Burgeroom (美麗華廣場1期) (已結業)

星期四放工諗住尖沙咀食下野，行行下見到burgeroom，發現呢間一直好想食但又唔想排隊，見今日唔洗排隊，就去試試佢。一入到去個環境都幾舒服，啲燈唔會太暗，間餐廳唔會太靜太嘈，都幾岩坐無係到嘆包傾計。今日叫咗兩個burger同兩杯茶，個冰茶就無咩特別，但個burger 就有驚喜。鵝肝牛肉漢堡一黎到已經見到大大個，好吸引，呢個價值食呢個份量係好抵食。食落個鵝肝真係無得輸，超級爆好食，雖然係有啲膩，但真係真心推介一定要試個鵝肝！！！個牛肉就幾juicy，成個配搭總括而言係好食，我都會再試。大烤菇雞柳漢堡試咗個鵝肝漢堡對佢其實都有期待，但坦白講除咗個大啡菇好食，成個包真係無咩特別，個雞又唔係話好juicy，只係不過不失。