Burgeroom (美麗華廣場1期) (已結業)

約左閨蜜2人晚餐，因為佢係一個鵝肝迷，於是提議一齊去食鵝肝Burger。好!心動不如行動。7點到達美麗華，裡面越開越多餐廳，平日都幾多人黎食晚飯，於是我哋急急腳行到餐廳，室內已經坐滿左九成，可能因為有HappyHour嘅關係(3-8pm)，附近收工嘅人都會去飲番兩杯。Meun選擇亦都唔少，而且有室外座位，非常適合三五知己放工開人吓～餐廳係先帶位坐底之後，睇完Meun自己行去收銀俾錢，形式比較似酒吧。埋左單就會俾個感應器你，番埋位等菜式上枱。內裡嘅裝修係工業風汽車風格，喺等餐嘅時候可以邊飲吓野，邊欣賞四周圍嘅裝飾。見到個巨無霸嘅真身，我地就決定嗌一個一齊share，再加一碟薯條。點咗牛油果醬芝士薯條，份量十足!!大量牛油果醬同芝士淋喺薯條面，每一條薯條都沾滿芝士，口感軟滑，但味道個人認為可以再濃D。朋友期待已久嘅漢堡亦都送到嚟! 上枱嘅時候會將上面塊漢堡放係旁面，裡面嘅配料一目了然。鵝肝有半隻手板咁大，塊牛肉漢堡好厚，再埋生菜同蕃茄，真係一啖唔會咬得哂所有配料呢～ 鵝肝入口滑膩，非常軟滑，油味十足! 牛肉漢堡邊咬邊流出肉汁，調味剛剛好，再加上這片車打芝士，卡路里達標😆。好滿足嘅一晚!!

好耐之前係cwb食過開左係ｔｓｔ都係第一次黎食，一樣咁好味！而且真係好大份！飽到飛起，嘿嘿煙肉芝士牛肉漢堡！一定要診熱食，因為芝士仲係溶熱辣辣更加好味！嘿嘿可以睇到舊漢堡幾夠份量！成半吋厚，肉汁極多，牛味濃５－７成熟，口感極佳！嘿嘿仲有個就係大啡姑ｂｕｒｇｅｒ！夾埋半溶嘅車打芝士，烤菇菇味超濃，呢個配搭一流！食哂成個真係又飽又滿足！嘿嘿旋風芝士薯條，好正，因為係脆皮薯條口感正過普通薯條好多，全部痴住晒d芝士，熱溶滿瀉既芝士醬真係非常放肆，嘿嘿蜜桃茶，主要想解下濟同膩！味道ｏｋ！

本來諗住滿心歡喜咁去試呢個burger,上網見啲食評寫到好好食上星期就專登去試，去到門口竟然無人唔使排隊連服務員都冇咁就行入去睇啦，但都入去企左10分鐘都冇人理，然後問左2-3個員工都唔理我地，之後就發現有部收銀機諗住要自己行去買嘢食，點知啲員工話要喺出邊等但係態度非常差咁講，但入面其實有空位。出到去又要唔知邊到排，其間後面已經幾個人有同樣問題，出到去等多10分鐘見d員工都未有反應，嬲到走人

我本身係好中意食burger既人，貪佢可以大大啖肉好有滿足感。不過之前parttime未出糧冇乜錢，焗住食m字頭餐廳既包，口都淡埋呀。終於，終於比我等到今日出糧，可以去食餐好既！今次揀既係尖沙咀Mira Mall既Burgeroom，之前食過銅鑼灣果間好多人比較嘈，呢間分店就反而裝修幾cozy又少人d，同frd去傾計食野gathering就最適合。首先點左主角burger先！鵝肝雪魚柳漢堡$158 魚炸得好脆身但又唔覺油，炸粉厚度啱啱好。至於鵝肝就唔洗多講梗係好食啦（個人認為鵝肝點煎都好食哈哈）。連生菜一齊食感覺不錯唔會滯。再點左一份牛油果醬芝士薯條$62，雖然個名係咁叫，但原來佢仲有d蕃茄蓉係上面，食落冇茄汁咁酸，啱晒我！份量都唔少，最好同frd一齊share。

