1963 木十豆寸

營業中

休息中

門面比較難找，容易錯過亦唔知道，環境裝修擺設都依照7，80年代，餐具精美，可惜食物味道一般，紅燒牛肉麵湯底淡而無味，唯獨花茶尚可接受，但沒有提供座熱器暖住茶壺，侍應生招呼要叫幾次先有回應。

今日係老公的生日 他得喜歡懷舊的東西 我特意帶他去1963木十豆寸 给他一個難忘的日子和驚喜。我們踏入餐廳門口,感到ㄧ種懷舊的感覺 大家覺得很特別 裡面的裝修大部分是兒時見到的 例如70年代的掛鐘及70年代的收音機等等。我們坐下來 一面慢慢欣賞餐廳的環境 一面研究美食 我們試了三杯雞 味道ㄧ流 雞肉很嫩滑 略鹹了一點 跟着 我們試青瓜排骨湯 夠火喉 味道清甜 另外 我們各人試了蘋果梳打及鳯凰梳打 味道清新 值得一试 整體來説 1963木十豆寸 我下次一定再去。

黎左灣仔區番工都成一年，食過呢間餐廳嘅次數好似得一、兩次，因為呢間餐廳一到lunchtime就好full，基本上唔book位唔會walk-in到。我地今次去食Lunch都係早幾日打去book位先食得到。.Lunch set 選擇都算多，有麵有飯揀，我地叫左滷肉飯套餐同古早味滷排骨飯套餐。滷肉飯套餐係包左一碗滷肉飯、一個小食同一碟滷味(豬耳、雞翼、蛋、蘿蔔、豆干、海帶)。滷肉飯唔算太油膩，食哂都無罪惡感滷味滷得幾入口，尤其係豬耳，幾好食。古早味滷排骨飯套餐都係包左一碗滷肉飯同小食，唯一唔同係轉左一碟滷排骨。個滷排骨我就覺得一般般，有啲似淋左嘅炸豬扒咁，而且食落有啲乾身。餐飲要加$15-$30，都算幾貴，不過天氣熱好難唔飲野，我地加左玫瑰焦糖拿鐵同冬瓜檸檬特飲，正正常常啦。

前幾天有朋友約食飯，於灣仔工作一段日子亦不知該吃甚麼，朋友想食台灣食品，便上網看看，發現了這間，便相約去試。入口有點難找，但上到去環境不錯，很有懷舊風味，亦有很多乾花！（個人很喜歡乾花）不過因為是午午時間，人很多，便要等位，幸好只等了１５分鐘便可入座。朋友選了茶燻雞佐烏龍茶漬飯，我選了滷肉飯套餐。茶燻雞佐烏龍茶漬飯的味道太重了，煙味較強，可能不太合口味，相反個人很喜歡滷肉飯套餐，又入味，豬耳又好吃！最後亦加了珍珠奶茶，可惜太甜。

是日午餐，選擇呢間鋪頭是在同事說比多最後一次機會佢的要求下去的，同埋同事無食過，ok fine，捨命陪君子。鋪頭行復古風，聽講是sell環境，然後個同事坐的凳有發出恐怖聲，好彩無事。餐牌無變，今次試個燒雞扒飯，加錢要杯湯(茶杯形狀的碗掛！?)細碗滷肉飯，還有開胃小菜番茄木耳。首先是小菜，食左一粒木耳，pass然後是雞扒，分量足，不過肉老干身無汁，焦香得過火，皮簡直是硬，似炸多過燒，就算蘸醬都改變唔到難食最後是滷肉飯同湯，算是正常，可以撈住食埋碗飯，就是食唔飽，杯湯是足料OK噶，是甘多樣入面最好。事後同事都後悔，不可再！

木十豆寸 猜一個字一入到餐廳，感覺好懷舊好復古 ，有好多裝飾同擺設，牆上擺放古董鐘、乾花、攝影器材、唱片機等。 餐具都好靚，碟上的花紋圖案好特別，圍繞住動物，貓頭鷹。每隻筷子上面都刻有不同字句。滷肉飯 $30台灣嘢當然要試試滷肉飯啦。滷肉肥瘦適中，加上香濃的帶少少甜的醬汁，送飯食一流。養生清燉牛肉麵 $70湯底清清地帶點藥材味，感覺 健康好飲，麵條好煙韌，牛根同牛腩好都好入味。烏龍茶香薰雞 $75煙熏味都夠，但雞肉煙燻後變乾身。總括而言，餐廳環境裝修佈置得好有特式，但食物味道方面唔算太大驚喜，水準一般啦。

