Burgeroom (美麗華廣場1期) (已結業)

今天喺諾士佛台搵嘢食，見到呢間喺美麗華商場裏邊嘅漢堡包店，因比較早的關係，人唔係好多，裝修很特別，就入去試吓囉。看餐牌，價錢一點都不貴，特別係尖沙咀區。下單時要先到收銀處付款，感覺有點像快餐店，但其實也十分有效率，點了菜很快就來。今天一個人點了一個雙層牛肉芝士漢堡，怕唔夠食仲多點一個洋蔥圈。漢堡送來的時候真的嚇了一跳，因為我裏面的兩塊牛肉份量不少。雖然我喜歡食比較熟嘅牛肉，但他的漢堡牛肉很有肉味還一點都不乾。洋蔥圈是即叫即做的，很新鮮熱辣辣的。下次一定約朋友呢飲啤酒試試其他漢堡包和小食。

食burger，除了去麥當勞，當然還有很多優質的選擇，今日下午去了位置尖沙咀美麗華商場的burgeroom，午市的時間食客人數不多，可以自己選擇座位，侍應首先送上一個餐牌，選好後要到外面的收銀台付款。今次吃了double decker 和mega cheese burger，double decker包如其名，有兩層厚厚的漢堡扒，配上熔化的香濃芝士，簡直就像一部雙層巴士，要食一點也不輕易，要續口續口咬，味道很好，但食得比較狼狽。mega cheese burger是輕量版的double decker，味道和double decker一樣，分別只是少了一塊漢堡扒。

聽朋友講過唔錯，今日約閨密食晚飯等我試下咩料先👀裝潢都幾型格..其實係門口都影左張，有個女仔既壁畫好正，但唔想post 自己，就post呢張算🙈其實配料選擇都幾多，有牛肉、海鮮、雞鴨仲有素菜類😯我地一場黎到當然見廚師推薦，選擇左最貴個個*雙鵝肝牛肉漢堡*。份量都幾勁，之前都有聽講過，所以今次醒目一份兩份食✌🏻首先包包鬆軟，芝士流晒咁，生菜蕃茄爽甜（平時唔多食蕃茄既我都清晒架），牛肉漢堡厚身得黎唔會乾保留到肉汁，厚切鵝肝更係好油香🥰*大烤菇沙律*呢個d生菜都好鮮甜，烤大啡菇手板咁大隻，烤得香而且內裡juicy。*芝士旋風薯條*大大兜，芝士基本都包覆到大部份既薯條，由於我被個漢堡吸引左，放凍左d薯條，但都keep到脆👍🏻當然身為酒鬼既我，一定要試下呢度既手工啤，包裝好得意，個杯都有晒design，飲落果香重，唔會有甘味，好易入口，送burger食的確配襯👍🏻

男友話想食burger但又唔想食老M，就諗起上次行街見到呢間Burgeroom。以為喺美麗華入面會好貴，點知原來係半自助式仲唔駛加一，立即覺得好似好抵🥳行入去同一般美式餐廳無異，有啲似公路🚦🚗餐廳又有啲車房味既設計，幾metallic。難得我地6點幾到已經好多人，因為平日的晚上而且咁早都有咁多人食野飲野，証明佢人氣好高！😂見到有唔少人喺度happy hour 飲下啤酒🍻食啲dips，氣氛幾好。店員細心介紹menu，然後就同我地講係自行去cashier點餐同畀錢，之後野食會有店員送上，咁樣半自助式而唔收加一都好好！而且落左單唔駛5分鐘啲野食都黎哂、好有效率👏🏼👏🏼🤣晚上冇set combo，所以除左叫burger之外我地都有叫sides。旋風薯條🍟大份得來唔算貴，而且好熱辣辣😚鍾意食芝士可以揀有芝士topping嗰款，不過男友同我都情願要原味😋因為又想食薯條雞翼又怕好肥好熱氣所以我都叫左個沙津🥗呢個大烤菇沙津清得黎份量啱啱好，生菜好鮮甜多汁，証明好新鮮！而且個vinegar sauce唔會太濃，剛剛好做左啲點綴👍🏼舊烤菇好香，上面加埋啲碎蕃茄🍅又好夾，值得一叫😋香脆鱈魚🐟柳漢堡 - 🍔就

