1963 木十豆寸

營業中

休息中

知道呢間餐廳lunch都比較爆，所以提前一星期預約。Happy Friday 一行3人，個地點都幾隱蔽，喺舊式唐樓入面。有個同事之前去過帶路，如果唔係都搵餐懵。裝修真係好懷舊，倒流時光咁。約咗12:15，我哋行得比較慢，12:25先上到去。店員同我哋講,張枱已經俾咗人😔仲話我哋做乜唔打電話嚟通知佢我地會遲到。其實訂位時係有講過hold枱10分鐘。剛剛夠鐘就比左人。叫我地等12:30遲到既人既台。我哋猶豫去留之際，好彩有人cancel booking!建議唔好好似我哋咁遲到啦😛守時係美德。Menu都有好多選擇！同事K叫左個櫻花蝦炒飯。炒出嚟好colourful, 個碟都好colourful! 好香，我試左一啖。好食😋味道岩岩好。同事仲話啖啖都食到櫻花蝦。我同另一位同事叫左同一樣，古早味滷排骨飯。個排骨(豬扒)略乾。感覺似鄰家飯菜。個滷肉飯同平時食開既有分別。水份比較多，但又未到湯飯甘。味道清淡帶點油膩(啲肥豬肉)。杯抹茶latte 比想像中好飲😋P.S.啲餐具幾特別架，完全中左我心意。無辦法，女人減肥呢個事業永遠唔會停💪

週末有日係附近做完嘢，已經係中午時間，同埋朋友一齊行下附近搵下有咩嘢食。等過馬路時，就見到呢間嘅招牌，印象好似多人提過嘅文青餐廳，就撞上去睇下有無位。時間可能仲早，walk-in都有位，用餐時間就得1個鐘，不過都理解。餐廳環境好有年代感，裝潢同擺設都係懷舊台灣風，仲會播十幾年前的台灣流行曲，雖然兩樣嘢係唔同年代，不過對於食客嚟講，十幾年前的台灣流行曲已經等於舊年代喇，哈哈﹗食物方面，朋友叫左滿漢牛肉麵，餐牌話有清燉牛肉麵、紅燒拌麵、紅燒牛肉麵三款口味，但上枱我哋只係見到清燉牛肉麵，旁邊係紅燒牛肉。份量係超大，朋友食哂D肉都好滯。麵身都叫做有D咬口，但係清燉牛肉麵個湯底就真係淡口，朋友要加哂D蒜蓉落個湯度。紅燒牛肉都算淋都入味，不過成個餐都係肉肉肉，我見到就只係淺嚐就夠。因為好耐都無去台灣，都想整碗滷肉飯，就叫左台式滷味拼盤配滷肉飯，入面有豬耳、雞翼、蛋、蘿蔔、豆干同埋海帶。成碗滷肉飯上面係肥膏嚟，仲要係一條條，無切粒粒，同我期望係一粒粒半肥瘦嘅滷肉有D出入，不過都有咸香嘅。但係滷味拼盤就得D色，全部都無滷水味，蘿蔔仲幾硬，好難咬….另外仲叫左好少見的樹子水蓮菜，落夠蒜蓉炒，好惹味，水蓮

本身自己好鐘情懷舊裝飾既餐廳，上網見到依間餐廳既環境即刻比佢吸引左。上到去餐廳，好多都係懷舊風既裝飾品，見到有好多食客都會專登帶部相機上嚟影相，所以餐廳環境真係唔錯。食物方面，感覺上不過不失，我哋叫咗個茶漬飯，拌麵同埋藥膳排骨飯，味道都還可以，當然唔及台灣嘅水準啦，但價錢上都幾合理，所以中規中矩。不過唯一有少少可以改善嘅就係侍應嘅服務態度，我哋點餐嘅時候問咗幾個問題，個侍應好似好唔耐煩咁樣，所以略為失望，希望可以多加改善員工質素。

