Burgeroom (美麗華廣場1期) (已結業)

大烤菇芝士牛肉漢堡+菠蘿$120，牛堡重牛味，size都幾厚身，鎖住肉汁唔乾身，溶左既芝士口感好正，加左片菠蘿清甜多汁，麵包亦都好軟身。牛油果醬芝士薯條$62，茄醬、牛油果醬、熱溶芝士，三樣混埋一齊層次好特別，薯條亦夠熱，要做運動消耗返d卡路里。布里芝士餅$50，有5條，煙煙韌韌口感加上外層香脆，一定要趁熱辣辣食，顧住食完一支又一支，忘記影下入面餡料。蜜桃冰茶$38，蜜桃味好突出，清爽冰涼，幾好飲，同朋友一人一杯。

Classic chocolate(tall) ($38)，濃烈既朱古力味，加左奶做面頭笑口口圖案，有咩工作壓力都即時輕鬆晒。Foie gras beef burger($165)，鵝肝真係好正，入口即溶，油香在喉嚨一直有餘韻味，牛肉厚身，而且仲有溶左既芝士配埋個醬好夾，生菜亦好多放唔晒落個包到，只能放碟邊。Single-bone chicken wings($60)，單骨雞翼都有個好處，就係可以吮晒d肉黎食，如果雙骨好難食到中間既肉，炸得好鬆脆，配埋個蜜糖芥末醬，好味。

同3個姊妹聚餐帶位位女士叫我地一坐落4人座無10秒就叫我地出返出啲一張無軟坐嘅枱話想拆我地嗰張變成2+2俾佢入人態度已經好一般唔該都無聲仲話"俾我入多兩pair人啦"算啦我地就合作啲將個hi咗軟坐一下嘅patpat移去第二張枱之後嘢食陸續嚟我地見無位就將個burger成碟放上之前食完隻碟上面同一個waitress係要收底嗰隻碟然後整淋咗我地個burger都算到我地食晒嘢慢慢飲緊嘢嘅時候同一個waitress又砰拎bang攔咁收我地枱面啲嘢，效率之快。。。仲一手隊落我地有支飲剩1/4嘅apple cider度淋到我地其中一位朋友腦細，又唔係唔俾你收，急啲咩呢？外面都無人等緊啦我都唔記得佢有無say sorry但係肯定嘅係佢急急腳收完佢要收嘅嘢掉低幾張紙巾/濕紙巾仲講咗句"好彩唔係成支啫"如果唔係我地傾得咁開心佢淋到個朋友特別和善我同另一朋友一定鬧爆咗佢都叫做賣緊成舊水一個burger丫老實講service連M記啲遮遮都不如不過香港地就係咁你一開聲嘈佢總有人覺得你無理取鬧嘢食ok咖需然個人覺得cwb做得好啲但係tst無下次

終於食到 burgeroom啦 🍔😍今次到訪的是尖沙咀美麗華店，裝潢比較西式，似酒bar空間感好大。可以坐好耐慢慢傾計😉位置有啲隱蔽🙈而且價錢真的不便宜幸好選擇多樣化，可以encore 食完覺得佢貴得有道理，名不虛傳鵝肝牛肉漢堡 $165完全地係兩個女孩share的份量😚店員好細心，上枱前已經將burger切好兩份😉首先講鵝肝每邊都有一塊😗大塊得黎又厚身😆入口即溶😋如果可以煎得脆d就更好啦～重點係個牛肉超鬆軟！肉汁爆滿🐮勁juicy😍由於另外有類似千島醬的醬汁好夾👍🏻一啲都唔會有乾柴烈火的感覺😂仲有融哂既cheeseeeeeee🧀🧀🧀仲有蕃茄令到成件事冇咁膩🤣一定要一口有哂所有配料先食到個感覺！旁邊唔少得柚子醋沙律菜🥗減低返個油膩感🤩Lunch +$30 就有埋fries and drink🍹飲品可以揀佢地homemade ice tea😜我地就揀左一杯Peach🍑 一杯pineapple🍍質素不過不失😗Highly recommend 大家如果兩個女仔食就叫一份burger + 一份小食好啦！見到隔離枱食唔哂呀做大𨺗鬼叫左以下小食👇🏻香辣單骨雞翼配蜜糖芥末醬 $65好好味呀！熱辣辣炸