在街上的招牌都算顯眼易見。位置亦都非常方便。樓梯有個不停閃的招牌。沿樓梯走上兩層就會找到餐廳。內裡充滿古色古香的氣息，五、六十年代的傢具和擺設；古老的大鐘、舊式相機。下午時段會比較少人可以逗留多一回才離開。而晚餐時段都需要預約定比較好。一份晚餐有前菜、湯、主菜、配菜、主食、飲品前菜 - 煙薰鴨胸 鳳梨 車厘茄味道正常，鳳梨和車厘茄都好甜湯 - 剝皮辣椒雞湯不俗，有點辣和足料主菜 - 烏龍茶香燻雞一上菜，已經傳來煙燻香氣，味道濃郁出眾。肉質嫰滑有有茶香。不用拆骨，食起來更方便。配菜 - 酸滑高麗菜一點也不酸，還帶點辣味。另外加了一道鳳梨蝦球，味道一般。蝦球和鳳梨的酸甜不搭配。酸甜味蓋過了蝦的鮮味。主食 - 滷肉飯肉粒有肥有瘦，不像台灣肥肉居多。濃郁油香加上入味滷蛋。不錯不錯。整體而言，食物的份量和上菜的速度也控制得好好，亦帶有台灣風味。雖然服務上有美中不足之處，但偶爾來打卡還是不錯之選。

態度惡劣，不可使用卷我買了ENTERTAINER優惠券，之前星期六都可以用，而且Apps上有沒有寫到星期六日不可以用。而且他們地方很細，只有裝修，感覺很暗，不清潔！我給他看了app上寫一個星期七天都可以用，他只回覆你已經更改！這些是付費的優惠券，可以說改就改的嗎？之前有食過一次，炸雞扒的味道是可以的，但價格不便宜。另外醉雞面就很一般，沒有什麼味道。野飲就是一般茶餐廳水準，解渴還可以，對面地方淺窄，想談心事還是找其他地方吧！

返工lunch同同事一齊去食，地方比較隱蔽，但環境十分文青有特色。自己叫左比較有台灣特色既滷水拼盤同滷肉飯。講真食物無乜驚喜，普普通通正正常常既味道，當普通食個lunch都ok，唔需要特登去試。

I have to admit I was hesitant to come here at first because I thought it'd be one of those gimmicky overpriced restaurants that people only go to for taking pretty pictures. I was pleasantly surprised to find that the food was actually pretty good and the portions were quite large - I wasn't able to finish mine! I was also surprised to see so many (Korean) tourists there, lol! The decor is indeed very cool - even their bathroom! The most disappointing part of the experience is the service. Some

同男朋友係灣仔搵野食，佢話想食台灣野所以就試下呢間。餐廳係2/F樓層，地下門面只有樓梯上無電梯（呢張相係走果陣補返影🤭）牆身有唔同句子推動大家繼續行樓梯上😂終於行到去門口🤭入到去坐底後都見到餐廳佈置幾有特色，好多古舊物品。我地坐緊果張枱既腳底都有個腳踏，原來係以前既衣車。Lunch menu都有提供飯同麵既選擇，亦都有唔同種類既食物。我自己揀左古早味滷排骨加滷肉飯。滷肉飯唔錯！份量都算幾多，而且滷肉肥瘦適中，不過排骨就麻麻地，因為肉好瘦，所以食落都幾鞋口唔滑溜。男朋友就叫左三食紅燒牛肉麵，分別有紅燒牛肉（碗內）、清湯牛肉（麵內）、同埋辣牛油（小兜上）。佢話覺得個麵比較清淡，中意重口味既朋友就可能食唔慣嚕。另外我仲叫左杯凍蘋果綠茶，真係有蘋果粒係入面，而且唔會太甜。

