Burgeroom (美麗華廣場1期) (已結業)

呢間餐廳真係好出名，中意食漢堡嘅都一定會聽過。所以一於去潮聖啦餐廳俾人感覺好Rock，同埋都好有美國風。而座位都非常舒服，既有美國快餐店感覺，但又不會很急趕。食漢堡、炸物又點可以唔飲野呢？點了杯鮮炸橙汁。非常新鮮，香香的薄荷葉在面，非常清新。主角出場了！點了份龍蝦漢堡。龍蝦漢堡，勁多龍蝦肉夾係入面，真係好正！而且份量非常大，一個burger兩人份量都得。漢堡有沙律醬，另外龍蝦肉都好大件，啖啖肉真係好彈牙好吸引！加埋蕃茄、菜令到漢堡好鮮味，再加入埋龍蝦味，一流！小食點了一份香脆單骨雞翼配蜜糖芥末醬。炸到香脆嘅雞皮唔會好乾，而且咬落去嘅肉都好嫩滑。重點是單骨可以食得好方便。配上蜜糖芥末非常清新。另一款小食是薯餅配藍莓醬。估唔到一份有咁蟹薯餅仔，雖然味道上唔算好特別，不過配藍莓醬就真係好少有，所以都好特別

之前食過銅鑼灣嗰間已經對佢啲漢堡念念不忘，後來知道尖沙咀原來都開左分店，即刻要黎食下！呢間分店好大，裝修得好別緻，座位又夠寬敞，坐得好舒服！我地呢日特登早啲黎食，6點幾就到，避開啲人潮，我地坐左一陣已經陸續多人。餐牌上有好多選擇，花多眼亂，樣樣都好吸引咁，淨係揀食咩漢堡都諗左好耐。諗好就去收銀處點餐畀錢，之後店員就會將食物親自送到座位，啲野食都黎得好快，店員既服務態度都好好！先黎杯新鮮西瓜汁，非常解渴，最岩配漢堡飲，佢甜度適中，又會有少少果肉，正！薯絲蝦都幾特別，價錢算抵，四十幾蚊有5隻，係個不錯的小食！蜜汁雞翼整得好好，唔會乾，肉質嫩滑，個汁又調較得好正，好味道！黑松露芝士薯條好大份又大條，面頭有滿滿的芝士，如果啲黑松露再多啲就更加正，我太貪心了！😛主角: 雙鵝肝軟殼蟹漢堡，淨係賣相已經攞滿分💯，冇諗過個軟殼蟹係咁巨型！兩件鵝肝又係大大塊，好落足本呀，所以貴啲都值的！麵包有烘過，咬落香脆，個醬汁好好味，同所有餡料好配，軟殼蟹好厚肉同多膏，夾住好新鮮既蕃茄同菜黎食，口感好豐富！只係個漢堡實在太大，食既時候有啲狼狽，要用刀叉幫忙分件食。食完之後超飽但好滿足！

So much want for burger today! So, here i am! with my bae lolNice decoration with neon light, wheels, high ceiling and bar table.  Although the classic burger already tastes very well, for the foie gras fans like us, must order the foie gras beef burger!!!YOU WILL NEVER REGRET!!The foie gras melt with juicy beef in my mouth! O!M!G! With Guacamole Cheese Fries, the cheese and avocado perfect match with the fries.  This meal is so heavy but worth it.  To balance the heavy but delicious burger and

今日同朋友行過美麗華見到呢間burger 好似好正咁，環境又唔錯，夠大間。所以就入去試下喇！😊有好多漢堡選擇。又唔算好貴。食漢堡當然要揀番牛肉啦！🍔見佢個大啡菇都好似幾吸引，所以就試試喇！落完order,佢會俾個感應器你。你要放係抬個“here”logo 度。咁個職員就會送餐俾你架喇 ！😍happy hour 時段，啤酒有折 😃好大杯！叫左個黑松露芝士薯條！都幾大盤 😃呢個要快啲食，凍左芝士就會硬哂。都唔錯！蜜汁雞翼👍呢個好味。甜甜地，有少少辣味。炸得個皮幾脆，雞翼亦唔會話好細隻！漢堡到！！😍好大個呀！打開去一睇，好足料。芝士已經溶哂係個大啡菇同牛肉漢堡度！牛肉漢堡真係值得一讚，煎得好好味。佢肉好厚，但唔會煎到佢好老。咬落好juicy. 好有牛肉既香味！呢個廚師個功架有番咁上下 👍👍食完都真係令人難忘呀！我見佢仲有好多款，下次可以再試過！😍

