8度餐廳

自助餐最開心就可以成班一齊食，大家食住野有傾有講，不知不覺就渡過左2個半鐘！上星期，我埋其他媽媽及小朋友，一齊到Harbour Plaza 8 Degrees 8度海逸酒店品嚐「夏日海鮮狂熱自助晚餐」～由冷盤到熱盤到甜品都非常出色😊自製沙律有好多款蔬菜選擇，新鮮鮮甜！其他冷盤買相精緻，款式多，夏天食最舒服～熱盤都有好多選擇！烤雞有意外驚喜呀～甜品更是重點必食項目！由凍餅到Jelly到海綿蛋糕，樣樣齊～成個自助餐仲有以下驚喜任食即開生蠔生蠔有2款，分別來自美國及法國！美國生蠔入口非常清新帶甜，肉質肥美，味道相對比較清純～法國生蠔海水味比較濃郁，油脂比較豐富，爽甜肥美！意式煲仔白酒煮藍青口呢個即叫即煮，賣相好之餘，味道都好正！湯汁最鮮美，一定要飲哂佢！花膠北菇螺頭燉雞真係有大大塊花膠，絕不欺場！燉湯火喉十足，滴滴精華，好飲到飲左2碗！超推介！優質精選海鮮包括有波士頓龍蝦、皇后蟹腳、海蝦、青口等等，食材非常新鮮，可以品嚐到海鮮鮮甜味道，口感爽口彈牙！最愛皇后蟹腳，肉質鮮美，啖啖肉～～皇牌芒果拿破崙呢個酒店皇牌甜品必食，芒果夠香甜，吉士香滑，甜度剛剛好，酥皮夠哂香脆而不油膩，一定要留肚食！即製

岩岩係清邁回來, 冬陰功,串燒, 海南雞食得多, 雖然地道, 但食到後期, 也真的懷念起香港的食物來! 自己地頭, 食物總比較合口味, 所以一回港就相約一班媽媽朋友去吃自助餐. 朋友說8度海逸的自助餐好抵食, 地點雖然有少少隔涉, 但難得今次齊人, 遠遠也奉陪啦! 8度酒店現正推出夏日海鮮狂熱自助晚餐, 於網上預訂更可享8折優惠, 十分抵食. ​自助晚餐有生蠔買少見少, 這裡供應2款分別是美國石蠔和法國的Fine De Claire, 即叫即開, 蠔迷絕對可滿足.​兩款蠔都屬薄身一類, 美國石蠔味道鮮甜, 口感較Rich黏口; 而Fine De Claire則海水味強烈, 蠔味突出, 餘韻也較長, 各有特色. ​回本的還有即煎紅酒鵝肝, 油分豐膄, 煎至香脆內軟, 沒帶鵝羶味, 味道香濃, 不過鵝肝始終油份高, 淺嚐已夠了.  ​特色菜餚還有煲仔白酒煮藍青口, 煮的時侯已傳來陣陣酒香, 加入奶油, 加上青口的鮮甜, 不容錯過.​精選海鮮有長腳蟹腳, 翡翠螺, 熟蝦, 青口等. 亦有波士頓龍蝦供應, refill 速度也快.​魚生方面即叫即切, 有三文魚, 吞拿魚, 油甘魚, 醋黃

weekend就去左位於土瓜灣既八度海逸酒店入面<<<8度餐廳>>> 食自助餐，食之前上網都做左D research，話lunch都有生蠔食！生蠔迷就可能岩哂啦，不過小師奶唔食生蠔，講唔到俾大家知佢究竟好唔好味。其他海鮮就有青口同蝦，蟹腳就欠奉啦。青口同海鮮都係新鮮帶有甜味既熟食既種類我個人覺得偏少，反而冷盤就好多啦。小師奶媽媽就盛讚個牛好滑，大家不妨去試下。其他食物就無咩特別驚喜，正正常常甜品就有出名既#芒果拿破崙，雪糕係雀巢牌，值得一提有葡撻食。總括黎講呢...食物種類偏少，價錢唔算好平，環境算靜亦都唔算多人，較寬敞。(weekend brunch buffet: 11:30am - 2:30pm)大人: $308長者: $278需要加一服務費

#8折自助餐 #超抵 #超好食 Harbour Plaza 8 Degrees 8度海逸酒店食自助餐一向都好受歡迎， 不但款式多，而且高質，林太為咗培養一個識飲識食嘅bb，梗係要試 （為食的藉口）!  今日就約埋 #全職bb聯盟 齊齊食餐勁嘅， 但估唔到嘅係上網訂座， 就已經有八折優惠， 一位大人都只係約$380， 就已經可以無限任食海鮮冷盤、生蠔、煮青口。。  仲有瘋狂食甜品，包括最有名嘅皇牌芒果拿破崙! 《#夏日海鮮狂熱自助晚餐》 即日起至9月30日，酒店大堂8度餐廳推出緊夏日海鮮狂熱自助晚餐， 由冷盤至熱葷，食物款式多到我數唔到， 最多人排隊嘅，梗係即開生蠔、冰鎮海鮮同波士頓龍蝦啦， 仲有現場即製嘅鵝肝多士同埋意式煲仔白酒煮藍青口等，一定要試!  熱葷包括泰式青芒果沙律、花蜜麻香鴨腎、黑椒吞拿魚野菜沙律、 泰式咖喱大頭蝦、日式醬燒牛肋條、避風塘冰島龍脷柳等;  甜品區就有芒果乳酪慕絲蛋糕、香橙咖啡芝士蛋糕、草莓忌廉蛋糕等， 仲有即製榴槤班戟同埋窩夫， 另外亦有Häagen-Dazs雪夏日限定柚子香橙雪糕及奇異果芒果乳酪雪糕，  款式多到我成晚不停

