Chotto Maki (漢威大廈) (已結業)

Chotto Maki 這卷物專門店開到來九龍啦，今日經過尖沙咀漢口道附近，就比發現一間門面以藍色為主，店內則以鮮紅作主調，還有紙扇形的燈箱，甚有格調。他們繼續以卷物作主打，選擇材料天婦羅蝦、牛油果、三文魚、芒果、紅菜頭等，選擇種類繁多，而這店更有全新推出的日式車仔麵，真係要試下！百香果烏龍茶/白桃烏龍茶 見到店中新出了另外兩款烏龍茶，我當然都第一時間試埋，兩款入口都不會太甜，味道自然，清新解渴！Phileadelphia Roll真係每次來到都會必點的卷物，當中有嫩滑三文魚，綿綿牛油果，咸香忌廉芝士，清甜蟹籽，還有其秘製醬汁，口感豐富，非常滋味。烏冬配擔擔湯今次真係比這款擔擔湯烏冬吸引，除了以惹味香濃的擔擔湯底外，更有多款配料：明太子魚餅、北海道帶子、泡菜、糖心蛋、炸蒜。當中北海道帶子真的非常鮮嫩，入口彈牙細密，味道鮮甜；配上彈牙有嚼勁烏冬，麻香味濃嘅擔擔麵湯底，越食越滋味。

@Chotto Maki又黎到最令人頭痛既晚飯時間食咩好喇, 今日唔想煮飯所以收工買外賣, 公司樓下開左間好有fusion 感覺既日式壽司卷, 今晚就選左佢黎食!😄外圍裝修好新穎, 而家有個好似日本娃娃既公仔頭好趣致! 如果坐係到食其實都幾舒服😌💁🏼‍♀️Crunch(4件) $78包含三文魚, 沙律菜, 蘆筍, 甜蛋, 天婦羅脆脆同櫻花蝦, 食材新鮮, 配上芥末蛋黃醬同黑芝麻醬原來可以咁夾, 清新之餘又飽肚😋💁🏼‍♀️Philadelphia(8件) $78材料包括三文魚, 忌廉芝士, 牛油果同飛魚子, 呢個有成8件咁多, 我地兩個人食岩岩好! 而佢配上蛋黃醬同鰻魚汁, 夾答好新穎又開胃, 令人一件接一件唔停😊💁🏼‍♀️Combo B $42- 有一客吞拿魚壽司同吞拿魚細卷味道鮮甜, 細嫩令人味覺大開- 麵鼓湯令到返屋企成個鐘後都仲係好熱👍🏾👍🏾而且好足料

最近食滯左想食返D清淡的食物, 行過尖沙咀漢口道見到有間裝修型格的卷物壽司餐廳，紅色的店面份外耀目搶眼，於是抱住一試無防的心態入去！牆上顯示器有餐牌，有大中小卷物揀，亦可以轉套餐。心大心細的我最後揀了一份8號餐Mango Dynamite，炸蝦仲係脆口唔會淋晒, 有青瓜絲和芒果減去油膩感，味道清新自然，壽司上面鋪了飛魚子增加口感，味道不錯!11號餐Philadelphia，三文魚同芝士好夾，仲有牛油果和飛魚子加持，必點！Combo C+48跟餐包了3件帶子壽司，4件三文魚腩卷和味噌湯. 帶子鮮甜美味，係寒冷的天氣喝上一口暖湯，呢個價錢包左咁多野，絕對值得加購！人均約$200，抵食又夠飽！

今日去尖沙咀買禮物，買完行去準備坐港鐡，見到有間食日本卷物既餐廳，餓餓地買過外賣返屋企食舖頭裏面裝修設計以紅色為主，唔似傳統日本餐廳有d mix & Match 既感覺卷物款式有多種，可選4件裝/ 8件裝，仲要係即叫即做，唔係整定另外加$33~$48 有幾款Combo set, 就有壽司，細卷同味噌湯店員話有日式車仔麵，只有尖沙咀呢間店先有，聽度咁特別，緊係要試試同港式車仔麵一樣，先選麵，湯底跟住就係餸仲有配菜麵款：烏冬/拉麵/蕎麥麵/綠茶麵湯底：擔擔/豬骨/咖哩/辛辣味配菜都有好多種：日本叉燒/煙鴨胸/北寄貝/墨魚仔/帶子/年糕條/黑薯糕/明門卷/油揚 等... 每款都好豐富配菜：金菇/珍珠荀/乾海草最後仲有配料：紫菜絲/天婦羅脆片/炸蒜/青蔥外賣包裝都相當得意，有日本娃娃做signature 💥帶子配吞拿魚蓉加天婦羅脆脆卷食得出係日本飯，入口夠軟熟，即叫即整，拎到返屋企還帶微溫！每口反卷都充滿帶子同魚蓉，再配醬汁，感覺滿足追加$42~有吞拿魚🍣配吞拿魚小卷及味噌湯食完呢兩款，肚皮己經得滿足🫣💥北寄貝，墨魚，珍珠荀配青蔥咖哩烏冬外賣分湯上，咖哩湯濃郁，食得出係手打烏冬！兩款海鮮都夠鮮

