Burgeroom (美麗華廣場1期) (已結業)

同同事收工去左食漢堡包，哩間真係算價錢合理又大份。鵝肝軟殼蟹漢堡($188)，超巨型真係好有霸氣，要分開逐樣黎食，鵝肝好重油香味，超正，蟹炸得好脆，加埋鵝肝油滴在蟹上，好食，配上好多生菜，解一解油膩感。大烤菇芝士牛肉漢堡($108)，疊得好高，好足料，一樣要分開黎食，牛肉有3cm厚啖啖肉，最岩食肉獸，牛肉味好濃，大菇就好腍身好多汁。鱈魚手指配他他醬($48)，有5條，外脆內熱，魚肉唔”鞋”，配他他醬幾好食，有點似千島+沙律醬。

It is my first try out this restaurant. And I’m not very into a burger person. However, I really enjoyed the foods which were1)Classic Burger 2)Portobello Burger They were full-filled with great well-done patties. The seasoning of patty was wonderful. Giving me a mouthful portion in a bite. An additional side dish, mini Hash Brown ($50), very crispy and delicious. But the blueberry sauce was awful with Hash Brown...🤦🏻‍♀️ (I would rather get ketchup with it) The service was really nice and clean.

我都行過好多次, 但次次都冇機會食, 今次約埋愛吃漢堡的朋友, 來食餐勁既, 我地兩個人叫左4樣野食, 我地飽到一個點呀!大烤菇芝士牛肉漢堡---主角一定係漢堡, 大烤菇好香好多汁, 主角牛肉勁厚多汁, 一咬牛肉汁就爆出來鱈魚手指配他他醬---炸魚是另一樣美國代表性食物,熱騰騰的炸魚條, 加埋個醬, 一流芝士旋風薯條---旋風薯條已經本身有味道, 再加埋邪惡的芝士, 真係食到停唔到口蜜味Spicy 雞翼---好滑好香, 我朋友一次差不多食哂, 我只吃了一隻, 因為太飽, 沒有再叫, 下一定要再叫多一份白酒---朋友的白酒, 朋友說晚上飲點酒, 心情最愉快桃茶---我的桃茶是我平常愛飲的, 所以不多介紹

今日去尖沙咀行街，行到去美麗華商場，又累又肚餓，行入去望吓個水牌，見到呢間burgeroom ，傳聞中係分量超大件嘅漢堡包，我咁肚餓梗係要入去食返個漢堡，醫一醫個肚先11-6pm ,午餐時段加$30就可以多個個薯條同熱飲入面地方寬闊，坐得好舒服而且環境又清靜配埋餐廳嘅背景音樂，舒服到不得了，同朋友你談天最好嘅地方漢堡嘅種類超級多，真係揀咗好耐先決定到食乜嘢，原來呢度係自己埋去counter 叫歺，之後職員就俾個牌你，一陣間就會由職員攞嘢食過嚟 雙鵝肝軟殼蟹漢堡$268，份量真係超級多漢堡包入面加咗好新鮮嘅番茄同生菜仲有沙律醬軟殻蟹真係好大隻炸到外皮係好脆，好多肉蟹嘅味道完全出晒黎，平時啲軟殻蟹炸到好乾，但今次一啲都唔乾，第一次軟殻蟹配漢堡包，加埋啲沙律醬係入邊好清新嘅味道好大隻，又厚身雙鵝肝鱈魚柳漢堡$245，中間都係有好多嘅沙律醬，一片大芝士，仲有番茄同一大塊生菜，份量超級多大胃王都夠曬飽，鱈魚柳炸到非常脆，而且魚又大件，厚身午餐時段加$30就有薯條配熱飲，如果配凍飲就要加$15鵝肝好大塊又厚，2 大塊令人太滿足了，鵝肝味濃厚香蜜單骨雞翼配蜜糖芥末醬$60，一隻雞翼切開兩邊去炸，容易

