1963 木十豆寸

營業中

休息中

黎到灣仔食台灣菜就諗起呢間樓上餐廳—1963十木豆寸😋平時人多去到呢間都好難攞位，今日人少少就去睇吓有無位。到左餐廳等左幾分鐘就有人埋單跟住就有位lu✌🏻我地兩個人都叫左經典嘅台灣餸—滷肉飯，之前飲過佢地嘅黑糖咖啡覺得太過甜所以就無叫，只叫左嘢食。如果唔食飯嘅話都有其它選擇，例如紅燒牛肉麵🍜。嘢飲方面D飯/麵套餐唔包嘅，要散叫。🍹🍵☕️我地個滷肉飯餐用左個木盤裝住咁上菜，主角就係滷肉飯加一碟滷蘿蔔、豬耳、牛腱&滷水蛋，另外配菜有醃番茄同醃蘿蔔。嘢食都幾精緻，用左唔同碗碟裝起，份量夠食，價錢亦算合理。推介👍🏻😋🍛因為間餐廳唔大，建議如果多人黎最好早D黎攞位先/book枱。👍🏻😊

一入餐廳，你會俾佢嘅特色裝修所吸引。當你滿心歡喜咁點菜...點知...D菜一到，食物一入口，你就會立即餐廳裝潢與其食物水準完全不成正比...我一個人，先點咗滷肉飯、台式麻油雞，原本諗住食完再慢慢點甜品、飲品，再慢慢坐下享受下個環境...好在我冇一次過點晒...(當你第一次試間餐廳，千祈唔好衝動!)台式麻油雞 $75 ：不但一滴麻油味都冇，且菜汁味道古怪，D雞肉煮到爛，比煲湯雞肉更加難食！滷肉飯$30: 滷肉味道還OK，但係啲白飯完全唔得，煲到又淋又爛！結果，由於太難食，食咗一半嘅情況之下買單即閃，坐低半個鐘都冇。超級難食嘅一餐，加一盛為$116。早知去麥記醫肚算（咁樣比較係侮辱咗麥記）！BLACKLISTED!!!

來到星期五，又係時候鬆一鬆。辛苦了一整個星期，當然想搵個地方relax 下。搜尋openrice 見到呢間餐廳，名字很特別，木十豆寸，合併就係一個“樹”字，忍唔住決定去試一試。1230來到餐廳，很不幸已經坐滿了，唯有在門口等一等。誰知一等就等了半個鐘，同事門都等得不耐煩，等到虛脫終獲安排坐位。即使有再靚的裝修，再有格調的環境，都無暇欣賞了。二話不說立即點菜，餐廳有午餐供應，價格大約六十至八十元不等，飲品需另再加錢。點好菜後，惡夢又再開始。同事的食物都比我早到，30分鐘後終可見到我的午餐 - 東坡肉飯。為了要準時回到公司，唯有用10分鐘時間，併命地狼吞虎嚥，食物一入口就把它送到胃部，無時間去嘗食物的味道。感覺肉質都算鬆軟，肥肉不多。 至於這兩碟前菜，味道不是太突出，不太特別。廚房出菜超慢，這也使食客被迫無止境等待。如果午餐要等位的話，真的不建議再等下去，否則只會浪費時間，換來一個慘痛教訓。

木十豆寸位於灣仔大有商場對面的一幢唐樓，要行兩三層樓梯先到。呢間餐廳我去過三次，每次都好令人滿意。第一次去到餐廳門口，一眼已經望到好有心思的懷舊裝修，又係一個影相打卡的好地方。心諗食物會唔會得個樣呢，點知食物同環境一樣非常令人滿意。每次去到都會點 紅燒牛肉麵(大概＄7x) ，因為真係會令人上癮。牛肉湯非常濃，麵條很煙韌。櫻花蝦炒飯（大概$8x) 炒飯味道不錯，但飯比較"lup" ，太多水份。 如果乾身啲就完美啦。 炒山蘇 每次出街食飯，我都習慣呀一碟蔬菜。木十豆寸最大特色係可以嚐到地道台灣蔬菜。小魚乾炒山蘇，非常惹味。玫瑰洛神花茶    黑糖桂圓薑母茶  (各大概$48)花茶好好飲，尤其是玫瑰洛神花茶。用透明懷舊玻璃茶壺裝住，外形好靚，暖暖既花茶飲完好舒服。一壺其實好多，一人飲唔曬，可以兩人嗌一壺share 。 甜品：tiramisu 千層蛋糕除了主菜，千層蛋糕都好出色。tiramisu 千層蛋糕灑上白色糖霜，用雲石圖案瓷碟裝飾。我班港女friend 不停影相呃like。地瓜拔絲充滿懷舊味道嘅甜品，食完凍既千層蛋糕食返熱既地瓜拔絲，非常之滿足。軟綿綿嘅地瓜加上脆脆的糖絲令我諗返起以前婆