burgeroom 一直都想試。但成日經過cwb個間都好多人等。原來尖咀都有分店，就係美麗華。所以今日放工就去食好野喇😍時間仲早，未算多人。所以唔洗等就入得喇 😃太好了！諗好叫咩喇，就要出去order 俾錢。然後佢會俾舊野你，等職員送餐 😃叫左兩杯野。一杯係 handmade peach tea 🍑幾好飲，唔會話好甜 ,茶味幾香。幾解渴 👍仲叫左杯西瓜汁。又係幾好飲！唔會話好假，唔似出面用糖水沖出黎個d.解渴最岩！叫左個小食” 薯絲蝦 🍤有5舊。用薯仔絲包住隻蝦一齊炸！好味。出面炸得夠脆 👍如果有埋沙律醬就更好味！主角黎喇！！😍😍雙鵝肝芝士牛肉漢堡！哇！超巨型！鵝肝亦好大舊！呢個份量夠哂兩個人吃！好欣賞 佢個麵包仲係暖暖的！由於太大份，難以入手 😂最後決定要用刀叉切開食。個牛肉漢堡好厚，啖啖咬落去都係肉！肉質好嫩👍👍鵝肝都好juicy! 咬落去啲汁出左黎，食落好香！蕃茄仲要有兩大塊。連埋一齊食，就無咁油脷喇！呢個漢堡真係值得一食。 😂《美麗華之堡🍔》食完好滿足！

之前已經聽朋友講過burgeroom好好食，而且價錢唔貴。尖沙咀黎講，真係好吸引今日放工之後同同事兩個去食，我地望到隔離枱食緊嘅burger都幾大份下，結果決定嗌一個burger兩份分，再嗌下其他小食，呢加決定真係好正確鵝肝burger真係好正，個鵝肝入口即溶，一啲都冇肥膩感。而且佢個安格斯漢堡好juicy，勁厚！！同埋好在個burger會配埋啲蕃茄，fresh啲，可以中和一下成個包我哋都嗌咗個帶子凱撒沙律。好驚訝，啲帶子咁大隻😂我地一開始以為就咁得中間個舊，唔知佢原粒帶子上！好欣賞個番茄，好甜勁juicy！好fresh!!可能因為我係個蕃茄怪😂我哋都嗌左一個黑松露芝士薯條，佢啲芝士一啲都唔孤寒，基本上每條薯條都可以有芝士呢個雞翼配蜜糖芥末醬真係好夾！而且啲雞翼係開邊嘅，好容易食我另外嗌咗杯伯爵茶，幫我減一減低個罪疚感😆而且可以不停refill加上 好扺飲！

朋友試過 Burgeroom 覺得唔錯，加上尖沙咀又方便，所以就來試下啦。星期五出街食飯都係要等下位，不過好快有得入坐，而且坐位都好闊落。諗好食咩之後就自己出收銀處落單，之後都好快送上食物。芝士旋風薯條 - 個人對芝士冇太大喜好，所以覺得一般，下次應該會試其他薯條。鱈魚手指配他他醬 - 鱈魚手指香脆可口，最主要係個他他醬真係幾好味。香脆單骨雞翼配蜜糖芥末醬 - 單骨雞翼夠方便，加埋蜜糖芥末醬唔太辣，味道唔錯。軟殼蟹沙律 - 個軟殼蟹幾大隻下，配埋沙律真係一流。菠蘿燒烤醬牛肉漢堡 - 果然都係牛肉漢堡最吸引，夠大件之外亦好好味。燒烤醬 +菠蘿 +牛肉 真係最佳配搭。蜜糖芥末大烤菇煙肉牛肉漢堡 - 醬汁味道唔錯，加上大烤菇夠 juicy，煙肉煎得好香，但牛肉老左D，但配合起來都係好味的。整體而言，食物質素唔錯，特別係Burger真係值得一試!! 價錢合理，而且地點夠方便，下次可以再來試埋其他Burger。

叫左個大菇鱈魚漢堡，舊魚竟然係腥嘅！真心覺得m記$11魚枊包好味過佢！！！！起碼人地舊魚唔係腥先！ 仲有！啲炸粉好老，又深啡色，仲老過旺角花園街啲臭豆腐！點食呀大佬之後頂唔順，舊魚真係食唔落囉，就咁拆左舊菇出黎食，原來舊菇好好味，但夾埋一齊食果時完全食唔到菇味，得腥味同蕃茄味，晒左舊菇！！！ 朋友叫左磨菇牛肉堡，個牛幾好味嘅～～ 薯條都唔錯嘅。真心建議唔好食魚！真係唔好食！總結：又貴又難食，唔明點解咁多人食

到場嘅時候仲有位，不過人未齊唔俾入，好彩到齊嘅時候仲係唔駛排隊。入咗去揀好就要出去cashier 點菜。叫咗牛油果芝士牛肉漢堡同帶子沙律，都要等十分鐘以上先到。個burger 大過個拳頭，好簡單嘅漢堡配搭，不過已經好好味，牛肉好多汁，芝士味都好出，只係無乜牛油果味。帶子沙律好有驚喜，好大份，四大隻帶子，好多菜，食到牙交軟。