收工同朋友chill 一chill，o黎到美麗華呢間美式burger 店。接近酒吧o既setting，店舖內裡黑色為主，配以搶眼o既鮮紅色bar 檯。汽車似乎亦都係呢間餐廳o既主調，唔單止當眼處擺o左好多粗獷o既車軚做裝飾，細心留意，仲會發現豎立o左d 路牌同地上刻畫住斑馬線。等burger o黎之前，當然要叫番d 小食填住肚仔先，叫o左個黑松露芝士薯條($62 免加一)。熱辣辣o既粗薯條，淋上極度濃稠o既芝士醬，同出面叫開瀋兩瀋芝士粉o個d 真係完全係兩個唔同層次，香濃到食到中後d 芝士甚至會凝番實淨，真材實料！雖然share 食，但食完都飽o左3、4 成~我地每人各點一個burger啦，佢已然幫o左你一開二，所以想share 都唔難。蜜糖芥末大烤菇煙肉牛肉漢堡($115) 係我揀o既，好大件就梗o架喇，美國份量wo 講緊~ 食e d 我通常都要一層層食，因為個口無咁大……大烤菇係幾juicy o既，主角漢堡混和o左肥膏脂肪去增強鬆化度，都已經唔錯了，但如果可以煮得再raw 一d，稍為多d 肉汁會更好。另外交換o左朋友半件牛油果醬芝士牛肉漢堡($92)，呢個我覺得較我o個款好食！d

近日胃口不佳，所以與朋友用膳都吃得不多. 來到Burgeroom就叫了一客burger share，再點一客薯角、一杯熱飲就可以了. 龍蝦漢堡 ($198) 朋友說牛肉漢堡經常吃到，反而龍蝦漢堡從未吃過，說要請我吃餐好的. 等候良久，全隻龍蝦漢堡送上了，賣相實在吸引. 龍蝦頭內有不少蝦膏，至於漢堡內的龍蝦肉不算多，但幾鮮味. 配上清新的牛油果醬配以烘得香脆的麵包，2人分享一客剛剛好. 跟餐加$30 配以薯條及飲品. 跟餐薯條金黃香脆，都幾好吃. 脆薯角 ($28) 友人喜歡吃炸物，單點了一客脆薯角，這客薯角份量很多，而且薯味更濃，比起薯條更好吃. 喜歡吃炸物的朋友可點這款. Iced Peach Fruit Tea (跟餐) 友人說桃茶甜度適中而冰凍可口，與炸物很匹配. Green Tea Latte ($38) 熱度稍欠的Green Tea Latte，略為偏甜，幸好仍有一定綠茶味，建議可叫少甜，當日我實在忘記了.尖沙咀彌敦道132號美麗華廣場一期2 樓 207 號舖37020361

平時冇咩事都懶得過海嘅我，一早聽聞銅鑼灣嘅Burgeroom好好食，而且食物份量都幾大，不過就一直懶去，係近年美麗華店開左，先至食有機會品嚐。呢度採取先去收銀櫃檯比錢落order，店員再送餐嘅制度。上次已經食過大啡菇沙津覺得個大啡菇烤得好出色，今次就將個大啡菇放入漢堡，叫左大烤菇芝士牛肉漢堡，另外配個普通田園沙津、芝士旋風薯條。所有食物依然係大大份，2個人share都夠晒食。沙津嘅source係酸酸地好開胃，材料亦夠新鮮。呢個旋風薯條4個人share都仲得，好大份，食極唔完，炸得夠脆夠乾身，唔會油膩。唯一係個芝士愈食愈咸，到最後都係食唔晒放棄左。主菜嘅大烤菇芝士牛肉漢堡包，成個包好高身，係冇可能一口咬晒所有材料。大啡菇依然烤得夠香夠juicy，而牛肉漢堡扒同樣滿溢肉汁。由於我唔習慣用刀叉優雅咁食漢堡包，於是一咬落去嘅時候，d汁漏晒出黎成手都係都幾狼狽，不過真心好好食! 自從食過一次呢度嘅漢堡包就番唔到轉頭，每隔一排都會黎，係令人一試愛上嘅美味!