夏日海鮮狂熱自助晚餐！一大班朋友約埋食自助餐就最適合啦！琳琅滿目嘅菜式同甜品，大人小朋友都啱食而且食物水準唔錯呀！大家食到超飽～必食推介！即開生蠔，好新鮮！正波士龍蝦、好鮮甜！仲有青口、蟹、蝦樣樣都咁鮮味！意式煲仔白酒煮藍青口，好鮮甜呀！有少少酒味好食！鮮甜刺身！款式好多同好新鮮！羊架、叉燒、雞唔錯呀！有肉汁夠淋！鵝乾多士花膠北菇螺頭燉雞，材料十足！湯味濃郁，鮮甜美味！好滋潤我最愛的甜點！超多款式呀！芒果乳酪慕絲 蛋糕、香橙咖啡芝士蛋糕、草莓忌廉蛋糕等⋯皇牌芒果拿破崙，芒果香甜，酥皮香脆，配埋吉士醬食超正！生果好新鮮，窩夫香脆！即製榴槤班戟，超級香榴槤味！鍾意榴槤一定要食！Häagen-Dazs 雪糕，冇得輸呀！夏日限定柚子、香橙雪糕，好食到停唔到口！重點，6歲以下免費！太好啦！超正！大人係酒店 eShop 預訂，有 8 折優惠，晚餐折咗$4百幾蚊一位咋！超抵食！

其實我細個好少食自助餐，因為我好揀飲擇食，唔係咩都食，又食得少，所以自助餐呢嘅咁貴嘅嘢就唔係好啱我！但芊嶠同劻霖都好鐘意食嘢，所以我地都會帶佢地去食自助餐，今次仲搵到 8 度海逸酒店，佢地新推出嘅「夏日海鮮狂熱自助晚 餐」。我地係喺酒店大堂 8 度餐廳入面食自助餐！一嚟就梗係食冷盤先啦！有翡翠螺、蟹腳、龍蝦添呀！仲有青口同蝦，會唔會咁就食得飽呢？仲有必食即開生蠔，有專人企係到開，清洗後再過一過檸檬水，即刻上碟！超肥美嘅生蠔。另外，仲有魚生刺身，好多款式選擇。我都係第一次見有咁多款魚生刺身㗎！熟嘅都有㗎！有蛋同蟹柳，啱哂芊嶠同劻霖，佢地鐘意食餸多過食飯㗎！當然仲有好多熟食壽司啦！上面仲鋪滿芝士，好邪惡呀！仲有我嘅至愛：鵝肝多士，即煎鵝肝，一批批整，每次上碟，都會被秒殺。仲有特級燒牛肉，陣味勁香，都會被味道吸引咗過去。仲有白酒煮藍青口，我真係食唔停口。女人至愛：花膠北菇螺頭燉雞，好足料，味道真係好好！仲有好幾款生果，啱哂一家四口唔同喜好嘅我地。甜品真係，多到一個點！有唔同嘅細件甜點，仲有完個蛋糕切件，又有透明啫喱包住鮮果，好特別。班蘭蛋糕平時街都少見，呢到都竟然會食到。仲有榴槤愛好者必食：

好多時久唔久都同屋企人去食自助餐，品質和價錢係首選，特別喜歡選擇酒店，貪佢品牌服務和質素都有水準，好似昨晚去左土瓜灣8度海逸酒店地下餐廳吃自助晚餐，日至五收五百鬆啲，但有打折，埋單每位約470價錢算係幾抵，不過就無乜環境可然，座位又比較迫窄，呢度扣番少少分，但服務員幾勤收碟，食物種類算夠，冷熱盤份量足，特別海鲜有長腳蟹，龍蝦和生蠔，魚生是我至愛，慢慢嘆足三個鐘，爽

