1963 木十豆寸

營業中

休息中

服務超差，永遠要行過去才可以叫餐。訂枱時已講明是慶祝生日，想訂蛋糕。但不肯提前講有什麼蛋糕，即使吃晚飯的當天中午，仍不肯幫忙訂蛋糕慶祝生日。要我一早去到早下單，講明是在Tiramisu crepe cake 放蠟燭寫字，最後竟然搞錯了在另一個蛋糕，而且只是一個美心生日蛋糕牌。食物中規中矩，但晚餐全部超過$200，值唔值見仁見智。超級失望的體驗，若希望有好的服務態度，強烈不建議去這間餐廳，特別是有慶祝活動。

同朋友二人去食晚餐，兩個女仔，見set都幾豐富，不過都二百左右起跳，所以就散叫。環境一如openrice 相片中，好懷舊同文青feel，頗有住家感覺，人不算太多，傾偈都舒服。鳳梨蝦球：唔算貴，幾好食，份量適合兩個人。脆皮雞腿（侍應推薦）：幾入味，不過雞不算嫩，皮還可以，冇咩肥膏幾好。碟邊嘅醬汁同七味粉頗辣。樹子水蓮：山菜一種，質感似韭菜，不過再爽口d，味道清新可口。滷肉飯：好食！夠入味！$30細碗份量算不錯。洛神玫瑰花茶好好飲，黑糖薑茶就少少薑辣味。最好只沖多一次水，因為第三次已經冇味。食物上得快，會差不多一次過上曬，幾貼心。侍應服務大致不錯，幾helpful。下次會再試其他菜式（尤其係山菜同冷菜）。

一入到舖頭 已經聞到陣怪味 同事話係果啲食店吾乾淨先會有既氣味 咁我見間舖係玩懷舊風 有怪味可能係因為放左好多舊櫃同舊相機但其實吾難睇到店入面啲衛生都麻麻地 地下好多垃圾都冇掃 啲擺設都舖哂塵 啲老鼠藥同殺蟲水都放係啲好當眼既位置。。。我地坐係對正廚房出菜位出面張枱 之後叫完野食 食緊既時候 竟然見到出菜果個廚房佬拎住支煙係到擺盤出菜。。。。。。。。。。。。我真係呆左 當堂冇哂食慾。。。間餐廳某啲位影相係幾靚 但真係冇下次。。。

這兒可是我和男朋友充滿感情的地方💕第一次來的時候 便深深被一磚一瓦 一碗一筷 深深吸引給你一種老台灣的家常便飯感覺還有紅燒牛肉麵 是我們的最愛🥢🤤那天晚上在灣仔走着走着想家了 便來吃吃🍜滿漢牛肉麵(三食)三種食法有清燉牛肉麵 有紅燒牛肉麵 還有撈麵喔🥦月見過貓香港餐廳少有的菜 正！🥘台式三杯雞香濃入味 正！就是 一如既往給我們那簡簡單單的快樂滋味.菜單上有的 都試過了這裡的每道菜 無一次令我失望💛都很好吃！

有格調，坐得舒服又有得訂位既台式餐廳，係港島區真係唔多。環境靚，好多古董擺設，店員殷勤有禮，盲算落場都唔會催/趕客飲品選擇唔算好多，但好好飲，唔係一般用糖水沖既死甜同人工香精味，真心推介野食呢，賣相係好好睇，不過口味就未必人人岩。古早排骨係炸完再煮，略嫌太硬，鞋口。但醉雞卷就非常出色，雞肉嫩滑，如果再重d酒味仲正！三杯雞個汁惹味但稍嫌略咸，但個飯有驚喜！如果鍾意食台灣果d肥肥滷肉飯咁呢度岩你啦！不過舖頭位置唔多，最好卜左檯先，同埋要行兩舊唐樓先到，但我會再返泥chill無乜人點牛肉麵，下次會試下。

