Burgeroom (美麗華廣場1期) (已結業)

之前去過銅鑼灣嘅Burgeroom食完後，發現尖沙咀都有分店，食過返尋味，所以就真係要再食。叫左個芝士薯條，上面嘅芝士真係一啲都唔吝嗇，而且薯條都好熱好好味。同埋薯條嘅份量都很多，唔使怕唔夠。咁重頭戲漢堡包就黎啦，我就叫左個蘑菇芝士漢堡加菠蘿，一黎到都係一如既往嘅厚，對於咁大身嘅我係非常之滿足。漢堡入面嘅牛肉有好豐富嘅肉汁，我覺得加左菠蘿嘅漢堡係更加新鮮同埋冇咁膩，而個個蘑菇都好多汁，絕對唔會整到好乾！呢餐都好滿足，食得好豐富！！

開左咁耐第一次幫襯呀食飯前一日我用咗OpenRice預先定位所以佢就唔使等位就有得食啦啲位置都寬躺一到去坐低先睇咗Menu之後再去cashier自己order d嘢食咁就有人會送餐去你個位到架啦題外話個日用銀聯俾錢有七五折即刻好抵食叫咗支桃味嘅水汽水都幾好味喎左個大姑沙律食咁多熱氣野好似有個沙律中和下好啲黑松露芝士薯條冇咩黑松露味但係啲芝士好野味叫咗個鵝肝軟殼蟹漢堡包分量超大啊一見到都知食唔使鵝肝雖然唔大夠但後勝在厚切睇下扺食到

第2次光顧, 整體感覺不錯, 餐廳位置舒適, 我帶埋初生bb去服務員都非常體貼安排一個sofa位置burger面包帶點脆 肉厚多汁 大啡菇好fresh黑松露薯條超好味hazelnut latte賣相加味道ok唯獨home made peach tea有點太甜提一提 用銀聯卡付款有折

休息日，尖沙咀已經充滿聖誕氣氛，最好的節目當然是拍拖影相，所以lunch 選擇了充滿美式色彩的Burgeroom，位於食店林立的尖沙嘴美麗華商場內，大門口好有氣勢，更喜歡牆上美女，右邊更有落地的玻璃，透視了內裡型格特色的裝潢，吸引著途人的目光鵝肝牛肉漢堡$158Size 果然是美式的份量，漢堡包軟熟鬆脆，頂上豐腴肥美的香煎鵝肝，慢慢咀嚼仍然感到鵝肝回香的餘味，芝士呈半溶狀態，非常滋味，牛肉亦不馬虎，牛肉嫩滑味濃，三重邪惡😈黑松露芝士薯條$63炸得香脆可口的薯條，淋上金黃色的芝士，芝士咸香十分惹味，再加上香濃高貴的黑松露，最喜歡薯條是長長的一條更有口感，實在太吸引Rose Latte$40除了喜愛rose的味道，而然後玫瑰的夢幻拼拉花是一種藝術，今次的latte甜度輕怡，奶滑口感引出淡淡玫瑰的芳香，甘柔不膩，玫瑰的魅力

星期日去左美麗華廣場既BURGEROOM食晚餐. 喺諾士佛台旁扶手梯上，之後入商場，再上多一層扶手梯就係喇，好方便搵! 餐廳裝修係汽車風格，樓底高，環境都幾大，仲有戶外位置.LEE到主打當然係漢堡啦，價錢不貴由幾十蚊到百幾蚊左右; 有唔同既食材配搭，所以款式多到花多眼亂，只係睇牛肉個MENU，就已經有十幾款，樣樣都好吸引咁，淨係揀食咩都諗左好耐.餐廳採用半自助形式，喺收銀處落單俾錢，拎個感應器埋位坐定定等店員送上食物.點左DOUBLE DECKER 同BR BREAKFAST, 再加薯條.芝士旋風薯條炸得很香脆，配上濃郁芝士醬，太邪惡.牛肉漢堡係加大碼咁，件漢堡牛肉有成吋厚，非常JUICY，應該要兩個人先食得曬. 另外個BR BREAKFAST都太豐富吧，有我鍾意食既大磨菇，Q板既薯餅，仲有腸，蛋，菜同包，我最尾都食唔曬. 宜家用銀聯滿$300，仲有7折（不適用歡樂時光及套餐），仲要無加一. 我就覺得又大件又高質又抵食喇!

