Caprice

營業中

休息中

👭與閨蜜又去食好嘢，今次選了四季酒店，是法國餐廳Caprice，米芝蓮三星，評分很高的一間食店。提早半個月預定，選擇食午餐，因為價錢比較經濟。我們準時到達四季酒店，進入酒店的時候會為你量體溫，使我們食得安心。上到6樓餐廳，豪華的設計，一排落地玻璃窗，環境照明足夠，不愧是五星級酒店。服務員體貼的招呼，亦令滿意度提高不少！🍽我們點了四道菜式，專登選不同菜式，可以互相分享及影相分享，由前菜、湯、主菜、甜品，每一道菜配搭特別，擺碟美麗。就在好美食、好環境、好服務下，享受了一個非常之滿意的午餐！個人評分食物A環境A衛生A服務A抵食B

除了三星米芝蓮外，食評都好好，令我未食過就睇高一線。另外，我都食過不少無星嘅fine dining ，都覺得很滿意，所以我期望呢一間三星米芝蓮係會比我之前食過嘅更精彩。先講唔精彩嘅地方，呢間嘅菜式非常花巧，我當然知好多fine dining 都係咁，也知道花巧可提升菜式嘅價值，但廚師嘅心機未能與好味道成正比，就好似有點兒為花巧而花巧。另外有啲食材份量少得誇張，若隱若現咁。呢種做法可以令到人哋覺得佢哋設計菜式時有幾仔細，大家注意力都放在味蕾。但係我認為，太少嘅份量，咁疑幻疑真嘅味道，和肯定存在嘅味道撞唔出應有嘅火花，少少可惜。食物層次感和精緻度做得好好，食材配搭係有新鮮感有驚喜和恰當，服務也一流！當然我都係同其他食評一樣，係好個人化和主觀。麵包有四款，兩款硬兩款軟，硬嘅和軟嘅包最好味都不是這一間。失望！咸牛油超啱我心水但出面唔難有！之後送一個cream狀嘅小杯，唔好食好普通，係底部有微酸嘅昆布做出對比加番啲分。前菜鴨肝非常香濃。但還是較喜歡主流做法，切得薄一點，然後煎脆個皮做到外脆內軟，因為而家咁好漏，旁邊嘅柑橘也未能解漏，我自己覺得呢個做法係浪費左一件咁靚嘅鴨肝。旁邊一小督粟子勁好食！

Caprice 再奪米芝蓮三星，決定今年生日再去，要坐窗邊就早點訂位。環境依舊，還是那麼高級和舒適。5 courses $895/person。Bread basket 選擇多，但跟兩年前來過的差不多，可以update一下。Amuse bouche 生帶子薄片配beetroot 和lemon cream，賣相出色，味道清新。鴨肝伴柑橘配蜜餞栗子，果香加鴨肝口感十分豐富，令人滿足的前菜。法國洋薊湯伴羊奶芝士ravioli 配薄荷油，很特別的湯。煙肉燉蛋伴蘭度豆湯，質地夠稠，都是豆香，好有飽足感。Fish course要了slow cooked 多寶魚，賣相吸引，魚肉嫩滑，配薯仔、大蒜和海苔，配菜也相當美味。虎蝦大隻又彈牙，配青口和fennel espuma，yummy。Meat 我們都要了法國乳鴿，食得生可以揀medium rare，我要7成熟，鴿肉處理得很好，肉質嫩滑，配chestnut 醬，口味獨特。一層層layer的，用梨做的sorbet配almond biscuit、梨肉和榛子，配搭新鮮，味道清甜。欣賞甜點師傅的技藝，有一粒粒珍珠大的梨肉，很有美感！Caprice Cheese