以往要食Burgeroom 要過到銅鑼灣，而家係尖沙咀開左分店真係好方便。店鋪裝修有型格，走美國風店內有好多車軚做裝飾，坐位寬敞。半自助模式，要自行去收銀處點餐，而且是免收加一。漢堡包種類很多，約二十多款。巧合地和朋友都想食鵝肝，所以分別點了鵝肝牛肉漢堡和鵝肝鱈魚漢堡。炸薯角一上台已經香噴噴，薯角炸得很香口但還有薯味，外脆內軟，口感一流。鵝肝牛肉漢堡上台時已貼心地切開兩份，漢堡包份量大用料足，面包鬆厚，牛肉厚身但又有肉汁，不會乾身。雖然並非點雙鵝肝，但單個鵝肝份量都不少，而且算厚身，煎得恰到好處，有入口即溶的感覺。鵝肝鱈魚柳漢堡面包有芝麻香味，鱈魚柳則炸得很香脆，但又保持到入面的肉汁，魚肉十份嫩滑，配上鵝肝的油香，意外地非常之夾有驚喜漢堡包都伴以沙律菜，可以消消滯。雖然漢堡包價錢不便宜，但質素實在非一般快餐店可比的。食量不大的女士絕對可以一個包兩份食。

之前都已經知道佢係CWB間分店好出名勁多人食，一直都想試下，但要過海實在太唔方便，好在上年終於係尖沙咀開左分店，上星期終於約朋友去試下~~~ 7點去到已經幾乎坐滿，好在BOOK左位，朋友未到又肚餓就叫左個薯角食住等XDXDXDXD 薯角生鮮即炸熱辣辣好香脆，加配茄汁同芥末醬一流!!! 終於等齊人可以真係開餐啦，我見留言D人多數叫龍蝦漢堡，所以都唔洗點諗已經打算叫呢個試下~~~ 上碟個樣都幾有霸氣，個龍蝦頭勁大，真正大堆「頭」製作。漢堡里面算足料，左右2枝插住既係龍蝦，芝士包住既地方都係龍蝦，尖沙咀中心冇加一服務費環保舒服$198呢個餐黎講我覺得真係算唔錯啦~~~ 唔好睇個龍蝦頭大大得個樣，個頭識食既話其實係食得架!不過我係唔識食個個，加上其實已經好飽，所以交左比朋友去處理佢~~~ 呢個係朋友點既漢堡，鵝肝好有油香同唔腥，睇圖就覺得鵝肝好似好細塊一小啖就冇左，其實係個鱈魚扒好大塊，對比出黎就好似鵝肝好的色咁，其實叫呢個餐主要都係貪佢個鵝肝，但個鱈魚扒又意外地幾Juicy好好食~~~好在上台時已經切開左2邊方便食~~~ 呢度閒日都好多人，想黎就記得book位先啦。

主打漢堡既餐廳愈黎愈多，要平、靚、正既就要搵搵。今次同朋友食「Burgeroom」！點左雙層牛肉芝士漢堡，菠蘿燒烤醬雞柳漢堡，啤酒Kronenbourg 1664。兩個人食一人一個！點知食唔曬，因為實在太大個！牛肉漢堡扒超級彈牙，材料十足，非常juicy！師傅將塊漢堡扒整到冇乜血水，非常香口，啱曬我心水！由於太大個嘅關係，所以我食咗上面嗰層先，之後食下面果層嘅時候發現啲牛肉汁整淋左個包！用刀叉食會比較穩陣！塊雞樓師傅整到有啲外脆內軟，燒烤醬比想像中冇咁甜，估唔到驚喜在塊菠蘿，好多水，少酸多甜，又係大大個！麵包頂有滿滿的芝麻，散發出芝麻嘅香味！漢堡包同啤酒真係絕配，再加上1664有少少甜味，啱晒女士飲！如果happy hour再有得平少少！

