Burgeroom (美麗華廣場1期) (已結業)

漢堡包薯條呢一類食物，通常都會俾人話係垃圾食物，因為相對地個營養價值比較低。但係偏偏呢啲食物可以撫慰人心，大啖大啖咁食漢堡包，都不知幾爽！依家越來越多餐廳賣漢堡但就走精緻路線，好似呢間burgeroom咁！坐落於鬧市中心，就算過咗平時午飯時間都仲好多人，就知道冇揀錯！今次叫咗一份烤雞沙律、芝士大烤菇牛肉漢堡、雞肉條同雞翼！烤雞沙律唔錯，塊雞扒略嫌有啲乾，但係味道都OK，沙律菜新鮮！雞肉條炸到外脆內軟，超級juicy!! 就咁食已經好好食，配埋個燒烤醬更加惹味，食緊都唔夠喉！芝士大烤菇牛肉漢堡其實之前都食過，亦都好多地方有，但講到最好食同有份量都係非呢度莫屬，永無失望！蜜汁辣雞翼又係超juicy入味，鍾意食雞翼嘅一定唔可以錯過

今日約咗個喺尖沙咀返工嘅朋友食晚飯，因為我話想行Donki，佢就約我嚟咗呢間位於美麗華嘅Burgeroom。呢度嘅裝修充滿工業風，仲模仿美國公路，落單嘅位置亦都用路牌顯示，玩味十足！大大張嘅餐牌已經列出所有出售嘅食物，部份亦都圖文並茂，方便食客選擇。點餐嘅對面位置就有個大雪櫃，如果揀樽裝飲品的話落單後就可以自己攞。我就揀咗要芒果茶。嚟得Burgeroom，點都要叫返個burger，我哋揀咗大烤菇芝士牛肉漢堡。店員好細心，上枱前已經將burger一分為二，方便我哋share食。一打開burger就已經見到半溶嘅芝士流出嚟。 Burger嘅橫切面可以見到佢有幾高大威，除咗有主角大啡菇同埋牛肉漢堡之外，仲有芝士、蕃茄同生菜，漢堡包都做得好厚身。目測牛肉漢堡有差不多2cm厚，手打漢堡果然特別好味，勁多肉汁，同埋份量好多，如果一個人應該食唔晒！另外仲叫咗帶子沙律，總共有四粒帆立貝，另外仲有唔同款式嘅沙律菜、蕃茄、同埋洋蔥絲，配搭清新又健康。沙律菜係mix咗唔同款式嘅菜，而且好新鮮，可以中和返食完burger嘅油膩感。我由細到大都好鍾意食魚手指，所以見到呢度有魚手指都一定要叫返一份。魚手指總共有五

尖沙咀諾士佛台隔離有間性價比超高的美式burger店，間唔中同朋友都會幫襯下。餐廳裝修係美式工業風，入面空間闊落，同朋友食飯都好好坐，唔會太迫😌入面都可以叫酒飲，不過我同朋友就冇飲酒啦🍻我哋叫咗兩個burger，一份沙律，兩份小食，兩個人埋單三百幾蚊，飽到飛起😂🥗田園沙津份量驚人，如果四個人一齊食會岩岩好😂沙律菜都新鮮，我最中意入面火箭葉，食落唔會太齋👍🏻🍔墨西哥辣椒芝士牛肉漢堡入面會有墨西哥辣椒，辣辣地幾開胃。牛肉漢堡巨型厚實多汁。成個burger跟足美式咁大份，好有滿足感👍🏻🍔特量芝士牛肉漢堡呢份啲芝士多到cover晒成個漢堡，鍾意芝士嘅朋友可以try try。芝士口感飽滿，同成個包好夾，唔會覺得好膩👍🏻🧈馬蘇里拉芝士條芝士條都冇令我失望，新鮮出爐，外脆內軟👍🏻入面芝士拉絲可以拉到好長都唔斷😂🐟鱈魚手指配他他醬炸薯條就間間burger店都會有，鱈魚條就未必啦。炸鱈魚配上creamy的他他醬，超級開胃😋

