CARAT Fine Indian and Mediterranean Cuisine (盈豐商業大廈)

營業中

休息中

同媽媽去食下新奇野，尖沙咀一間印度菜～裝飾都好華麗，適合約會聊天的，空間好寬敞，用餐座椅都舒適～員工都好有禮貌、細心～｜小食拼盤｜ $128對於唔食慣印度菜嘅香港人，覺得呢三款小食好新奇，主要都係溫同凍嘅～每件都有口感鬆脆嘅部份，加上凍乳酪，又幾得意喎～｜馬沙拉咖哩羊｜ $158我鍾意食辣，食印度菜點少得咖哩呢，羊都算腍，蘸上咖哩惹味不過～辣度唔算太辣，愈食愈開胃～｜皇室烤餅｜ $48叫得咖哩就一定要叫NAN啦呢款皇室烤餅特別於材料，有番紅花、罌粟籽、杏仁，食落香口唔油膩～｜Lassi Salt ｜$48咸乳酪就好香奶味，質感幼滑順口，都配合咖哩，可以中和辣度～｜mango lassi ｜$48就好似芒果smoothie好清新，飲完即時透心涼～

來到尖沙咀食lunch, 友人推介Carat Fine Indian and Mediterranean cuisine.中午有不同套餐選擇，西式，印式同素食都有。加代咖喱雞配印度烤餅 先上，烤餅是最傳統的款式，熱辣辣 好香口。咖喱雞少少辣，十分之濃味，也很有椰香！咖喱肉汁也很豐富，肉質嫩滑，不錯！ 另外叫了香葉咖喱魚柳配上麥味烤餅，這款相對沒有那麼辣，香味十足。咖喱魚柳肉質很嫩，給了咖喱汁配上烤餅食，10分好食！最後還叫了個小食是牛油果雞肉配玉米烤餅，有四小塊，還有不同的將包括有牛油果醬，酸忌廉，芒果莎莎等。當成是開胃小食最好不過了！飲品就叫了普通的凍檸檬茶，下次可以試吓其他特飲更有特色！店員都是印度人要用上英文作溝通，他們都很友善，坐得好舒服環境很安靜，適合同友人來談天說地！

平時食開西餐、日本菜、泰國菜、港式食物….印度菜食過嘅次數我諗10次都冇😂喺香港呢個人多地少嘅地方搵一間地點方便、環境寬敞餐廳都算難。難得有人介紹我去呢間餐廳，好耐冇食過印度菜嘅我哋就決定一試😝到達餐廳後先會經過酒吧位置才到室內用餐空間。酒吧旁邊就有度門通出去戶外位置。嗰度擺放咗好多唔同嘅綠色植物，地方又夠大，如果唔係天氣太熱嘅話我係會選擇坐戶外，好好咁享受吓寧靜嘅時刻。▫️Lavender Lemonade (HKD58) - 呢間餐廳有好多特色飲品選擇 (有酒精及冇酒精飲品都有！)。唔想飲酒嘅話飲呢杯有薰衣草味嘅lemonade都唔錯！成杯檸檬水充滿住花香味，感覺清新。我哋拎埋杯飲品出戶外位置一邊打卡一邊飲😆直至食物送到上枱我哋先返入去。▫️秘製乳酪醬咖喱薯角 (HKD88) - 咖喱薯角Samosa 呢款印度小食係店員推介我哋食，話因為有乳酪嘅關係味道帶點酸，好醒胃。三角形嘅咖喱角裡面塞滿餡料，每一隻都漲卜卜好得意。▫️天多里烤自家製茅屋芝士球(HKD138) - 呢碟茅屋芝士一上枱就俾賣相吸引住，嗰幾塊紅、黃、綠青椒同埋茅屋芝士球結合賣一起，令人忍唔住相機食先😆店鋪自家制paneer

印度菜，對於部份人，如我 ，印象只有咖哩、薄餅，每當朋友聚餐，也很少會提議食印度菜。今天有人打破慣例，選了一間同時提供 印度 與 地中海菜 的餐廳， 聽起來頗有新鮮感。餐廳位於一座商廈的四樓全層 ，5000呎空間內設有酒吧區、用餐區及戶外平台空間 ， 還有一個半開放式獨立廂房  ，地方非常寬敞闊落 ， 設計高雅亮麗， 透過一幅大玻璃窗可透視廚房內運作；時而見廚師默默埋頭苦幹 ，時而見到在烹調過程中，引發火焰狂舞的情景， 令室內氣氛增添了一份活力。餐牌上的選擇十分多， 菜式名稱雖不易記住 ，幸好每一項菜式前面都有一組數字代號 ，加上餐牌又是中文英對照， 非常清晰，所以點餐時也不會出錯 。605 天多里印度香料烤鮮果  ＄108飯前果對身體好 ，先來一客時令烤鮮果。有菠蘿、蘋果、番石榴，還有少許石榴籽粒 。 切件鮮果塗上印度香料、羅望子酸辣醬輕烤， 味道甜中帶點點酸辣，非常醒胃，果肉微暖入口爽脆 ，原本抗拒這道菜的朋友也讚不絕口。903 皇室烤餅 ＄48👍🏻暫時是我吃過最好味的烤餅，餅皮混入了番紅花、罌粟籽、杏仁等香料製作，表面烤得脆脆，內軟酥香，富千層效果，極俱口感，令人一試難忘。847