老公非常喜歡吃漢堡，不是指連鎖快餐店的求其漢堡而是正宗美式漢堡，他說做人就是應該有要求嘛！也對也對，所以今天就和他來到美麗華廣場的burgeroom。只要從諾士佛台旁的扶手梯入到商場，再從那邊的扶手梯上一層就是Burgeroom 的所在地。內裡早已經人山人海，要等了一會兒才可以進來呢店內的座位也不少，正宗的位置有一個酒吧枱可以用來調酒和點餐。廢話不多說，先介紹飲品。我選了這款口味在外面不常見的Snapple ，雖然索價＄28，作為Snapple迷的我雖然有點貴但也忍痛點了。其實味道和一般的lemonade分別不大，幸好雪得夠冰凍老公則點了無糖的latte。他說奶味濃郁得來卻不會掩蓋咖啡的味道和香氣而且口感順滑，值得推介不知是否因為太開心的緣故，瘋狂的老公除了點了兩個巨型漢堡外還點了兩個小食。天呀！！我們只有兩個人怎麼可能全部吃掉先介紹這個<芝士旋風薯條>，每條薯條也炸得很香脆而且油膩度不高，味道有點像某大型連鎖餐廳的新年特別版薯條。再配上濃郁的芝士醬，邪惡指數爆燈魚手指配他他醬是我最愛的小吃之一。炸得香脆的外表下是嫩滑的魚柳，配上我最愛的他他醬真的令我欲罷不能接着重頭戲

After seeing many good reviews, I came to check the place out. Burger was good- buns were nicely toasted, meat patty was juicy, sauce complemented everything well. One burger will make you full, but my friends and I wanted to try the beer and tater tots. Fruity beer is too sweet for regular beer drinkers, but if you like sweet cider, then you'd like it. As for tater tots with blueberry sauce sounded interesting, but we didn't find the mixed sweet and greasy taste to be that good.But as the resta

we went there for dinner and was very disappointed.we ordered 2 burgers bacon and chicken and fish burger , onion rings and thick fries around 7:56pm, we waited for 30 mins before the bacon and chicken and the onion rings arrived at our table and waited another 30mins before the fish burger arrived. The portion were ok but the food was all cold so it wasn't very enjoyable. we have almost finished the meal around 830pm and our fries still did not arrive and wouldnt wait any longer for the fries s

今日陪媽咪睇汪阿姐演唱會，睇之前當然要食飽先得，所以就去左美麗華既burgeroom，早去通常唔洗等位，所以睇演唱會之前去食，時間就剛剛好。餐廳裝修好美式，metalic 既椅子配木桌，加上燈泡裝飾，貫徹美式餐廳風格，而侍應都非常親切有禮，主動介紹廚師推介，話明burgeroom，主角當然係漢堡，呢度漢堡款式琳琅滿目，有牛肉/雞肉/海鮮/菇 等等，總有一款啱你。大菇芝士牛肉漢堡一向都好鐘意食下菇，因為多汁又有口感，不過好少漢堡會用大菇，難得呢間餐廳既漢堡選用大菇，咁一定要點個大菇芝士牛肉漢堡試一試。一咬落去，大菇既汁溢出，被個包吸哂，包保原汁原味，而且牛肉漢堡扒肉味香濃，煎得好香，個sauce 好夾，甜甜酸酸咁，好惹味蜜汁雞翼雞翼焗得好香，個皮脆得黎入面好滑，好多汁，而且好入味，呢間餐廳連side dish 都整得好好食玫瑰朱古力玫瑰同朱古力呢個配搭非常之夾，玫瑰味唔係好重，朱古力帶少少玟瑰花香，增加朱古力既味道，一定要點漢堡包整得好出色，而且地理位置方便，一定會再黎

今日出左尖沙咀行街，行行下覺得累就走入去商場抖抖，見好耐無食漢堡就一於食返餐先。先黎份小食先，牛油果芝士薯條，一望已經流晒口水，薯條炸到金黃色仲好香脆添，本身已經沾滿芝士，點埋個牛油果醬，上面仲有蕃茄添，呢個醬除左口感夠晒滑，食落仲相當健康呀，營養價值夠晒高。黎到就一定要叫返個漢堡，由於我鍾意食牛油果，就食個牛油果雞柳漢堡，嘩一食就口感超正，牛油果既滑加上雞肉既嫩，仲有裡面既雞汁添，加上雞柳本身有些少辣，令我覺得食起黎相當醒胃，比某大連鎖店既雞肉做得更出色。另外我仲食左另一款漢堡，就係大菇牛肉芝士漢堡，大菇焗到相當多汁，加埋牛肉味道夠晒濃，仲有牛肉汁滲晒出黎，所以食落相當惹味呀，加上漢堡麵包夠脆口，食落相當滿足。

