Chatterbox Café (K11 Musea)

營業中

休息中

呢度最出名就係食雞🐓所以同朋友各自每人叫一份海南雞喇沙麵，一杯moca，一杯美祿恐龍🦖開得係K11 musea咁靚既商場，價錢當然都唔會平啦，我地都預左只要有質素就冇問題! 個雞係幾滑幾有雞味，但份量就唔太多，湯底同出面其他鋪比都係唔夠出色🤥 至於配料更係失色！豆卜係硬身的🥺雞蛋雖然係全隻，不過個人麻係地全熟的雞蛋，如果轉糖心蛋應該更佳🙃 總結呢間餐廳有待改善，商場除了佢仲有大把選揀，暫時唔會再去⋯

好幾年前去星加坡旅行，去過當地文華酒店chatterbox，對於佢個海南雞飯我嘅印象唔深刻，反而好鍾意食佢個喇沙。今日行經K11 Musea，本來想食間牛油果餐廳行嚟行去都搵唔到，見到佢又唔使排隊，所以就入咗去食，回味下星加坡嘅味道。兩份豆漿味都唔錯，唔會太甜，幾有特色，而且豆漿同涼粉嘅味道算好夾。諗諗吓自己都可以係屋企整相比起海南雞飯，我自己比較喜歡Chatterbox嘅喇沙，雖然美中不足係佢嘅喇沙冇落螄蚶，但味道濃郁，極度足料。有三隻帶子，起碼係日本帶子最少3S大小，帶子生熟剛好，但鮮味不足。湯底好味到我全部都飲晒。之前響新加坡都冇食過佢哋嘅鹹蛋雞翼， $78一碟雞翼聽落有啲貴，但佢足足有六隻，仲要size一啲都唔細，其實唔係貴過快餐廳好多，而且調味都做得幾好。佢嘅座位都相對舒適，價錢有少少貴啦，不過行開嚟呢頭都可以試吓。

嘩！去到門口勁多人排緊隊，不過要一嚐新加坡文華海南雞飯，排下隊都冇所謂啦～很喜歡綠化的裝橫，很多綠色植物，感覺很舒適，果然是來自新加坡這個綠化度很高的城市。來這裏吃飯，基本上都是慕名而來的，所以必點他的文華海南雞飯（$118）,加$10可以轉雞髀，要不然便是半胸半髀，我沒有另外加錢，感覺其實沒有特別需要加錢，因為無論是雞胸或是雞髀，雞肉肉質都很滑，沒有多餘脂肪，雞肉和雞皮之間有一層透明啫喱狀的膠原蛋白，完全沒有骨或者碎骨，是正宗的靚海南雞飯。油飯和雞湯都很香，好吃。雞，今晚全部食雞，也點了咖哩雞煲配白飯（$118），這個抵吃，很大的一煲咖哩雞，很多咖哩，很多雞，很多蔬菜，咖哩是馬來西亞咖哩，中辣，香料味重，香濃而又易入口。要特別讚賞那兩大片蝦片，雖然是配角，但又薄身又香脆，蝦味濃。椰子雪糕($98)是餐廳的招牌甜品，標榜自家製椰子雪糕，椰子味非常香濃，有很重的椰奶味，還配上紅毛丹和核桃，椰子內有一層厚厚的椰子肉可吃。餐廳也有一些比較特別的飲料，最後還是點了親民養生的熱檸檬薏米水，薏米水很濃，檸檬味卻比較淡。

第一次去K11 Musea ，室內裝修一流，逛逛前早點醫肚，見到門口推介文華海南雞，係新加坡好出名，故不防一試，雞真的好滑好嫩，太多客人都係食呢樣，如要雞髀加多$10，再試下蘿蔔糕～不過太林一般般

今次係下午菜時間入座，所以食到佢平左少少既下午茶set. 其實都係抽幾個主餐牌既菜，平少少再加飲品咁，選擇唔算多。🐣海南雞飯我係加10蚊轉左脾，都應該轉既。雞又唔算好出色，不過雞皮下既肥膏分佈岩岩好，係好食既，但又唔算係超出色果種。返面佢個雞飯仲好味，充滿雞油香但又唔會膩，即係令人想要添飯果隻，唔使餸都好好味果隻。🐣咸蛋雞翼好多咸蛋，好香又唔會太咸，雞肉入面都有咸蛋香，幾有特色，反正外面都唔容易食到。👎👎海鮮炒貴刁唔好以為睇照啲色水好靚或者好多海鮮，實際係得個樣。啲貴刁無味又一舊舊，得一隻帶子，都大大粒，食落又係完係無味，最奇怪係啲臘腸，食落好「林」又好「梅」，仲衰過茶餐廳果啲。🥰🥰另外者職員服務好好，做野都好快手有心。🥰🥰另另外佢杯豆腐雪糕紅豆冰同茶餐包既organic tea都幾好飲