近年少了回郷，要揾返熟悉味道就只好訪尋坊間台灣食店，可能口味及地域夠近，香港好多台灣食店都做得唔錯，不過除左食物之外，環境的確可以為一餐加上唔少分，如果唔係都會唔成日出現「食環境」呢個詞！最近試上子木十豆寸，坦白說，不是朋友帶過我來也找不到這間店，名字的由來應該是同附近的一株大樹有關，由於係樓上店的關係，爬上2層樓梯先揾到，一上到去就見到好多懷舊擺設，同樓下繁忙既街道比較，好似真係去左另一個空間咁，感覺寫意！睇返餐牌，分別點了滿漢牛肉麵，脆皮雞腿飯同茶燻雞佐烏龍茶漬飯，因為不吃牛的原因，牛肉麵無有試，朋友說味道唔錯同多牛肉，不過麵眼見好似唔多。😂😂脆皮雞係我最愛，好脆，唔油同無燶到，不過我覺得跟上點雞汁，味道酸酸地，我唔係太愛，不過就咁食己經可以，香口嘢好啱我。😂😂最後就係有驚喜的茶燻雞佐烏龍茶漬茶，烏龍茶漬飯味淡而香，而且個燻雞無太大的煙燻味，唔會搶左雞味，雞好滑又唔肥，我都忍唔住食多左幾塊 （個餐係家姐點的。😂)環境+食物+價錢都合晒心水，應該會成為我的飯堂了。😂😂

同事話之前嚟過lee間鋪頭食過，千叮萬囑叫我唔好去試，食完會後悔咁話😅講到伏味超濃😱😱我都已有心理準備上網search下先...見環境唔係差行復古風格都幾特色下👀至於食物就一定要自己品嘗過先知好唔好啊🧐go go go 👣👣在一棟舊唐樓內要上二層樓梯先可以去到鋪頭，講真入到去真係比佢裝修吸引左🤩有復古嘅裝橫，懷舊嘅擺設很有花樣年華感覺...我都忍唔住行左一個圈影下相先📸😊✍🏻點菜三杯雞飯$70+百香果梳打$15雞肉@沒有三杯雞應有嘅米酒香同麻油香，只食到雪藏味道😣，連最簡單嘅白飯都差...食上面個層還好冇事，但再食落中間全部都係爛飯一pat嘢咁，睇到都唔想食🤢結果冇食到最後埋單仲要成舊水，個肚仍然係肚餓嘅😩只可以講話最正常係杯嘢飲囉！👉🏻唔比負評嘅原因係覺得有特色...用心思佈置過係吸引嘅😶如果有朋友仔想上來打卡或影下相，我就建議剩係飲杯嘢算啦😑😑

星期五約咗同在灣仔工作的朋友食lunch，揀咗呢間樓上的台式餐廳。餐廳位於唐二樓，地下的招牌不算起眼，若不留意很大機會會錯過呢!爬上二樓，門面已感覺到是走復古風格的餐廳，而內部裝修亦無令我失望，有種回到三、四十年前的感覺~ (以餐廳名字來說，應該是差不多六十年吧~XD) 感覺頗休閒的~午餐沒有包飲品，如要就自己加錢，視乎種類而定，大概加1X-3X元。我自己點了台式三杯雞飯，惹味而且份量不少。除了餸和飯外，還有一碟小前菜，是去皮的車厘茄及醃雲耳。車厘茄有點少酸，雲耳有些淡淡的醋味，正正常常。碗飯上面都有少少白雞肉，不過就無咩味。總括黎講，在灣仔外出食午餐有這個環境及食物質素，7x蚊真係唔算貴。

台灣菜小弟最鐘意食， 上網見到呢間野裝修又幾特別有特色， 所以一試！黎食個lunch, 約1 點零鐘上到去， 首先係街門口已經見到佢條樓梯， 幾別緻， 入到去環境細細， 但裝飾很有舊色文化， 好舒服， 上到去仲有一半坐位所以不用等！肚餓狗衝睇menu , 第一眼就想食魯肉飯set, 除左有魯肉飯， 仲有豬耳， 蛋， 豆平， 雞翼同海帶， 好多野食呀🤤， 之後仲點左個百香果soda等左十零分鐘有得食啦， 除左我頭先講既野食， 原來仲有木耳同小蕃茄做前菜， 幾開胃又貼心忍唔到口立即食左個魯肉飯先， 味道唔差， 脂肪同肉都係50/50, 個人就覺得肥左d , 食埋個飯就有d 失望， 因為d 飯太淋la, 個人唔鐘意呢 飯既口感😭再食雞翼， 味道唔錯， 好香， 之後到豆干都係普普通通既味道🙂， 再食埋隻蛋， 都係一般正常味， 感覺成set 係雞翼比較好， 重點係野飲， 百香果soda, 反而飲品唔錯， soda 勁有氣， 好爽， 加埋百香果不伏既味， 可以話冇得輸😂整體個飯就普通la,下次有機會想試下佢既牛肉麵， 睇下會唔會好d 🙂