行行下街癮起想食漢堡包，又唔想咁頹食老麥，行過美麗華見到就試下啦！我地見人地啲burger都好大份下，就叫咗一個share再加啲小食，都已經飽到飛天😂1. Portobello Cheese Burger呢個burger簡直可以用巨型嚟形容！入面嘅漢堡扒超juicy, 一路食啲汁一路滴出嚟。亦好香牛肉味👍🏿👍🏿2. Guacamole Cheese Fries牛油果醬好多，又有芝士，超正！薯條啱啱炸起，好脆、好香口！3. Honey Chicken Wings我真係一個雞翼迷！見到雞翼一定會試，佢焗得超好，一咬落去雞汁雞酒標哂出嚟，超級正！真係必試！4. Iced Peach Tea/ Ice Pineapple Tea難得一見有水準嘅果茶，平時餐廳多數落糖漿，佢呢到應該落果汁，所以唔會得一陣死甜味，有淡淡嘅果香👍🏿

行左成日街，五點半就已經好攰，要搵個地方休息一下，順便食個早嘅晚飯行到去美麗華望吓水牌，原來尖沙咀都開咗burgeroom ,唔使特登去到銅鑼灣了！方便我呢啲九龍人原來午市嘅漢堡餐係去到六點，買一個漢堡加$30就有薯條同飲品好抵由於時間尚早，所以人流不多地方好寛敞，主要以車呔為餐廳嘅主題，再配合埋餐廳入邊嘅流行曲，感覺非常舒服，最適合朋友談天說地從窗口望出去就是尖沙咀最出名嘅諾士佛台見到餐牌種類繁多，每一樣野都好想試試😬呢款單骨雞翼食落有少少似麥當勞嘅味道，不過佢就再辣啲，而且完全係冇千年油嘅味道，辣辣的入邊嘅雞肉都非常嫩滑牛肉芝士漢堡，望落去已經見到塊牛肉非常厚身睇到都滿足，漢堡包入面有好多嘅蔬菜同醬汁，可以中和返牛肉嘅油膩，而且中間仲有啲蕃茄，一咬嘅時候非常好多汁，令到個包完全冇乾嘅感覺好大粒嘅帶子，呢個係帶子漢堡，加咗$30有一件大菇，大菇非常juicy 啲芝士多度流晒出嚟，好香嘅芝士味道

雖然漢堡你唔會想日日食, 但過一排就會想食佢, 而我食親,都近乎係食呢間,暫未有另一間可取代佢。當然,又到想食漢堡既時候,所以我又同個朋友仔黎呢到食啦!朋友未到自己坐係到hea下 有啤酒飲,不過無嗌, 晏啲仲要返工!朋友仔叫左個墨西哥口味既芝士漢堡, 小小辣香味,唔食得辣既人都可以ko佢 又野味!!我就要左呢個大磨菇芝士漢堡, 次次食都好滿意, 漢堡 juicy , 磨菇厚肉, 仲有嗰個芝士香, 有埋蕃茄真係好清新配搭, 唔會溜到唔想食但又有香濃芝士味!正!仲好飽!兩個人叫一份薯條都夠晒一個叫桃冰茶,我就要現成玻璃樽埋單都只係300, 坐左幾個鐘