我個人好喜歡吃漢堡包,上次就食左另一間的Burger幾好食,而今次嚟到呢一間burgeroom嘅店舖，令我有一個新發現。呢一間嘅蘑菇牛肉漢堡，令我有一個全新嘅感受，佢個包面一層層嘅芝蔴，香脆非常，面層夠脆口，內心軟綿綿，上盛嘅麵粉質感與別不同，層次已分明，佢嘅牛肉鮮嫩無比，肉質豐盛，當你咬開放在口內，牛肉濃香四溢，肉汁充滿你嘅口腔，歷久不散，煙煙韌韌得嚟又冧冧肉，夠林甜多汁，份量又夠厚身，絕無欺場，蘑菇夠新鮮，又爽口又清甜，份量不少，配上自家製嘅調味醬 相得益彰。另一個鱈魚手指配他他醬，優質嘅鱈魚，夠鮮味，鮮甜無比，調味又出色，配上炸 漿粉來製作，夠脆口，炸得又鬆化可口，外脆內嫩，配上自家製嘅他他醬，味道非一般可以媲美，簡直冇得輸 。再配上優質嘅冰冰凍啤酒，當你心情煩悶，工作忙碌，停下來，配搭下呢個餐，試過之後，就會明白乜野叫做享受，就是這樣。

人家約午餐我竟然因爲看到食漢堡有英國時裝設計師的優惠而要人陪同去美麗華樓上的食其實朋友多數無所謂最姿整本是我咖啡用illy 不過當然要好好才有人就我啦想到第一次去美國阿哥因爲我不喜吃凍野非常不滿結果我斷然拒絕移民講起都勾起我對漢堡的陰影今天我倆吃龍蝦配炸鱈魚單叫。50$玫瑰花cap 40$問男生說最好吃是飽其次是沙拉嘩我幾開心呀⋯⋯如果友人又好吃龍蝦又要高質炸銀鱈⋯⋯咪又係要同我爭朋友奇怪我的大食同一定要食好野我告訴-不用擔心因為我有衣食從未浪費可能好人好報非常有食福他眼看著我吃晒全部炸魚以及七成以上的龍蝦奇怪「妳怎麼不怕肥？」我怎可能肥？我老是啃骨頭而且這裡食三百元銀聯卡找數又七折我吃的都是骨頭

想試這裡的漢堡包已久, 但礙於以前沒有九龍區分店, 所以一直未有一試. 日前終於在尖沙咀店一嚐, 果然沒有令人失望. Burger種類繁多, 除了牛肉漢堡, 連貴價的帶子、廣島蠔、鵝肝、龍蝦burger也有. 平日星期一至五, lunch burger combo時段為11:00-18:00, 購買burger可加$30就有薯條和飲品. 飲品任揀汽水、snapple、熱飲或自家製iced tea. 當日17:50進店, 趕及食個early dinner.點了個大烤菇芝士牛肉漢堡(Portobello Cheese Burger $105), 勁大個, 切開了一半上碟. 漢堡包微微烘過; 塊牛肉好厚, 肉汁豐腴, 勁juicy, 十分有水準; 大烤菇亦大大塊菇味濃郁, 另有芝士、生菜和蕃茄做配料, 十分豐富.香脆鱈魚柳漢堡(Hoki Fish Burger $80), 都係好大個. 鱈魚柳炸得香脆, 鱈魚肉質感實在, 都好食.

係尖沙咀想休閒食個Lunch, 第一時間諗到佢。唔係太肚餓所以無點burger, 點左all day breakfast, 點知都係咁大份🤷🏻‍♀️但好好味好好味好好味!All day breakfast難食得去邊?岩呀, 但佢既炒蛋非常滑(唔係麥當當果塊 you know man) 大啡菇入味又水汪汪, 仲有令人喜出望外既薯餅, 一啖一粒係正既, 而沙津菜同蕃茄一如既往好新鮮。絕對對得住$98既價錢。不過今次杯green tea latte就比較多奶同甜😕

係尖沙咀行街，見到burgeroom係美麗華開左分店!!!!記得以前時不時都會去銅鑼灣食！一排冇食今晚一於食佢！我同友人兩個人叫一個burger share!要左芝士牛油果醬漢堡！個burger真係好巨型，牛油果醬好正好好味，塊漢堡好juicy! keep到水準！👍🏼👍🏼happy hour啤一啤！叫左st. louis peach同uijin yusu blond！兩個都好飲！少少fruity啱女仔飲！truffle芝士薯條，個portion又係好大！好抵食！夠熱！少少truffle味所以唔會好heavy！單骨雞翼+蜜糖mustard醬炸得香口惹味，我食唔停口！