餐廳係我最鍾意嘅台菜之一，地方寬敞，一踏入店內就會感受到店主嘅悉心佈置，喺每一個角落都放滿古物，無論係櫃上嘅放音機同舊式電話、窗邊嘅乾花同牆上嘅舊式郵箱，都帶有濃濃嘅懷舊風，令人想去每個角落都坐一下，好好欣賞店主嘅心思🥰連筷子🥢都好有心思，每隻都刻有唔同字句，我嘅係大快朵頤、不能浪費，啱哂我😛套餐好豐富，跟餐配三碟小菜，分別係椰菜、薯仔絲同蕃茄仔，味道中規中矩，不過不失。滷肉煮得好軟稔綿滑，香濃入味😋滷排骨同樣入味，但略嫌薄左少少，如果用厚切排骨會更吸引🙊紅肉番石榴係我最喜愛嘅台灣生果，去遊行時見到總要買返個，即場請商販切埋加酸梅粉食😛滋味倍增！芭樂沙冰果味鮮甜濃郁，一飲就知真係用鮮果打成，面頭仲有鮮果粒，解我相思之苦😋另外好欣賞佢用雙層玻璃杯裝飲品，保溫效果好，又唔會因為杯面有倒汗水而搞到隻手濕哂😊好細心！

今日見到個好得意噶名1963木十豆寸，一問原來系臺灣菜，見到入邊哈裝飾幾有時代特色，古董鐘、舊相機、唱片，應有盡有。我地聽waiter噶建議，點左份鹵肉飯套餐、古早味鹵排骨飯同冬瓜檸檬汁。可能系食唔慣臺灣菜噶原因啦，覺得鹵肉同排骨都唔系好達到我滴噶預期。但系冬瓜檸檬汁幾有創意，檸檬味比較重冬瓜噶清新都可以感受到。

其實之前已經食過幾次，這裡情懷古舊，食物質素都唔錯，但係今日就...........一去到，我地冇訂位，那位小姐話咁要搭枱，當時其實有好多吉枱。點解要搭枱呢？我地話好快，食完就比返張枱佢。卒之佢就比咗張枱我，叫咗個排骨+肉燥飯，排骨好柴皮、肉燥飯好多肥肉🤨另外叫了牛肉麵，味道一般。很想加個菜，點知佢話所有菜都冇。因為訂不到🤔食到尾段，有位肥肥地嘅小姐，不停過嚟收我地食完嘅碟，好擾攘！唔明白點解係咁吹我埋單，卒之忍不住問佢，做乜係咁追我埋單，佢話有人訂咗枱（其實當時仲有好多吉枱）食完都唔洗即刻趕人走㗎！今時今日咁嘅服務態度，真係好唔掂。以後都唔會再去😪

之前去過兩次，印象不錯，今天再次光臨。食物水準保持一貫作風，味道濃郁，環境照舊不變，唯一不同的是在門外按門鈴，長按無人開門，後來終於進去了，才知今天只有兩個職員當值，所以一系列久等的現象陸續出現：等開枱、等menu（結果還是自取menu）、等order、等餸到、等埋單、等更改錯誤單據、等找數⋯

懷著滿心歡喜的心情進入所謂的1963餐廳，來到門口，侍應完全忽視我們，有無book檯？我們被安排到極度狹窄的位子，困難地躲進桌子，侍應悄然離去，我們查問 可否有大一點的桌子安排？眼鏡金頭髮的女侍應，翻著白眼回答：沒有，其他桌子都已經有人預約，這時是晚上8點左右，很多桌子都是空的。我們之後被擱在一旁，她轉身離去，不說還以為自己是侍應生，我們便自己看菜單。突然間，她回來告知我們可以安排到四人桌，我們道謝，沒有帶位，再問多一次同一位女服務生新桌子在哪裡，她態度極度惡劣回答：是啊～～～我們坐下，然後同一位女服務生像老闆一樣，用力把木製菜單狠狠地摔在桌上！根本就是不可理喻，吃飯還是要受氣？這是什麼樣的服務態度？這家餐廳，對客人是一種侮辱，你們餐廳的態度對我們十分不安。這是我認識的台灣餐廳嗎？跟我認識有禮貌熱情的台灣人全然不同。最後，我選擇起來離開這家餐廳，真的啃不下受氣的晚餐。或許這家餐廳已經不需要客人回來吃飯吧。唯一一次不點任何食物，就起來憤怒離開的餐廳。

非常地道嘅台式餐廳，行兩層樓梯樓上店，樓梯中間有用心語句值得讚👍🏻叫左三杯雞飯，碗飯有少少雞絲+祘！簡單一碗飯味道都很好三杯雞味濃香口，薑片祘片雞肉配合得好好！份量都好夠，好味之作！值得再食！不過午餐較多人，要搭枱，食一餐同左2轉人搭枱😂 同朋友傾偈就冇咁放！相信下午茶時間黎會很好，食完可以舒舒服服清清靜靜，應該可以坐幾個鐘！餐廳好多古舊傢飾 裝飾 懷舊味濃厚！啲服務員望落都好細個 感覺幾親民同有台灣感

