Burgeroom (美麗華廣場1期) (已結業)

好耐無食BURGER, 今日同朋友黎到尖沙咀食BURGEROOM, 因為想食BURGER第一間就係諗起佢啦!!同埋佢個芝士薯條!!次次都係必叫!!佢既BURGER 選擇好多, 有普通既牛肉/雞肉/仲有素既選擇, 唔食BURGER仲有ALL DAY食架, 不過我就梗係食BURGER啦!!我叫左個軟殼蟹BURGER, 隻蟹大到突晒出黎! 仲要好脆卜卜, 配埋牛肉都幾正!入面有埋番茄同生菜, 所以食落唔會覺得好HEAVY~另外芝士薯條依然係咁好食, 因為係扭扭薯條, 仲有大量芝士醬, 2個人食其實都幾大碟!推介埋佢既小食, 炸雞翼都好好食! 全部野都係即叫即整, 所以好香口! BURGEROOM 成日都想ENCORE哈哈!!

好耐無食burger,見美麗華新開咗間幾靚嘅餐廳，睇下餐牌又唔係好貴，於是就入去試下，個環境都幾靚。呢度有個室外嘅位，對出就係諾士佛台，如果夜晚食，一定會好chill🥳🥳我哋三個人叫咗一個burger同兩個小食，本身都怕唔夠食，點知burger一嚟到，發現好大件。餐廳幫我哋切開咗一半，方便我哋進食！鵝肝鱈魚扒漢堡🍔材料勁足料，一共有六層！除左鵝肝、鱈魚扒之外，仲有番茄同菜，中和鵝肝嘅膩，鱈魚扒炸得好鬆脆，魚肉又好滑，完全做到外脆內軟！蜜糖辣雞翼🍯雞翼都係熱辣辣，雞翼配蜜糖從來都係唔會錯嘅一個配搭🤣再加上辣辣哋，令到口感同層次都更多！爆谷雞配燒烤醬睇餐牌覺得幾得意，炸到細細粒咁！呢個爆谷雞真係名符其實，炸到好似爆谷咁脆！但肉又唔會鞋，真係好好食😋

見到OpenRice咁多好評，滿心期待去試一試。食物來的時候賣相真係好呃like，但係一食就知中伏。如果大家只係想去影相呃like，當佢係食物模型，絕對推薦！但係如果真心想食好食嘅漢堡包，呢個價錢香港有好多好多好多嘅選擇，完！

呢排成日約朋友一齊去尖沙咀食飯，朋友話上次佢去呢間Burgeroom食過好好食，所以我哋就約埋今日一齊去試。呢日下午我好早就去到，所以餐廳唔需要等位，餐牌上面有好多好多款唔同特色嘅burger，而且價錢好實惠，所以我同朋友就叫咗一份burger同一份小食。首先我哋叫嗰一份鵝肝鱈魚柳漢堡真係有好大嘅驚喜，鱈魚柳炸得啱啱好，炸皮好薄而且肉多，上面嗰份鵝肝燒得外脆內軟，外邊燒到有啲焦香，超級好食！我哋仲叫咗一份爆谷雞配蜜糖燒烤醬，好鍾意佢啱啱炸好個種脆，但係入邊仲係好多肉汁，唔會好似出邊有啲舖頭咁炸到好乾身。我仲叫咗一杯蜜桃冰茶，水準唔錯。呢餐為埋兩個人都係差唔多300，我覺得係尖沙咀食到呢個質素真係好抵，下次會再嚟幫襯！

