Burgeroom (美麗華廣場1期) (已結業)

今次第一次來吃這些美式漢堡餐廳，超驚喜！手打牛肉漢堡果然不同，我和老公都喜歡，鱈魚手指也好好味， 新鮮熱辣👍🏼👍🏼蜜糖芥茉大啡菇煙肉牛肉漢堡個人喜歡吃蜜糖芥茉醬，原來配上漢堡包和大啡菇是這樣配，大大塊非常厚肉，煎香煙肉和超厚層牛肉，口感非常多層次😆鱈魚手指配他他醬魚手指軟棉棉，新鮮炸起，配上薄薄的炸衣，非常卜卜脆！他他醬酸酸甜甜，店家的份量又大方，可以大刀闊斧地沾醬😭😭😭。雞肉沙律雞肉沙律非常大氣，雞肉大大件，細心的煎得金黃，充滿雞油香，底下的沙律有不同形式的菜，有洋蔥、蕃茄沙律菜等等，非常健康又大氣😆西柚最後簡單叫了杯西柚飲品，消消膩😁❤️酸酸甜甜，幾好飲。希望下次再來，再試試其他驚喜

話說好耐冇食burger，嗰日同朋友出尖沙咀買嘢，佢同我講美麗華Burgerroom好好味，我即刻上OpenRice check吓，嘩攞獎㗎喎，好似真係唔錯，就決定去試吓。餐廳裝修係走懷舊工廠風格，唔收加一服務費，需要去收銀自己點嘢食。我哋點左兩個午市漢堡套餐，因為加$30已經有埋直薯條同飲品，再加其他小食。餐廳上菜速度好快，唔使5分鐘飲品鮮奶綠茶同玫瑰朱古力已經到。好快飛魚子芝士薯條同香辣單骨雞翼配蜜糖芥末醬亦都到，炸嘢當然要即刻食，飛魚子芝士薯條令我非常喜出望外，因為飛魚子好多，同芝士味道好配合，薯條炸得金黃香口，我同朋友都讚不絕口， 食完一條又一條。香辣單骨雞翼亦都唔錯，炸得香脆恰到好處，而且唔會太辣，熱辣辣嘅雞翼再配埋個蜜糖芥末醬簡直不得了。軟殼蟹沙律好快都到咗，勁多菜比想像中大碟，而且隻軟殼蟹仲係原隻上嘅，軟殼蟹都炸到卜卜脆，加埋沙律菜同略酸嘅沙律醬汁食好開胃。重頭戲兩個burger終於到咗， size又係比想像之中大，餐廳非常貼心，已經將burger一分為二，同埋用牙籤拮好，我點左牛油果醬芝士牛肉漢堡，牛油果醬非常多，味道一流，完全係足本試意之作。麵包都好食，因為夠軟熟同有

終於開放番堂食, 實在太耐無食過burger啦!!即刻諗起美麗華呢間burgeroom~ 放工黎到都幾多人食~去完cashier落單就可以坐低等食!今次同男朋友叫左1款牛肉1款雞柳burger~再試左黑松露薯條~芝士蛋漢堡聽個名以為好普通? 原來係超級大個, 差唔多有15cm咁高!而且蛋係好厚~唔係普通煎蛋!牛肉依然好juicy, 連埋個蛋一齊食更加juicy~今次係第一次食黑松露薯條, 都係用上粗薯條~而且好多芝士, 好食!不過都係鐘情芝士旋風薯條~另1個係honey mustard 大啡菇煙肉漢堡~個名好長, 好多配料, 好鐘意入面大啡菇, 覺得健康d, 同埋加左一份香味!honey mustard同雞柳好夾~呢個比起牛肉果款無咁漏, like!

幾個朋友仔約左飯局。美麗華呢個地方好就腳，食完飯可以去飲埋野Burgerroom係一個好選擇佢既Burger出名大大個，可以happy share！3個女仔嗌兩個burger share 岩岩好，一人食唔晒一個。-大烤菇芝士牛肉漢堡，未影已被先食，無圖😂😂😂有大菇, 生菜, 蕃茄, 芝士。大菇牛肉都好多汁! 好足料-大烤菇雪魚柳漢堡，雪魚柳炸到脆脆，好厚肉，沙律醬，好好味-黑松露芝士薯條，芝士同黑松露味都好濃，岩晒芝士愛好者。

