Burgeroom (美麗華廣場1期) (已結業)

Burgeroom 一直都係我嘅To Eat List 入面, 因為佢有好多款burger 款式, 要牛有牛, 要素有素, 聽聞都幾高質。我記得幾年前岩岩佢第一間分店係銅鑼灣個陣開店係大排長龍嫁。今日去開尖沙咀行街，忽然burger 隱起，好好彩地１２點呢個咁早嘅lunch time 時間唔多人，我就即刻衝左入去食！牛係呢到嘅推薦好物，我就order 左一個大烤菇芝士牛肉漢堡 ($ 110)佢個size 真係大得好誇張，有我個手掌咁大。想lady D咁食都唔得，因為佢好香，又好大件，好想一啖就咁咬落去！佢肉汁好juicy，餡料有大啡菇、芝士、牛肉、蕃茄、生菜，好rich!另外，佢地都好貼心咁將個burger 切開左一半，方便你食同share。早知係咁，我朋友就應該叫第２款burger，唔應該叫牛，咁我地就可以咩都試下喇！小食:牛油果醬芝士薯條（$68)＋牛油果醬。牛油果醬入口軟綿，薯條都食得出係即炸。重芝士，好食！份量都多，食左一個完整burger就食唔曬薯條~

話說我真係好鍾意食漢堡包 同個朋友一齊去咗尖沙咀嘅burger room 食佢嘅巨型漢堡😋✨芝士旋風薯條呢一份薯條超級正 每次黎burger room都必叫既野食🐷 芝士配上炸到脆脆嘅旋風薯條 熱溶芝士又夠哂味 絕對值得叫！✨香辣單骨雞翼配蜜糖芥茉醬單骨雞翼又幾出色喎 可能本身啲雞翼大隻啦 啲單骨雞翼都係大大件件😳 蜜糖芥茉醬又酸酸甜甜解去左油膩既感覺🤓✨特量芝士牛肉漢堡上次食左正常既牛肉漢堡，覺得呢到既芝士係特別好食既～ 所以就嗌左呢個特量芝士板本，芝士好似瀑布咁流落黎 極邪惡～✨大烤菇芝士牛肉漢堡朋友就係大烤菇既fans ，兩層既漢堡超級巨型，係一口咬唔哂嘅size 🤓個菇同埋牛肉都係非常多汁同夠味，啲汁流到成咀都係😂

Burgeroom一直係我幾鍾意嘅一間漢堡店，比起連鎖「Shaxe Shaxk」及「Five Guxx」等等真係過之而無不及，人均$100-$150，貴少少，但好食好多。閒日晚上都唔少人，美麗華店裝修幾靚，環境舒適，枱凳又夠闊落，坐得非常舒適。Double Decker 雙層牛肉芝士漢堡 （$145）：漢堡非常大堆頭，適合二人分享，餐廳會預先切開，方便享用。牛肉極厚，鬆軟且Juicy多汁，味道方面，牛味濃郁突出，非常高質，漢堡包又夠香脆。另外，加左唔少芝士及千島醬，仲有蕃茄同生菜，層次相當豐富，非常好味！牛油果醬芝士焗薯條（$68）：採用我最喜愛嘅粗薯條，薯味更為突出。薯條焗得香脆，芝士份量十足，非常惹味，牛油果醬creamy得黎又夠香，兩者非常融合，幾好食。Americano 美式咖啡（$38）：採用意大利illy咖啡豆，質素絕對有保證，喜歡濃啲嘅，可以好似我咁要求加少啲水，Intensity更高，Aroma濃郁，Aftertaste更為強烈。以下係餐牌資料：

一直都好想試吓呢啲厚厚嘅burger🍔，可惜身邊嘅朋友一直都話好Heavy，唔肯陪我食😔，今日終於捉咗一個肯陪我食嘅同事一齊黎食🥳🥳Burger嘅選擇款式有很多，有牛肉、鱈魚、雞肉選擇，飲品同小食方面亦都有好多，另外午市漢堡套餐可以另加$30配直薯條同飲品，加配飲品亦都有好多選擇，雪櫃入邊嘅全部都可以揀🤩🤩我哋兩個都花多眼亂，好多款都想食🤤🤤🤤，最後決定叫左以下呢兩款burger👇牛油果醬芝士牛肉漢堡$98-大烤菇雞柳漢堡$110-我哋兩個都加咗$30配直薯條同可樂🥰另外都叫咗個小食👉鱈魚手指配他他醬牛油果醬芝士牛肉burger，牛油果醬好Creamy😍，配埋芝士牛肉漢堡一齊食，化解左好’劉’口嘅感覺👍大烤菇雞柳漢堡，塊雞扒絕不取巧，好厚身，亦都好嫰滑😋，就算放咗喺度15分鐘先食，塊雞扒都仲暖㗎😆鱈魚手指配他他醬，個醬汁有少少酸酸地，我好鍾意，就算食完burger已經飽飽地，食呢個小食都好開胃，鱈魚炸到外皮卜卜脆，但係入邊好滑，好好味😚😚上菜嘅速度唔算耐，唔使等好耐已經有嘢食😍😍座位亦坐得舒服，佈置好特別🤗🤗👨👩今日Staff人數只有2位，但係都好有禮貌，解答問題亦很清楚👍👍我哋兩個食