兩個女孩子叫一份burger🍔一份小食加多個沙律🥗已經好飽因為全部份量都好多👍🏻👍🏻👍🏻👍🏻👍🏻之前都有去過CWB 個間Burgeroom 個人喜歡尖沙咀呢間環境大啲又舒服傾下計談心一流同埋比較特別小小系佢地岀去點好菜職員會再為你送上餐好！不如講下食物如何先首先講下主菜雙鵝肝牛肉漢堡$245 鵝肝入口即溶😆牛肉又juicy配上蕃茄生菜又唔會太膩 good👍🏻大烤菇沙津 $75 好新鮮 菇又燒得岩岩好 可以叫黎試下（女孩子無論咩時候都會想食得健康啲，保持完美身材，所以無理由咩都系肉 ）哈哈芝士旋風薯條🍟$52食burger無薯條又點得呢好多芝士OMG😝薯條又炸得岩岩 好正Li~洋甘菊茶 總結價錢合理環境舒服地點方便適合傾計員工態度非常滿意！滿意！滿意！

相約好友午膳，好友食量不大，所以選了可以一齊分享食物既Burgeroom。我們中午抵達，餐廳已有2-3枱食客，見到佢地桌上大大份burger，肚仔不由自主咁響起鼓聲，我們事不宜遲就選了網上好評如潮的鵝肝牛肉漢堡，另加小食蜜味辣雞翼，飲品則點了熱蜜桃茶同玫瑰花朱古力。無幾耐，我地既野食就到齊，蜜核茶香氣十足，而玫瑰花朱古力賣相超靚，非常適合放ig呀！個拉花飲到最後都仲可以完好無缺，不得不讚，拉花既人手勢非常好。相機食完，就到我地開餐，我滿心歡喜地拎左一條鵝肝牛肉漢堡既薯條，居然薯條是軟趴趴又冷，一點都不好吃。個包雖未冷掉，但味道及口感一般，鵝肝有少許腥味，牛肉沒什麼肉汁。蜜味辣雞翼，甜味較重，嘗不出辣味。總括而言，品質一般，未及期望。

與朋友好久不聚，想chill一chill，來到位於美麗華的burgerroom，之前嘗試過銅鑼灣的分店，水準十分高，所以今天再來大快朵頤。一到店鋪便看到招牌的霓紅燈burgerroom字樣，非常搶眼！店鋪空間感充足，座位非常闊落，是聚會的好地方！餐牌主要分為漢堡類、小食和沙律，選擇十分多，單是漢堡已有近四十款，花多眼亂！飲品選擇亦不少，選擇困難症的朋友要小心喇決定食物後可自行到櫃檯下單及付款，稍後店員便會把食物送上。左邊是奇異果汁，很少看到餐廳有此飲品，非常特別！就像一杯液體的奇異果，很新鮮右邊是水蜜桃冰茶，茶底濃底剛好，最欣賞是它喝下去有水蜜桃的顆粒，而且不會過甜。雞肉沙律，雞扒有稍微煎香令表皮十分香口，肉質仍保持嫩滑。沙律菜爽脆配上柚子醋，令人開胃，是清新之選！牛油果醬芝士薯條，薯條是新鮮炸起所以是外脆內軟，跟芝士醬是最佳配搭而再沾上牛油果醬則中和了芝士醬的膩。來到最期待的漢堡！我們選擇了菠蘿鱈魚柳漢堡，由相片已經可見份量很大，更可說是巨型！漢堡材料十分豐富，魚的炸漿剛好裹著魚柳，不會過厚，魚柳肉質滑溜亳不乾身，配上菠蘿又有另一種滋味是次光顧後發現餐廳水準依舊，值得再來！