BurgeRoom 位於美麗華商場一期，位置好容易搵到。係呢個黃金地段來講，價錢佢都算超值！室內環境裝修闊落走工業風，人流都唔算太多，好啱幾個知己坐低食嘢傾偈。大烤菇芝士牛肉漢堡配薯條大烤菇係完整一隻大啡菇嚟嘅好厚肉地，漢堡方面都幾厚㗎，有成寸厚真係有啲喜出望外。牛肉方面食落偏結實，唔係鬆鬆散散，有肉汁。醬汁係千島醬食落酸酸甜甜甘！ 薯條即叫即炸，係粗薯黎唔係空心薯，食落好滿足。特量芝士牛肉漢堡特量芝士真係名副其實嘅mega，多到滿晒出嚟！車打芝士食落好濃味！其餘同烤菇漢堡差唔多！菠蘿冰茶 飲品係我特登加錢叫嘅，入邊都加左好多新鮮嘅菠蘿，冰茶方面係紅茶底飲落去茶味偏淡，不過都幾清爽用嚟解膩一流。Cappuccino 正正常常cappuccino，咖啡味香，奶泡幼滑。

食物质素麻麻 大啡菇牛肉汉堡 牛肉饼无一点牛肉味 牛肉口感唔好 肉里边仲可以嚐到未剔筋的牛肉 腌制味道都算差 咸咸d 唔好食鹅肝鳕鱼芝士汉堡 鹅肝腥味好重 好似无煎熟 半流体状 鳕鱼都唔好食 好大冰鲜味

餐廳都算大，仲怕難訂位，因為塞車，即時改晏半小時到，好彩仲有位要出去俾錢落order，Honey代勞叫左個薯餅配藍苺醬估唔到薯餅咁薄，唔似麥記個啲薄到想打孖來食同埋炸得有啲乾身，配藍苺醬好似怪怪地，呢款下次唔會再叫burger就叫左推介嘅2個左邊係大烤菇芝士牛肉漢堡，對比隔離果個，同一樣高㗎，即係塊啡菇幾厚身，鍾意食菇嘅真係要叫呢個，好有口感，可惜我咀唔夠大，不能一啖咬，但分開2層來食都好味右邊係芝士雙層牛肉漢堡，啲芝士多到呢仲要2塊大牛肉，Honey用力整偏少少個包一啖咬落去，再俾我食一啖，又另一個口感喎，不過牛肉就唔算係好juicy未算係一試難忘一個係叫左餐，要薯條，好遲先炸出來，差啲以為漏單，炸呢方面，真係好乾，我覺得唔好味，食返麥記開心啲飲品好可惜無milkeshake，如果有就真係絕配

👱🏻‍♀️中意食burger簡單既食材用料可以做到好好味Burgeroom算係👱🏻‍♀️食過咁多間入面中上水平既一間😍尖沙咀分店係美麗華好方便😆做完gym肚餓又到左protein time💪🏻1️⃣鮮蘑菇牛肉漢堡🍔 $95Burgeroom係自助形式落單🧾係counter俾完錢🧏🏻‍♀️侍應會幫手拎d餐點過黎不過🍴🥫🥛就要自己拎🤑🏋🏻麻麻地中意食🧀所以就嗌左個蘑菇牛肉🍔一黎到個份量已經嚇死人🤯勁大個包入面既餡好足料有大量生菜🥬蕃茄🍅同一大堆炒香既蘑菇重點‼️個牛肉好大塊😱🏋🏻一啖都咬唔曬個包要折散d配料黎食😂🏋🏻形容個牛肉幾juicy唔乾身加埋蘑菇同d千島醬食好滿足🙆🏻‍♀️2️⃣墨西哥🇲🇽辣椒大烤菇🍔 $90👱🏻‍♀️中意食墨西哥辣椒個種辛辣既味道平時🍔都係食🐥同🐟多今次就試下素食🍔大啡菇😍認真個啡菇好多汁好fresh個餡料有勁辣十足既辣椒同牛油果🥑醬仲有炒到焦糖化既洋蔥🧅成件事夾得黎仲增加左口感🤤麵包加左牛油🧈稍微烘過個陣牛油邪惡香味加埋大啡菇咁清新多汁🤩正到就快暈低唔係講笑😣🔆👱🏻‍♀️食唔曬個🍔建議小鳥胃人士同朋友分享黎食😅另外嗌多個小食一定夠飽🔆3️⃣旋風薯條 $30有🍔既地方點可以無🍟好多人都會嗌B