之前食過銅鑼灣分店，覺得佢啲burger都好大份，又抵食，所以今日喺尖沙咀再食。🥗鮮蘑菇沙律好啊先蘑菇烤得啱啱好，好多菇汁！沙律本身份量唔細亦都好新鮮！🍔鮮蘑菇牛肉漢堡蘑菇味好重，而且個量都算多，食落去好多汁水；牛肉亦都好足料，睇得出餐廳係有諗過，兩個味道好夾，濃味得嚟又唔會俾是旦一邊搶曬啲味。🍔大烤菇鱈魚柳漢堡同頭先個個比較，呢個係用咗完全唔同品種嘅蘑菇，大大舊嘅蘑菇，加上佢用烤嘅方式處理，食落亦都好有BBQ嘅風味，再加上即炸嘅鱈魚柳，香口但唔油膩，想像唔到咁夾。🍟🥤薯條&茶我地驚食唔曬之下，只係叫咗一份套餐，因為佢份薯條相當大份，食得出係即整嘅出品，而且又大又粗；茶味濃

之前喺尖咀美麗華廣場2期食過中式嘅『莆X』福建美食，跟住同朋友話下次去一期就食西式嘢。呢日同朋友喺一期行行吓買指甲油時見到好大招牌嘅『Burgeroom』，大家都話，係啦，就呢間啊，唔好諗咁多嘢啦。當然入去之前見有少少時間就Look吓openrice，見到多人推介鵝肝牛肉Burger，都好有興趣試吖，於是入去時首選係呢個，而lunch套餐就加30蚊就有薯條加飲品，相信夜晚就没有呢個優惠啦。『鵝肝牛肉漢堡包』盛惠168蚊，就咁睇個價錢有少少貴，但本身鵝肝係矜貴之物，舖頭都唔孤寒，畀一大舊煎到香氣四溢嘅鵝肝，就来接近入口即溶之感覺，並且好貼心切成二塊方便我同朋友share。另一個係『帶子漢堡包』，唔使一佰蚊，但竟然有4大粒鮮甜够味的帶子(元貝)，將嗌之前有少少擔心唔會畀太多的憂慮清除晒，好食抵食，推介。而跟餐嘅薯条亦超級好味，唔需要点點茄汁而食到真正嘅薯仔原味。

Long time no see burgeroom!!!❤️呢一年連街都好少去，更加少去餐廳食飯今日嚟到尖沙咀，揀咗一間好耐之前好鍾意食嘅burger仲係六點後就禁堂食既日子，四點幾去到一台人都冇，真係好冷清😢😢今日唔係好想食肉，所以揀咗一個鱈魚burger，再試吓鵝肝。炸鱈魚嘅質素同以前一樣好，魚嘅味道都好好食，但係鵝肝就略嫌煎得唔夠香脆，香d會再惹味d。呢度嘅飲品選擇一直都係令人覺得好吸引，花多眼亂，今次都係飲返我最鍾意嘅peach tea❤️

真係好耐都冇見朋友, 仲要約出黎食晚飯, 今年第一次。 真係令人興奮。因為真係太耐冇出外晚餐, 所以真係要食好西。我地簡左尖沙咀既Burgeroom. 大家都要試新野。 而家好似多左好多地方食burger, 真係越來越專業, 越來越大件。 剛到餐廳，好美式既設計, 好靚既餐廳。 果然係久違的晚市, 剛放工就差唔多坐滿。 而佢點菜係要客人出櫃檯自點的，都幾特別。花多眼亂, 最後我地點左: 大磨菇煙肉牛肉漢堡, 魚柳沙律, 蜜味芥末雞翼, 芝士黑松露薯條, 蜜桃冰茶同荔枝蜜茶。野食好快就到, 嘩，漢堡有隻杯咁高, 超大件，好彩只係叫一份試下先。唔止好睇，仲真係好好食, 唔怪知咁多人。 醬汁好野味，同漢堡好夾, 而漢堡都好juice. 芝士黑松露薯條好香, 但黑松露味亦唔會太搶。 蜜味芥末雞翼都非常香, 唔會好油。 而食埋好夠fresh既魚柳沙律真係好完滿, 沙律菜又好新鮮。 飲埋2杯冰茶, 今晚真係超美滿的一餐。

