8度餐廳

朋友介紹，所以今晚去試了。可能是希望越大，失望越大！長脚蟹不新鮮，肉散。海螺小，不新鮮。蠔有兩款， 一款很細但還好， 另外一款很粉 ，難吃。 羊架很老。 牛扒也是很老。Jelly是很基本的，但也不夠凍，很意外。 主打的拿破崙蛋糕，也只是 一般般，可能是吃開Tony Wong 或 帝苑的原因。  大喜屋味道好D

今年舅父仔的慶生宴，就依他的意思，在這裡吃了一頓豐富的lunch buffet....來這兒不為甚麼，目的就是要大嗒這裡的名物 ---- Mango napoleon....正常人吃自助餐的習慣通常是先吃沙律及海鮮冷盤，之後到熱食，最後來個甜品作終結。但這一次我卻來個反傳統，甫一出去便拿了這個店自慢甜食回位慢慢嘆....這一件被甜食達人舅父仔大讚的拿破崙，酥皮輕盈鬆化牛油味足；舖面的芒果粒更是少有地又甜又香且一點酸味也不存在。真想不到在一所不是五星級數的酒店餅房，也可做出五星質素的出品來....事實上其餘的甜品亦做得不錯，好像這個份量件頭驚人的維也納香蕉卷....看上去還以為是用來慶賀聖誕來臨的log cake，其內頭塞滿了熟透甜得如漏糖的香蕉，包裏著蕉粒的海綿蛋糕綿滑甜度濃；外層則舖有一層層，甘苦兼備的朱古力漿及sponge cake，層次口味豐富夠晒rich。食一件，當堂肚子就飽了一大截；另外marble cheesecake也做得不俗，芝味濃滑之外餅底也處理得紥實....相形之下，其他的菜式就失色了....冷盤沒吃多少，就只吃了兩只蝦，沙律菜倒是食了許多。前者不算特別新鮮，肉帶點

媽媽喜歡自助餐，是次找了很少踏足的土瓜灣區酒店自助餐自助餐食物區不是很大，區域分得很清楚，各區小小的分佈著，食物種類也算是多元化先來生蠔，是晚生蠔有兩款，每次可取2只，但服務員沒有說是那種生蠔，沒關係，好吃就行。生蠔屬於中至小型的，別看小小的其實也是不錯，味道雖不是濃濃蠔味，但也鮮甜，半打也不是難事。再來是刺身，刺身也有6、7款，當晚比較出色的是油甘魚，其他中規中矩。壽司也試了其中一款火灸三文魚，火灸後一般會肥美一點，但這裡卻沒有肥美感突然一批食客走到燒牛肉區域排隊，原來是推出鵝肝，幸運地拿到最後一客，但其實不用擔心，鵝肝是會推出好幾次的。鵝肝可以再煎得乾脆一點，現在有點油油，加上配鵝肝的包是沒有烤過的法包，吃上去整個都是軟軟的，其實可以做得更好。再來是海鮮冷盤，每樣也試了一些，蝦是特別鮮甜，蟹腳略厭肉不夠包滿，但味道鮮甜，沒有雪藏或過咸味，其他冷盤可以一試沙律吧中最愛是蘋果沙律，調味剛剛好，是吃過的蘋果沙律味道最合我心水的。芝士也是要讚的來到每位客人的半邊龍蝦，波士頓龍蝦不是我杯茶，是肉滿滿的，龍蝦味不濃，喜歡的應會喜歡吧。熟食就各樣吃了一點，味道挺不錯，串燒不夠熱騰騰，燒肉好吃，但

今年儍爸生日儍媽訂了個芒果拿破侖作生日蛋糕香甜的芒果是全家都愛的水果加上之前在海逸酒店食自助餐的時候嚐過一直對它們的芒果拿破侖念念不忙 ...而且 4 日前在酒店官網 e-shop 預訂仲有 85 折優惠咁著數就訂它喇 !!!一層層薄脆夾著香滑吉士忌廉，外層披上杏仁片再加上面層大大塊的呂宋芒果的芒果拿破侖入口香脆鬆化，酸甜開胃 ... 不只壽星公，全家都滿意呢 !!!不過，香脆鬆化的拿破侖一定要即日 KO 它 !!!留過夜會變軟不好食的 ...** 以上分享是以我的口味、喜好和情況作出分享及感受，一試 / 合用與否請自行決定