中秋節想試試特別體驗，今晚特別不挑選中菜，反而選了這間在OpenRice很多好評的印度餐廳。果然沒有令人失望，食物非常高質素，環境更是一流，至於餐廳店員亦很有禮貌，招呼周到，給我們一個十分良好的用餐體驗。首先我們點了蒜香烤餅以及印度香脆薄餅。印度香脆薄餅配上綠色印度香料辣醬，辣味十足，而香脆薄餅上帶有點點黑椒辣味，亦非常脆口，每咬一口都有黑椒的淡淡香氣，好食！至於蒜香烤餅的餅底質地煙韌鬆軟，香味十足亦不會太過油膩，同時亦點了一份咖喱配薄餅一起吃。咖喱菜式點了印度果亞椰香咖喱龍脷魚柳，咖喱味比想像中淡，不會過於濃烈，味道剛剛好，亦不會過辣，反而香氣十足，亦有淡淡椰子香。至於龍脷柳處理十分高質，雖然浸在咖喱汁中，但仍食到外皮有少少脆口，炸漿亦做得薄身，而且魚肉十分軟熟，軟綿綿口感很好，這碟菜式是暫時食過最好食的咖喱魚柳！另外亦再加一份主菜：地中海式香草燒雞配薯條。燒雞半隻，份量亦頗大，雞髀位非常肉嫩多汁，雞皮燒得微微脆身，雞胸位亦比想像中處理得好，雖然未至於多汁，但雞肉仍然嫩滑而且有雞味。至於伴菜的薯條亦同樣屬於高上質素，薯條外皮炸得脆口，裏邊呈薯蓉狀態，亦帶有濃濃薯仔味道。當中亦有三款醬

朋友生日，約咗佢哋上星期五食飯，其中一人前排試過呢間話好嘢，見佢喺咁短時間之內話要encore，我都估呢間應該靠得住按預訂時間上到去，當時大概只有半場滿，侍應好好咁俾我揀坐邊張枱，我揀咗個角落頭位。檯與檯之間空間都算寬闊，不過可能係客人嘅談話聲音加上播放音樂聲量略嫌大了點點，實在有點兒嘈吵😂不過都屬可接受範圍菜式方面有好多選擇，就算你有選擇困難症唔知食咩好，都可以直接揀佢有星星號的推介菜。雖然菜名頗長，好在全部有編號，落單時可以寫或講給侍應聽，完全無難度，抵讚👍🏼👍🏼好了到食物出場了👇🏼👇🏼這個醃羊肉釀芝士 真係非常好味，羊肉是免治，中間有芝士，香料味食得出好有層次，微微辣，有羊肉應有嘅羶味，非常推介秘製乳酪咖喱薯角，又係相當出色，乳酪醬酸酸甜甜又帶點薄荷味，醬汁配上仍然可以保持微脆的薯角，成個體驗係非常新鮮上圖分別有乾番茄烤餅、蕃茄腰果蓉奶油咖喱芝士球、傳統印度菠菜蓉咖喱雞整體每一道菜都各具特色，對味蕾好有衝擊，令你知道印度菜唔係剩係得咖喱，就算係煮咖喱都係用好多香料整出來的而且以這個價錢係尖沙咀食到咁嘅水盡，性價比係相當高，還有很多菜式想試，下次一定要再搵機會回來

尖沙咀一到晚餐時間必定非常多人，我和友人決定大膽嘗試走上商廈的餐廳，嘗試別一樣的風味。最後選擇了一間食印度及地中海菜式的餐廳。必食一定係皇室烤餅配牛油咖哩，烤餅厚度適中，剛出爐的烤餅沾上牛油咖哩雞，軟綿綿之餘又飄散著一股香噴噴嘅咖喱，啱曬唔食辣嘅我。小碟方面，烤雞配特製醬汁有驚喜，烤雞juicy之餘外脆內軟，保留肉汁之餘配上醬汁整體質感和口感好清新和開胃。飲品方面，真係必須要點返杯chill下，平日晚上未必可以飲醉，所以今次飲返d 無酒精飲品，味道調出黎同cocktail 好似 淨係少左酒精！超級滿足！見到隔離檯會飲manago lassi，下次黎都一定會試下！ 大大杯之餘，調製出黎嘅顏色都好吸睛