-••••••••••••••••••••••••••••••🍔Burgeroom(尖沙咀)📍尖沙咀彌敦道132號美麗華廣場一期2樓207號舖☎️電話:37020361⏰營業時間:11:00-00:00🧀🍔黑松露芝士大烤菇煙肉牛肉漢堡個人認為黑松露味道唔算話十分出，可能因為有芝士，同埋啡菇本身都濃味。但黑松露加芝士令到入口既時候十分濃厚，重口味既人都應該都十分滿足，但如果真係中意好重黑松露味既人就未必夠啦🙈漢堡size十分大，真係大個我塊面，牛肉好厚身，唔會好硬，好Juicy👍🏾🍯🍔蜜糖芥末大烤菇煙肉牛肉漢堡 蜜糖芥末味就温和得多啦，酸酸甜甜，唔係太辣，其他配料就都大致同黑松露果款相同，但個醬汁唔同都差好遠，食落較清新😆🥑🍟牛油果醬芝士薯條牛油果醬同芝士既份量好足，唔會話食到下面無醬點，牛油果醬加左檸檬汁，酸酸地較開胃，唔會話食落好油膩好滯，薯條都好脆，但唔知點解食落條薯條唔熱既🙈🍔🍟🍔🍟🍔🍟🍔🍟🍔🍟🍔🍟🍔🍟🍔🍟🍔🍟🍔🍟餐廳食物質素都算中上，價錢就唔好期望係麥當當價錢啦，佢個漢堡仲大過我塊面，配料都一啲都唔慳，收呢個價都好合理，如果兩個女仔食，食量唔算大既話，叫一個Burger加一個小食

慶祝生日唔一定要去高級西餐廳，今日同朋友慶生，去了Burgerroom食個奢侈的漢堡包，一樣食得好開心！餐廳樓底好高，座位非常多，坐得很舒適，朋友都喜歡。而且全日無加一服務費，雖然以食漢堡包來說價錢是貴一點，不過食完覺得質素很好，也很滿意。這裏的漢堡可加$30配成套餐，有直薯條和飲品。因為朋友看中了鵝肝鱈魚柳漢堡$168,以鵝肝來配漢堡，感覺的確奢侈！而下午茶時14:30 後有$60迷你漢堡餐，這個也很抵食，也來一個。另點這裡的招牌單骨雞翼$60,這頓生日飯夠豐富了吧？沒想過這裏正常size的漢堡是非常大個，鵝肝鱈魚柳漢堡已幫你分成兩半，最頂放著香煎厚厚的鵝肝。鵝肝入口即溶，油香在口裏迴盪，韻味悠長，水準不錯！鱈魚柳以吉列炸粉炸得非常香脆，裏面說鱈魚滑滑的又有水份；還要一讚漢堡包的包皮很鬆軟，帶點脆脆的口感，因為有輕烤過像脆多士般，真的是用心做漢堡。朋友的餐飲點了熱玫瑰朱古力，朱古力味道較淡，比較多牛奶，但飲得出很香的玫瑰味。而我的餐飲點了可樂，吃漢堡包總要有可樂才滿足。套餐有薯條和沙律，沙律醋是柚子醋， 微微酸甜味道，感覺清新舒適。直薯條大大條，炸得香脆，薯條粗身又夠粉，可以自助取番

之前朋友一直說這間漢堡店的分量很大又很好吃,所以我終於來決戰一下🤣因為價錢不貴性價比也很高,而且不需收加一服務費,朋友們的讚賞評價令我十分期待🤭環境空間寬敞舒適,設計上很有美國風格🇺🇸迷你牛肉漢堡⭐️下午茶套餐$60,包一杯飲品罐裝可樂和熱茶,漢堡細細個很可愛😍有牛肉和魚柳漢堡選擇!牛肉肉質鮮嫩多汁,加上漢堡包外皮烤得外脆內軟很好吃😋鵝肝牛肉漢堡$168⭐️漢堡包分量十分巨大🤪鵝肝加牛肉真的是絕配😋鵝肝鮮美厚實滿滿的油脂在口中分布,食半個已經很有飽足感,十分推薦👍真的一試難忘🙆‍♀️旋風薯條$30⭐️薯條炸得金黃酥脆,令人一口接一口😋荔枝冰茶$38⭐️茶味香濃荔枝甜味適中好飲😋