好耐無食過Burgeroom了，以前讀書時期經常吃的，現在再吃依家是記憶中的味道。🔸鵝肝牛肉漢堡鵝肝非常飽滿大塊，而且無煎到過熟。牛肉漢堡同樣是厚實Juicy，一吃落去啖啖肉。鵝肝和漢堡非常夾，配上醬汁和用牛肉烘熱的麵包，非常好吃。🔸鮮蘑菇牛肉漢堡牛肉漢堡同樣是厚實Juicy，一般同一間店出品沒太大分別，蘑菇炒過後非常香而且軟軟的，個人覺得好吃。🔸黑松露薯條黑松露味道不算突出，但整體還是好吃的。薯條不是厚切款式，不過炸得香脆可口。個人建議醬汁可以另上，雖然外觀上可能比較不美觀，但份量可以較易控製和平均。整體漢堡包出色，而且份量大，可以一試。

秋意涼涼的～天氣溫度剛剛好～不太熱也不太冷～這天天氣可以坐外面平台呢～這家餐廳在美麗華商場，剛好坐室外可以看到整個諾士佛台～看著樓下的人玩骰盅，都幾過癮😂但坐外面要在餐廳裏面先點餐才可以出去坐，職員就會稍後送上食物。我點了田園沙律、蜜辣雞翼、雙鵝肝鱈魚漢堡🤟🏻每一碟都好有份量！我們兩個女生share一個漢堡都夠食！因為真係好大碟😆

入到黎，好有工業味道風格！霓虹燈，車輪，鐵管。地方大同座位寬敞，整體來講好舒服。店員都好好客熱情，為我介紹有咩主打菜式！餐廳當然主打係漢堡啦！肉類主要分左牛肉，雞鴨肉，海鮮，仲有素食添！當然我鍾意牛肉漢堡啦，於是叫左雙層牛肉芝士漢堡再追加菠蘿。一上枱，好大舊，手掌咁大，比巨無霸更霸熱辣辣出晒煙，落足晒所有料牛肉漢堡好厚身，啲汁多到流晒出黎，配埋洋蔥蕃茄菠蘿，鮮甜香濃，芝士溶到拉絲咁樣，一大啖咬落去，勁fresh勁好食！芝士薯條一樣新鮮炸起，撈埋啲蓉蓉芝士，薯條厚身，咬落去好粉，非常之好食！Orion 大杯啤酒漢堡飽配啤酒簡直一流，同樣勁大杯，飲落去好香小麥味，唔會太甜，好飲！整體來講，餐廳體驗好好

喺美麗華見到呢一間招牌打直嘅招牌，不得不承認佢吸引了我的眼球，店如其名，以Burger為主打，裝修設計別具風格。Burger嘅種類亦都有好多選擇,甚至連素食者都照顧周到，價錢相對地都合理。點餐需要自行去收銀處操作，但食物新鮮製作完畢就有侍應奉上。芝士直薯條～坊間嘅芝士醬我都好快已經「鯨」咗，但呢個芝士醬，除咗味道香濃之外，亦都可以保持流質直至用膳完畢。荔枝冰茶～食漢堡最緊要有凍飲，但唔想太邪惡，所以點左茶去油，味道亦不錯👍🏻軟殼蟹漢堡～軟殼蟹尺寸非常巨！兩隻蟹鉗已經放唔入落個包度，一上菜嘅時候，感到氣勢非同小可！墨西哥辣椒芝士雞柳～雞柳非常多汁，而且配菜都非常新鮮，每一種都食得出鮮度，當中辣味只係微微的辣，非常開胃。每款包都會細心地切開一半先給客人，解決咗無從入手嘅問題，而且包有烘過，非常香口，口感一流~