有冇食物敏感？⋯一句說話開始左一段包括左視覺、聽覺、觸覺、味覺、嗅覺嘅旅程，每一道菜都換一套餐具，仲要帶哂白手套同托盤，上菜同收碟都會兩位服務員同時進行，每道菜式都會祥盡介紹，每道菜式溫度、視覺、味覺、嗅覺加埋真係好精彩，當中最喜歡的是法國乳鴿伴皺葉椰莱釀鴿腿肉及鴨肝，記得要四成熟，會唔會太生？絕對不會，佢起初推介時我都有啲驚，但真係未食過咁正嘅乳鴿，多汁、滑、鮮，最重要係遇到最符合我要求嘅生日蛋糕（夠細😂），服務又體貼，當我唔覺意飲水咳左兩聲，轉頭即刻有盒紙巾送上，呢個體驗並唔係睇相同文字表達得到，盡力了，人一世物一世，三星點都要試吓嘅#Caprice#米之蓮三星#出類拔萃的料理值得專程造訪#相影得麻麻因為顧住食

朋友早排係四季酒店嘅三星法國餐廳Caprice食完生日飯，一直推介我去食，但晚餐價錢都唔平，又未有慶祝活動，就決定吃午餐，午餐價錢超值分別有3 4 5道菜，另外有個精選menu，由廚師決定當日menu5星級酒店，米芝蓮 3星嘅餐廳，服務周到，每道菜式都會介紹一下，亦會推薦餐廳最受歡迎嘅菜式，我地食次就跟侍應推介嘅菜式去嗌Amuse Bouche上面係薯仔泡沫，混合左海帶，好味香煎鴨肝伴柑橘蜜餞栗子鴨肝油香但唔膩 配上栗子蓉同柑枱，更出色，不愛吃鴨肝的男友都讚不絕口侍應推介的生帶子薄片伴紅菜頭檸檬忌廉，口感清新，但呢道菜無咩驚喜同樣係侍應介紹嘅主菜虎蝦伴青口及茴香慕絲配香草汁本身少食蝦，呢味菜就由男友代勞法國乳鴿半鄒葉椰菜釀鴨腿肉及鴨肝呢個係侍應推薦我覺得最好味嘅一道菜，非常推介香梨及榛子香梨雪葩配杏仁脆餅不會過甜，幾好食西柚伴花椒啫喱，蛋白脆餅，薄荷慕絲最後飲杯咖啡，非常滿意的一餐

再次去到我最喜愛餐廳🍷全港只有七間🌟三星米芝蓮🌟既其中一間，位於四季酒店既 Caprice🇫🇷每一道菜都非常精緻特別，會帶來多種口感，每一啖都有驚喜，從來不令人失望😋𝓐𝓶𝓾𝓼𝓮 𝓫𝓸𝓾𝓬𝓱𝓮今次既餐前小食混合左饅魚同海帶，有好creamy 既口感，但中間脆卜卜，好特別好好味🥂𝓐𝓟𝓟𝓔𝓣𝓘𝓢𝓔𝓡𝓢當你以為揀左鵝肝配上栗子醬汁一定好味啲既時候🌰另一道帶子刺生配上紅菜頭片更有驚喜😍整得好靚而且帶有小小酸味味既醬，好開胃😋𝓢𝓸𝓾𝓹第一眼比捧上泥好似綠豆沙既湯嚇親🧐點解用匙羹一筆落去，下面原來仲有一層小小啫喱狀cream, 配埋上面既芝士片🧀依個湯係當日我第二喜愛既菜🥈𝓢𝓮𝓪𝓯𝓸𝓸𝓭虎蝦大大隻好爽口，配上青口同埋有多層口感既醬🦐好味道☺️ 多寶魚配上薯仔🐟喺烤左既薯仔上放左薯粒同薯，帶有cream既sauce，有幾種口感而家好好味😳個魚亦都好滑，榮登當日我最喜愛菜式第一名🥇𝓜𝓮𝓪𝓽烤豬肉睇落好似午餐肉🤭但一咬落去入面原來夾住一圈圈脆片，surprise!👀配上帶有薑味醬汁同旁邊由薑做既配菜，好特別💛係當日我最喜愛既第三位🥉Pigeon 烤得好幼嫩，但個配菜都好出色，用菜包住入面既鵝肝，加上一條條脆