呢間野食台灣菜 係樓上鋪唔起眼但聽聞lunch time好多人排隊👀------------------------------我叫左個古早味滷排骨 配滷肉飯 $70台灣人既排骨其實係豬扒 好大塊 有成七舊唔會硬 唔太咸 但唔特別😗反而佢個#肉燥飯 幾好食🐒個底好多汁 齋食都唔dry肥肉入口即溶 唔覺油膩👍🏻另外 同事叫既炸雞腿飯都勁吸引😍------------------------------另外呢到環境好有特色 好有復古既味道連啲staff都係講普通話架😛

星期六，跟兩年沒見的舊同事見面。她是在香港長大的台妹，正好她想要吃正宗的家鄉台菜，於是跟她建議來這裡吃台式料理。2點多來到，人客不太多。環境懷舊，挺有特色的。我的擔仔麵套餐先到，看到也覺得夠豐富。三小碟前菜加上一大碟滷水併盤，還有擔仔麵，味道不錯。朋友點的滷排骨套餐配滷餐肉飯，也好像很美味啊。吃了一件滷排骨，香脆的配上疑似酸甜的柑桔醬，很特別。

最近都開了很多台式餐廳,這家餐廳對比下裝修及氣氛都很好!但是食物的質素與及侍應的服務態度就有很大改善的空間~ 食物方便鹵水拼盤非常鹹, 甜酸蝦球則沒有 調味, 只係響上面加點士多啤梨果醬就算。侍應要求你幫他們收返餐牌,但唔該都唔講聲(如果真係台灣管理一定不會這樣~)。 而且價錢不太合理 , 差不多所有蔬菜都要$80蚊, 而且分量極少....好似餐廳頭盤的分量一樣咁 希望將來這間餐廳的食物質素會有改善, 不要令人有金玉其外敗絮其中的感覺

男友喜歡上網周圍搵嘢食，呢次搵到呢間特色懷舊台灣菜。杯杯碟碟懷境都好懷舊好靚，不過地方較僻，喺大街上一條窄樓梯，但不算難找。紅燒牛肉麵 - 普通。三杯雞 - 一般。樹子木蓮 - 一條條嘅菜。台灣特產，未食過，幾得意。魯肉飯 - 正常。玫瑰洛神花茶 - 呢個花茶就真係好好飲，甜甜哋，仲可以食。一試難忘，仲幫你添水。講食物，呢度真係好一般，但環境服務認真唔差，價錢又唔貴，每個餸都係$70/80，可以一試，相機先食已抵返晒。

有誠意嘅台灣餐廳，裝修佈置得如去了台灣一樣，環境舒適，試了LUNCHSET滷水併盤，三小碟，魯肉飯，都只是＄65免加一，唯一美中不足的是要加錢先有野飲，否則你唔問都唔會比水你，見到有一檯冇問佢真係水都冇杯，另外WAITER啲樣可以寬容小小

奇怪的名字，木十立寸。被它的名字吸引上來一看，真的很懷舊，因為這店子位處一幢唐樓內，沒有𨋢（要步行上去的）一進去真有睇緊戲的感覺（王家衛 feel😂)無論燈光、裝修、擺設，所有所有，一絲不苟👍🏻但食物就....真的麻麻.三杯鷄（味道講不出有甚麼特別）紅燒肉（本人覺得㷛完湯的肉比它更好味）最慘係D嘢唔夠熱。另外忘記了點甚麼山菜（好食、很爽）但份量出奇的少！講吓服務先，係沒有服務（態度冷淡、沒有笑容）大忌。不過灣仔區大把客，我唔食都有人食啦！上去懷舊一下都抵返啦😅

不經不覺已喺公司做咗十年，每逢農曆新年舊阿頭都會專程過黎灣仔請食午餐兼派利是，今年亦不例外，地點全權由細佬選擇。多種理由下，二人近年都開始要注重飲食，XO仔今次就喺OpenRice度搵咗間連個大樹嘜頭感覺都健康過人o既「1963木十豆寸」；店名中o既「木十豆寸」原來正正就係由個「樹」字拆出，實在有趣。餐店置身於一九六三年建成之唐樓o既二樓，食客大多都會選擇行樓梯上，黎個飯前小運動。中午時份，擺放著好多懷舊物o既走廊企滿食客，幸好小肥早已訂座，準時到步即有位坐。二人被安排入座一張近窗o既四人圓枱，意外地繁忙時間亦不需搭枱，仲有隻可愛o既貓頭鷹牙籤座作伴。窗邊掛著一個連鐘o既搞鬼日曆，雖則個鐘唔識郁，但以中國加阿拉伯數目字組成o既日期就絕對正確。午膳餐牌內只有套餐可選，主菜第一頁全為飯類，而第二頁則全為麵品。據悉，每份套餐除咗主菜之外，都會有三小碟前菜，當日分別為淡味o既木瓜絲沙律、幾酸吓o既蕃茄仔及咸咸o既菜圃。阿頭點咗個滷肉飯套餐（$65），睇落都幾豐富。紅燒牛肉麵（$68）：XO仔碗牛肉麵份量都唔弱。碗中深啡色o既湯底濃而不俗，且毫不油膩，舖面o既紅燒牛肉軟腍入味，芬芳甜美，極之討好