我本來已經唔係一個挑食既人，但係我都估唔到要寫食譜寫佢，食物質素愈黎愈差，味道大不如前，仲要服務又差，切燒牛肉既師傅唔想做或者唔憂做可以唔做，我比成差唔多5舊水黎到仲要比你西面，真係比錢買難受......以後請我都唔再黎......凍海鮮淡而無味，生蠔又係無味真係連些少海水味都無哥下先恐怖，熱盤質素仲衰過到匯，得個咸字，送既哥半隻龍蝦揀直食唔食都罷又腥又無用，好似受幅射加飢餓過到咁.......甜品本應該最有信心，點知又係一個騙局，拿破崙唔酥，唔脆，芒果唔當做本應該可以原諒，但係淡到味都無都真係不得了......一句話，請我都唔再黎！！！！！

最近8度餐廳既半自助午餐做緊優惠，有限定7折，計哂實收$166.4一位。而今日我本身有book到台，所以好快就已經可以入座。今日唔算太多人，環境都算舒適。半自助午餐包左自助沙律、Main Course 一款、自助甜品及自助咖啡或茶。職員會同你落左個Main Course先，之後就自助出去拎野食啦。我拎左沙律先，沙律款式有3-4樣，有蕃茄、薯仔沙律、蘋果沙律、沙律菜等等。上Main Course前，會上左餐包先，餐包食落去都比較軟熟，另一個就比較脆。Main Course點左燒特級牛肉，5成熟，賣相都唔錯。慢慢切開，厚度唔算太好，因為叫左5成熟，唔會太老，都好易切開，不過就有少少筋，食落去有少少血水，但無咩牛肉味道。最後到甜品，甜品最好食係芒果拿破崙、雲石芝士蛋糕佢既層次好好，而且切開唔會一層層散開。另外，Bar台出面都有3-4款水果選擇，例如：大樹菠蘿、西瓜、蜜瓜、火龍果。飲品就得茶或者咖啡，無咩選擇。

朋友介紹，知道百零蚊就食到酒店high tea,就即管一試（反正再差既酒店綠茶下午茶都試過）。地點位於本人極少會去既土瓜灣，酒店職員教路，喺先達搭前往「土瓜灣」既紅Van就可以去到，都未至於很「山卡啦」。可能真係抱住「好又百零蚊，唔好都係百零蚊」既想法，當high tea set送上時，視覺感受良好，是次同一班姐妹去食下午茶，有幸「綠茶」同「芒果」兩個set都試到！以價錢來計，兩個set都性價比，個人認為「芒果」set味道較突出，尢其是酒店最拿手既「芒果拿破輪」，果然無令人失望！唯一美中不足的是，飲品方面職員無提供選擇，只奉上「芒果茶」，明明我同姐妹們「綠茶」同「芒果」set都有幫襯...總括而言，哩次「百零蚊酒店high tea」...無伏！

我們一行有十幾人一齊去呢間百度酒店度食buffet我不是第一次去， 點解我要再嚟就係因為之前嘅服務態度加埋食材新鮮感覺非常良好， 時間 半年 員工同之前已經唔同了， 今次的員工跟之前完全不同服務態度極差。安排坐的位置 亦都很差很 逼夾， 跟他們反應他們又處理但是都沒有幫我們解決方法， 最終都是不歡而散的離開， 我只是吃了一轉已經不想再吃因為感覺很不開心 從今以後永遠不會去這裏 幫襯我亦都會叫我的朋友不會再幫襯， 其實食材 都還可以但是服務態度 極之差

其實食開8度都有四年，初初食好有驚喜，食物質素高，服務好，所以一直keep住去，無論家庭聚會或同事聚餐，今日隔咗半年再去，已經冇乜人食，原來……食物質素強差人意，蝦無蝦味，蟹腳肉痗又散，蒸魚蒸太熟肉好鞋，生蠔細隻冇乜味，刺身勁腥唔新鮮，侍應自己吹水大聲講大聲笑，無乜人執碟等勁耐，出餸又慢好似配給制，食唔夠一個鐘仲催我埋單，原因怕一陣多人埋單會好忙，好似驚我無錢俾咁，最後個半鐘失望離場，真係今時唔同往日，從來無食過咁差嘅自助餐……衰過大陸二線城巿酒店自助餐，勁失望，無下次！可以black list……