首先我一入到去覺得裝修好舊雖然好有特色，但本人覺得唔算乾淨。第二上網見啲人講服務態度好差，點知個女服務員，問我哋有冇預約，我地話有不過比原定時間遲咗15分鐘，佢怒啤左我哋😂 跟住坐低之後放低餐牌，我哋諗住嗌牛肉麵同埋滷肉飯點知落單嘅時候先同我講話今日冇飯，所有有飯嘅餐都冇，嗰刻喺度諗一間正常餐廳點解連飯咁基本嘅嘢都可以冇佢會唔會連水都冇，其實已經好想走不過我哋實在太肚餓，所以最後屈服叫咗個牛肉麵同埋個滷肉排骨肉燥米粉，同埋嗌左一杯冬瓜茶and 一杯咖啡，我聽到隔離枱想嗌沙冰，佢都話冇沙冰🙄咩都冇嘅餐廳我唔知以為佢真係就嚟結業喇💩啲嘢食到咗, 個米粉係正常嘅但係個魯排骨好似白灼豬肉咁樣咩味都冇，個紅燒牛肉麵完全冇味好似清湯唔係係水浸牛肉麵咁，啲牛肉係好林嘅不過係淋都梅晒囉，佢上菜嗰塊盤竟然上面有隻螞蟻，個餐盤係濕嘅啲餐具都係濕嘅，要處理好晒先至可以正式食嘢。杯冬瓜茶係正常嘅但係杯咖啡係溝晒水咁好難飲。係咁肚餓嘅情況下竟然要我食啲咁嘅嘢真係覺得好難受😣心諗點解我唔乖乖地喺屋企食返我屋企個紅燒牛肉麵杯麵呢！🤦🏻‍♀️總結來講呢間野水準非常差我一定唔會再返嚟，一個字，伏

今天的午餐是透過OpenRice book位的，因為試過幾次都冇位，今次食2:00呢個時間，每一個角落都可以打卡！今日食三杯雞配滷肉飯，好好食呀！食完好滿足又幸福！我每次識到新朋友都帶佢哋黎食呢間㗎！環境好食物好坐得又舒服。

這是一間非常ig-able的店。「1963木十豆寸」位於灣仔，喺大有商場斜對面轉角找換店旁的唐樓二樓。推門入去完全好似去咗第二個空間，充滿台灣古早氛圍，不論裝修同格局都好似時光倒流，有點似以前出差台南時的一家古舊cafe。至於點解個名咁奇特，其實將佢組合返就即係「樹」，指店外的一棵細葉榕。不過呢度並唔係cafe，而係食台灣菜，都係滷肉飯、牛肉麵之類，所以普遍都係幾十蚊有交易，只係好唔好食又係另一回事。台式三杯雞飯（$70）分量唔少，三杯雞大約有十件，啖啖肉，唔算柴，味道濃郁，帶有一點酒香。初時以為配白飯，原來係滷肉飯，都算係咁，滷肉肥瘦各半，切成條狀，有咬口得來又有油脂香，醬汁滲透入飯粒當中，但唔會過鹹。不過要扣分嘅係，餸菜上枱時唔夠熱，只算係暖，總覺得佢只係將餸菜翻熱，而唔係即整。滷肉飯套餐（$65）係有一碟滷味拼盤，包括豬耳、雞翼、蛋、海帶、蘿蔔、豆乾，只睇顏色已知滷味滷的時間唔夠，好淺色，食落同想像的一樣，甚至更差，因為真係冇味，要靠三杯雞啲汁增味，所以呢個絕對可以不試，同樣地，啲餸都係唔熱。飲品另加十幾至廿幾蚊，咖啡同冬瓜檸檬味道不過不失，還可以的。我好欣賞呢度環境，同埋杯碟都

喺app度見到好多人話哩間好有特色好食，門面同裝修的確係。由兩層樓梯至兩度門，入到去坐底都有好復古嘅裝修，好有心思。雖然招牌菜應該係牛肉麵，但係對面個男人唔食麵，唯有叫咗佢想食嘅雞扒同埋兩碗飯，一碗$30。滷肉飯嘅香料味突出，唔會好油膩，調味適中。雞肉飯就冇乜特別，食唔出有乜特別調味。至於茶燻雞，一擺落枱非常之香，但係煮嘅時間應該要耐啲，佢好快就到咗...希望佢唔係叮出嚟啦😂⋯⋯肉質比較硬身，調味偏咸，但係個味道係特別嘅（如果佢做到嫩滑啲就好？）。