在尖沙咀處理完事情，開openrice揾下附近外賣，搜尋到這間型格裝修的餐廳，見到食評相中的卷物壽司好有特色，一於試試。餐廳好易揾，因為紅色店面好易認，忍唔住影咗幾幅相放上社交媒體打卡。餐牌好多選擇，店員告知今日可以免費upgrade套餐，感覺賺咗。***三文魚和吞拿魚套餐套餐可選不同款的壽司和味噌湯，我揀了三文魚和吞拿魚，每款都有6件（2大4小）。***Philadelphia:三文魚配忌廉芝士，仲有厚厚的牛油果、飛魚子、沙律醬及甜醬汁，味道及質感100分。***Beef-iyaki餡料有照燒牛肉（好入味）、青瓜絲、牛油果、飛果子、炸蒜，每啖都食到不同味道，好特別，材料滿滿，食得滿足。***炸雞一盒有5件，size 唔細，炸得香口juicy。埋單$191，1個人食，但分量足夠3人食得飽飽，大滿足。連外賣打包都很別緻，上街都覺得好型。

#fatxtsimshatsui #fatxwanchai #fatxcentral ‼️自選日本車仔麵‼️•① ［ Set D : 油 甘 魚 壽 司 （2）// 吞 拿 魚 細 卷 4）// 烏冬+咖喱湯+明太子魚餅&赤坂魚蛋+乾海草 ］ ｜烏冬份量超級大碗｡ﾟ( ﾟஇωஇﾟ)ﾟ｡咖喱湯是比較濃淍的，仲係好熱辣辣✨️👏🏻(⸝⸝⸝⸝神∀神⸝⸝⸝⸝)👏🏻✨️推薦食「明太子魚餅」！油甘魚壽司都唔差，整體質素不錯！｜𓋪8.5/10·② ［ 火 炙 三 文 魚 壽 司 ］ | 好肥美！好好食♡(๑♡ᴗ♡๑)呢個推介呀～｜𓋪9/10·③ [ 拉麵+擔擔湯+油揚&嗚門卷+牛油生菜+天婦羅脆脆]| 相反，擔擔湯無咖喱湯咁出色。所以都係推介咖喱湯多啲！｜·④ [ Drinks : 百 香 果 烏 龍 茶 / 白 桃 烏 龍 茶 ］| 兩個茶味都好香，值得一試！｜𓋪8/10•Chotto Maki (Tsim Sha Tsui)Shop B, G/F, Howard Building, 42 Hankow Road, Tsim Sha Tsui#hongkongfoodies #香港 #香港食物 #香港美食

之前有講過我唔喜好食魚生所以壽司都好少食主打美式創意卷物既 @chottomakihk 就係我既好朋友啦ჱ̒⸝⸝•̀֊•́⸝⸝)‪不得一提 尖沙咀呢間新店裝修超級奪目我地兩個人order左：◦ Spice me up◦ Sea monster◦ Mango dynamite roll◦ Mentaiko chicken wings佢地既卷物係XL size咁 超級多餡對唔識揸筷子既我黎講夾起都有難度(  ･᷄֊･᷅ )口感用上多款配料 所以好有層次既味道既配搭其實都好穩陣但就唔算好memorable但想食呢款野就不妨去下.ᐟ‪‪‬另外叫左個明太子雞翼出奇地好食佢係將明太子釀入去左骨既雞翼啖啖肉好飽滿.ᐟ‪‪‬✿✿✿✿✿✿✿✿✿✿✿Follow @lastbitematters for more

