既感覺,但系哩間dates就唔會. 不過.... 睇完樓上三位人兄o既食評,我都有感而發...上個再上個星期四夜晚同我男朋友又去dates撐檯腳,一坐低有waitress比餐牌我地,我地慢慢睇完,就叫個waiter埋黎落order啦,嘩...果種態度好無禮貌,我地叫左鵝肝,青口同埋一客乳鴿意大利飯,咁中間梗係有中遁位停一停ga啦,叫晒之後,男朋友問我仲又無野想食,個waiter就急不及待咁走開,走開之前o既眼神仲係咁來回望我地,好似爭在未講"係咁多喇嘛" 咁... 睇在鵝肝份上... 算! 點知d食物都等左好耐先黎,先黎一客鵝肝,發現入面有血水,雖然食鵝肝唔係要好熟,但話晒都係內臟,都唔係要食生呀嘛? 叫個waiter黎,佢話換過碟比我,咁我地又等.... 之後黎碟飯,一切開d乳鴿,又係生ga... 我又叫個waiter換

之前聽“阿蘇”介紹過呢間餐廳，又聽朋友試過話真係好OK，咁咪諗住試吓囉！其實食物方面都算OK，但並冇想像中咁好食，可能係我朋友講得太誇張or 佢地既質素keep 唔住呢？總括黎講，都可以放得入口，其實有個甜品我都想係呢度表揚一下，但...個晚發生左一件事之後，我真係讚唔落手...佢地明明有show DBS 信用咭有9折，我朋友之前去都話有，但當到埋單時佢話我冇，我問點解？佢話我冇講，我真係要叫佢一聲大佬，我張明明係DBS信用咭，咁仲要講D咩呢？唔通我要同佢講，求你唔好俾折扣我？佢仲要話係我既責任，佢地係門口已經貼左一張告示，話係我自己冇睇清楚，聽完之後，我已經知道自己入左局，唉...食物再好，價錢再貴，都一定唔會有回頭客啦！如果真係有人要去的話，不妨睇一睇門口張告示，真係唔明佢寫咩？

唉...睇番雨田所遇到的故事，我個心都舒服少少，起碼唔係我自己先遇到咁無良既事...上星期日我都帶左我女友去呢間野食飯，都係因為"阿蘇"介紹過先去，其實野食都算ok既...但又真係貴左d囉...都算啦！反正DBS信用咭有9折，點知個店員話冇，我真係覺得好奇怪，明明佢餐廳"內"寫明，但佢同我講餐"外"寫住，如要優惠，埋單前要先出聲...大概係咁既意思，天啊！我張明明係DBS信用咭，咁仲要出聲，唔通會有轉登唔要優惠嗎? 真火光...最後個店員都係好堅持唔肯折回給我...唉...我以後都唔會再去呢度食野...如果有人要去的話，記緊每樣都要問清楚先,唔係就會好似我咁...真無良...

11月10日,我地一行3 pair人原本想去上次我valentine's day同我bf食果間鐵板燒ga,但可惜執左... 咁我地就去book左o係dates食,預祝其中一個朋友仔生日,滿心期待食果度果d鵝肝,仲難得今次張vip card終於都用得添. 我地叫左3客鵝肝,3個唔同o既意大利飯,1客局田螺,1客白酒忌廉青口,1客雜菌雲吞,食完之後仲叫左3個甜品添. d野食黎o既時候我已經覺得d份量少左好多,起碼我唔覺得飽,但大家都覺得好味. 但係之後想埋單就令我地一肚火!首先有個fd就叫埋單,我bf就打算比card,因為有discount,9折,如果用vip card都有9折,但唔想d數咁亂,佢就想用card比左先再計. 個waiter伶到張單埋黎,我地就問係咪折左ga喇? 個waiter就好唔好禮貌咁話出左單,無得改ga,如果要折,就o係出單之前講. wa... 我地即刻火起,我地叫埋單果陣佢都無問,佢話佢地"black and white"寫左o係門口,講明左要出單之前講要折wor! 我地就淨係見到我地隔離有個牌話DBS信用card有9折,哩個牌都係black and white w