今日同老婆去尖沙咀行街街，本來諗住食碗麵就算，點知老婆話要浪漫啲，唯有即刻搵食，最後喺寶勒巷搵到間樓上餐廳有裝修、有露天，夠晒浪漫。環境方面：好靚呀，室內靚裝，室外有大太陽傘同吊椅，幾有格調，環境亦相當乾淨，最終我揀咗坐室外😍服務方面：啲職員好有禮貌，亦會推介一啲菜式俾我哋，但又唔係最貴嗰啲👍我哋整濕咗地下，佢哋都即係禮貌地幫我處理，完全無唔耐煩。😌侍應只講英文，但餐牌有中英文。食物方面：呢度主食中東菜同印度菜，我地兩個人叫咗：印度沙律，呢個係職員介紹，餐牌無嘅，純粹好新鮮嘅蔬菜加啲檸檬汁皇室烤餅，超級好食，點咖哩汁一流👍👍👍慢煮羊肉咖哩，啲羊肉唔騷，夠肉，夾埋啲咖哩👍👍地中海香草燒雞配薯條，夠味，但半隻雞細咗少少素菜咖哩角，幾好，配埋個辣汁就fit 晒。總結：我哋兩個人食左625元，咁嘅環境同服務，仲要食物質素咁高，一啲都唔算貴，要食高水準加有環境嘅中東菜，絕對係好選擇。😘

今天去了Carat 一間很高質的印度菜前菜點了很特別的SAMOSA CHAAT 祕製乳酪醬咖哩薯角配羅望子酸甜醬及薄荷醬照出乎預期！好好吃！內面的料超多，作為頭盤絕對是100分！份量也很多然後我們點了兩個main course 分別是自家製茅屋芝士球濃香蕃茄奶油咖哩！芝士球份量很多，好香濃，蕃茄味道酸酸甜甜的好開胃另外一個就是Murgh Maratha !!西印度罌粟籽椰香咖哩雞雞肉非常入味，加上椰子香味！再配上Naan 絕對一流！店長推薦了我們吃他們的皇室烤餅！Sunhari Lachha Naan 黃色的，牛油味很重，很香非常喜歡這家餐廳，環境也很舒服！出面戶外也可以吃水煙，不過今次沒有點，哈哈和朋友聚會一流

第一次食平時食中餐西餐日本餐都食得多，但係就好少食印度菜，今日下午一於和Queenie去食印度菜。今次去了尖沙咀寶勒巷 一間商業大廈食印度菜。餐廳叫CARAT Fine Indian and Mediterranean Cuisine 。餐廳環境地方大，行得自然舒服，空間感高。而且餐廳格局都幾有特色，裝修和擺設感覺都像一間高級餐廳，職員嘅服務和態度都幾好，會問我們要不要倒水，又為我們遞上餐巾，其中有一個職員又會提到餐廳餸菜的特色，介紹他們家鄉的風味 。埋單387元，連加一服務費，平均每人193.5元。孟買石榴脆香米，78元這碟好大碟，份量好多。味道有點特別，第一次食，裡面有一些似短麵條的，又有一些半脆狀況的脆米粒，又有一些生洋蔥粒，又有一些水果石榴粒，又有一些脆脆的一粒粒東西，總之就是從來未見過，亦都未食過。上面還有少許綠色醬汁。全部稍稍攪拌，食下去有點清新的辣感，我猜想應該是因為有生洋蔥，至於石榴粒無疑是令鮮甜感提高。78元這樣大碟，食完都飽，但不感肥膩。爐烤秘製香料鯖魚柳，148元一碟有四大件，有配特製綠色醬汁和伴隨檸檬。將兩者添加到鯖魚柳之中，微酸的，感覺不乾不硬，有點像食”肉”

一到達餐廳嘅時候 感覺裝潢非常高級令到我對餐廳嘅食品更加期待Prawn Nilgiri 醬汁加入薄荷葉份外清新而且仲有一粒粒嘅蕃石榴果肉鮮蝦質地彈牙飽滿而且辣度十足 非常惹味而且份量都好充足亦都係印度北部比較特別嘅菜式Murgh Maratha係村落風味菜式出面好少食到香濃帶辣既醬汁充滿椰子香味配上鮮嫩嘅雞肉 令人回味食咖喱當然要配上正宗印度手抓餅香酥脆口既餅皮要來沾上特色醬汁 絕對係絕配 咁就唔會浪費咗咁美味嘅咖喱