突然想食美式Burger，朋友就介紹左黎呢間好多好評嘅Burgerroom啦🍔餐廳裝潢同樣係美式工業風格，牆上嘅霓虹燈好靚呢。座位之間都舒服，唔會太窄Order係半自助形式，可以先係座位睇Menu，決定好食咩先再去櫃台落單，店員再會送餐比你（仲要係免加一服務費㗎）漢堡選擇十分多，分類有牛肉、雞鴨、海鮮、素食類，滿足唔同Burger控嘅喜好糾結左一陣之後，最後決定叫返個基本款～《煙肉芝士牛肉漢堡》💰$95漢堡包真係好巨型，兩個女仔叫一個係無錯㗎😂Share嚟食都好足夠啦😂牛肉漢堡扒好厚身，配上芝士同煙肉，令Burger好高身，如果想好似平時用手咁拎住嚟食就會比較狼狽啦。都係放係碟切返每個部分一啖啖食就方便啲呢～《芝士旋風薯條》💰$60旋風薯條就係薯圈嘅意思，平時食厭薯條嘅就可以試試呢個啦🍟濃農嘅芝士醬份量都多，不過就要趁熱食，芝士醬凍咗之後會凝固左㗎～環境：⭐⭐⭐味道：⭐⭐⭐⭐打卡：⭐⭐⭐服務：⭐⭐⭐回頭率：⭐⭐⭐⭐

Burger一直令我食唔厭！而且呢間比起其他有更多選擇，就算唔食牛既朋友都可以有海鮮、雞肉等等既漢堡簡！我地叫左個牛油果醬芝士烤雞柳漢堡。入面好足料，有生菜、蕃茄、芝士、雞柳好厚！仲有燒香過個面架！個醬都幾有驚喜，佢落左少少檸檬汁咁，同雞柳食又幾夾，冇咁油膩。lunch仲可以叫埋cumbo set,加30蚊有薯條又有野飲。佢既薯條係粗身，好脆！好香薯仔味。想點醬可以自己拎茄汁同埋芥末。 之後仲叫左香脆芝士雞塊，外面香脆，入面既雞肉好嫩滑！芝士係偏濃味個款，岩曬芝士迷！小食仲有烤鱈魚條配他他醬，同樣香脆，果然冇令我失望喎。野飲叫左焦糖朱古力，飲落好rich，唔係平時溝稀左既感覺！好滿足。

是日又化身burger控出動搵食。朋友介紹之下就話不如試下burgeroom。既然朋友都想試下。咁就一於去試下啦呢個係朋友叫嘅好似係炸軟殼蟹burger，我自己就無試到。但佢就話軟殼蟹炸得非常之脆。而且仲有蟹肉味添。而我自己就叫左呢個burger,內含牛肉同鵝肝。首先講牛肉。牛肉佢超厚身。而且食唔出有加過粉漿。可以話每一啖咬落去都係肉。至於鵝肝係煎過嚟，非常之香口。而且一啲都唔油。成個包可以話cp值極高。我地亦都叫左薯條同雞翼。薯條上面鋪滿香濃嘅芝士醬。令人垂涎欲滴。而雞翼都非常香口

最近四周圍都開左好多間賣美式漢堡包既餐廳，朋友於是相約我去了尖沙咀美麗華商場哩間餐廳品嚐，餐廳裝潢以美式工業風格設計，燈光微暗，感覺有點似酒吧店內以半自助形式運作，我同朋友選好食邊款包之後就到收銀處落單店員之後就會將食物運送到你坐既枱上。牛油果醬芝士牛肉漢堡(Guacamole Cheese Burger)Size比平時一般所見到的為大，包面佈滿芝麻粒，第二層就見到大大嚿牛油果，第三層就係厚厚的牛肉漢堡，加埋蕃茄、芝士同生菜就甘拎住食都拎唔隱，幸好餐廳有提供埋刀叉同手套比客人，牛肉漢堡塊牛肉咬落緊多肉汁流出，好鮮味，加埋D醬汁, 真係要小心食，如果唔係就會爆汁。朋友的大烤菇芝士牛肉漢堡 (Portobello Cheese Burger)同我果個用料差唔多，唔同既係有塊成吋厚既大啡菇，朋友第一次食，覺得塊牛肉漢堡好有肉味同多汁，店員仲幫我地預先切開兩邊，方便食用。迷你薯餅配藍莓醬，新鮮炸起，熱騰騰脆口兼配搭新穎。食到口乾乾，叫左杯奇異果汁飲食完仲可以慢慢係度同朋友仔傾計，完全唔會趕客。