Chatterbox Café (K11 Musea)

好幾年前去星加坡旅行，去過當地文華酒店chatterbox，對於佢個海南雞飯我嘅印象唔深刻，反而好鍾意食佢個喇沙。今日行經K11 Musea，本來想食間牛油果餐廳行嚟行去都搵唔到，見到佢又唔使排隊，所以就入咗去食，回味下星加坡嘅味道。
兩份豆漿味都唔錯，唔會太甜，幾有特色，而且豆漿同涼粉嘅味道算好夾。諗諗吓自己都可以係屋企整

涼粉豆漿

$32

相比起海南雞飯，我自己比較喜歡Chatterbox嘅喇沙，雖然美中不足係佢嘅喇沙冇落螄蚶，但味道濃郁，極度足料。有三隻帶子，起碼係日本帶子最少3S大小，帶子生熟剛好，但鮮味不足。湯底好味到我全部都飲晒。

招牌形寶帶子喇沙

$158

之前響新加坡都冇食過佢哋嘅鹹蛋雞翼， $78一碟雞翼聽落有啲貴，但佢足足有六隻，仲要size一啲都唔細，其實唔係貴過快餐廳好多，而且調味都做得幾好。

特色鹹蛋雞翼

$78

佢嘅座位都相對舒適，價錢有少少貴啦，不過行開嚟呢頭都可以試吓。