1963 木十豆寸

營業中

休息中

成日都見唔少人推薦呢間位於灣仔嘅台灣野，見佢價錢唔算貴而且環境幾靚，就決定去試下。lunch time去到都幾full, 全場坐滿晒，而且用餐時間得1個鐘，都有少少趕。餐廳嘅裝修係真係幾靚，非常有果種六七十年代嘅復古感覺，非常適合打咭。我同朋友分別叫左個台灣三杯雞飯（$70）同滷肉飯套餐（$65），成個set包左涼菜，主菜同一碗滷肉飯，味道方面真係唔算特出，碗飯煲得稍為腍左少少，但呢個價錢嘅話我都唔會要求太高，都值得去試下嘅🤣

位於灣仔唐樓既台式餐廳💗 環境裝修好靚好有格調✨ 好懷舊既感覺🥀 記住要book咗位先好黎因為佢長期都好full🥺 🍜養生清燉牛肉麵 ($65) [😋7.2/10]餸方面有3⃣️大舊牛肉 係牛肋肉既部位 但有啲韌唔夠淋🤐 另外有2⃣️舊牛筋 滑luetluet 口感偏淋🧐 湯底比平時既牛肉麵清 落咗紅棗杞子 感覺養生啲🤣 亦無平時個種好膩既感覺😌 但牛肉味就相應無咁濃啦🤨 麵條望落類似白色版既粗麵! 好煙韌 雖然唔算好掛湯但我覺得都足夠😚🍵茶燻雞佐烏龍茶茶漬飯 ($78) [😋7.4/10]煙燻雞 搭配烏龍茶泡飯 呢個配搭較特別🤩 有原塊幾雞排 肉質嫩滑多汁 雞皮燻到好香脆脆地 味道剛好唔會過鹹🤓 烏龍茶泡飯食落好香淡淡地既烏龍茶味 又出奇地夾🤪 台式料理黎講呢間選擇都比較多同埋特別🥰 環境好靚好有格調! 野食質素都唔錯 推薦一試!😋味道評分: 7.3/10 🥳環境評分: 8.2/10🤑性價比: 6.2/10🤩回頭度: 7.1/10📍1963木十豆寸灣仔灣仔道110號中匯大樓2樓

懷舊風格，懷舊台式傳統經典元素融入空間，使人彷若穿梭時空隧道，倒轉回到上個世紀、品味文人雅士對於生活的堅持。如若你也想重返美好舊時光，趁著假期帶朋友仔穿越時空品嚐美味吧！就讓時間定格，望住所身處在買少見少既唐樓入樓每樣擺設，家具， 舊式嘅雪櫃，舊式嘅收銀機 仲有 留聲機。。。 彷彿置身於舊時光朋友仔生日今次就帶佢嚟呢一個充滿懷舊味道嘅 餐廳食生日飯， 記得我哋第一次去旅行 去咗台灣 見到菜單上嘅食物更加令我哋回憶起第一次去旅行嘅 點滴， 我哋已經好耐冇去過旅行喇，唔知下次係要等到幾時呢？台灣菜點樣都唔少得 三杯雞🐥 ， 🐤雞肉醃得 好入味而且啖啖肉，肉質juicy👍🏻滷肉飯也是必點之選， 粒粒嘅滷肉加上鹵水蛋仲有半片嘅醃蘿蔔 就係簡簡單單嘅滷肉飯 就可以顯出不凡的味道台式滷味拼盤 : 🐽豬耳，🐣雞翼，🥕蘿蔔 ，海帶， 🥚鹵水蛋，豆乾荔枝梳打 甜度剛好💕

近期越來越多新開嘅台灣菜小店 呢日口痕同朋友出開灣仔想食台灣野 就唸起開咗差唔多5年嘅‹1963木十豆寸 ›!首先入口位置喺地面 已經好有特色上一層到門口撳個鐘仔🤪就有人帶位當然裝修好有台灣特色 好懷舊 啱哂打卡影相啦但食物就比較清淡..但最重要係支持黃店💛可以一試!⋆台式醉雞面線 $78都幾失望..平時我都幾鍾意食醉雞之類諗住都係’安全食物’但味道好淡....⋆台式滷味拼盤滷肉飯 $65呢個比醉雞麵線好啲 但’滷味’味唔濃...所以都係偏淡...💛Instagram: eatoreator 老土啲都要講~你的follow 我的動力!!