節食好耐，忍口忍到呆，好想好想食漢堡呀! 友人帶我到尖沙咀浦，來了這間好型格的西式酒吧。入面設計到成間賽車酒吧咁，好多車軑裝飾，好型的牆上壁畫，吹水飲野呢度不錯。煙肉芝士漢堡到來，好熱呀！厚肉漢堡牛肉，好鬆好JUICY！溶晒的香軟濃味芝士配合煙肉的咸香，加埋個熱熱的芝麻包，呢一刻真係肥死就算，真係食咗先講啦！好味道到無法用文字來形容。英式魚手指大大條，好香口，炸到透心魚肉唔腥好雪白鬆軟配合他他醬，開胃到無比。還有迷你薯餅一啖一口，香脆惹味，抵死配藍苺醬，甜甜地出奇地夾(無咁膩)。再來個煙鴨胸沙律，鴨胸好香，少少酥和沙律菜，叫做清下腸胃都唔錯！價錢中等，尖沙咀區係咁上下，好食無計。又要減肥，罪過。

今日同班friend去食 brunch 就選咗尼度。首先環境還OK。不過D太細，明知D食物大份都唔換大D檯。這是田園沙律，較為清新，不過D苦菊真係好苦，建議可以換成其他青菜。主角漢堡出場-大烤菇芝士牛肉漢堡，加三十元可以升級成套餐，有飲料和厚薯條。首先 漢堡份量夠大，牛肉好juicy，大烤菇香而有汁，芝士好美味。一個人食足夠了！薯條不錯夠脆。美中不足就係服務唔得，雖然你冇加一，但係D服務真係好麻麻地啦對於係尖沙咀嘅餐廳。取飲料要自己去冰櫃取。

七、八十蚊食個漢堡唔喺咩驚奇事，近年不斷湧現漢堡包店，講緊唔喺三、四十蚊一個餐嗰種，而喺單買個包都七、八十，甚至過百，但仍然有唔少人幫襯，願意以金錢換嚟高質素嘅漢堡。Burgeroom在港原來都開業10年，能賣高檔嘅漢堡一直維持咁多年，必然有其個人之處。開放式嘅門面，一室粗獷嘅水泥地、水泥牆，並以交通為主題，架起好多個車轆，又見到黃黑相間嘅行人輔助線及路牌，見到「Order Here」就知喺走入去自助點餐。整體餐廳環境幾大，而且幾深，走到盡頭都幾入吓。尖沙咀區做生意，枱櫈拍得埋啲都預咗，但勝在呢度樓底夠高，所以，都唔覺好逼夾。叫得Burgeroom，主打必然喺漢堡，所以，打開餐廳，佔咗3/4篇幅喺漢堡，剩番嘅菜式就喺小食同沙律。漢堡嘅選擇真喺非常之多，分有牛肉、海鮮、雞鴨及素食，可另外再加配料，如酸瓜、煙肉、菠蘿……甚至鵝肝。而每分類配搭唔同食材就出現好多款式，如單喺牛肉系，就有13款之多，平貴都有，豐儉由人，無加一。背頁仲有一版飲品，選擇有酒精及非酒精類，小弟就梗喺揀非酒精啦！此外，近收銀位有個大雪櫃，擺滿罐裝及樽裝飲品，自行拿取即可。順帶一提，餐廳採用半自助形式，晌收銀處落單俾錢，

閒日來這裡非常好平時cwb的分店都很多人但這邊沒有那麼"爆"話說自己跟朋友慢慢吃了兩小時😂店內需自行到中間收銀下單暫時有銀聯卡優惠 滿300元有七折非常抵 又沒有加一小帳這裡飲品竟然有snapple~朋友就選擇了這我就選擇熱飲 - mocha latte心型拉花都滿漂亮的漢堡非常貼心的幫客人一開二可能我自己口細 漢堡實在太厚太大我不能一口咬合😂至於沙津 我想不到是這樣大碟原本打算輕食一點雞翼亦不錯 朋友吃了不少最後我們吃不清 做了大嘥鬼😂

就是因為看過這麽多食評，才登門造訪這間多人讚好的漢堡飽店。差不多一百蚊一個burger。送到枱時，滿心歡喜。一放入口，唉！大獲，係灘凍了的一塊漢堡扒，係零juice，塊用係干㗎！怎可能不是即叫即做。100%係之前煎定灘湅曬。去Mos Burger比這店好100萬培。人地係熱架。嘜漢堡飽美國人係當冷盤食㗎？我完全無法接受，這頓午餐用了約250元。離譜的冷漢堡！你地openrice很奇怪，要200字才可評分。

classic burger嗰樣係好靚，但一咬落去，雖然個包睇到有煎過啲顏色，但係唔熱又唔脆! 最差係個牛肉，冇味㗎！一啲牛肉味都冇!!!!!! 仲要唔熱㗎！整咁多款式嘅漢堡，但連漢堡最基本嘅牛肉都做唔好! 係差過啲小店! 仲以 burger為主打!! 唔會再去!!!!!!