前幾星期食，剛寫完一間係MK唔掂既『小家』西餐廳，諗起食過依間DATES唔錯就補番個食評啦。兩個人食左一個牛排一個羊排，唔錯，都係有水準，不過最想講係個甜品心太軟。好得，即做，唔太甜又好有朱古力味，其實好難，好多地方都係食得多會太甜，停手，不過佢就唔會，食到流出黎既朱古力真係好掂，甜品真係有驚喜。不過佢開係女人街，價錢係貴左小小，都會再去既。

朋友說好吃，那麼去睇張學友concert前就醫飽個肚先~不叫set dinner。散叫了什麼鵝肝面包(一般)，唔夠香，忌廉青口？腥到不得了..... 仲要有沙送，意粉，煮唔夠時間，係硬架，最後就梗係有d頂住左個胃，胃痛囉，仲叫左d乜，唔記得lu，不過真係唔掂。

同大頭法一樣, 我都係因為阿蘇而走去一試, 估唔到第一次寫食評就要比喊面>_< !!星期日下午到旺角走走, 六點已經到達, 由於沒有訂位的關係, 侍應問我地可唔可以7:30 比返張檯佢, 我地當然無問題啦!! 一坐低先發覺裝修唔得, 檯布污穢仲有原子筆痕, o甘我地叫左一個晚餐-羊扒,海鮮墨汁意粉& 鵝肝.餐湯- 分別試左意大利什菜湯同周打魚湯, 都唔錯鵝肝既份量/味道都係一般, 係$80既野.羊扒係比較好既一道菜海鮮墨汁意粉-不知所謂, 將墨汁意粉煮熟再求其加個汁,個汁唔係墨汁黎既, d海鮮係無味架!!! >_<好失望, 講真食左三佰幾蚊, 真係唔值!!!後記: 是晚加演史力加BB嘔吐絕技, 想起來應該係鵝肝唔新鮮!! 好彩嘔左一次咋, 唔係就慘啦!!

因為蘇絲黃介紹,於是便走去一試!當日我們一行六人,一入去就發覺冷氣是壞的.....一時就大風到吹到你頭痛,一是就焗到好像呼吸不到!落單時,侍應的態度非常傲慢,侍應聽唔切,我便停了一停,我驚佢有漏單,我就問佢,你落左邊幾樣,佢只識得呆望住我,一d都唔諗住重覆一次俾我聽,要我問, 你有冇落青口呀,佢先慢吞吞咁話有,之後先再開始落單!叫了兩個set dinner (肉眼+蝦,魚+蝦),青口,鵝肝配蘋果,紅酒牛爽肉(不知有沒有記錯)!Set dinner的湯很快送到,但味道一般,最先來的是青口同鵝肝,鵝肝味道是不錯的,外碎內溶。但青口只是一般!見他們上菜的速度,以為會好快上餘下的,但.....我們卻足足等了45分鐘-60分鐘,才等到上其他4碟.....這個時差,我覺得不能接受!!!!已經有兩樣是set來的,照道理應該上菜速度會快一些....可是卻是我們呆坐的等等等....其他的菜式,也沒有太特別,只有那個紅酒牛爽肉是比較好吃!!服務麻麻, 食物也不是十分好食,價錢又是中上,短期內不會再考慮來!!!