放工突然好想食burger同薯條，見到佢既meun有好多款又特別既burger勁吸引！一開就叫左啲小食黑松露芝士薯條$62薯條用上粗身薯條，上面淋滿芝士松露醬，醬嘅份量亦都好多，足夠令每條薯條沾滿醬汁，而且松露味好香，唔洗點茄汁都好夠味。蜜味辣雞翼 $50雞翼焗到金黃色唔會燶好香口，帶有少少辣味，就算唔食得辣嘅朋友都可以食到，甜甜辣辣嘅感覺令人想食完一隻再一隻。Burger方面 因為見到隔離枱啲burger真係好大，所以四個人share左三個大烤菇芝士牛肉漢堡 $108好巨型嘅漢堡，牛肉有肉汁好juice加上大蘑菇都烤得好香，正！鵝肝牛肉漢堡 $165一上台已經俾佢個鵝肝吸引住，因為用料真係好足，好大塊好厚嘅鵝肝！而且舊肉都煎得好香又多肉汁，加上生菜起旁邊 有少少黑醋 啱晒去油膩感鵝肝軟殼蟹漢堡 $188一上枱已經哇咗出聲 因為真係好誇張鵝肝煎得夠燶加埋炸得好香脆嘅軟殼蟹，好滿足好好味。而且有埋啲新鮮厚切蕃茄同生菜令到成件事清新翻唔會好滯。最後飲品方面叫咗peach ice tea 帶有好香蜜桃味，建議叫少甜，飲落好fresh而且入邊會飲到打碎左既果肉 非常消滯。

環境: 近排多左好多過江龍漢堡包, 又shake shack又five guys, fiveguys就未試, 不過試左都好多人食過, 同開左好耐既burgeroom. 餐廳系尖沙咀美麗華一期, 店面大座位都算多, 下午茶時間去唔會好多人, 唔洗等位.食物: 餐牌其實都真係幾多選擇, 驟眼望落都20幾款. 雖然沒有選擇困難症, 但都要諗左諗先決定叫咩包, 最終試左墨西哥辣椒芝士漢堡. 漢堡包size好大, 麵包非常厚肉也十分足料, 要一口咬落去基本上無咩可能. 這款漢堡味道都很惹味, 雖然食唔出墨西哥辣椒有咩特別, 但辣辣地同甜甜地又幾好食, 加上芝士就正常咁豐富左個味道. 漢堡都很有肉汁唔會太硬和乾, 不過我覺得做得出名既漢堡包店其實呢d都好基本. 不過整體都不過不失, 都真係值得咁多人食.價錢: 價錢其實唔算平, 漢堡一個大約$90-$100, 跟餐飲薯條再加$30, 不過漢堡包算有質素和水準, 都叫對得住個價錢. 我自己下次都應該會再番黎試試作其他包.

之前返工返到好辛苦😭終於忙晒手頭上啲野可以去食好西慰勞下自己😭😭😭門口燈牌大大隻字 一定唔會搵佢唔到😝入面環境都幾大 同隔離枱都有一定既距離。Burger既選擇都非常之多 !! 當晚突然好想食jalapeño辣椒... 所以就揀左jalapeño cheese burger ! 😍提提大家 水係自助要係出面針🤭叫左杯ice peach tea, 唔會太甜😍岩我呢啲懶健康人士。而且佢入面仲有啲果肉渣，果然係落足料！😋小食我地就叫左單骨辣雞翼配honey mustard, 黑松露芝士薯條。單骨雞翼炸得好香脆 表面唔會標晒油 仲辣得好過癮 點埋個醬簡直係perfect池🥰黑松露芝士薯條我本身仲以為會有啲黑松露沙律醬 但佢真係全部都係芝士鋪係薯條面。不過黑松露味就唔太突出，不過熱愛芝士既我都覺得好yumyum😍主角黎啦😍就係burgerrrrrr! 一個包都好大個！同朋友兩個人share一個就岩岩好👯‍♀️佢連個包裡面都有烘過架 好有誠意🤩蕃茄好新鮮 !!! 朋友平時唔食蕃茄都話呢個好食😍牛肉配埋個jalapeno辣椒真係好好食😍呢餐埋單都係$250左右 食到咁高質既野都叫抵🤩