其實我頗喜歡吃漢堡包，本着要吃就揀好一點的心態，我又來到這間餐廳。這次我點的是$75的經典漢堡包。沒有看漏的話，這應該是餐牌中最便宜的包類。雖說價錢是最便宜，但我覺得質量很好，十分美味！麵包裏頭夾着的牛肉漢堡很厚實，咬開亦有豐富的肉汁。牛肉漢堡扒的調味出色，既不會掩蓋牛肉刺身的美味，亦不會過於單調。漢堡包美味、可口，性價比高！薯條、汽水當然是漢堡包最好的同伴。薯條十分新鮮，炸得夠乾身，香脆而不油膩。粉紅色的汽水十分可愛，味道就較一般的減了點甜，不錯！

終於出糧了，同男友出去撐吓台腳。想食burger 但又唔想好草根，想坐得舒服d，tst 嘅burgeroom d 位睇落幾闊，就入左去喇！嗌左菠蘿燒汁漢堡+蘑菇漢堡+黑松露芝士薯條，飲品就係snapple peach tea 同ginger beer菠蘿燒汁漢堡，個菠蘿烤過，好juicy，balance 咗漢堡嘅膩。蘑菇漢堡好香，味道濃d。兩個burger 都超大，食完已經飽飽地！黑松露芝士薯條好rich，好香！$318食到超飽呀！我最鍾意係d 座位，每張都有適當距離，聽唔到隔離台講乜，熱鬧得來有personal space！7點到唔洗等，食完8點望吓周圍已經full 晒喇！平日夜晚都full wo！呢間burger 認真唔錯，可以encore！

已經去過好幾次，此店位於諾士佛臺，我次次都只食沙律，因為我怕太飽，因為佢D漢堡份量係重量級，而我口味較清，不過佢連沙律都係重量級 感覺非常抵食，沙律菜夠新鮮爽脆，再配上，香煎鵝肝穌軟口感，簡直就係一絕，煙鴨胸同龍蝦沙律都係首選推薦，煙鴨胸肉夠咬口又唔會韌，有鴨香味，唔係合成肉，龍蝦咸鮮肉夠彈牙，味道夠新鮮，此店特色係下午時可以當係cafe同三五知己聚一聚，而晚上就可當成係酒吧又飲又食，加上露天環境清幽，絕對係消閒好去處

十點零，和老婆在尖沙咀行完街街，在餓與唔餓之間，老婆又在食與唔食之間，最後決定食。老婆表示想食薯條漢堡包，但又唔想食普通貨式的，為有開個開飯找下唔普通的。Brooklyn beer $75 宵夜又來一杯啤酒，雖然老婆無陪我一齊飲，自己來一杯，味道夠，又有果香。Mega Cheese Burger, $108, 漢堡包當然要有牛肉和芝士，厚厚的牛肉，鮮嫩多汁，引發口腔不停分泌口水，還有香濃的芝士，雙重享受。Pineapple Barbecue sauce chicken Burger $92 一個開胃的漢堡包，酸酸甜甜的波蘿，配上魚嫩多汁的雞扒。吃完不會覺得濟。Honey spicy chicken wings $50 見到圖片就知燒得靚仔，不會太乾，但也脆和香，同時可以保留肉汁。餐廳環境乾淨，裝修特別，有型有格，合適有品味的我。

外國風 高質份量漢堡 大過手掌🍔【burgeroom 】‼️夜咗都想食大漢堡？佢開到凌晨12點或者幫到你😆！位於美麗華，裝修西式，有少少似bar～漢堡份量大大份，勁高身！真材實料仲熱辣辣～漢堡款式選擇多不勝數😍魚牛雞樣樣齊！梗有一樣岩心水💁🏻‍♀️除咗主打嘅漢堡外，仲有小食沙律酒品添👍🏻👍🏻.特量芝士牛肉漢堡（$108）呢個大力推介～麵包鬆軟可口，牛肉相當之厚身，煎得恰好，牛肉味特濃，好有嚼頭！😍肉質吾鬆散，咬落滿滿肉汁，配合特量融化咗嘅芝士真係極惹味😋😋.菠蘿燒烤醬雞柳漢堡($92)揀咗落菠蘿配燒烤醬，菠蘿嘅酸甜味好開胃，而且菠蘿好有口感可以中和返肉膩😆燒烤醬令雞柳更好味！雞柳大大塊好Juicy一啲都吾鞋，嫩滑多汁仲有香噴噴嘅洋蔥味～.香脆鱈魚柳蛋漢堡（$95）食完雞同牛又點少得魚😮同樣大大個賣相吸引程度爆分！鱈魚柳炸過後好香脆而不溜🤩熱辣辣、脆卜卜嘅滋味真係好正～個蛋同樣出色，夾住一齊食更能提升味覺享受😎大烤菇沙律🥗($75)沙律菜新鮮爽口好fresh,配上酸酸甜甜嘅沙律汁好開胃！清新之選。飲品同樣出色！美國布魯克林($75)帶少少果香味，好易入口！酒味香濃回甘，漢堡配啤酒🍻真係人生一

