8度餐廳

自從喺美酒會食過芒果拿破崙之後就念念不忘， 今次專程為咗芒果拿破崙來呢度食自助餐。好多人都成日講呢一間呢自助餐唔錯，午餐都會有蠔食，我更一度懷疑，但係今日證實咗佢哋冇講錯。今日係復活節，所以有賓尼兔蛋糕，雖然成個朱古力蛋糕，但朱古力好香，唔膩。甜品款式都好多，中西葡都有，樣樣皆精。一坐低，我就即刻去攞芒果拿破崙食， 芒果拿破崙真係好脆口，芒果鮮甜，食完心郁郁又想攞第二件， 期間我留意到 refill起碼有五次以上， 啲人最少攞兩件。蛋白梳乎厘唔會有酒味，但係個質感好軟綿綿， 有啲甜味，士多啤梨藍莓同埋紅莓都係新鮮和清甜。生蠔雖然唔係有個廚師喺度即開俾你，不過蠔都係新鮮，海水味比較淡啲，但係每一次出好快就冇曬。紅蘿蔔淮山豬骨湯，望落去個色好淡，但飲落去唔覺得有味精。冬陰功湯麵，我冇要任何材料，只係好簡單要一碗米粉，但冬陰功湯個味道好啱我口味。魚生都幾新鮮。即製班戟，簡簡單單一塊班戟，又熱又香口， 個廚師好好，仲話俾我知等兩分鐘，先至返嚟攞，等我有時間去攞其他。有好多款食物出咗第一次就可能冇第二次，例如班尼迪蛋會變成咗炒蛋，小籠包變成咗粉果… 自助飲品區，咖啡，茶或果汁。仲有炒飯，焗意粉，

早前介紹過北角一間CP值很高的酒店自助餐，今次就過番九龍區，睇下同樣抵食的buffet。說的是同系酒店，位於土瓜灣的八度海逸。或者土瓜灣對某些朋友來說，是非常隔涉的地方，但酒店有免費穿梭巴士，直達尖沙咀及紅磡，會唔會是加分點?     今期主題，係味遊國際海鮮。事不宜遲，由凍海鮮開始講起，翡翠螺、青口、蟹腳等齊全，最搶手的當然是開邊波士頓龍蝦，都幾多羔的。另一受大眾歡迎之項目，唔使問都知係即開生蠔。來自美國的佳麗，身形龐大，肉質爽口。除了Cold Cut之外，冷盤還有幾款蠻吸引的，包括泰式無骨鳳爪，及螺肉。前者辣勁十足，個人中意螺肉的口感。邪惡的東西從來美味，香煎鵝肝，夠厚身，甘香豐腴，不過去到我呢個年紀，真的一件好了。燒烤食品，每樣也來點吧！大蝦會比較合心。熱食中規中矩，其中以燒羊架較為出色，各式咖喱也交足功課。吃幾件燒味後，便要挑戰甜品了。油雞與燒鴨，同埋斬大舊叉燒。甜品一向是這裡的強項，首推當然是芒果拿破崙，值得為此專程而來。濃郁的朱古力車厘子蛋糕也是百吃不厭，重口味的朋友不要錯過雲石芝士蛋糕。仲有，即製窩夫亦是必試之選。食多兩杯雪糕，爆肚而回...