難得在聖誕節前能到caprice 看着海景享受午餐，而且食物賣相精緻。我們預先order了 3 courses lunch menu ($645)熱辣辣的餐前麵包配上有鹽或無鹽牛油先來一個餐前小食，味道像使用混合了鰻魚和海帶，上面一粒粒十分有口感Appetiser:鱈魚大蒜沙律配香醋汁，各樣材料配合起來口感特別，不會過鹹，但味道卻不是令人十分滿意香煎鴨肝伴金橘配蜜餞栗子，鴨肝味道濃郁，伴上金橘令鴨肝吃起來更有風味Soup:法國洋薊濃湯伴羊奶芝士意大利雲吞配薄荷油，羊膻味超濃，不是人人受得了Main course (因為人數眾多，只能從less option menu 上選餐)，只可以從魚和肉來選Fish:慢煮多寶魚伴烤薯仔、大蒜及海苔，清甜不腥，肉質鮮嫩Meat:法國乳鴿伴皺葉椰菜釀鴿腿肉及鴨肝，口感細滑，非常美味Dessert:精選法國芝士，配上紅酒真是絕配焦糖伴雲呢拿及花生，光看名字完全想像不到完成品會這麼美😍西柚伴花椒啫喱、蛋白脆餅及薄荷慕絲, 感覺像牙膏petite fours 配上餐飲柚子餅，酸酸甜甜，味道清新手造朱古力，裏面是caramel Raspberry 泡芙裏面忌廉

Caprice 又再次拎三星米芝蓮啦！食過幾間唔同既法餐 caprice 比我既感覺係真材實料：）傳說中既前菜 味道好特別 有d份子料理feel 有個首飾鏡盒放 味道由淡到濃 Caviar with king crab and jelly 超好味 Jelly係超級有蟹味 感覺就係蟹熬出黎既jelly配caviar一流 而且佢地用料超大方 滿口都係魚子 超幸福 另一道餸係魚子配他他牛 魚子令到牛感覺唔算生 入口滑既 值得一試架！最鐘意係佢地個鴨胸 配左d荔枝類既配菜 感覺好夾 鴨汁超好味 跟住湯啊果d都好好味 就唔多講了 個人覺得佢地lunch幾抵食 如果生日慶祝好味又得體

I've been to a fair few fine-dining restaurants but this was my first time at Caprice. For the lunch set you can choose between 3 to 5 courses, and I went for 5 just to try more dishes. First came the bread basket with four choices from which each guest could choose. I got the walnut sourdough and cheese roll and absolutely loved the latter! So flaky with just the right amount of moisture, indulgent yet not too oily! Then there was the amuse bouche which was smoked eel & potato foam. Nice but no

永遠不會令人失望，近乎每年都會去一次的慶祝餐廳。set dinner以fine dining來說很抵食。前菜都已經可以食到調味好富層次，層層湧上味蕾的香料，提味之餘很清新很高級，每碟食到最少五六款調味。當然食得fine dining器具都很精緻。唯獨可改善就是以冬天來説口味清新得有點像夏天，早幾日食另一fine dine已經轉了南瓜磨菇這些fall/winter調味，這次就缺乏了一些winter feast的幸福感。

好開心先生同我嚟Four Season 食飯！呢餐應該係我哋食過最貴嘅一餐飯，但係我想講真係一分錢一分貨，因為依餐晚餐真係我食過最最最好食嘅一餐！我哋叫咗個set dinner 然後upgrade咗個main course做鹿兒島和牛。中間最值得一提係阿拉斯加蟹肉冷盤配魚子醬，雖然好似好誇張，但係我感覺到我食咗成個海洋入口! 我形容唔到有幾好味😅其他食物質素已經唔使講, 一句講完,正! 整晚Service很好而且氣氛好浪漫💕坐喺窗前面望住維港食飯係再高一層次嘅享受。最後我哋食咗成三個幾鐘，感覺好完滿🥰