友人快將生日，因主角喜歡拿破崙；選址於此包無甩拖。 生日之星可享半價自助晚餐，或免費生日蛋糕1磅，或紅/白餐酒1瓶(4人或以上同行優惠)。 今次的主題是「味遊國際海鮮自助晚餐」，由即日起至6月30日供應，在「E Shop」訂座更可享最高8折優惠！ 原價： 星期一至四,公眾假期及前夕除外 港幣$525.8(港幣$430.2/成人) 港幣$448.8(港幣$367.2/長者) 港幣$371.8(港幣$304.2/小童)  原價： 星期五,公眾假期及前夕除外 港幣$558.8(港幣$457.2/成人) 港幣$503.8(港幣$412.2/長者) 港幣$426.8(港幣$349.2/小童) 原價 星期六至日﹑公眾假期及前夕 港幣$558.8(港幣$482.6/成人) 港幣$503.8(港幣$435.1/長者) 港幣$426.8(港幣$368.6/小童) *以上括號內的是折後價目，是已包括以原價計算之加一服務費 這次新增了即時燒烤區，無限量供應即燒日式烤海鮮，包括大蝦、串燒螺肉、三文魚及冰島龍脷，陣陣香味襲來，忍得住至奇。 料鮮加上火喉控制得宜，塗點醬料已

從小就在土瓜灣長大，當年環境清靜，人情味濃，特色食肆又多，平通全港既貴記、超過50年歷史既上海美華、美景街內的甜品店，當年拍大時代，又有每天即打牛丸及魚蛋，此刻，仍記起當中的氣味。 但近年卻慘遭淪陷，居民怨氣沖天，只富了部分人，可惜。而8度海逸酒店離戰區較遠，受影響的程度較少，還可以透透氣。加上近日推出「味遊國際海鮮」主題，都幾啱香港人口味，所以光顧的街坊客都幾多。生蠔即開生蠔是 Pacific Rock（American），都說近年美國蠔的質素變好了，至少不會大而無當，而且肉質有點爽口，如果蠔味可以重一點更好。海鮮區 波士頓龍蝦最受歡迎的，就一定係龍蝦，refill速度不錯。其他仲有阿拉斯加皇后蟹腳、青口、翡翠螺及海蝦，海鮮迷當然係食完又食。刺身及壽司有蟹柳、玉子、三文魚、吞拿魚、甜蝦、北寄貝、鯖魚及鯛魚。簡單的點了甜蝦及北寄貝，解凍處理得不錯，沒有討厭的雪味。壽司中，以軟殼蟹壽司最特別。Carving Station 一向是餐廳焦點位，最好係無須排隊，有即烤大蝦、串燒螺肉、三文魚及冰島龍脷。特級燒牛肉略為熟了些少，個人始終偏好 medium rare的生熟程度

復活節自助午餐，出乎意料的魚生新鮮，食物好吃已經驚喜，所有工作人員包括執碟的都笑容有加，服務態度一流，真係香港少見，真心好事要讚一讚👍🏻另外參加左小小孩廚班，酒店大廚教，人手比例高，又有證書，大人小孩都玩得開心🥳有時間一定會再去多次！

復活節出去食午餐自助餐，竟然午餐自助餐可以食到新鮮生蠔，仲要是即開真係非常難得，食生蠔最緊要就要用個叉拮拮個裙邊，如果你的生蠔有收縮證明就是新鮮，我總共吃了12隻，隻隻都很新鮮，好感動。另外芒果拿破崙真是不得了。熱食有好多好食，牛肉薄切好多時又鞋口 又似柴幹，但這塊不單止有肉汁，而且非常滑，還有黑椒汁是另一亮點。羊架是另一亮點，入味而且沒有羶味。味道: 非常出色環境: 寬敞衛生: 非常企理服務: 收蝶非常快抵食: CP值極高

超棒甜品, 款式真夠多, 既有受歡迎的白酒鮮果啫喱、冧酒蛋糕, 今次有櫻花芝士慕絲蛋糕、玫瑰蛋白蛋糕、薰衣草蛋糕、菠蘿椰子蛋糕、蘋果批等等燕窩梳乎厘, 是要出去排隊才能取的, 要捕準時機, 亦要趁熱吃. 非常建議若看到喜歡的甜品就先取來吃, 因為下一轉未必再有, 若是廚師端了新款, 當然又可再吃. 海鮮是焦點, 包括長腳蟹、龍蝦、凍蝦, 龍蝦可以多吃幾隻, 因為肉質實淨、膏夠軟滑. 即開生蠔, 每次吃都覺有水準, 爽身之餘略帶creamy, 海水味適中. 燒烤區亦有燒蝦、燒魚等, 我就當然吃蝦啊~ 不痴殼就是燒得最好的表徵.  而鵝肝也十分搶手, 不過供應速度較慢, 很多時候也大排長龍. 熱葷都好有份量! 炒蟹鉗、烤羊架、白汁煮青口、香草烤雞、豉汁炒大蜆, 平時很少吃熱葷, 但今次也被吸引了. 此時最好來一碗豬展煲虫草花湯滋潤一下.  刺身六款, 也就取自己口味的, 魚類交給朋友, 而我就主玫甜蝦, 幾多也能吃. 沙律方面, 紅菜頭芝士是挺特別的, 亦有常見的蕃茄水牛芝士、菌類沙律、涼拌露筍等. 芝士拼盤, 8度海逸的提供的算是較多, 還有芝士醬~已經太飽了, 一系列不同品牌的雪糕也沒