CHEF STAGE de Eddy Chu (已結業)

抗疫已經三個月，在仍然受到管制期間已經習慣了買外賣返屋企食，可以慢慢嘆又不用擔心細菌。用whatsapp 拎外賣餐單，極速收到回應然後落單好快手，準時去到門口已經見到我嘅外賣啦！CHEF STAGE de Eddy Chu 做開私房菜，食物質素有保證，店內環境舒適，伴着美景氣氛好，拍拖飯聚一流！外賣套餐免加一服務費，晚餐有湯、主菜及甜品，價錢合理！店員有禮貌又細心，幫我檢查一下外賣有冇錯先至打包，主菜、配菜及甜品一目了然，回家慢慢品嚐。今晚 Soup of the day 是蘑菇湯，香氣撲鼻很開胃，入口有香濃的蘑菇味，粒粒蘑菇茸很有咬口，松露的香氣在口腔內迴盪。慢燒美國牛肉眼 迎接我今晚的主菜，牛魔王 嚟CHEF STAGE de Eddy Chu 一定要食 慢燒美國牛肉眼牛扒喇！牛扒以慢燒方法烤製，驚喜地超乎我想像的好味道，能夠保持牛扒肉汁，製作工序繁複慢工出細貨，以外賣來說是我吃過最嫩滑、最高級數的牛扒，絕對難得。
慢燒美國牛肉眼油花分布豐富，口感甘香，有牛肉的嫩度，每一口都有著濃郁牛肉肉香。肉質嫩牛脂高，所以吃起來很 juicy ，有韌性嚼勁佳。份量足料，配菜一點也不會馬虎，是

本身想和朋友預訂這裏吃晚餐的，但因為疫情關係就取消了，今晚放工經過尖沙咀，都是上了去看一看環境，見到有外賣套餐就買了回家。有些座位看到海景，好美的風景，下次要堂食。【黑松露蘑菇湯】蘑菇蓉攪拌得很碎，不會太稠太稀，沒有落忌廉的煮法最正宗，有口感又開胃。【橡果級黑毛豬肉】豬扒是薄切的，一咬就有肉汁和醬汁爆出來，肉質幾結實，不鞋口，黑毛豬扒是明顯比普通豬扒濃味的。伴碟的紫薯很香甜，配著羽衣甘藍、甘荀和蕃茄，中和了豬扒的膩。想不到外賣都保持到一級的水準！

尖沙咀見客完畢，準備回家，今晚我自己一個人食飯，經過亞士厘道，醒起同事提過在CHEF STAGE de Eddy Chu 有外賣套餐，味道不錯，决定買份回家自己享用。外賣餐牌中都有多款選擇，主菜價錢包湯和甜品。落單至包裝好時間都很快。黃油雞扒配松露鮑魚，雞扒煎至金黃色，肉質鮮嫩，再淋上用黑松露和蘑菇特别調製的醬汁，又香又惹味！鮑魚鮮美，口感煙韌！配菜有薯泥、蕃茄和蔬菜，均衡飲食好健康。甜品有朱古力蛋糕，甜度剛剛好。黑松露蘑菇湯，黑松露味香氣撲鼻，湯內的蘑菇打成碎粒，味道香濃有口感。

When i heard that Eddy Chu have take away option now, I decided to give it a try. I have eaten before and since it was quite a good experience, i wanted to try their take away too. It was located at Ashley Road, few minutes walk from Tsim Sha Tsui MTR.  For their take away set menu, it consisted of soup, main course and dessert. It was priced from $148 to $380. Mushroom of black truffle - It was thick in texture and was creamy, with alot of mushroom bits in it. Grilled beef with spicy linguini -

朋友推介這裡嘅扒餐質素高，但外於疫情關係，今晚我選擇了外賣回家吃，雖然係點外賣，但入去都要先檢查體溫，跟住望望餐牌，就見到朋友推介嘅橡果級黑毛豬肉，落單後等了一陣，店員就將份晚餐包裝好，內有主角橡果級黑毛豬肉，同配菜嘅紫薯，紅蘿蔔及雜菜，旁邊還有個是日甜品！回家打開仍然都係暖暖的，當然就沒有了餐廳嘅一流維港景，同埋賣相精緻嘅賣相，但味道同份量就沒有改變，大大塊橡果級黑毛豬肉已切成兩半，方便入盒，切下去十分容易，黑毛豬肉質軟熟嫩滑，入口不用太用力嘴爵，十分入味，以這個價錢感覺良好，抵食！加埋超甜嘅紫薯，真係十分滿足，而還有個超足料嘅黑松露野菌湯，一打開時陣陣松露味直撲鼻，而入口湯中粒粒嘅野菌十分有口感！最後品嘗埋個跟餐甜品，就真係十分滿足了！果然朋友沒有介紹錯！