以往第一次8度海逸酒店大堂獨特的傾斜設計真今我印象深刻，而大廚的藝術天份更讓我目不暇給！前年的可愛財神記憶猶新，今年這兔仔竟亦是出自大廚的創作，真讓我這個丁點藝術天份也沒有的人敬佩萬分！ 今趟在8度餐廳吃味遊國際海鮮自助晚餐！由即日起至6月30日供應，價錢為星期一至四＄478/位、長者＄408/位、小童＄338/位，星期五至日、公眾假期及前夕＄508/位、長者＄458/位、＄388/位，記住去E Shop訂座可享最高8折優惠真心抵食到飛起！內裡還有復活節、母親節的不少餐飲優惠有興趣的要快訂喔！甫進門口右面是飲品供應位置只須另加＄48/位，便可以有橙汁，蘋果汁和雪碧、茶和咖啡無限任飲，喜歡喝紅白酒的亦只加＄88，另加＄118更可以All You Can Drink呢！ 這個甜品Corner從來都是那麼吸引！放著各式各樣的精彩美味甜點和蛋糕。大家記住記住記住來吃自助餐一定要吃這兒招牌芒果拿破崙，接下來有粉嫩的玫瑰蛋白蛋糕、色澤美艷的薰衣草芝士餅、充滿童年回憶的啫喱糖，還有小碟上軟淋的芒果雪莓娘及桂花糕配紅棗蓉。而原個蛋糕有經典的雲石芝士蛋糕、富春日氣息的櫻花芝士忌廉蛋糕、我好喜歡的椰奶

環境唔錯，比想像中好，用OPENRICE 後，閑日$440一位，服務好，每個侍應都有禮貌。地方唔算大，但冷熱盤選擇都算多，首推燉湯，連平日唔飲住家湯的細佬都飲左2次🤣🤣🤣🤣。

用open rice 訂座twining mango afternoon tea 有65折很抵食，服務員很好人，不過要在pool bar一間大約三四百呎房裡面享用這個afternoon tea有點怪怪的，如果冇下雨，露天枱應該會好些，此外，希望可以比客人改點咖啡（明白Twining tea主題，但多個選擇較好），總括而言，有65折會經常到訪，如果冇折就不會再來

價錢合理，野食都算多款，雖然鵝肝同湯都要等好耐，但好食點都要等。生蠔排隊唔算耐，好新鮮，大細適中，我食唔慣大蠔就非常岩食。燒牛肉就一定要食，唔太洗排隊都可以食好多轉。最後甜品選擇多，雪糕多款、又可以自助整甜品。

估吾到土瓜灣都有自助餐食，原本諗住呀女生日近近地搵是但一間自助餐食，竟然有齊生蠔俄肝同埋龍蝦，湯有3款，當中我最鐘意佛跳牆，裡面有鮑魚仔同响螺頭系到！甜品更加意外地滿意，款式多 口味不會太甜到埋單時見到值錢仲好滿意，大約450蚊一位 非常抵食，值得再食由於我仲有個小朋友，食食下我要餵人奶 ，咁我當然出去問有無哺乳室啦，佢地話無，但會預備間房比我餵，跟佢地員工上左間房，員工仲好細心幫我調教冷氣怕我怕冷親，非常細心

以一間閒日只需要 Hkd478/位加一嘅酒店 buffet黎講，哩度性價比算高。至少應該有嘅佢地都有。好似即開生蠔，鵝肝多士，魚生，蟹腳，龍蝦同非常有誠意嘅佛跳牆👍熱盤同甜品選擇亦吾算少，至於質素同味道就吾係話好突出，可以話中規中距啦。我覺得如果要求吾係好高又鐘意食蠔嘅都可以試下，宜家吾係間間 buffet有提供生蠔，雖然佢地 d生蠔比較瘦但尚算新鮮。至於佢地嘅地方吾大，所以枱同枱之間嘅距離有 d窄，拎完野食行番埋位都有d論盡。不過，佢地嘅侍應們都好好，會好主動問我洗吾洗幫手，同大部份都好有禮貌，服務吾錯推介：1.芒果拿破崙，芒果鮮甜👍👍👍👍2.佛跳牆，足料好飲👍👍👍👍