Seems like only the chicken rice is closest to what you get to the ‘original’ chatterbox chicken rice in Singapore. The otah can be improved and the cha kway teow is just a nice version of Hong Kong style kway teow, not the Singapore style at all. Nice environment though since it is inside the K11 Musea

今天去k11 musea ，見到文華海南雞，亦不算太多人排隊，等候時間約15分鐘，很快店員便安排我們入座我們兩人被安排四人格，感覺很寬敞舒適我們選了海南雞飯，新加坡炒飯及涷咖啡 1.文華海南雞飯油飯夠香，海南雞好嫩滑，感覺剛好因不會太油，附有三種醬料，三款都可以，附送的湯有淡淡香味，蘿蔔亦入味，非常值得一試2.新加玻炒飯炒飯不油膩，亦不會太乾身，有帶少少辣味，份量夠兩人食3.涷咖啡這個涷咖啡一般，可能選玫瑰咖啡或牛奶咖啡較好

去過新加坡🇸🇬既人一定聽過或者食過既餐廳🍲文華海南雞飯（$118)(🍚7/10) 賣相唔錯，配搭三種醬料醬料不算特別，雞既份量都幾多同完全去骨，雞肉比普遍香港海南雞飯尚算嫩滑但真係比較貴，始終唔及新加坡食既雞咁彈牙同有雞味！跟餐既油飯都幾香唔太油膩粒粒分明但都係新加坡好味d。🍚白胡椒肉骨茶配白飯($108)(🍚7/10)白胡椒湯肉骨茶係香港比較少見，香港多數都係以藥膳湯為主。白胡椒湯夠哂熱飲落都有胡椒味但層次不多，肉質都淋但比較似煲完湯既瘦肉味道好淡，似係另外煮好再放入去，同新加坡湯底回味無窮啖啖肥瘦均勻又Juicy入味有段距離，但豆卜油炸鬼配胡椒湯就加分！🍗特色咸蛋雞翼(6隻)($78) )(🍚6/10) 咸蛋雞翼望落同食落都比較乾身，鹹蛋味好香但雞肉比較少，而且有種偏咸同少少油膩既感覺，開頭食既時候覺得幾惹味，當食多一兩隻會開始有滯既感覺。🍨招牌椰子雪糕($88) (🍚7.5/10) 推介❗️將椰子放係刨冰上面再加上好大球雪糕，另外配搭核桃係側邊，賣相吸引而且所有野都好夾！雪糕有好香既椰子味而且有粒粒果肉口感滿分又吾太甜，食完個底都有幾多果肉而且鮮甜，最出色係個串龍眼菠蘿🍍，味道好驚

講到呢到既海南雞飯咁出名，一於又試下佢啦。睇相都睇得出，雞係幾滑既，但係雞皮就溶溶爛爛咁唔爽口。飯係普通油飯，仲有碗消湯。如果用性價比黎睇就會覺得唔係好值呢個價錢，有啲茶餐廳都有呢個質素。

🤤 MILO 嚟到Chatterbox Café 啦!🇸🇬 餐廳:  Chatterbox Café ▫▫▫▫▫🍽菜式介紹:❝美綠恐龍 $32❞🔸4.5/5▫▫▫▫ ▫📍餐廳地址: Victoria Dockside  B1樓B110號舖▫▫▫▫ ▫🔴食評:大名鼎鼎的 朱古力奶品牌 Milo美綠🔸，在新加坡過江龍 ✨有售啦! 餐廳人氣非凡，進駐K11後火熱程度並沒減退，我排了90多分鐘才能入座呢。一共提供兩款菜式🤤， 和 。放滿美綠粉和美綠可可的飲品😍，邪惡又美味，香甜滑溜，相信沒人能抗拒呀! 原本也想試試美綠刨冰🥺，可惜當日已售罄，建議大家早點光顧呀。

尼間餐廳令我食完想即刻獻出我嘅第一篇食評😅見佢來頭甘勁就去試下啦，點知岀曬事......試咗所謂岀名嘅海南雞飯&炒貴刁。海南雞飯，雞無雞味，3款醬亦都好普通，薑蓉更是淡味。貴刁反而有味足料啲。總括來講，貴得來又唔好食，真的不了不了！