本來約左老公去尖沙咀行下，然後去CHEF STAGE de Eddy Chu 食飯，但佢臨時有事，我唯有自已食，去到餐廳見有外賣，有湯、配菜、主菜和甜品。心諗不如買回家食。下單至完成都好快，外賣盒有分格，每格放不同食物，整整齊齊包裝妥當，拎返屋企都好輕便。黑松露蘑菇湯：打開蓋已香氣四溢，黑松露的香味沒法擋，濃濃的湯混合打碎的蘑菇小粒，入口順滑，又香又有口感。香檸焗比目魚配蟹肉汁：比目魚肉質較油滑，配上香檸和蟹肉汁濃郁的醬汁，酸酸甜甜的，特別開胃。配菜有蕃茄和薯泥。買回家食不比堂食差，都好好味！

疫情期間, 要有防疫概念, 買外賣返屋企食, 不用心慌慌. 去電  CHEF STAGE de Eddy Chu,   請 whatsapp 外賣餐單,  迅速收到, 落單後, 依時到取. 餐廳好像做私房菜,  店員都好好禮貌!私隱度高又不密雜.  步入餐廳,  感覺氣氛好好,  景觀美, 拍拖吃飯真一流.外賣套餐免加一服務費.   套餐連飲品有汽水, 湯, 主菜及甜品, 價錢合理.侍應服務好, 買外賣, 迅速安排得好快, 回家 enjoy !飲啖汽水先開胃,  再來 Soup of the day ....  松露蘑菇湯, 香濃蘑菇味溢出, 入口有粒粒蘑菇茸, 吃起更帶有點松露的香氣.主菜, 配菜, 及甜品包裝成一盒.呠酒燴紐西蘭羊膝, 羊膝好大隻, 份量足 , 配菜是蕃薯泥及羽衣甘藍.   配搭得好健康, 去膩.羊膝的肉質, 以呠酒汁入饌, 羊羶味亦較淡, 肉味變得更為柔和.  外皮連一層香羶的脂肪,  更為香口惹味.啖啖肉,  調味好.   美味的燒汁亦提昇了味道的層次.紫薯含蛋白質, 豐富纖維素, 可排毒,  羽衣甘藍營養價值非常高. 餐廳用此做配菜, 好值得讚 !主菜吃完,

亞士厘道呢楝大厦嘅餐廳，我食過兩、三間，佢總有一種令你覺得好侷促嘅感覺，先唔講野唔野食，好三尖八角，雖然佢高層嘀嘅會有嘀夜景睇，但溫馨提示，如果溝女果嘀，可以揀嘀開揚嘀嘅，至少我係咁諗咁講返野食啦！幾好丫，個慢煮牛煮得啱啱好，又大塊，先三百幾，都算良心價呢隻好似係托托蜆，好大隻又甜，個汁調教得幾好，佢嘀野幾大兜，我地幾個人分都唔會唔夠食！呢樣抵讚！羊架燒得啱啱好！其實環境又真係唔係咁差嘅～不過佢就真係令我坐得唔算舒服！好似嘀細路入到間新屋無啦啦喊咁！都冇解嘅～我對佢有偏見啫～野食冇問題呀！好似依個紅咖喱蟹肉點油酥餅，我嘀朋友追住食喎！所以呢佢食係ok，價錢可以。同嘀燈校返光少少就好啦！我見有嘀人嘀食評相影到黑哂，就證明我所言非虛啦

疫情期間好難同屋企人出去食飯，所以都係買外賣多，但係外賣多數都係食頹飯，今晚決定揀返D高級餐廳食豪一晚。外賣好抵食，百幾蚊一個晚餐，有餐湯，主菜同甜品，同堂食比平一半價錢。不過，當然，堂食有個好靚既海景可以慢慢睇。餐湯係黑松露蘑菇湯，好香黑松露味，仲會飲到好多蘑菇粒，而主菜就揀咗呠酒燴紐西蘭羊膝 同 橡果級黑毛豬肉兩個餐都好大份量，羊膝好大隻，個汁好好味，羊肉一D都唔蘇，肉質好軟。黑毛豬就好有肉味，肥瘦好均勻。最後仲有甜品，好滿足!

今次已經係第五次黎幫襯，午餐會比晚餐更抵食，當然晚餐買一送一都好抵食啦今天同家人在疫情下幫襯 lunch set，唯一有少許失望的是肉眼扒order 5成熟，上枱達7成。其餘尚算保持水準。