見價錢平又有生蠔食就去試吓。地點喺土瓜灣傲雲峰隔離，酒店有免費shuttle bus喺九龍區上車，但要睇清楚時間表，因為班次唔太密。自助餐區同用餐區距離好近，攞野食好方便。侍應整體嚟講態度都好，但係應該係part time，因為佢哋連洗手間同table number都搞唔清，不過都helpful嘅。自助餐區嘅木頭廚師們全部毫無表情，拍得住d機械人。戲玉嚟喇，當晚唔知係咪員工大優惠，有好幾枱客都係佢哋staffs d朋友。點解咁講？佢哋只需安坐座位就自動有waiter送上肥美生蠔，街客就要排隊自己攞，仲要d生蠔係發育唔健全，瘦到一個點。另外仲有大大杯鮮榨橙汁，作為街客嘅我就自己去拎d濃縮橙汁溝出嚟嘅糖水啦。老實講，邊行都會有呢d情況，但作為大集團管理嘅酒店，都唔好比其他客見到啦。果汁仲有蘋果汁揀，好飲過糖水橙汁嘅，當晚仲有雪碧提供，不另收費，咖啡同茶都係自助形式任飲。食物選擇一般多，有壽司刺身。生蠔有兩款選擇，湯有中、西式同佛跳牆，用料幾足。仲有等到天光先有嘅鵝肝，手快有手慢冇，如果唔係又要等下一round。仲有蒸蟹腳，都幾大隻。頭盤熟食嘅味道係唔錯嘅，甜品選擇都幾多，主要係cake為主

再次來到這裏食自助晚餐，首先這裏的侍應多數是上了年紀的"姐姐"，她們服務態度好好，好細心幫我地套上椅背上的外套。食物質素也不錯，昨天太肚餓，一去到就食，完全忘記影相 "盤菜" 有花膠，螺片，豬皮……獻汁不會太咸。即開"生蠔" 有2款 (Irish),(America) Irish是細一些，另一款是大一些，我本身不太識食生蠔，不評論好與否，但值得讚的是蠔新鮮既，他們洗得好乾淨，不新鮮我會肚痛的，昨天當然冇事啦。"蒸長腳蟹" 👍我地一行4人，都應為蒸仲好過凍食，蒸能帶出蟹既鮮味"海螺" 好乾淨，冇腸(我懷疑他們預先處理過，洗乾淨)還有"龍虾" "凍虾" "青口" 都ok."佛跳牆" 👍👍呢個好正，一盅盅，熱辣辣，又足料，足火候，湯有膠質"蟹子炒飯" 👍👍相信好多人食buffet 唔會食炒飯，但我見佢d飯炒得好乾身，而且大大粒蟹子，仲有好似炸過既瑤柱絲，我添咗2次😅最主要個飯不油膩，good👍"沙律菜式" 也好好有芒果虾沙律，有青瓜沙律，茄子，釀海鮮菇……好食👍"甜品" 當然是芒果拿破崙一流啦。我想講佢地既一件件蛋糕，他們比其他酒店切得大件，他們好大方大大件切俾你，完全唔孤寒，不過會好容易

川寧芒果tea set ，上去酒店網上e-shop 買 （平幾十蚊） 🌝原本抱住價錢平 唔好要求高既心態去試下坊間傳左好幾年既芒果拿破崙🍰就算。都有驚喜喎食物質素好，佢用芒果做既甜品無得輸，唔只拿破崙好食好鬆脆，其他如pancake 皮夠薄芒果大大粒、薯蓉杯、芒果mousse 都不錯（絕對唔係價錢平 而整得求其）真心好食加上環境偏靜 , 座椅闊落。個人喜歡較靜環境，🤩一人一個set 每人百蚊鬆d 情侶閨蜜傾計慢慢食之選