成日見人話burgeroom好爆好好食，突然間好想食burger，見Openrice有得直接book，就拿拿聲book 咗禮拜六晚食。黎之前做咗功課，知道burger份量好大，所以一路都心大心細係咪應該揀一個share，去到嘅時候見到其他枱都係一人一個，於是就點咗2個唔同嘅burger，可以試多啲款式，朋友唔食牛，於是就揀咗一個Double Mushroom Burger 同埋Jalapeno Chicken Burger，再加埋Cheese Fries。一向都鐘意食巨型mushroom 扒，不過就唔係間間都有得食，呢個Double Mushroom都烤得好好，一啲都唔乾，好juicy。至於Jalapeno Chicken Burger講明係辣，可能要就香港人嘅口味，所以真係唔係好食到辣，但係雞扒都好juicy，如果個醬汁多啲就更加好。至於cheese fries，都幾有芝士味，不過食得多就會幾膩，下次可以試其他fries ^^

同朋友約會，食d特別d嘅burger，舒適嘅環境可以談心，最舒服😌鵝肝芝士牛肉漢堡，特別好味道，鵝肝煎到好金黃，香脆，我係用刀叉🍴慢慢嘆，鵝肝竟然脆甜，非常獨特好味道，配菜都特別好味加埋特製嘅沙拉醬，番茄切片好鮮甜多汁👍🏻牛肉都好彈牙，好有嚼頭雙重牛肉芝士漢堡，係牛肉迷首選，特大份嘅牛肉，被芝士重重包圍，每口都食到芝士嘅鹹香，好特別，牛肉好多汁，好有牛肉味，牛肉份量絕對夠2個女孩子食🍴黑松露薯條🍟份量大，而且好脆，和黑松露芝士一齊食，絕配🎊蜜糖雞翅好脆，不能錯過吖，外皮脆，裡面肉，熱辣辣，好多汁，小小甜，脆脆口，呢個抵食又好食😌自製蜜桃冰茶，好特別嘅蜜桃🍑味，配burger一流👍🏻

朋友知我鐘意食西餐，鐘意食Burger，誠意推介Burgeroom比我！既然係咁，今日捉埋佢黎一齊食😋開得喺美麗華商場，環境一定唔差，空間感好好，裝修潮型格，影相唔錯wo！😻我覺得同朋友食野，除左食物要好食，環境都好緊要，最怕逼/同隔離枱距離好近！依間個感覺好舒適，係自己先出去點餐再由服務員送上，侍應們服務態度好好，好nice，感覺更舒服吖！我地2人點左：Foie Gras Beef BurgerGuacamole cheese fries Honey Spicy Chicken Wings因為見到隔離枱既Burger份量好大，所以都係決定點一個Burger Share😂再叫小食！鵝肝牛肉漢堡的確正喔！！！鵝肝夠大件厚身，煎左先放上burger度好香呀！牛肉好多肉汁，牛味都重，個配搭好好，跟埋蔬菜感覺冇咁溜👍🏻$165有埋鵝肝我覺得值得🙈☺️薯條熱辣辣上枱，牛油果溶下佈滿芝士，好正，每一條都有芝士又點到果溶，份量又大，都只係$62！而個蜜糖辣雞翼炸得好香，$48有5隻，如果多d honey 就更perfect 喇！食香口野，就當然要配返杯Draft Beer啦😊睇餐牌寫$72/杯，我地下