新年想食好野，食漢堡包一樣可以食得好富貴、好豪華！嚟到專門食美食漢堡包嘅burgeroom,淨係睇見餐牌，都知道美食選擇之多及豐富！係食漢堡包之前，先叫飲品同小食開下胃，洋蔥圈即叫即炸，上枱時除咗感受到熱力之外，香噴噴嘅炸物亦引人垂涎！炸漿唔算厚，咬入口非常香脆，加上洋蔥又夠爽口，係一道非常出色嘅前菜！到主菜出場，就係價值$200嘅原隻龍蝦漢堡！賣相非常吸引，將龍蝦肉拆出，伴以芝士、牛油肉等醬料一齊食，層次豐富，龍蝦肉亦帶有濃郁海鮮味道，令人相當滿足！蟹肉精細，鮮味突出，醬汁亦唔會搶味，可謂相當合拍！最正嘅地方，係將龍蝦鉗拆出，賣相搶眼之外，又可以獨立拎上手食，又點會唔滿足呢！

話說平安夜果晚原本想搵間啱心水既餐廳食個靚Dinner，可以小弟我對於係節日出去食飯既經驗係零，甚至可以話係負經驗，所以最後揀咗嚟食Burger。今次就叫咗Mushroom Beef Burger同埋Honey Mustard Portbello Bacon Burger，仲有一份薯條。個Mushroom Beef Burger果種牛肉既粗糙感好正，食肉獸表示滿足，但係汁水方面略為小咗d，小弟比較鍾情於多汁既野食。而Honey Mustard Portbello Bacon Burger 就正正夠多汁水，但講緊既唔係牛肉汁，係Mustar提供既汁水，所以食落Honey Mustard Portbello Bacon Burger會比較易入口同咬。而個薯條就正正常常啦，但佢係新鮮炸起，所以夠熱辣辣。下次再嚟試下其他包先！

假日來到尖沙咀行街,其中一站是去GU買HEATTECH,就順便係商場食埋午飯餐廳頗有情調，設有酒吧區，燈光較為昏暗，一看就比商場其他食肆特別入座後發現餐廳更設有露天位置，但我相信這個天氣應沒有人會去坐吧我和友人同選了芝士牛肉burger,只是大家各自選了不同的料因怕牛肉太味濃，所以加配了菠蘿友人則選了大烤菇牛肉相當之厚身，煎得恰好，牛肉味很重，而且口感有點嚼頭，肉質不鬆散，肉汁充足，不會覺得乾配合芝士，兩種不相同的濃郁滋味，真係超級惹味所以這個時候，很慶幸自己選擇了菠蘿作配料，菠蘿還有醬汁的甜酸，很能中和肉膩再加上生菜和蕃茄的配搭，口感上亦有層次不是有生菜和蕃茄，就能做到層次，因蔬菜要新鮮才能爽脆甜，BURGEROOM的蔬菜不只新鮮，亦是大切片，所以口感特別好 (某連鎖店的BURGER就不能了，菜都是淋和碎的)而且單憑BURGER的牛肉，己覺得值回票價。因曾吃過幾間比這裡價格更貴的，份量卻更少，質素又更差的餐廳論食物質素和環境，性價比頗高的