三星餐廳，無論地點、景觀、食物質素、服務各方面都係冇得挑剔👍🏻👍🏻👍🏻當日我哋揀左3道菜單，再另外加餐酒。餐前小食好精緻，睇見都好開心🥳麵包除左個樣靚之外，味道亦非常好😋前菜：蕃茄伴水牛芝士😋主菜：香烤龍蝦伴時令蔬菜配羅勒油😍香烤法國鴨胸伴甘筍配八角汁甜品：焦糖慕絲伴花生了結及朱古力忌廉🥰香烤黃梅伴杏仁炊餅及雲呢拿配熱情果胡椒汁😅值得一提😄朋友喺OpenRice 訂位，註明左慶㊗️生日（我唔知）。當天到達後，未有見佢哋D同事與我地確認，就喺上甜品時，喺碟上放左蠟燭同埋寫咗啲字句，真係有D驚喜😆感覺又真係好有心🥰

今日男朋友帶左我黎Caprice慶祝生日，本身book位果陣話冇窗邊位，但好彩去到當日安排左窗邊可以望住海景食法國菜。今次係我第一次食法國菜，本身我以為食完唔會夠飽，點知試完呢次癩覆左我對法國菜既第一印象，我地叫左8道菜，每道菜都好精緻，好岩香港人口胃。主菜我地叫左龍蝦同和牛，個和牛真係一試難忘，一入口即溶，脂肪比例分配得好好。每上一道菜，侍應都會好專業好耐心咁講解，而且會建議客人點用餐，我地兩個都唔飲酒，仲提供暖水比我地，十分貼心。當食左咁多道菜以為要完之濟，原來仲有甜品，甜品用左個首飾箱裝住，裹面有好多款選擇，包括法國必食Madeleine，外脆內軟。十分建議情侶慶祝生日、週年黎呢到👍🏻🥰

之前寫過一篇Caprice嘅食評，當時覺得某啲材料唔啱我口味所以並唔覺得好好食。事隔左咁耐再嚟試吓，但係口味嘅嘢真係好個人，人哋覺得好食我未必覺得好食。呢餐飯係同好朋友兩個一齊食，所以係食得好開心嘅。環境服務都一百分。食物方面質素當然都係好高，只係我覺得佢哋嘅菜式略嫌花巧，加入左好多不必要嘅元素，唔係個個都會鍾意，例如當日嘅甜品，真係好靚亦都好啱我口味㗎，但偏偏就加入咗西芹! Why??? Is that even necessary? 我本身係一啲都唔抗拒食西芹，我仲係好鍾意生山西芹嘅人，但唔代表我鍾意甜品裏面有西芹囉! 最後我係冇食晒。所以口味嘅嘢好個人，我相信會有人覺得好清新好特別好鍾意。Fine dining來講我都係鍾意食Petrus多啲。

早左個幾星期打黎Caprice訂位，因為朋友生日所以想坐窗口位，但係最後都安排唔到。一早聽過好多朋友講Caprice係最好食嘅，所以都對呢餐好有期望。環境服務賣相，我都會比滿分，但係我只可以講味道呢方面真係好個人，我覺得當日嘅食物材料可能唔係我鍾意，所以我唔覺得係非常好食，真係好可惜。例如其中一道菜，係牛肉湯ravioli，個味道我覺得好古怪，怪自己可能唔係好鍾意牛肉好濃嘅味。不過主菜方面非常出色，朋友嘅牛肉非常好食，早知我都點牛肉啦。令我覺得最驚喜係佢哋嘅拿破崙蛋糕，朋友生日所以一早訂咗祝佢生日快樂，個蛋糕係我食過最好食嘅拿破崙蛋糕，食完之後覺得完全值嗰個價錢。