早喺兩星期前已訂位，生日有半價折扣優惠， 所以唔使等候可以直接入座，我哋由六點食到九點半，期間不斷推出食物，沒有缺貨的情況， 但部分食品的質素需要改善，例如西瓜雪得太耐，西瓜肉都爛了，生蠔方面有兩種，一種是法國蠔，一種是美國蠔，我們知道法國蠔的性價比遠高於美國蠔，所以每次都要求廚師畀法國蠔我地(每次限取兩隻)， 最後供不應求，只剩大量美國蠔，而法國蠔早就缺貨了， 這個也是需要改善的地方，另外真心推介雪糕窩夫和格仔餅都很好吃，還有芒果拿破崙好足料。題外話:未到八點已經叫你埋單，這個都不是問題，到大約八點半，店員就跟我們說，電腦帳單出現問題，因為當日用餐是星期五 ，應當假日計算，但他們電腦出錯計了閒日，所以要我們補回差額大約200蚊，我地覺得不合理但無奈都係要補回差額，因為我地還在用餐， 餐廳才能收回我們差價，那其他走了的客人呢?怎樣收回他們的差額?這個是我覺得餐廳處理得十分有問題。另外沒有燒腩仔提供，整晚等候都唔見。

星期日自助午餐，食材一般味道一般，其實係好多食物都無味，最差係魚生，尤魚腥完全食唔到。 全場最好係甜點，師傅做得出色，一讚！最差就係佢話有85 折，我睇到openrice話可以儲亞洲萬里通，於是我比左資料佢，啲分佢就同我入左，但係入錯分，佢計少左，仲要我自己聯絡萬里通，因為我儲分所以要我比原價佢，一啲折都無，你話儲分無折唔緊要，但應該要話比客人知，呢點係非常差，其實我已經食過好多間亦儲過好多，佢係唯一一間冇通知，冇解釋，入錯分食店，令人非常難忘。 想讃一下一位中年收碟女士應，她很好，亦最忙，只有她走來走去收碟，倒水！其他黑衣男連叫左佢「幾次」埋單明明望到都吾理，我仲以為自己去左茶餐室

每次想食自助餐，都有朋友叫我試8度，話又抵又好食。不過可能地點唔太方便，所以咁耐以黎都冇試過。今次同朋友慶祝，冇咩諗頭就決定試下。佢晚餐自助餐冇分時段，6:00-9:30。六點放工既我book左7點，不過都有d驚遲，好在有15分鐘留枱入到去8度酒店唔洗搭𨋢，地下就係8度餐廳今次自助餐既主題係「仲夏海鮮自助晚餐」坐定定之後服務員每人派左張龍蝦券，中意幾時就幾時去攞黎食首先我就攞左野飲先有橙汁蘋果汁(果汁先生)檸檬茶咖啡好多選擇之後當然要食海鮮！有好多選擇，青口，蝦，螺，長腳蟹。d生蠔都幾新鮮，每人每次限攞兩隻，好鮮味，size都唔算好細之後當然要食刺身，有墨魚甜蝦呑拿魚三文魚蟹柳蛋，都幾鮮味熱盤都算多，印度🇮🇳薄餅又有，中式叉燒油雞炒飯又有，西式牛尾羊架串燒都有龍蝦就不過不失，不太新鮮最後到甜品！朋友話一定要試芒果拿破侖！嘩！吾太甜，比例岩岩好其餘既都好好味另外雪糕都有好幾款，dryers,哈根達斯同雪條我就揀左呢隻新味正！總括黎講都真係幾正價錢折實$440一個，有咁多野食又真係性價比幾高，下次要再黎！