Lunch time成日會經過Burgeroom，但總有個飯腳話想食light啲，所以一直都冇機會試 🥺  今次真係忍唔住啦，認真睇menu除咗burger仲有沙律，啱嗰位成日食light啲嘅飯腳 😏 入去試吓先 ٩(ˊᗜˋ )وBurger全部即叫即做，亦有好多特色餡料選擇，除咗牛肉之外仲有鱈魚、軟殼蟹、廣島蠔、鵝肝、素肉漢堡扒等等...梗有一款啱心水♪ 出咗糧就梗係可以加多幾層 toppings 令漢堡豐富啲啦 🤤=========================🍔 Portobello Cheese Burger $110 ⭐️漢堡勁~大~個~menu嘅相reflect唔到實物有幾大個，我想挑戰一啖食哂咁多層，最後食得好論盡 😹 Patty超級厚而且生熟度啱啱好，超級juicy嘅同時牛肉味亦都非常濃郁 😚 大啡菇香濃超級多汁，但唔會一路食一路出水令麵包濕晒， 令到牛肉漢堡升level去到另一個層次 ✨麵包搽上牛油輕輕烘焗，long到牛肉肉汁又保留到鬆軟口感 👏🏼 再配上半溶芝士、生菜、番茄，所有嘢加埋好多層次好豐富，呢個combo冇得輸‼️🍔 Hoki Fish Egg Burger

一直想搵機會食啲heavy嘢滿足吓做肉食者嘅願望，依間Burgeroom出名超大份，今次就嚟試吓有幾誇張！餐廳位置比較側，未到門口已經見到個醒目嘅霓虹燈招牌，美式工業風裝修，環境寬敞，座位亦非常多，雖然預先訂位，我哋2人都只喺俾到張好細嘅2人枱，相對上比較迫，而同樣都喺2人，旁邊就留位4人枱🥲Menu選擇非常多，單單burger都有42款，仲有各款小食同沙律🥗 自助點餐形式免收加一👍🏻雙層牛肉芝士漢堡🐮🐮$145店員一拎到埋嚟，我就俾雙層牛肉震撼到，原本單層都有2cm厚，加埋各種蔬菜配料就疊到超高身，一級嘅視覺享受😍 Burger好貼心咁切開2份，用竹籤拮好，食得方便唔會出洋相之餘又可以同朋友share食👍🏻 手打牛肉非常出色，未食已經見到碟上流滿肉汁，證明非常Juicy！缺點就喺漢堡包底會浸到濕晒，影響咗整體口感同美觀😂 但不得不讚牛肉好正🤤 打打嘅關係完全唔實，成功鎖住肉汁，食落唔會鞋口，牛味非常濃郁，加上溶溶哋嘅芝士，真喺無敵牛油果醬芝士牛肉漢堡🥑$98相比起上面爆餡果款，依款份量就正常啲，單層牛肉上面塗滿濃厚幼滑嘅清淡牛油果醬，配上新鮮肉茄、生菜，層次豐富又能夠中和吓牛肉油膩

本人好鐘意食Burger, 所以試過好多間出名嘅Shop試食吾同Burger, 呢間一直想試，本來想試左CWB branch 先，但經過TST branch 就試入去，環境未有講到咁靚，可能多間左嘅膠片，比想像中迫， 啲Chair可能係主題，但望落就超舊，重點個包，無錯真係好大同高，但黎到就散開晒，放得吾好一切就飛出黎，但另外半舊我試用手攞住食就又散晒，因切同擺位都好，講到味道，我叫左多人食嘅牛油果醬芝士Burger, 芝士味道無咩特別，重要好少芝士，牛油果醬又太1pat pat吾香，都吾多，番茄又比較溶同淋，講舊牛肉先比我食咁多間之中最差，佢吾似新鮮手打牛，似Frozen左就咁整熱嗰隻，因我都超市買過但味道係醃製得勁又吾好食嘅味道，吾好食，包又係普通包，黎到吾脆，所以好失望，應該吾會再試