又去到灣仔「搵食」，走到一間長期人氣高企嘅台食店，內裡裝潢設計充滿懷舊風格，加上暗淡燈光確實係令人行進老台灣嘅感覺。😌.食物選擇算多，亦有套餐可以點選，這次叫咗幾款都算係幾好，但服務態度希望能再提升一下吧☺️.🥢酒蒸蛤蜊。這碟竟然超有水準，奶油湯汁濃郁，蒜香而且肉質仍嫩烹煮時間剛好☺️.🥢烏龍茶香燻雞🐔。確實是有香燻嘅味道，連埋茶葉嘅香味感覺很不錯，雞排肉尚算嫩滑入味😌.🥢滷水拼盤。去到每一家台店都會叫這一味菜，感覺如果台式滷汁嘅處理不好，實在難以接受。5款食物顯示出誠意，有雞翼、滷蛋、豬耳、海帶、蘿蔔。🤡.🥢燙青菜🥬。第一眼見到，咁大碟🤭！台灣A菜爽口，加上肉燥食慾大增😌.🥤台式黑糖奶茶。好飲！黑糖啫喱加上台式奶茶，這是「正」🤡

其實平時我都只係睇食評搵食，今次係第一次寫食評，因為呢間餐廳真係令人太失望，我決定要寫一次尋晚同朋友黎試，因為見到裝修精緻同埋食評唔錯，我地book左6點5位，因為好早，所以未有人食晚飯，裝修的確係好復古，打卡一流。不過坐底之後，就完全無人理過我地，每次嗌侍應，都要大嗌4，5次先有人過黎點好菜之後，首先上麻醬麵，味道可以，不過再上一個肉燥飯，就係一個碗仔既飯再加少少肉燥，一個小朋友既份量都收40蚊然後再上左一個出名既藥膳排骨湯，完全，完全，唔值得嗌！本身係無煲上，一碗要65蚊，然後我地問有無大份量夠4個人食？佢就話可以用煲上，150蚊，咁我地照嗌，點知上菜之後，居然得1碗半既份量，真係覺得好失望，我地再問侍應，得到既答案係咁少。結果我地嬲到無再追加，喺完全未食飽既情況下，埋單421蚊就走左呢間餐廳真係無下次！

今日有朋友仔入黎灣仔搵我食飯，其實我平時都會有幾間餐廳嘅名袋住喺袋，如果諗唔到食乜就可以大派用場。哩一間台式野食算係區內其中一間肥誠最鍾意食嘅台灣野，但由於都幾多人食，如果無訂枱等位有D難道，但有朋友仔幫手等位wo，咁我就梗係...裝修餐廳地方就易搵嘅，但部lift就有D細，所以我通常都係行兩層樓梯上去。我諗餐廳負責人都知道大家「辛苦」，所以樓梯間係會有幾多「打氣」字句叫你加油行埋佢！行到上2樓，終於到間餐廳。入面裝修就唔洗講啦，已經有好多foodie影低左，我都唔特別影。簡單黎講，咁多人等位嘅其中一個原因，就係入面嘅裝修充滿住台灣同懷舊嘅感覺，當你好似置身喺台灣咁，你不其然就會慢慢細嚼美食，哩度已經係一個加分位。餐具上面講完裝修，其實餐具佢地都好講究~對於我哩個吃貨黎講，「不要偏食」同埋「大吃大喝」就真係啱哂台式滷味拼盤配滷肉飯 (豬耳、雞翼、蛋、蘿蔔、豆干、海帶)講返重點野食先！我有好幾次黎到都會叫哩個，你唔好以為份量好少，我每次都唔會食得哂滷肉飯非常入味，唔會太肥，最緊要係滷肉重多過飯，因為有好多餐廳都係飯多過肉，好冇癮！另外佢每一次都搭一份大滷味拼盤，我覺得味道有少少因返香港人

話說早日突然興起好想食台灣野就撩啲同事去食牛肉麵今日就book咗呢一間喺樓上嘅特色台灣野果然係真係要卜位一嚟到都已經有人等緊喺台灣食過紅燒牛肉麵好重味之後今日決定試返個清燉牛肉麵好鍾意用木嘅筷子感覺好家庭feel好正🤣值得一提嘅係佢嘅前菜酸酸地但好開胃不過午餐來講佢冇得跟嘢飲就有啲可惜不過都加錢試咗個黑糖薑紅棗桂圓鮮奶超正！呢$25抵比