係無限忙、又冇得去台灣旅行嘅疫症時間，腦海浮現附近一間出名嘅台灣食店咁又唔可以放低工作慢慢享用，咁就只好外賣啦咁今次食嘅係：滿漢牛肉麵，一次過滿足三個願望！又可以食到台灣野，又可以食到佢個清湯牛肉麵，又可以食到紅燒牛肉！佢嘅外賣有分開湯、麵、餸架，而且盡量用紙製品，好環保！呢個清湯冇味精架！個牛展好好味，麵超啱我心水，啱啱好！唔會因為外賣關係變差咗！呢個係紅燒牛肉好好味！啲牛腩牛筋好正！同埋我唔覺得佢辣

灣仔良心餐廳分享💛💛1963係大有廣場對面，係間樓上鋪，地下會見到個細細個白色招牌仔，跟住入去要行兩層樓梯。餐廳裝潢相當用心，有種古典氣質— 綠底白碎花牆紙，黑膠唱片機，雅致的木枱木凳，乾花擺設⋯⋯ 令我思疑了一下我係咪真係去左1963年的台灣。長頭髮侍應哥哥好體貼，介紹左餐廳的特色菜式，我地跟佢既建議叫左養生藥膳排骨湯，蒼蠅頭炒飯（蒜蓉、豆豉、蔥花等炒埋非常香口），鹹蛋白玉苦瓜，烏龍茶香燻雞🐥 全部都好好食😋

1963木十豆寸回到台灣既感覺💛因為疫情關係 買多左外賣 少左堂食有個外賣自取app好好用叫lingduck有啲餐廳仲有折扣 平左好多係岀門口前用電話apps落單apps會顯示餐廳收左單 處理中如果拎得先有通知信息真係好方便今次嗌左3個餐 total 只係$140 好抵食我推介擔仔麵套餐搭鹵味拼盤擔仔麵粗身爽口 做到掛湯 湯底夠清淡不油膩配左蝦仁 小棠菜 芽菜 整個感覺好清新鹵味拼盤又夠足料 特別欣賞蘿白 清甜入味豬耳份量好多🤤另外滷肉飯係我食過既好食之選肥瘦適中 啲肉又唔會太散 唔係肉碎醬油深色但又唔係重口味加上又配左鹵味拼盤 好抵食！🤤最後我就麻麻地台式三杯雞飯因為太油膩 味道單一另外配左個滷肉飯 成件事好食肉獸我之前都有食過堂食一上到去 有種去左台灣既感覺裝修古舊 有歷史既味道 好多好懷舊既擺系一入門口 有部yellow card 機總括依然 今次大推擔仔麵套餐搭鹵味拼盤呢排都多左懲罰佢 夠近夠方便無限最低消費可以外賣返去自私食🥰🥰 大推大推

餐廳放滿古舊陳設，有舊式電視櫃、收音機、舊式舊式吊燈、木窗花、乾花等，充滿懷舊味道，打卡好地方📸.【烏龍茶香燻雞🐔】HKD80雞肉嫩滑多汁，雞皮微脆唔少地方都食到。但要講到雞肉充斥住濃郁且獨特嘅燻香味🤩，就要黎試！.【酥炸肥腸🐷】HKD68開半嘅肥腸，能夠去除多餘嘅脂肪。肥腸同豆經油炸後落啲椒鹽🧂，香脆惹美。.【麻醬麵🍜】HKD45同預期中有落差嘅麻醬麵🍝，配料有青瓜絲🥒、炸蒜🧄，甜醬同麻醬。甜醬好搶味，相反麻醬應該落重手啲。.【魯肉飯🐷🍚】HKD30同平時食開無異，魯肉香淋，汁醬夠多，特色之處係多左重胡椒粉味

This unique location is wonderful for such stylish and hip. There are some antiques hanging on walls and inside the restaurant, which gives diners better mood. The restaurant is very busy during lunch hours. The taste is OK, it has the presentation. However, the quatity of food did let me down. Just a touch overprice. Would go agian.