我地兩個本來打算lunch 輕食，又剛好係Mira Place 做完野，大家都諗住食個Burger share 就算，點知入左去就出事啦… 提醒:可以向服務員取濕紙巾，各款醬汁

今個星期係咁食炸野，好死熱氣🔥🔥，個咀又炸到爛哂😶不過都唔會阻礙到我繼續食熱氣嘢😎。雙鵝肝牛肉漢堡 $238二件大大既鵝肝放左係大大既漢堡上，個賣相都非常吸睛😍個漢堡其實大到無咩可能可以一啖咬到哂成個包，唯有用刀叉分開黎食啦🍴。第一層既鵝肝，鵝肝既表面煎到好香脆，將個鵝肝包住左，入面就好香軟，油脂溶化係口，但又一啲都唔油👍🏼好香好香，陣香氣留係口腔好耐，好回味😌第二層既牛肉漢堡扒🍔好厚，煎到唔係全熟，我做大約七成熟🤔我覺得牛肉就比較油，我唔係好頂微住😶但坐對面既哥哥就非常喜歡，各有各喜好啦🙂生菜蕃茄🥗🍅好新鮮，夾住牛肉食都可以減左啲油膩感😛。牛油果芝士薯條🍟 $62牛油果醬🥑有少少辣少少酸，好開胃👍🏼薯條係新鮮薯仔切條，好有薯味，凍左都好食🙂。奇異果汁 $ 38我平時唔食奇異果🥝，因為食親個咀都會好痕，所以好少食😬但係飲汁係無事，好奇怪🤡個果汁好真材實料，無加糖水又無溝水👍🏼

食漢堡從來都要有要求, 肉汁絕對就唔少得今日同事話想食漢堡, 提議佢上次食過系美麗華商場呢間Burgeroom坐底睇Menu, 立即俾"特量芝士牛肉漢堡" ($105) 呢幾隻字引到, 諗唔洗諗, 食漢堡食牛肉先係皇道!大食既我另外再叫左個單骨雞翼 ($60)個漢堡果然如其名"特量芝士", 正呀, 芝士溝埋d肉汁真係正到唔知點形容, 肉又厚, 不得了呀雞翼新鮮炸出黎, 好香呀, 單骨又易食...無得頂呀!美麗華商場扶手梯上兩層 (又或者諾士佛台入商場，扶手梯上一層)Happy Hour 時刻特價小食連啤酒幾種肉類既漢堡選擇單骨雞翼 ($60)特量芝士牛肉漢堡 ($105)

這間餐廳真係好正呀！好有美國feel，每樣野都份量很大餐廳裝潢都好令。而且都坐得好舒服，雖然格局好似快餐店，但係就唔係劣質野！當然先食一個龍蝦漢堡吧！龍蝦漢堡真的很吸引，每啖咬落去都係啖啖肉，而且充滿沙律醬，好creamy! 必食小食有旋風薯條，芝士醬非常多，而且薯條非常新鮮，熱辣辣真係好吸引呀加埋茄醬，真係滿口都是醬喔！另一款至愛小食，炸魚手指。魚絕不是冰鮮的，所以肉質很鮮味，啖啖都滑。加埋炸過，外脆內嫩真係好正喔！最特別小食是炸蝦卷。鮮蝦炸卷有少少中式感覺。雖然不算十分特別，但都好好味

去到尖沙咀上網睇下有冇咩好嘢食 就搵到呢間位置美麗華廣場嘅burgeroom平時好少食呢啲漢堡包店算係幾新鮮嘅感覺我地去到大約七點幾八點我仲以為要等但係原來間嘢直頭係冇乜人食啲位任坐 都好嘅 完全係唔駛等位慳返唔少時間可以咁我地都係可以慢慢hea冇人理啦 因為都冇乜客咁我地睇完menu之後就揀一牛一雞啦我仲將兩個各自一半mix埋個牛都好味 個包其實都幾大個 好難個拎起一啖啖咁咬 不過我都有試咁做個牛同啲芝士都幾夾 幾好味而個炸雞都炸得唔錯 唔太油 都ok架但如果問我邊個好食其實我會揀雞 因為惹味啲呀啲炸雞 整體都好食過牛