13/4/2016同住灣仔嘅好友食午餐，佢介紹呢間台菜，地方都幾難搵，在一橦唐樓一樓，地下招牌唔起眼，在附近搵一陣先搵到，上到我幾驚喜，牆壁牆紙、傢私、擺設都好懷舊，連窗花都係搜集唔同花款嘅舊窗花！隨時可以拍懷舊片！連水都係用懷舊玻璃杯！餐牌無圖片，好似印刷小說嘅字體，兩人揀咗各一個套餐！食物好快到！賣相好靚，一個托盤上用日式花紋嘅瓷器裝住食物！前菜：蕃石榴：估唔到用呢款水果做前菜，味道爽甜！幾開胃！蕃薯：台式黃肉蕃薯好甜無渣，不錯雲耳：爽口彈牙，酸酸哋醋味開胃！櫻花蝦炒飯（$80）賣相靚，飯粒粒分明，幾乾身，飯唔重味，配料唔多，蛋+菜粒+蝦肉，好似細個媽咪炒飯，灑上嘅櫻花蝦乾香口，雖然無乜味！整體味道偏淡！萬巒豬腳飯（$75）朋友食.摩卡（$20）貓頭鷹瓷杯好靚，心形拉花好靚，但咖啡唔算濃，奶味重，所以唔夠香，唔落糖飲都得！食物ok，環境影相一流，店員有禮斯文，加水上菜都有禮，食得幾舒服嘅一餐！扮文青背景一流！

今日去左間花樣年華復古風既台灣食店享用晚餐, 用上古老衣車改裝成枱，好特別，係咁精緻既環境，有情調既地方食飯，特別有feel晚餐個餐牌分咗四個環節，就係: 木，十，豆，寸。我揀咗最貴嗰個寸嘅套餐咁首先呢就有個頭盤，有蝦球，橙汁冬瓜，同埋牛蒡，蝦球炸得脆，而低下就有啲菠蘿，配埋一齊食，味道幾夾，我最鍾意就係個橙汁冬瓜，冬瓜就係浸喺個橙汁，變成橙色，咬口爽爽哋，有橙汁既juicy,幾特別湯係撥皮辣椒雞湯，吾算好辣，飲落有點似胡椒湯，配埋子，湯頭飲落吾錯其中一個main係台式樹子鯛魚，鯛魚上面放左荀，增加咬口，鯛魚肉滑，蒸魚鼓油鮮甜，配魚塊一流三杯雞雞肉夠嫩滑，醬汁夠入味而滷肉飯油脂芳香，浸入每一個飯粒，我最buy係個滷蛋，蛋香濃之餘蛋白q彈鳳梨蘇打甜度適中，最有heart既係有可以食到粒粒鳳梨，清甜

第二次來這家餐廳，是吃台灣菜的，裝潢很懷舊！第一次已經愛上這環境！那次拍了很多環境照，所以今次只是拍了一兩張而已。我們點了四個咸食，一個甜品。滷肉飯$30 份量跟想像的差不多，份量屬少。滷肉肥美，有肉汁，幾好吃。台式排骨酥湯 $40 賣相不討好🤔所以沒有入到鏡😂 湯微辣, 綠豆味濃郁，味道是幾特別的。紅燒牛肉麵$75 牛肉份量算多，肉質軟腍, 夠入味，麵質QQ的，好吃！湯底是滷水味道濃郁，不過幾重口味。台式滷味拼盤$75，味道不過不失，其中個人覺得牛展同豬耳特別好味道。玫瑰洛神花茶$48 茶壺很美呀!😍 味道調得幾好👍🏼黑櫻桃酒釀千層蛋糕 $42賣相很吸引！個碟又特別有藝術感！😍 酒釀黑櫻桃出奇地好吃！外面好少地方會有得吃，千層蛋糕甜度剛好，不會覺得膩，很讚！😋👍🏼每隻筷子都寫有字句，蠻有意思的。這家店主的食物整體來說質素屬一般，勝在環境出色。

呢間餐廳，最吸引人係佢嘅裝修佈置由推開大門一刻，就好似時光倒流，回到舊香港嘅感覺，開門見到嘅懷舊佈置，都能令你充滿好奇感覺😍😍一行4人，點了4份午市套餐，食具精緻，懷舊味濃，份份套餐都十分地道的台灣餸菜，午餐份量足，已包括前菜冷品、主菜餸一碟，一碗滿滿的米飯，夠晒份量。嘢飲更是台灣風，仲有多款選擇，好味新奇😍👍😍👍呢度確係不錯嘅lunch好地方，一個lunch時間就可以懷舊一下😍😍👍👍