Burgeroom係其中一間本人幾欣賞嘅漢堡包餐廳, 幾年前食過之後就念念不忘, 今日就再去回味一下。煙肉芝士牛肉漢堡 $95賣相靚, 欣賞餐廳已預先切開兩半, 而每邊亦有長竹簽固定餡料, 方便同朋友share。肉厚身, juicy。Burger竟然加咗我鍾意嘅千島醬, 開胃之餘, 亦中和了油膩感。唯一改善地方係麵包可稍作烘烤令表面微脆和微温, 咁芝士會溶多啲, 更食得出香味。店內亦有多款小食選擇, 嗌咗直薯條, 因為芝士直薯條要多$30(個差額有啲大🥲)。薯條粗身, 外層香脆, 內裡軟綿綿👍🏻

今晚食咗啲超級增肥嘅食物！芝士旋風薯條係餐前小食，熱辣辣轉轉薯條配上芝士醬，再加上少許香草調味，非常惹味之後梗係要食漢堡啦！牛油果醬芝士牛肉漢堡漢堡好大個，係一口咬唔晒嘅size，上碟時已經切開一半用竹籤固定，層次好分明，上層同埋底層嘅包係烘過，帶點香脆，之後就係大量嘅牛油果醬，芝士同埋好厚好juicy嘅牛肉，再下面就有蕃茄生菜同埋醬汁，食完已經好飽！牛油果醬大烤菇素肉漢堡見到Menu有近期越來越流行嘅素肉(Impossible)，而且唔算多餐廳有供應，決定一試！素肉食落會有肉味，真係唔係咁易分得出係真牛肉定係素肉，唯一分別係texture有少許分別，素肉比較似肉碎而漢堡扒較實淨～大烤菇恰到好處，烤得好香而且juicy佢哋嘅漢堡真係好多選擇！下次再試吓其他！

好耐無嚟尖沙咀啦，行完Aeon同Donki之後揾下有咩好食，行下行下原來美麗華一期2樓角落有一堆餐廳，最入面有間食burger嘅room，評價好似幾好，就試下啦。叫左個burger, 薯條同雞塊，仲有杯自家製果茶。先嚟一個特量芝士牛肉漢堡加左隻蛋。超大個，一口吃不能也特量牛好厚好juicy呢！香脆雞塊配芝士醬，趁熱食超香，外脆內軟。再嚟就係黑松露芝士薯條，係呀又係芝士呀，同一款芝士配上唔同嘅食物就有唔同嘅味道成晚食左好多芝士，飲杯蜜桃冰茶就啱啱好啦。係cashier order, 之後就會送餐，唔洗加一，good!

今日突然心血來潮想食漢堡包，於是一到lunch就拉埋個同事仔一齊黎我至愛既burgeroom食。叫得係至愛點都有吸引我既地方，首先呢度既漢堡份量好大 一個男仔食其實都已經好夠飽。第二係選擇非常之多 除左一般牛之外 仲會有埋雞、素同海鮮類選擇！食牛食到悶悶地，試下海鮮都唔錯呀當日我地2人點左墨西哥辣椒芝士牛肉漢堡同特量芝士牛肉漢堡。材料好足，肉質鮮美又保持到肉汁，正第三當然係價錢 一個漢堡包再加一個set其實都係百零蚊 而且仲要係好好味既粗直薯條，同埋最重要係熱辣辣，同X記個啲無得比!最後一樣就係有得選擇alcohol飲品，冰茶 或者加小食，岩晒一罪飲杯野chill下 或者想加小小小食既食客!我當日就加左鱈魚手指，香脆可口，食唔夠喉！

Burgeroom漢堡既種類非常多😙牛肉🐮雞鴨🐓魚🐟海鮮🦀素菜🥬都有🤩🤩裝修帶一點工業風🍔🐽 鵝肝軟殼蟹漢堡🦀 ($188)超有份量既軟殼蟹🦀✨炸得好香脆👍🏻咬開有滿滿既蟹膏同鮮甜既蟹肉🤪🤪配埋上面厚實既鵝肝 好fatfat🥰•🐽 蜜糖芥末大烤啡菇煙肉雞柳漢堡🍄 ($120)大啡菇非常juicy💦雞柳肉唔會太鞋🐓有適量既蜜糖芥末醬配搭 口味更豐富🤪🐽 牛油果醬芝士薯條🍟 ($68)鐘意食牛油果一定唔可以錯過🥑夾埋芝士食 唔會太漏🤤薯條夠脆 醬既份量都好多推介既小食✌🏻