放工又約咗朋友出去食飯 今次試新野朋友話要帶我去食漢堡包 🍔其實我個人就唔鍾意食包㗎 不過佢話好食咁就賞面即管去試吓希望唔好令我失望啦呢間餐廳喺美麗華商場入邊 位置尚算方便 一入到去俾佢街頭design嘅設計吸引忍唔住影咗幾張相打卡我哋兩個坐低好快決定咗食啲乜嘢之後出去俾錢叫嘢食 等咗冇耐啲嘢食話咁快就到鵝肝沙律$128我同朋友最鍾意就係食鵝肝㗎喇一見到鵝肝沙律即刻發晒癲鵝肝入口即溶 再加上清新嘅柚子醋沙律菜一啲都唔肥膩 做頭盤就啱晒啦黑松露芝士薯條$68本身我對呢個薯條冇乜期望😂又咪係普通嘅黑松露芝士薯條有咩特別點知我拎起第一條薯條嘅時候啲芝士好似拉絲咁即刻O嘴😮熱辣辣嘅芝士非常濃厚而且軟綿綿加上黑松露嘅味配搭得啱啱好唔會太Over 正呀香辣單骨雞翼配蜜糖芥末醬$60呢碟雞翼非常有驚喜香辣嘅雞翼即時炸起熱辣辣 而且雞肉非常滑嫩一啲都唔鞋唔煙韌 唔似雪藏雞幫啲食物影張全家福先咁靚嘅環境打卡真係一流襯到飛起大香菇鱈魚柳漢堡$110我都話咗唔鍾意食包㗎喇朋友話點都要試吓喎一場嚟到我又唔食牛嘅咁所以就嗌咗呢個魚柳漢堡包🍔🤦🏻‍♀️上菜嘅時候因為侍應姐姐知道我哋兩個人都會食包所以好細心咁幫我哋切

嗰日同朋友經過，見冇乜人等位，就排啦！等咗10mins就入到座，呢間餐廳係自己出去櫃位買完食物，就返埋位，等侍應送餐。🥰我哋3個人揀咗2個cheese Burger! 份量超大😂嚟到都呆咗，個牛漢堡好出色！咬一啖已應feel到佢勁Juice! 我哋另外仲叫咗薯條，雞翼！薯條好好食，冇雪味啦！又夠熱，新鮮炸出嚟！炸雞翼就好脆，上碟張牛油紙都冇乜太多油，我哋都鐘意熱氣嘢，所以都係秒殺，好好味😋😋😋最後一路傾吓計，食吓食吓，我哋又全部食晒喇！😂😂

無啦啦諗起想食burger醒起前幾年好興嘅burger Room 興咗咁耐一次都未食過就去試吓🙈個鱈魚柳竟然唔會好似Fish N’ Chips嗰啲魚柳咁樣有浸怪味同埋啲粉都唔算好口幾好食Burger份量都好大份 仲有埋沙律可以解油膩👍🏻不過係冇得直接喺座位度order 要去櫃檯俾咗錢先有人送餐 🙈

想交通方便啲係美麗華廣場搵食🧐，點知試到一間幾唔錯嘅漢堡店！Burgeroom提供多款配料豐富嘅漢堡同酒精飲品，比較特別有軟殼蟹、龍蝦或鵝肝漢堡🍔。餐廳裝潢行工業風路線，用咗好多車轆同貨櫃造型🚚，環境寬敞明亮，坐係梳化位同朋友食住Burger傾計，Chill住又一個下午~————————————————👅大烤菇芝士牛肉漢堡 ($110)👍🏻大啡菇相當厚肉，菇味濃郁。雖然圓碌碌嘅牛肉漢堡扒睇落細過麵包，其實厚度十足，可以更好地鎖住肉汁💦，加埋融化嘅車打芝士更吸引，點少得清新擔當嘅蕃茄同生菜。成個漢堡包好厚，一啖真係咬唔晒，要用刀叉切開慢慢食~👅蜜桃冰茶 ($38)👍🏻非酒精同酒精選擇都好多，冰茶係自家製系列，蜜桃味唔算好重🍑，帶有薄荷清新，refresh返食漢堡嘅油膩感————————————————🚩總結：啱晒漢堡狂迷啦~———————————————— 🌟注意： 不設加一服務費，需要係櫃檯點餐————————————————📍 Burgeroom地址︰尖沙咀彌敦道132號美麗華廣場一期2 樓 207 號舖