今日收到打算輕鬆食餐晚飯，就一於約埋同事落黎嘆返件burger。呢度有好多特色burger，仲有好多配料，咁我當然要揀樣特別既黎試下。叫左個鵝肝鱈魚柳漢堡，賣相一流，口水直流，因為鵝肝望落閃令令，魚柳炸到金黃色，配合蕃茄同生菜既鮮豔顏色，真係無得頂。一食落口就知有料黎，鵝肝口感勁滑，肝汁仲同魚柳汁水乳交融，加埋芝士令口感更佳，直入喉嚨夠爽快。鱈魚柳炸成外邊爽脆裡面肉厚，一食就知道高質。至於漢堡包非常鬆脆，與配料相當夾，唯一挑剔係我嫌唔夠喉，想食更多。見佢地炸物幾好食，隨即再encore，叫左蜜糖炸雞翼，一黎已經香噴噴，外皮炸到好靚，一咬就雞汁必晒出黎，口感又夠脆口，肉質偏滑，蜜糖味剛剛好，唔會搶去雞味。最後覺得唔夠喉，叫多個burger，係菠蘿鱈魚柳漢堡，賣相唔錯，餐廳預先已經幫手切開一半相當細心。鱈魚柳夠白滑就不在話下，估唔到加塊菠蘿會令效果咁好，魚柳汁俾件菠蘿索晒，所以件菠蘿零舍香甜，仲有件菠蘿酸酸甜甜夠醒胃，令整件漢堡食落完全唔覺有滯既感覺。食埋呢件漢堡同事們都覺得夠皮lu。

聽朋友介紹呢度Burger大大個，價錢都合理所以就嚟試一試😍。入到去，店面都唔細，唔洗排隊就有位。餐廳環境有特色，我同友人坐定定揀好食咩，就岀去比錢，等嘢食嚟。我地兩個人，叫左兩個burger加一個薯條一份係雞扒鵝肝漢堡包，另一個係大烤菇牛肉漢堡，再加一個牛油果醬薯條。首先到嘅係牛油果醬薯條，軟滑嘅牛油果醬放喺新鮮熱辣辣嘅薯條上面，份量適中。另一個就係大烤菇牛肉漢堡，份量十足。包有牛油香，再夾住厚實嘅牛肉漢堡同十分juicy嘅菇。啡菇嘅岀現，令到原本食完會好漏嘅牛肉中和一下。沒低其油膩度。一個女仔完成整個burger絕對無難度最後就係雞扒鵝肝漢堡包，兩舊厚大嘅鵝肝放喺雞扒上面。旁邊配上沙律菜去減低鵝肝嘅油膩度。鵝肝底面煎到脆，入面依然軟軟。入口即融。為整個晚餐作一個完美句號。

上完堂，到了晚飯時間，我和男朋友來到美麗華商場的Burgeroom。我很久以前吃過銅鑼灣的Burgeroom，覺得不錯，所以尖沙咀開了分店我馬上來一試。店裡裝潢簡約有型，有一點像車站。點菜要自己出去收銀處，好處是免收加一。店員告訴我們，這裡的菜色份量比較多，所以兩個人吃一個Burger再加一些小食或沙律就夠了。於是，我們點了一個蜜糖芥末大烤菇煙肉牛肉漢堡、蜜汁雞翼、洋蔥圈、Brooklyn Lager beer和Bundaberg Root Beer。蜜糖芥末大烤菇煙肉牛肉漢堡份量十分巨大！每一層用料都是厚厚的。大烤菇juicy，牛肉有少許乾身，但加在一起吃剛剛好。煙肉煎得油而不膩，再加了酸甜的蜜糖芥末醬，十分滋味。蜜汁雞翼雞皮焗得香脆，雞肉十分嫩滑多汁，好吃得連骨也想吃下去！不過沒什麼甜味，蜜汁可以再加多一點。洋蔥圈外表炸得很熱很脆，雖然尺寸不大，但也有外脆內軟的口感。加芥末和茄汁吃可以令其更惹味，酸甜的醬汁也可以中和油膩感。Brooklyn Lager beer帶少許苦味的生啤，帶有麥芽香味，入口感覺爽口清新，和煎炸食物十分搭配。Bundaberg Root Beer有沙士汽水的味