自從個Fd實習之後就好少見到佢～終於可以將喺尖沙咀食個飯🤣🤣間嘢喺英麗華，唔算好難搵首先叫咗個黑松露薯條頂下肚先！佢用嘅係粗薯來而且都炸得幾趣，入面嘅黑松露醬都好足夠！另外仲配埋茄汁咁你想咩口味都得啦隔離嗰杯係普通Iced tea不過不失啦嚟到呢度重點梗係漢堡包呢個魚柳真係有驚喜 又大塊又厚身入面又軟熟～真係外脆內院而且個包真材實料口感好好由於係叫大啡菇魚柳嘅關係所以個包好似特別有口感！啡菇大塊Juicy,☺️☺️☺️滿足朋友就叫牛柳炒蛋漢堡，一邊睇佢切開入邊流晒口水！同樣個包又係烘得脆身，炒蛋軟滑～牛柳就啱啱熟～ 睇相都知道充滿肉汁🥺🥺🥺睇返相就再想食多次

芝士牛肉漢堡難食到嘔，完全無牛味！！！！！得個賣相好睇劣質！！！！！！後生個個職員態度差，黑口黑面！好似我欠佢甘！千祈吾好去！！！！！！個漢堡一上枱，食左15分鐘果斷走人！！！！！以後都吾會再去呢間垃圾舖頭🤮🤮🤮🤮

經訂座平台 訂左2位去食晏，約左3點3，食物質素唔係差既，帶位姐姐經確定2位後入坐，然後佢話會update個記錄，但最終換黎話我缺席，唔係想要個優惠，而係會影響我個人紀錄，食飯收據又唔係俾信用咭，會唔會留到第二日呀

有朋友生日去咗一間食漢堡，好好食，好大個漢堡，而且牛肉好正好有牛味，炸魚柳好脆👍👍唔多粉去炸，但D座位比較逼，所以出入比較麻煩要就一就！呢餐食完都好飽同滿足

超級極度嬲既食野經驗，晚上8點09分叫餐，首先黎既係唔好食既薯條，已經又唔係熱辣辣，味道又唔好食，非常一般既薯條，間餐廳重點係 burger加fried...但咁既質數竟然可以吸到咁多好評真係好令人懷疑。。個重點黎啦，8點09分叫餐，過30分鐘都未黎個burger, 兩個人黎食，一個burger過左30幾分鐘黎左， 見枱枱都願意“等”所以以為係咁遲，到45分鐘都未黎既時侯真係忍唔住要問佢，一問就知出事，另外個留左單。。。等左差唔多成粒鐘，黎到又唔係好食，好似係好投其咁整舊野出黎。。。食個又唔係好食既burger仲要等一粒鐘，痴線。好忟既經驗，以後都唔會再幫親。。好低能

呢期頻頻打風落雨，搞到個人都無咩食欲，放工決定食啲heavy啲，就係burgers喇成日經過美麗華都見到burgeroom呢間嘢，從來都只係經過，今日就入去試下成闁餐廳都走American style, 似係外國版的快餐店咁，menu都好簡單，主要都係burgers 同埋小食，仲有salads同飲品我哋二人同人，一人叫咗一個burger，要咗兩份小食，同嘢飲墨西哥醬牛肉漢堡: 超大一個burger, 入面有芝士生菜蕃茄酸瓜配墨西哥醬汁，牛肉漢堡好厚，依然keep到juicy，所有配料都算新鮮，稍為遜色的係個包本身，有啲偏硬，似係就咁入貨嘉X牛油果牛肉漢堡: 配料有芝士生菜蕃茄配牛油果醬，牛油果醬唔夠香，有少少偏酸，包本身太硬單骨脆香雞翼: 勁似M記味道，好味的，食得又方便薯條:勝在熱辣辣送上，好香脆，唔錯

星期四放工諗住尖沙咀食下野，行行下見到burgeroom，發現呢間一直好想食但又唔想排隊，見今日唔洗排隊，就去試試佢。一入到去個環境都幾舒服，啲燈唔會太暗，間餐廳唔會太靜太嘈，都幾岩坐無係到嘆包傾計。今日叫咗兩個burger同兩杯茶，個冰茶就無咩特別，但個burger 就有驚喜。鵝肝牛肉漢堡一黎到已經見到大大個，好吸引，呢個價值食呢個份量係好抵食。食落個鵝肝真係無得輸，超級爆好食，雖然係有啲膩，但真係真心推介一定要試個鵝肝！！！個牛肉就幾juicy，成個配搭總括而言係好食，我都會再試。大烤菇雞柳漢堡試咗個鵝肝漢堡對佢其實都有期待，但坦白講除咗個大啡菇好食，成個包真係無咩特別，個雞又唔係話好juicy，只係不過不失。