同朋友喺美麗華廣場行完街，係時候要搵食了，係咪男仔食嘢都鍾意大大份啖啖肉，二話不說就話想跑去食burger。咁喺商場2樓嘅Burgeroom，就最適合不過了，因為呢度啲burger出名大大份，今次真係見識了。朋友一心想嚟食burger，佢仲要係超級芝士迷，諗都唔諗就即刻叫咗一個特量芝士牛肉漢堡；而我就選擇左一個比較特別的軟殼蟹漢堡，再加上兩人共享一個黑松露芝士薯條，各自再點了一杯菠蘿冰冰及荔枝冰冰。等咗一陣，食物上枱就即刻為我們帶來驚喜了，漢堡包中夾了厚厚的牛肉，肉汁滿瀉，香濃牛肉味，連漢堡包皮也是被烤得脆脆的，再夾上蕃茄芝士配料，一口咬下去，真係冇得輸！再嚟就係我所揀嘅軟殼蟹漢堡，咁Burger一上枱，我即刻忍不住笑，就好似成隻蟹夾在漢堡包裏，外表炸得脆脆的，咬落去有肉汁不會太乾，喜歡香脆嘅朋友，值得一試！就連黑松露薯條也是熱騰騰，脆脆的上碟，食嘅時候還小心燙手燙口，再加上拉絲的芝士，對於我這個芝士迷來說，實在大滿足了！埋單300多元，一間位於尖沙咀嘅餐廳，咁豐富咁有份量嘅burger，值回票價了！

Burger, and Fries with Avocado ～咬落啖啖肉就係正🍔鮮蘑菇牛肉漢堡 Mushroom Beef Burger $95 ✨🍔軟殼蟹漢堡 Soft Shell Crab Burger $108🥑🍟牛油果醬芝士薯條 Guacamole Cheese Fries $68我又稱不上burger lover 研究和執著是沒有的 不過通常如果打開menu 太多選擇 又被迫要作決定時🙈 通常都會隨便揀burger 港式 美式 平價快餐 特式cafe既 🍔通通都ok總之咬落啖啖肉就係正Burgeroom 由佢初係銅鑼灣時已覺得佢正 尖沙咀店當天人流不多 坐得舒服 個包size 好大 即使🔪開一半 都好像無從入口😅20多款不同漢堡選擇 牛、豬、海鮮、素食但我都係鐘意最basic 既 mushroom burger 😋牛油果 薯條係唔錯既 但我總係揾吾番係美國食到既guacamole 味😕😕#Burgeroom📍尖沙咀美麗華廣場1期2樓207號

去到冇嗌到最出名嘅漢堡包 反而嗌咗啲最冇益嘅炸野 全部都正常水準 幾鍾意個芝士薯條 芝士醬好多 大部份薯條都有 食落去又唔會好膩而個芝士條都有拉絲 幾唔錯💕⭐️⭐️⭐️⭐️⭐️⭐️⭐️⭐️⭐️芝士粗薯條 $50鱈魚手指配他他醬 $48布里芝士餅 $50⭐️⭐️⭐️⭐️⭐️⭐️⭐️⭐️⭐️Burgeroom (尖沙咀)尖沙咀彌敦道132號美麗華廣場一期2 樓 207 號舖#hkfood #hkfoodie #hkfoods #hkfoodlover #foodporn #food #foodie #foodies #foodblogger #hkfoodblogger

呢排工作有d苦，未到lunch就已經同同事討論緊午餐一齊出去食咩好。今日行左出黎比較遠嘅Mira Place，大把野食慢慢揀。沿住mira旁嘅扶手電梯上到mira嘅1樓，再行條短短嘅樓梯上2樓，就俾burgeroom 2樓嘅霓虹燈吸引到，今日就食burger啦！去到門口見到餐牌，漢堡嘅選擇非常多，淨係牛肉漢堡已經有15種，連埋其他素肉、海鮮、雞鴨等等款式，多不勝數。午市食漢堡仲可以加30蚊轉套餐包薯條及飲品！Burgeroom裝飾都好有心思，有類似塗鴉嘅畫、輪胎、霓虹燈等，五花八門飲品方面餐廳有大大個飲品雪櫃，除左有酒精類飲品，仲有其他手調飲品同坊間比較少見嘅Snapple果汁同Bundaberg有氣汽水。==============================馬蘇里拉芝士條 (5pcs) $58芝士條啱啱炸起，外皮脆卜卜，咬開馬蘇里拉芝士輕易做到拉絲效果，真係想嗌多份先夠分  大烤菇芝士牛肉漢堡 (套餐) $140漢堡黎到有支竹籤吉住，因為真係好好好大年漢堡呀！配料有芝士、牛肉、蕃茄、生菜，最緊要係大啡菇，大啡菇厚肉多汁，配埋牛肉嘅啖啖肉汁，冇得彈！  香脆鱈魚柳蛋漢堡 (套餐)