已經渡過了無數個要煮飯的晚上，原來日日煮飯會煮到無心機，最想可以出街食飯輕鬆一下！今日得自己一個食晚飯，決定食好啲，又唔洗自己落廚，休息一天來到曾經很喜歡看開揚景的西餐廳買外賣一入門口見到消毒用品再入去都係消毒、防疫設施，好用心!跟著我想，或者現場食都唔錯! 反正有消毒Anyway, 想好了外賣使外賣回家睇住戲食好了。外賣menu 都有唔少選擇的，今日選了呠酒燴紐西蘭羊膝 配 黑松露蘑菇湯，是日甜品有焦糖燉蛋，另外menu無提及但配有罐裝飲品，可樂芬達之類的。用保鮮紙雙重包好，出發回家除了呠酒燴紐西蘭羊膝外，有 蔬菜、蕃茄、紅蘿蔔和蕃薯蓉作為配菜。蕃薯蓉有天然甜味，蕃茄煎過羊膝入味而且肉質軟滑，已燘到骨肉分離，食起上來很方便，可以容易整開。羊肉味非常香，令到配角洋蔥更易入口，香味豐富。喺屋企食飯，唔係好跟次序，食完羊膝和配菜已經食飽足，蘑菇湯宵夜繼續蘑菇湯足料，蘑菇香味十足，跟忌廉湯的滑不同，取而代之的是粒粒實在的蘑菇咸味適中

今晚好想食牛扒, 但疫情期間又唔方便周圍去, 放工回家吃晚飯最安全, 於是靈機一觸, 上網找外賣.CHEF STAGE de Eddy Chu, 在公司附近,  先查看餐單, 落單後依時到取便可.Take Away Menu  食物選擇多, 套餐 由 $148 ~ 380, 有湯, 主菜和甜品.  A La Carte 由 $88 ~ 148.我點了慢燒美國牛肉眼, 忌廉冬蔭公蝦湯.餐廳在商廈 19 樓, 電梯直達. 西式餐廳,  由名廚 Eddy Chu 主理.入口玻璃櫃內,  顯示總廚 Eddy Chu 的所得獎牌, 令客人吃得更有信心.  看見餐廳內部陳設不錯, 酒櫃名釀不少.而座位觀景優質, 面對維港無敵海景.  一流 !廚房也可以參觀,  整齊清潔, 廚師正細心安排食物.等了 十分鐘, Package ready !   取餐盒, 勁方便. 回家打開仍然暖,  湯, 主菜, 配菜, 飲品 及 甜品, 分隔裝好, 整齊豐富.肉眼扒, 大大塊, 色澤粉嫩, 牛味香濃. 配紫薯蓉 及 羽衣甘藍, 均屬健康有營養配菜, 羽衣甘藍含維生素, 多吃有益.  紫薯蓉微甜軟滑, 好好食 !肉

五道菜式一流、 零負評位、每一道菜式都有令人讚不絕口的位置! 推薦菜式: 燒牛脷配大蝦汁， 一款令人感嘆的口感和味道，係試過最好食的牛脷! 真係入口即溶!環境唔錯，服務一流。

之前想試呢間餐廳好耐，原來疫情期間有做晚餐外賣，今晚就去買個餐返屋企試吓。早一日先預留咗個餐，夠鐘就上去探完熱就可以pickup，唔洗等非常方便~黑松露蘑菇湯返到屋企食飯嗰陣，一開個蓋，香得好緊要！菇味啦松露味啦，真係好香~ 而且每一啖都有好多菇粒，口感非常好！黃油雞扒配松露鮑魚 ($148)有兩大塊雞扒，肉質滑溜，加埋松露汁非常惹味；鮑魚煙韌彈牙。仲有蕃薯茸及雜菜，但係個汁太好味喇，如果有飯或意粉撈汁就好.....仲有一小件opera cake做甜品，朱古力味超濃郁，鍾意食朱古力嘅朋友啱晒

武漢肺炎疫情陰影持續籠罩下，不少高級酒店、餐廳都新增了外賣服務，希望能做多些生意，以度過這段前所未有，水深火熱的困難時刻，同時也可讓不想經常在外吃飯，避免增加染恙機會的客人有多些選擇和吃得放心。而這一晚，我就決定食好些，光顧這間由「西餐浪子」Eddy Chu做老闆兼總廚，環境優美的西餐廳的外賣套餐，把美食帶回家中享用。說我這餐外賣食好尐，是完全沒有錯的，因為我吃的，是餐廳外賣套餐九款主菜中唯一最貴的一款「慢燒美國牛肉眼」（$380），而其他八款主菜，價錢就便宜得多，每款都只是 $148而已。不過慢燒牛扒是這餐廳的招牌菜之一，既然不常幫襯，就不妨吃得貴些，吃得好些，吃得豪些吧！這外賣套餐除了主菜的燒牛肉眼外，還有餐湯和甜品，不過就沒有飲品奉送。湯有兩款可揀，我雖也愛喝「黑松露蘑菇湯」，但揀的是較特別和有 fusion味道的「忌廉冬蔭蝦湯」。這湯的份量無疑是偏少的，但味道卻甚好，辣中帶甜，又夠 creamy，特別的味道十分討人喜歡，湯的材料雖不太多，只得一隻蝦和少許草菇，仍給我留下一個好印象。主菜「慢燒美國牛肉眼」的肉眼扒雖經舟車勞頓，要花上半小時才由我這專人送回家中，但餐廳大廚早已細心地