好耐無食自助餐，openrice訂位方便又有折，今次訂枱有82折，不用印優惠劵，埋單時直接是折後價。 自助餐由6:00-9:30，我地大約6:45到達，已經坐左一半人以上。 7:30左右全滿座。拎野食地方尚算有空間感，不會爭先恐後。這次以海鮮做主題。有魚生枱，即開即食生蠔，香煎鵝肝多士，即切牛排🥩，即切脆皮燒肉，熟食方便不算吸引。但絕對可以滿足到甜品控的您。哈根達斯雪糕配上格仔窩夫或格格脆皮，亦有原杯的哈根達斯提供。不過不失的冷盤海鮮🦞石烤的龍蝦🦞同蟹腳即開即食的生蠔新鮮，肥美超喜歡的佛跳牆燉湯味道很好不濃不淡剛剛好飲了三盅很多甜品可以選擇，味道中上，推介紐約芝士餅和招牌芒果拿破侖。賣相有進步空間。

今年公司Christmas dinner 係 8 度海逸酒店食 buffet, 不過唔知係咪節日關係，人流多左，服務員好像忙得有點吃不消，尢其負責食物既服務員，比較黑面。食物水準亦明顯下降，尤其係海鮮類，沒有鮮味，肉質不結實，不夠生鮮！!長腳蟹最為失望 ！!鵝肝多士同拿破倫算係最大亮點！雖然多士唔脆，不過鵝肝都幾大舊，唔會太油，算得上juicy。甜品以拿破倫最為出色！另外，雪榚係 Haagen-Daz, 口味也算多。希望下次再光顧時，會有改善。

由於要趕住年尾清假既關係, 唯有放半日假同屋企人走去high tea順手就簡左間公司附近既8度海逸試試3個人試左兩個set, 一個川寧芒果下午茶,一個聖誕下午茶套餐川寧芒果下午茶, 真係全部食物都有芒果特別在隻炸雞腿配芒果莎莎醬,鹹點入面重好味甜點方面,有芒果拿破侖,班戟,布丁三樣都唔錯,果然係成個set既重點芒果布丁真係好有芒果味 (講完=無講)班戟就夠實淨,滿滿的涵料拿破侖也不錯,都係啖啖芒果依個set芒果控一定會好啱食,可惜過多兩日就做完聯乘...聖誕下午茶套餐, 杯特飲幾好飲,士多啤梨味濃基本上各式蛋糕鹹點都不錯,但又未見突出唯獨綠茶蛋糕最有印象,味道清新,好食依個價錢,信用卡重有折,味道不過不失都唔可以有太高要求後話, 出左門口先記起川寧下午茶有禮物送,職員冇比到我囉...找數碌卡又唔比折我,好彩有check單姐以上食評只反映本人立場,如果雷同,實屬不幸

公司鄰近酒店少之又少，但同事異口同聲說這裡的自助餐不錯，適逄感恩節有優惠，由1830到2130，每位包加一都只需要$370。 首先必需介紹一下回本位：美國生蠔+法國生蠔每人每次只限兩隻，一開始只提供美國生蠔，到自助餐中途才可以選擇那一款。美國的肉厚味甜，法國的肉身較薄、海水味重，個人偏愛美國。我吃了至少17隻，供應充足、品質新鮮、服務友善。 鵝肝多士這個不用多說，有多士一起食會減低肥膩感。 羊鞍接近medium rare，味道濃郁。卻嫌醬汁過多，遮蓋原先食材的本質。 長腳蟹腳多汁、肉甜。不會被海水長期醃製得難於入口。 芒果拿破侖每層的filling均一，穌皮鬆脆。芒果肉呈現出刀工細膩，更有點點jelly，增加層次令口感提升。 另外亮點也有不少，醋鯖魚不少每一間酒店都能夠品嚐，能夠一試刺身的別種花樣。可以更酸。 意大利芝士麻糬雪糕、乳酪雪糕(Haxxxxx)，都是第一次品嚐，雖然味道不是一試愛上，但你會在自助餐吃到平日不會吃，又或者不知道的食物，這才是自助餐的真諦。整體來說，應有盡有，平常沒有的也有。位置舒適，假日聚會也十分合適。當然更希望燒牛肉做得更好，沒有medium rare，在