約朋友食飯，兩個人去K 11 Musea搵食，佢話去Chatter Box，估唔到會咁短期內食星馬菜兩次。因為對上一次響新蒲崗想食海南雞飯無得食，個心總係放唔低哩個意欲，今次海南雞飯係Chatter Box嘅鎮店之寶，無理由食唔到卦。因為入座時間只有90分鐘，朋友未到，唯有響門口徘徊一陣，等埋個朋友先入座。七點哩個時候都係有兩三張枱同吧枱吉嘅。個朋友黎到即刻點菜，原來佢之前黎過，有幾樣係好食一定要試（其他就普通啦）咁，咁當然由得佢發辦。文華海南雞飯梗係要叫，另外仲叫左咖喱豬肋骨煲配白飯、黑醬油炒鮮蝦蘿蔔糕同蒜茸炒小棠菜。個海南雞飯叫左無五分鐘就上菜，應該係準備定嘅，最花時間亦應該係裝湯同放上個盤度。加左錢轉雞脾嘅決定果然無錯，雞脾肉嫩滑又入味，而且無骨，啖啖肉啱哂懶人，油飯雞湯味濃郁但做到爽口唔油，唔錯。咖喱豬肋骨煲嘅咖喱汁好香，用黎送白飯最正。豬肋骨炆得好淋，輕輕一啖就骨肉分離。啲秋葵，我避開哂。黑醬油炒鮮蝦蘿蔔糕，其實我唔係好鐘意食蘿蔔糕，個朋友叫到就即管試下。黑醬油味普通，蘿蔔糕質地唔“削”，但我都係唔好食蘿蔔糕，所以一件起兩件止。至於小棠菜，其實都無咩特別, 當係有啲清炒蔬菜食

依間店係新加坡過江龍. 佢嘅海南雞飯好出名, 被譽為「海南雞飯始祖」.每次去K11 Musea 都見好多人排隊, 今次終於食到喇.除咗海南雞飯, 呢度都有其他招牌菜嘅, 例如喇沙、咖喱雞、肉骨茶等等.呢度嘅海南雞飯咁出名, 我今次梗係要試吓啦.文華海南雞飯 (HK$118) 落單嘅時候店員會問你要唔要加HK$10轉雞髀.我同朋友都係點海南雞飯, 所以其中一個就加咗HK$10轉雞髀, 睇下味道同口感有咩分別.我覺得兩個飯嘅賣相分別唔大, 係雞髀肉相對嚟講厚身少少.口感方面,雞髀肉係比較滑嘅. 兩款雞肉脂肪亦都唔多, 味道就冇乜大分別, 雞肉份量都算多.雖然有醬點, 但我覺得唔點醬食都已經好有味.講起醬, 特別要提下佢個薑蓉, 味道真係有D辣, 係幾得意嘅.佢個油飯都好出色, 食落好香, 而且粒粒分明.雞湯入面有豆腐&生菜絲, 味道清清地都幾好飲.整體來講, 依個無骨海南雞飯都幾好食.下次會再嚟試吓佢其他招牌菜.

推咗k11永遠都咁多人排隊嘅Chatterbox. 我哋兩位等咗25分鐘，有apps 知道幾多幾多號，可以周圍行吓先👍上菜時間神級咁快,應該一早已經整定晒...想坐耐啲嘅朋友建議慢慢叫，食完一樣先叫第二樣。1. 海南雞飯加$10轉雞髀，雞肉滑,嗰飯唔係太油。不過同文華東方Cafe Causette 仲有啲距離, 只不過係三倍價錢😟。2.雞肉laksa 麵好食。3. 白胡椒肉骨茶可以話差！冇藥材味，亦都唔夠白胡椒味。avoid.

K11 Muse開咗好多餐廳，因為我鍾意食海南雞飯就選了Chatterbox Cafe, weekday二點幾都居然等了30分鐘位來得這餐廳當然要點「文華海南雞飯」，賣相唔錯，個油飯香氣撲鼻，湯就涼咗無咩味，雞肉又嫩又滑，連平時唔食雞皮的我都食了幾塊，價格都算合理「白胡椒肉骨茶配白飯」白胡椒湯夠辣又夠熱，一啖落肚暖哂；肉骨雖然係煲到離骨但唔夠滑，食一條就唔想食；豆腐卜吸盡湯汁，反而更入味；油炸鬼好似新鮮炸，仲熱同脆，加番分跟餐加$16可配「焦糖咖啡」&「玫瑰咖啡」，老實講落些少焦糖醬&幾片玫瑰花瓣沒什麼味道，下次要返普通咖啡得啦