順路經過，門外有一條小長龍餐廳佈置比較型格，燈光比較暗，點點酒吧feel，檯與檯之間空位較少，出餐比較慢，可能是星期五，客人比較多嘅關係，餐廳都有點吵，都不太肯定背景播著什麼音樂，勝在服務員很有禮貌，很好。前前後後等咗半個鐘(應該漏左單)，但職員即時幫手吹仲落嚟解釋，態度好好。牛油果醬芝士雞柳漢堡終於嚟到啦，廚房都好細心將漢堡切開兩半。🍔雞排都唔錯嘅，煎到有少少焦脆，冇雪藏味，咸咸地，冇咩特別，唔會令你好驚訝。牛油果醬🥑都係正正常常。等多幾分鐘，特量芝士牛肉漢堡都到啦！🐮個包仲出緊煙！個漢堡好多汁，但唔算好重牛味🤔🤔但芝士真係爆多！啖啖都有芝士！

餐廳環境黑黑地，夠chill可以同朋友吹水，情侶撐枱腳又得。提供牛、雞、海鮮、素漢堡，適合各類人士，又有炸物小食。晚市7點左右到，已經幾乎full。叫左大烤菇芝士牛肉漢堡($110)，牛油果醬芝士雞柳漢堡($98)，芝士旋風薯條($60)，鱈魚手指配他他醬($55)，自家製菠蘿冰茶($38)。所有漢堡除加煎蛋外，會切開2份，唔鍾意切開既話落單前可以提出。漢堡超高厚身，塊牛肉漢堡同塊麵包一樣咁厚。就算拎起半份，d餡好豐富，好難夾得實，要好小心食呀。牛肉肉汁邊食邊流出黎，好重黑胡椒味，唔膩。大烤菇既口感好似食緊肉咁，感覺好似有2塊肉，帶d甜味。蕃茄少少酸，可以中和濃郁既肉味。雞柳漢堡相對上冇咁高身，但同樣大份。牛油果醬多到瀉，食到有少少少少辣味。雞柳係雞扒好厚一大塊，咬第一啖邊位，都已經食到雞肉。食到底層麵包開始吸左d肉汁，變軟左少少。旋風薯條呈圈圈咁，有別於平時食既直薯條，夠得意。炸得脆，唔熱氣。芝士半溶淋上去，過一陣食芝士就會變固體少少，但冇損味道。炸鱈魚條外皮脆口，內裏軟，配埋他他醬凍凍地，幾夾。冰茶底部有大量菠蘿肉碎，所以飲前要攪一攪勻。陣陣茶味，飲完冇咁熱氣既feel。整體，餐廳

好耐好耐無食burger... 有日放假去開尖沙咀走走，見到呢間burgeroom, 突然好想好想食哈哈 呢間美國風，裝橫不錯，有新鮮感，又有啲啲諗返上一次嘅美國旅行有好多卡位，同幾個朋友食嘢傾計，又不錯～食咗飛魚子薯條，好多好魚子同芝士！！熱哄哄脆脆嘅薯條配粒粒魚子，口感好豐富，有啲意外鵝肝牛肉漢堡都幾唔錯！軟化嘅鵝肝加芝士同好juicy嘅牛肉漢堡，每一口都好rich好邪惡！正呀香辣單骨雞翼配蜜糖芥茉醬okay! 個source幾好，酸酸地，配炸嘅單骨雞翼感覺唔會「漏」宜家有lunch set優惠，食burger加三十蚊有飲品加薯條! 好底哦！飲品有好多選擇！我同個朋友試咗match latte同rose chocolate，唔洗另外加錢，味道很不錯