我一去到就覺得出邊個3張檯好熱,我本來係座出邊其中一張, 不過太熱了,好似有在大排檔既感覺咁, 最後換了入邊個張,簡直係另一個世界!!!個張粉紅色皮檯布好嘔心,有d污joe咁,仲知就唔開胃啦。個張白色sofa,比d人座到有個"籮"印,不太衛生!不夠高級!我叫了special餐牌上最貴的安格斯牛$168,一入口時,有點炭燒味,感覺不錯~但係食下食下覺得舊牛沒乜牛味,可能佢有用"豆粉"season過,所以肉係柔軟,但牛味就沒哂!最重要係佢個肉汁,為何一件好既牛排要落濃味肉汁呢?用salt&pepper已經好好味啦...Anyways,可能香港人中意有肉汁既牛排啦,我本人就中意原汁原味,咁先食到"安格斯"牛嘛~我最中意係佢既配菜,係蕃茄汁蔬菜...好好味!不過,個smash potato就太"奶"啦...沒哂薯味,唔掂!查實,我想唔應該對旺角既西餐廳有期望,不過,我最唔中意就係佢做一半唔做一半既風格!想高級又高唔到...我本人真的以為自己去了茶餐廳囉!

約左好耐，由之前既Daisy約到變左Dates，卒之在尋晚成事！好好彩，佢地俾我地加人數、改時間(仲要係實際時間半小時之前既決定添)一坐低我地就即刻留左兩客白酒忌廉汁煮青口，青口好新鮮，充滿海水味，忌廉汁好creamy，但整體可以淡一點就更好！仲叫左煎鵝肝，唔...唔係咁軟滑，不過伴既蘋果好好味，好夾！之後叫埋牛扒、羊架、同埋香草醬雜菌長通粉，都唔錯，肉質好嫩、煮得啱啱好，pasta 好al dente、香草醬比例唔會太多太濃。當然唔少得我100% favourite既甜品，今次有心太軟同埋橙酒梳乎厘，perfect！環境好舒服，之前係daisy既時候仲係白色枱布，但尋晚就係粉紅色，好有情調，在繁忙的旺角實屬難得。不過可能唔夠人，要餐牌、加水等等，都要叫左幾次先至有人理！除左DBS卡，東亞都係過200蚊有九折！

要了兩客set lunch是日餐湯係忌廉波菜湯,唔夠濃,水汪汪忌廉千層麵-無乜餡,中間又乾,難食豬眼扒配西梅汁-豬眼扒有根,非常韌,西梅汁ok雖然盛惠$78(無加一),以這樣的裝修,算是便宜但便宜不等於難吃

呢間餐廳可謂係女人街入面嘅一朶奇葩。响云云茶餐廳、機鋪、小檔攤之中有間咁嘅restaurant，確係嘖嘖稱奇...入到去，可能算早，得一枱客。食落慢慢D客先行入嚟...依照慣例唔叫set...煙鴨胸沙律，碟夠晒大隻，份量亦夠；鴨胸有略略煎過，誠意十足；配上黑醋沙律，算係唔差...太座照例叫"肥肝"。以佢對肥肝嘅要求，呢度梗係唔收貨la。自己試了一口，亦贊同--- 皮煎得唔脆口，肝亦不夠嫩，唔夠肥美。似乎係來貨唔靚，唔太關師傅嘅功夫事...自己叫new zealand rib eye做main。一切就知塊扒唔得，一個字"韌"；D肉汁唔知去晒邊；且一邊過熟，另一邊又生咗D，完全係水準以下之作，扁晒嘴...試一口太座嘅大蝦蟹黃risotto。感覺好得多，大蝦幾鮮甜；risotto硬度剛好，配合鮮甜嘅蟹黃，不俗...拉番勻，俾個OK臉佢la..

食物很是美味，但價錢略貴，因為以這樣的價錢來說，份量太少，而且裝修怪怪的，好像店主只是裝修了餐廳的部分！一部分(例如部分牆身、小擺設)裝修了；一部分(如地板、部分牆身)非常粗糙。桌布非常樣衰！不過試過食物之後，發現裝修不太重要！食了海鮮意大利飯、carbonara、雞肉焗菇(咁上下啦個名)、白酒青口全部都好正！勁好味！服務好好，侍應好有禮貌，值得一讚~座位都好舒服~下次再去~ (反正有人請…haha)p.s. 洗手間都好乾淨