呢間係尖沙咀既日本新式卷物店之前已經好想黎一次!店內以主紅色調帶出濃厚和風氣息.店設計簡單得黎又充滿時尚感.Sea Monster 以怪獸黎形容呢款卷物完全match!巨型既卷物內塞滿左大量配料,內裏有蟹柳,炸蝦,青瓜絲 櫻花蝦,炸蒜配搭紫薯粉及鰻魚汁.卷物每一啖咬落都相當滿足,口感帶住香脆既炸蝦同爽脆充滿水份既青瓜絲,口感豐富充滿層次感.旁邊既鰻魚汁鹹香帶甜味,沾上卷物後味道更惹味.Black Magma 同sea monster相比,Black Magma一口size卷物內帶有碎帶子,碎蔥吞拿魚蓉,天婦羅碎碎及黑芝麻醬.整齊口感軟綿中帶住飽滿又充滿嚼口既壽司飯.吞拿魚蓉肥美香滑而且帶陣陣廿香.黑芝麻醬帶有少少黑芝麻焙香估唔到同吞拿魚蓉又幾特別又幾夾.COMBO B吞拿魚壽司雖然唔係腩位,但味道同樣鮮味.吞拿魚細卷味噌湯

聽過呢間餐廳名好耐都一直想試好耐🤣難得行開呢頭就有機會去埋尖沙咀分店😍試左2款飯卷🤩同樣好正.💎$75 Sea Monster個名好特別所以試下🤣係份量好大 口感亦十分豐富既大飯卷😍總共有4件，但件件都好有份量🤩勁多不同海鮮配料食到蟹同蝦都十分新鮮😆配埋餐廳特製醬汁超級夾亦有菜同瓜絲中和醬汁咸味飯卷既面亦佈滿好多脆蝦香脆既蝦仔同飯卷配合意想不到地match會encore之選🥰.💎$78 Philadelphia Roll朋友就叫左一個小飯卷總共有8件呢款好特別😆外層係牛油果內層係大大舊三文魚同忌廉芝士本來以為飯卷配忌廉芝士會奇怪🤣點知又特別又好好味❤️呢個配搭勁fresh 雖然已經好飽但仲係食唔停口一啖滿足到幾個願望 勁滿足.💎+$42 Combo B (2件吞拿魚壽司+4件吞拿魚細卷+味噌湯）另外加配左吞拿魚壽司同小卷同樣係十分高質😆吞拿魚好厚 好新鮮一D雪藏味都食唔到食落冇筋 入口即融😇

漢口道係bake house旁邊開左間日式卷物店，主打即叫即整卷物，Classic Roll分別有8小件，而signature roll有8大件，覺得唔夠仲可以加錢變combo set，會多2件壽司4件卷物同味增湯，都有其他小食同麵類選擇，包岩你心意！604 Crunch Signature Roll打開盒大大件超吸引，飯粒入口微暖有咬口，感覺飽滿但唔又會滯，內餡有紫菜，三文魚、甜蛋同沙律菜，卷物上層會鋪上天婦羅脆脆同櫻花蝦，用芥末蛋黃醬同黑芝麻醬做醬汁，第一次食甘豐富有口感的卷物，超有驚喜！Beef-iyaki Signature Roll外觀同樣好吸引色彩繽紛，會有佔了差不多一半的牛肉、青瓜絲、牛油果同腐皮，而上層亦有飛魚子同炸蒜，入口啖啖牛肉，炸蒜增加口感卜卜脆，而醬汁有自家製醬同鰻魚醬，感覺都幾夾！C-Dragon Classic Roll最後一款試左個classic Roll有8小件，好特別係呢款用炸蕃薯做內餡，上層有炸鰻魚同飛魚子，蕃薯分量多又甜，而炸鰻魚又會令到成個卷物一d都唔dry，好岩怕肥但又想食卷物的人！

Chotto Maki (尖沙咀)尖沙咀漢口道42號漢威大廈地下B號舖原來Chotto Maki已經開到尖沙咀，第一次淺嘗的時候是在中環區，當時一試愛上，有別於壽司卷，內涵比平時的壽司要豐富得多。環境特呢，紅藍相配很有時代感！Cali Salmon$78炸三文魚、蟹柳、黑白芝麻椒鹽粉炸三文魚餸，配上黑白芝麻和蟹柳，剛剛好一啖一口，除了可以吃到三文魚本身的鹹香外，內裏脆脆的紫菜，背着外頭酸甜醬混合了的蟹柳碎，入口清新不油膩。黑白芝麻麻香十足，配三文魚原來很搭！椒鹽粉惹味，提升魚鮮。Chick Chick$75照燒雞，酸黄瓜，牛油果，沙律菜，芋頭片，辣蛋黃醬，黑松露蛋黃醬嘅酸黃瓜清新，消除了照燒雞的油膩感，照燒雞肉質嫩滑，牛油果配辣蛋黃醬creamy，黑松露蛋黃醬香氣十足，黑松露味香濃！Tuna Nigiri吞拿魚壽司兩件Tuna Hosomaki吞拿魚細卷4件Miso Soup味噌湯吞拿魚甘香肥沃！壽司飯粒粒分明！份量可以做一個下午茶，喝一口味噌湯清清口腔，嚐一口吞拿魚齒頰留香。