今日放工約埋個同事吹水，本來諗住去諾士佛台，不過行過Mira，見到Burgeroom，就被佢吸左入去。唔好講笑，一定係點佢個龍蝦漢堡，呢個買相太吸引我呢個龍蝦怪。原隻波士頓龍蝦上，配菜也擺得有心思，見到兩隻可愛嘅鉗鉗，實在太興奮。龍蝦肉都好彈牙，有鮮味。啖啖龍蝦肉真係好治癒，再加埋芝士，係好味嘅。再嚟個吉列大蝦沙律，大蝦表面金黃鬆脆，係外脆內軟呀，蝦肉都實淨唔會鞋口。叫沙律就係想食返d菜，呢排轉天氣，乾到個人都好想食多d蔬果。吹水當然要有啤酒啦，呢度都有好多款揀，大大話話都有15、6 種，又唔會太噪，唔錯！

Burgeroom尖沙咀店比銅鑼灣店面積更大，同樣採用自助形式。店員把餐牌放在桌上，客人選好了食物就到收銀處點餐和付款。下單後會有一個感應器，只需放在桌上，店員就會把食物送上。上次與友人每人點一個漢堡套餐，結果餘下少食物。今次決定只點一份軟殼蟹漢堡，一齊share。切開新鮮炸起的軟殼蟹時，仲一直冒煙。漢堡頗軟熟，咬落有芝蔴香。牛油果醬芝士薯條用上粗薯條，更有口感。醬汁足夠，除了薯條上的牛油果醬，還附有芥末和茄汁，任君選擇。鮮奇異果汁微酸，估計是放了少許糖，質地不算濃稠，應是加了水。午市有combo，只需加$30就有薯條和飲品，價錢更划算。

係美麗華廣場食肆唔多 最突出既都係burgeroom 裝修靚漢堡包又吸引😍大概7點到 因為餐廳好大所以唔洗排隊就有位😊 menu 淨係漢堡包都有好多款 真係花多眼亂😰我地叫左兩個漢堡包 一個係我最期待既鵝肝牛肉漢堡 牛肉好juicy 超正😍另一個就係軟殻蟹漢堡 一上枱就好有氣勢 因為真係好巨型😱😱 食落去啖啖肉配沙律醬好正😋飲品方面就叫左蜜桃冰茶 岩哂咁熱既天氣飲 最喜出望外既係有d果肉係入面 唔係濃縮飲品😋😋

今晚又同男朋友撐返臺腳所以黎到又大又好味既burger room ~雖然burger 先係主角，但係配角小食們都好重要今晚我地嗌左呢份雞肉條配燒烤醬～本來都諗過想嗌單骨雞翼，耐何菰娘我食唔到辣啦呢份雞一上臺既時侯超級熱！我同男朋友都係咬左一啖就要拎一拎開😂呢個細隻d 既當然係我架啦～脆卜卜的煙肉、超juicy 既菠蘿、再配上開胃既千島醬唔扮細食既菰娘當然自己啪曬一個 😆😆男朋友就嗌左鵝肝牛肉漢堡完全好睇又好食！大家都知銅鑼灣同尖沙咀都有burger room, 個人都係鍾意尖沙多啲，就算要等位都有冷氣涼下嘛～

以前食過銅鑼灣果間分店覺得好好食, 今次試下尖沙咀呢間, 睇下有無分別  我地食early dinner, 仲可以加$30轉combo set, 有埋薯條同飲品, 好抵!  鵝肝牛肉漢堡 $168塊鵝肝煎得恰到好處, 啲油份好香, 鵝肝同麵包本身就好夾, 配埋牛肉成個口感更加豐富, 淨係食個漢堡已經好飽肚  大烤菇芝士牛肉漢堡 $108呢個漢堡應該都算係signature之一, 塊牛肉好厚身, 好有肉汁, 一啲都唔韌唔乾, 食落啖啖肉亦都好有牛味。不過個大烤菇都係重點, 一樣係好厚身而且水份保持得好好, 菇味中和番肉味, 配搭得啱啱好 薯條係屬於粗身, 食落唔油膩, 飲品我地揀咗classic chocolate同green tea latte, 兩杯都係好香好濃, 好好味