位於唐樓裏面，要行吓樓梯😮，可能因為係啲舊樓入邊，有一啲舊式樓梯引領你去到餐廳門口，再當你推門入到餐廳，會發覺身邊所有嘢真係好懷舊feel👍🏻。嚟呢度食個午餐，既然係老台灣做主題，咁梗係要食返傳統嘢，滷味🤭🔻滷肉飯套餐+烏梅汁🔻啲碗碗碟碟好靚呀，好似襯過咁，好有台南小店感覺👍🏻，未食已經加咗好多分🤣。滷肉飯超正，粒粒肥豬肉又夠淋🤤，滷味有雞蛋，蘿蔔，豆乾，海帶，雞翼同芽菜，滷得幾香👍🏻，而且唔咸，配埋滷肉飯食都唔覺得膩😍。烏梅汁酸酸甜甜都好味，真係台灣風味嘅烏梅汁，並唔係香港風味嘅酸梅湯😌，真係好正。環境幾特別，靜靜地幾舒服，短短一餐飯可以回味下去咗轉台灣旅行🧳，都係一件開心嘅事🥰

1️⃣⭐️麻醬麵⭐️$45 (9/10)同出邊嘅唔同，佢哋嘅麻醬麵仲加入左好似甜醬嘅醬，增添晒成個面嘅味道🥳中毒性極高，食咗第一啖之後就已經好想食晒成碗😍仲要幾大碗下，抵晒💕2️⃣⭐️烏龍茶香燻雞⭐️ $80 (8/10)好有驚喜🥰Pooh同朋友都好欣賞陣陣嘅煙熏味，真係唔係周圍食到😋雖然價錢略貴少少，但舊雞都好夠大😗3️⃣魯肉飯 $30 (7/10)飯同魯肉都好多，真係幾抵食🤤採用咗偏肥嘅肉做滷肉飯，但食落唔會感覺太油膩～4️⃣台式三杯雞 $88 (6.5/10)好大好多雞肉，絕對對得起個價錢🤣但反而少咗三杯雞應有嘅酒味，識落味道層次就少咗啲啦🥺5️⃣烏梅汁 $32 (8/10)鍾意酸野嘅朋友呢個啱晒🤤少少地酸味，啱晒一路食一路飲，開胃解膩必備👍🏻6️⃣ 洛神花梳打 $35 (7/10)嚟到嗰下已經覺得呢杯野好靚🌸飲落好清新，如果洛神花味多少少就好啦😗📌晚市真係好多人，要去嘅一定要記住訂位😗

一直都記唔到呢間餐廳個名🧐叫佢做木咩咩咩😂 今次去食先知原來 <<木十豆寸>> 係將「木壴寸」字拆開👉🏻代表餐廳外嘅大樹🌳 應該就係留聲機旁窗口望出去嗰棵🏡 上篇介紹嗰間黃店大玩武俠風格🎋 今次呢間就復古味濃📺 一推開古舊木門🚪彷彿回到1963年的台灣🇹🇼 【紅燒牛肉麵】 聽講佢個湯底選用上等牛腩加十幾種獨家香料炖煮77四十八小時而成🧐  飲啖湯試試虛實先🥄 個湯有少少辣辣地但多多油油地🥘  個人就麻麻地個湯底🙊  覺得上次食嘅麻醬麵岀色啲🤤  牛腩夠淋夠入味牛筋有咬口都不俗👌🏻  值得一讚係個麵質好煙韌😋  食到最後都唔會俾啲湯浸到淋晒🍜 💰$77 (連加一) 💛  1111 罷市 💛「撐出香港。台灣守衛」新春連結義賣市集，集結了五家台菜餐廳商品義賣，所有義賣所得回饋給需要的香港人 💛  夠薑媒體《夠薑 YELL CARD》第一二期義賣產品抽卡點 📍1963 木十豆寸 灣仔灣仔道110號中匯大樓2樓