呢8度應該係我個gag太爛 =P土瓜灣除左有牛棚、工業區之前都未唔知原來呢到開左間酒店咁岩呢日過開黎影相入去試下佢個自助餐餐廳呢期夏天做緊海鮮主題仲有唔少熱食都加左生果入去香橙、菠蘿、火龍果...可以清下熱同開胃D不過都係生蠔同龍蝦最吸引 <3<3蒸波士頓龍蝦每人限半隻埋到去師傳岩岩加緊見到龍蝦下面加左熱石咁蒸住即叫師傳即場幫手處理埋幫你敲碎個殼，方便你食(nice)生蠔方面都係即開，有Fine de Claire 同 Pacific Oysters Totten Inlet師傅開完會放好左一份兩隻俾你食完生蠔同龍蝦去左睇下有咩前菜除左煌三文魚、一般cold cut仲有個好得意既煙魚柳開初以為有人放錯牌，心諗以為係火雞食入口真係魚柳，仲要個煙燻味幾香另外，有個燒肉都好正睇住師傳切個陣已經見到三層肉中間夾住兩層脂肪仲有脆脆既燒肉皮入口有少少豬油咁香同D肉一切，一啖食入口肥，但正另外，呢到個大廚整甜品有一手款多得黎，好好食有兩個一定要食：芒果拿破侖、維也納香蕉卷想食芒果拿破侖真係要手快每次一出就好快被人羅晒不過羅左之後要放一放先因為咁樣食入口個陣個吉士醬會香D、甜D(放一陣

之前跟好友相約到牛棚邊行邊拍照，然後想起上一次吃芒果拿破崙吃到停不了口的8度海逸酒店，就決定當天晚上要來8度海逸酒店再重新感受一次吃芒果拿破崙吃到停不了口的感覺。對於星期日會爆滿的餐廳，我們在當日前一個星期已經預約好位子啦。 一行八人來到這邊，發現……原來這陣子推出了「仲夏海鮮自助晚餐」，顧名思義，今次可以吃海鮮吃到夠啦。除了冰鎮海鮮、即開生蠔以外，還有不少以海鮮入饌的熱食。 先跟大家分享這個即蒸波士頓龍蝦，一人有半隻，為喜歡海鮮的我增添滿足的感覺。看著一隻又一隻的龍蝦被放在蒸盒以內，待上十分鐘之後就可以排隊取龍蝦啦，沒記錯是每位會有半隻，但已經很滿足啦。龍蝦新鮮出爐，熱辣辣的，食落啖啖肉，而且相當多膏，吃半隻已經相當滿足呢。 避風塘炒皇后蟹相當吸引，香口惹味且啖啖肉，叫人回味。 椒鹽荷蘭龍脷柳外面煎到金黃香口，龍脷柳中間部分既嫩滑且多汁，而且食落還有點點彈牙，讓人停不了口地吃。 火龍果雜椒炒蝦球是蠻特別的，還沒有試過以火龍果炒的菜式呢。火龍果比起平日更為清淡，可以加上蝦球一同食用以後，反而更顯清新呢。 還有這個羊架，不能不吃的說。羊味相當香濃，略帶羶味，中間部分相當J

土瓜灣8度海逸酒店的「8度餐廳」，自從第一次光顧，試過它的美味甜品之後，久不久便會心思思想再次幫襯。近日它又推出了新的主題自助餐，由7月1日至9月30日供應，以「仲夏海鮮自助晚餐」為主題，主打海鮮菜式。此外，多款以時令蔬果入饌的菜式，也是重點推介。這自助晚餐的其中一個亮點是每位半隻的「即蒸生猛龍蝦」，爆膏的龍蝦，鮮甜彈牙的龍蝦肉，教人難以忘記。這夜我與友人們把多隻龍蝦擺放於一起拍照，更是蔚為壯觀。而當然，新鮮即開的 Fine De Claire 與 Pacific生蠔，也是必吃之選。 海鮮熱盤方面，「泰國香草大頭蝦」惹味香濃，「香煎龍利柳」香軟嫩滑，「辣酒煮花螺」辣得好味，「菠蘿炒牛柳粒」與「火龍果雜椒炒蝦球」，也是不錯的選擇。 都已來過這麼多次了，基本的刺身、壽司、凍海鮮、沙律等就不說了，不過這兒的甜品實在出色，可是不得不說。 敢說在全港稱得上數一數二的「芒果拿破侖」是必吃的。我的至愛之選「冧酒批」、「維也納香蕉卷」與「鮮果白酒果凍」當然也絕不能錯過。此外，「藍莓忌廉蛋糕」、「香橙雪芳蛋糕」、「紐約芝士蛋糕」、「芒果慕絲蛋糕」等也有不錯的質素。 不過還有一樣甜品是不