琴日同男朋友去咗一間高級印度餐廳～ 餐廳設計歐美風格，鮮紅色嘅梳化椅好eye catching又比人一種好high class嘅感覺，而且坐得好舒服😌 店員服務好好，好welcome～法包好脆，好香口。天多里乳酪香料烤雞 $128 半隻印度美食離不開香料雞啦～ 表面滿滿嘅香料令到雞肉好入味，而且雞上髀肉質都幾嫩滑👍🏻 可以選擇辣度，大中小辣都有唔同嘅醬汁😃 個醬汁辣得來又開胃惹味😋薄荷咖喱葉爐烤大蝦 $148本身淨係單點咗呢份，店員recommend我地配個烤餅一齊食～ 如果唔係浪費咗啲咖喱汁。咖喱質地幾濃稠，而且濃郁香辣帶甜～ 大蝦彈牙爽口👍🏻 牛油/蒜香烤餅 $38我地各點咗一款味道，仲以為係一小塊，點知係兩塊大個手掌嘅size。烤餅咬落好軟，仲好香口，牛油味同蒜味都好特出，食到舔舔脷😋

平時都比較小食印度菜，估唔到尖沙嘴有一間環境又大又靚嘅印度餐廳，價錢幾親民bar果個位好chill，有戶外嘅位置可以坐，室內位置都好大，卡位仲有咕臣坐到好舒服，估唔到印度菜摩登時尚。店員全部都係印度人，好熱情🤣呢到嘅廚房有好大塊透明玻璃窗，可以睇到廚師煮嘢食😚我地係Happy Hour時段紅酒一杯$60幾蚊😗❥INDIAN SMALL PLATES – SEAFOOD#藏茴香胡蘆巴香葉燒大蝦配自家製薄荷醬 ($188)😋好味指數：(7.5/10)蝦好大隻，肉質爽口😆因為我唔食薄荷，所以冇試到佢個醬😗❥Mediterranean BIG PLATES#鐵板烤紐西蘭羊膝配地中海特色醬 ($168)我唔食羊，呢個全部都係男朋友食晒🤣我個薯蓉好滑，仲好香黑松露味👃🏻❥INDIAN SMALL PLATES – CHICKEN#招牌天多里乳酪香料烤雞 (半隻$128 1隻$218)😋好味指數：(7.5/10)印度菜啲雞通常都係比較乾🤣香料嘅味道好濃，食食下都幾辣下😳❥NAAN#皇室烤餅 ($48)😋好味指數：(7/10)加咗番紅花、罌粟籽、杏仁，味道比較豐富😎飽得濟冇嗌到咖哩點嚟食，好後悔呀😭

突然之間好想食印度烤餅，就相約朋友試一試新餐廳。喺OpenRice Search到呢間評分唔錯， 地點又就腳嘅餐廳，所以就試一試😎一入到去好似去咗西餐廳咁 ，好有氣氛，而且可以揀室外坐，可以同朋友chill住傾偈。不過朋友怕熱，所以我哋都係揀咗室內窗邊卡位，依然10分舒適🙆🏻‍♀️前菜我哋點左秘製乳酪醬咖喱薯角配羅望子酸甜醬及薄荷醬，份量比我哋想像中多好多，不過配埋酸甜汁，又辣辣地，比較開胃而唔會太濟。薯角有炸過，食落仍然好香脆😎主菜要咗印度果亞椰香咖喱龍俐魚柳配乾蕃茄烤餅。烤餅係我期待已久，份量亦相當多，而且烤得剛好，唔會過硬或太淋！咖喱屬於偏甜既，好啱我口味，配埋烤餅一齊食好夾😎本身怕唔夠食，所以要多咗個芝士雞肉卷，點知份量亦係相當多，亦十分足料。雖然唔係印度菜，但一啲都唔馬虎，而且有三款醬汁配搭，分別係乳酪，牛油果醬，番茄醬，其中我最欣賞係番茄醬，酸酸甜甜好開胃😋Homemade Masala Chai 食印度菜當然要配印度奶茶就最完滿🤣

以前一想食印度咖喱同薄餅只會去重慶大廈，宜家搵到呢度，環境夠大舒服又唔會有陣味。自家製茅屋芝士球配洋蔥蕃茄腰果蓉奶油咖喱，芝士球係方形粒粒咁，我開頭仲以為係圓波波咁。由於有蕃茄，咖喱味甜甜辣辣，質地就偏稠，開胃的。另一款就叫咗我心愛嘅Masala，每一次去親食印度菜都必點，佢個料係混合香料，味道係偏濃，我今次配魚食，masala個汁香料味好重，辣味係輕輕化出嚟，辣味比頭先隻咖喱辣，好惹味，亦都食到佢唔同層次嘅味道。至於薄餅就叫咗原味，因為我唔想影響到咖喱嘅原味。薄餅即叫即整，個底仲有啲鬆脆同軟身，未點汁已經好好味。