喺尖沙咀附近返工所以收工就約咗朋友係尖沙咀附近食飯 之後就去咗食漢堡包因為最近好少食burger想帶大口大口咁食 去到環境都幾大 大過銅鑼灣嗰間 而且去到七點鐘就幾乎滿場 同埋呢度食嘢係俾錢先 跟住會俾個感應器你放喺張枱會響嘅 但係記得要擺起有here個tag上面 因為我唔知道 個侍應幫我整個先知道 好尷尬哈哈我哋嗌左小食黑松露芝士薯條$62同蜜味辣雞翼 $50 薯條方面有好濃嘅黑松露味同埋邪惡嘅拉絲芝士 正啊 個雞翼都有驚喜因為諗住蜜糖都唔會難得去邊 點知又真係有辣味同埋好熱辣辣 大烤菇芝士牛肉漢堡 108 個蘑菇超級正 勁juicy 係成個burger既精髓鵝肝軟殼蟹漢堡 188睇下隻軟殼蟹幾大 勁脆一啲都唔淋 連埋塊鵝肝簡直係二重享受 啖啖都係肉好有口感 monkey king $68酒味都好重 而且有個玻璃瓶襯番一set lengleng peach ice tea$38/one 好好飲因為佢唔係好假既蜜桃味入邊係有啲果肉粒粒 好fresh 好啱食burger飲

近排食飯好鐘意搵啲好味之餘裝修可以打卡嘅餐廳呢間Burgeroom 位置有啲隱蔽，都係咁岩行完街無意中發現，見佢裝修又靚，性價比又高就去試下1.芝士薯條，兩樣都係我至愛，夾埋食真係無得頂2. 巨量芝士牛肉漢堡，無人阻止到我對芝士嘅追求，啲芝士多到必曬出黎，好治癒啊3.雙層牛肉漢堡，友人係食肉獸都表示份量多到食唔曬！好滿足！啲牛肉唔會好似其他咁好乾，食落好多肉汁份量咁多，兩個人食埋單都唔洗$300，仲要唔洗加一服務費三個字，好抵食！

睇完戲，想食漢堡飽，見呢間漢堡飽專門店都有幾多好評，就決定試下。一整個我肯定食唔晒，所以只要了一個，一齊分享。大烤菇芝士牛肉漢堡$108賣相好吸引，好大好巨型，一啖係咬唔晒所有材料，一切開層次分明。漢堡扒食落算juicy, 不韌，有點硬身，如果沒有咁咸會更好，咸就一定要夾埋其他材料一起吃。鱈魚手指配他他醬 $48新鮮熱辣，外脆內嫩，他他醬最啱就係配炸魚，正。奇異果汁$38正正常常，算大杯，不過不失啦。

M記漢堡包就食得多了， 今次專誠嚟試下呢間好有特色嘅漢堡包餐廳，果然冇令我哋失望，食物質素及款式種類，都令人喜出望外!裝修格調好有特色，就如一些美式快餐店一樣，没有使人拘謹嘅感覺!點好食物先去cashier付款，侍應會將食物陸續送上枱面。主菜之前梗係要點番一個沙律，這個吉列大蝦沙律， 份量十足，除咗沙律菜新鮮，大蕃茄鮮甜多汁，吉列大蝦更是有水準，入口 鬆脆無比，一些多餘嘅油份都沒有，餐前開胃菜確係一流!食特色漢堡包，當然要試下這款鵝肝牛肉漢堡，鵝肝煎得香口，裏面鹅肝味道濃厚，慢慢的咀嚼鵝肝獨特味道!漢堡牛肉，肉汁豐富，好香的牛肉味道，加上芝士，蕃茄，確實令漢堡牛肉嘅味道提升了更高嘅層次！意想不到係榛子朱古力都好有水準!

今日同朋友喺美麗華一期周圍行， 商場已佈滿聖誕裝飾， 剛剛經過這間 Burgeroom， 佈置都好有特色，好似一間車房一樣嘅裝修，充滿工業風！門口看見menu，主要係漢堡為主，但都幾有特色，於是我哋入去試下！鱈魚手指配他他醬，鱈魚手指炸得很脆，而且鱈魚肉質結實，他他醬味道酸酸甜甜，味道很匹配！我們點了龍蝦漢堡 $198 ，物超所值，龍蝦肉 非常鮮甜，配上芝士、蕃茄、生菜 十分美味！Mocha 亦很水準， 入口味道濃沃！這處嘅漢堡及其他食物都好有水準，而且仲要不收加一，雖然價錢比一般快餐店嘅漢堡貴一點，但係真係物有所值！順帶一提，這家餐廳仲有露天茶座，今日天氣 清涼，如坐室外亦係一個唔錯嘅選擇！