經過漢口道見到呢間新開的壽司卷物餐廳，之前係中環分店食過一次，印象唔錯，又比佢好新潮型格的裝修吸引到，就決定入去叫個外賣返屋企嘆下！今次叫左2款卷物試吓，加錢仲有得upgrade去combo set，有多2件壽司4件卷物同味增湯，但今次因為自己食就冇加到！第一款卷物叫左Mango Dynamite Roll，係分成8小件卷物，卷物內有炸蝦同青瓜絲，上層就鋪上芒果同飛魚子，再有小小鰻魚汁，視覺七彩繽紛，一啖咬落去層次分明，鰻魚汁唔搶foul，好清新！第二款卷物叫左Chick Chick，係分成4大件roll，卷物內有大大塊雞，生菜，牛油果，上層有芋頭片同飛魚子，再加埋辣蛋黃醬同黑松露蛋黃醬，入口會有小小芥末搶口，但醬汁中和後就好順口，而雞亦啖啖肉好食！

今晚購物完，決定買外賣回家吃。選擇的是一間位於尖沙咀漢口道的日式卷物專門店，店鋪以藍色和紅色為主調，裝修很吸睛。連外賣盒亦配合了其主色調，用了藍色和紅色。牛肉卷 店鋪主打不同口味的卷物，主要有招牌卷物，大塊一點，有四塊，選擇的是牛肉卷，滿滿的牛肉，配上清新的青瓜、有咬口的飛魚子，還有腐皮和牛油果🥑，口感十足。芒果炸蝦卷🥭🍤另一款是經典卷物，細塊一點，有八塊，選擇的芒果炸蝦卷，香甜的芒果配上香脆的炸蝦，夾住青瓜和飛魚子，多重滋味。除了卷物，還有小食和自由配搭的日式車仔麵，下次可以試試。

環境：環境超新潮型格！好少搵到一間餐廳係全紅色設計，打卡度滿滿.食物： 之前都食過Chotto Maki 其他分店，賣特色創意卷物，餡料超豐富澎湃，新店採取一貫風格，仲加入咗新小食同麵食.Chick chick照燒雞嫩滑唔係口，夾住酸黄瓜、牛油果、沙律菜，清新唔膩口、再加入芋頭片脆卜卜同辣蛋黄醬、黑松露蛋黄醬酸酸甜甜辣辣的，入口豐富有層次.Sea Monster每次嚟都要叫✨有蟹棒、炸蝦、青瓜、青瓜絲、櫻花蝦，入口爽脆鮮美.Combo 新分店可以叫combo ，即係可以以優惠價加配小食，我叫咗嘅係油甘魚、三文魚細卷同味噌湯，食完卷物再食佢地真係超滿足

喺尖沙咀有間好型格嘅卷物專門店，紅色嘅店面好搶眼🔴佢哋嘅卷物都好有特色，分大卷同中卷，每款都有好多款配料同醬汁，全部都精心設計過唔同配搭，幾有心思👏🏻👏🏻今次就試咗兩款大卷，每一件都好足料飽足😛除咗尖沙咀，中環同灣仔都有佢哋蹤影，上班族食lunch就啱晒😚Spice me up有鰻魚、碎帶子、青瓜絲、乾海草、蘋果啫喱、辣蛋黃醬，配搭層次豐富，有好多鰻魚粒，青瓜絲超級清爽，加上微辣刺激嘅醬汁🤪一啖咬落好滿足😻😻Chick Chick有照燒雞、酸黃瓜、牛油果🥑、沙律菜、芋頭片、辣蛋黃醬、黑松露蛋黃醬，同樣口感味道都好豐富😗😗牛油果嘅creamy加上芋頭片脆卜卜同沙律菜嘅爽脆，飽肚但唔覺漏。吞拿魚壽司、吞拿魚細卷、味噌湯叫卷物可以加配五款Combo，可以揀三文魚、吞拿魚、油甘魚、腐皮壽司等，仲有豆腐味噌湯，吞拿魚都唔錯，成個套餐啱晒大食嘅人😆😆人均消費：$100推介指數（10分為滿分）：8分