影片
更多
2021-09-23
1049 瀏覽
平時食開西餐、日本菜、泰國菜、港式食物….印度菜食過嘅次數我諗10次都冇😂喺香港呢個人多地少嘅地方搵一間地點方便、環境寬敞餐廳都算難。難得有人介紹我去呢間餐廳，好耐冇食過印度菜嘅我哋就決定一試😝到達餐廳後先會經過酒吧位置才到室內用餐空間。酒吧旁邊就有度門通出去戶外位置。嗰度擺放咗好多唔同嘅綠色植物，地方又夠大，如果唔係天氣太熱嘅話我係會選擇坐戶外，好好咁享受吓寧靜嘅時刻。▫️Lavender Lemonade (HKD58) - 呢間餐廳有好多特色飲品選擇 (有酒精及冇酒精飲品都有！)。唔想飲酒嘅話飲呢杯有薰衣草味嘅lemonade都唔錯！成杯檸檬水充滿住花香味，感覺清新。我哋拎埋杯飲品出戶外位置一邊打卡一邊飲😆直至食物送到上枱我哋先返入去。▫️秘製乳酪醬咖喱薯角 (HKD88) - 咖喱薯角Samosa 呢款印度小食係店員推介我哋食，話因為有乳酪嘅關係味道帶點酸，好醒胃。三角形嘅咖喱角裡面塞滿餡料，每一隻都漲卜卜好得意。▫️天多里烤自家製茅屋芝士球(HKD138) - 呢碟茅屋芝士一上枱就俾賣相吸引住，嗰幾塊紅、黃、綠青椒同埋茅屋芝士球結合賣一起，令人忍唔住相機食先😆店鋪自家制paneer
到達餐廳後先會經過酒吧位置才到室內用餐空間。酒吧旁邊就有度門通出去戶外位置。嗰度擺放咗好多唔同嘅綠色植物，地方又夠大，如果唔係天氣太熱嘅話我係會選擇坐戶外，好好咁享受吓寧靜嘅時刻。
▫️Lavender Lemonade (HKD58) - 呢間餐廳有好多特色飲品選擇 (有酒精及冇酒精飲品都有！)。唔想飲酒嘅話飲呢杯有薰衣草味嘅lemonade都唔錯！成杯檸檬水充滿住花香味，感覺清新。我哋拎埋杯飲品出戶外位置一邊打卡一邊飲😆直至食物送到上枱我哋先返入去。
▫️秘製乳酪醬咖喱薯角 (HKD88) - 咖喱薯角Samosa 呢款印度小食係店員推介我哋食，話因為有乳酪嘅關係味道帶點酸，好醒胃。三角形嘅咖喱角裡面塞滿餡料，每一隻都漲卜卜好得意。
▫️天多里烤自家製茅屋芝士球(HKD138) - 呢碟茅屋芝士一上枱就俾賣相吸引住，嗰幾塊紅、黃、綠青椒同埋茅屋芝士球結合賣一起，令人忍唔住相機食先😆店鋪自家制paneer，每日新鮮製造，店員話製作過程都幾複雜及需時。我第一次食 paneer，有啲似豆腐軟綿綿咁。味道就有淡淡奶香。
▫️印度果亞椰香咖喱龍脷魚柳(HKD128) - 去食印度菜冇理由唔點咖喱呀。我哋喺海鮮類揀咗龍脷魚柳，要少辣因為我嘅同伴怕太辣食唔到。結果叫少辣個咖喱味道真係啱啱好。味道辣得嚟唔會過於濃烈，加上香氣十足，好味呀。
▫️牛肉烤餅 (HKD38) - 叫咖喱點可以唔配烤餅呢。一籃烤餅大約有3、4塊，外層好脆口，一啲都唔覺好厚粉。配埋咖喱醬一齊食真係啱晒😋😋餐廳提供嘅烤餅種類印滿了一頁紙，真係揀烤餅都有排揀。
印度+地中海菜喺同一間餐廳出現比較少見。由於選擇太多嘅關係，今次只係試咗印度菜咋。地中海菜唯有留番下次先啦。
張貼