呢間鋪頭係灣仔一個隱密既唐樓，仲要上兩層樓梯，但是每日依然人滿為患，我提前一日book左位，先可以入到去。我地兩個人嗌左兩個送一份主食，本想試下鹹蛋白玉苦瓜，可惜賣曬，所以嗌左一碟三杯雞一碟辣炒水蓮，同埋一碗麻醬拌麵兩人share。我個人鍾意辣炒水蓮多啲，口感清脆，有淡淡清香。水蓮是台灣山野菜，平常餐廳好少見。三杯雞麻麻地，中規中矩無咩特色。最後黎既麻醬麵，男朋友呢類麻醬控給超高評分，睇來鍾意麻醬的朋友會超鐘意。我自己覺得有小小膩...總結來講，依餐都OK，餐廳既特色係仿古裝修，還原50-60年代既feel，燈光暗淡，出門時見到有不少客人合影留念。

一直都被哩間餐廳特別嘅名同門面吸引終於有機會上去果然由門口樓梯上到2樓餐廳都充滿壞舊風格各樣舊物配搭埋一齊都係品味尤其喜愛天花嘅吊燈窗框剛好曬進正午嘅陽光加上講國語嘅女店員聲音又有返咗古老台灣嘅幻覺試咗台南擔仔麵食材豐富湯麵內有蝦肉、豬腩肉同芽菜餸又有豬耳、豆乾、海帶、雞翼同蛋而麵質都係彈牙爽滑而且味道好好非常滿足意外地比錢時知道外賣自取有8折店員們又好有禮貌以後lunch time都有都唔洗頹食嘅好選擇啦

味道不錯，店員服務態度良好。即叫即製，外賣回公司後，食物還是熱的。雞腿略嫌有些乾，烤得太久。肉燥中的肥肉較多，而未能完全辟掉凍肉味。整體性價比高，外賣還有八折。

上個禮拜即管嚟試一試。一入門口，焗到我暈。門口啲擺設已經封晒塵，不過嚟到諗住坐低即管一試。大佬，而家疫情啊，就算搭枱，都起碼空氣流通一啲啦。出邊陽光滲入你見到超多塵係直頭static 咁。已經知道空氣流通度超差。見到其實有吉枱，諗住問吓啊哥哥仔可唔可以調枱起碼空氣流通啲同衛生啲。點知仲串我，唔俾我轉。態度諷刺及極度差劣帶點高傲。好坦白講，如果有衛生局嘅人嚟睇過，肯定佢會封佢哋. 如果爆發新群組，肯定入過嚟呢間鋪食嘢嘅一定賴嘢. 我係醫務人員，絕對有資格講。衛生程度同佢嘅態度差劣到啲嘢食未嚟到我都頂唔順要走。我覺得疫情嘅時候佢咁嘅衛生同服務態度，唔覺得任何人就算佢啲嘢真係好食都應該去幫襯。

今日同老婆walk in ,當慶祝生日，首先尼間唐樓台灣料理好特別格局食左茶芬雞，菜同排骨湯同烏蠅炒飯不錯。埋單260 另外二杯疏打都好飲，人哋 話食野食環境的確係冇講錯😼不錯應該會再黎食

牛肉面d 牛肉差過20蚊大大碗牛腩面,差差差，第一次食野到唔想食，食到有想嘔既感覺，除非環境似花樣年華，鍾意既可以去下，總之唔好點牛肉面，太難食，同埋唔明點解要夠字數80只先俾人post

兩個dinner set+10% service charge 一共$525前菜完全唔跟menu前菜內容，蝦得一隻。老皮嫩肉居然係玉子豆腐，what？？宮保皮蛋牛咬都咬唔到，而且宮保皮蛋牛呢個係主菜，但份量仲少過前菜。不過好彩得幾舊，如果唔係真係好浪費三杯雞d肉好柴，又係好彩得幾舊，如果唔係真係食唔落我同另一個set都要咗麻醬麵，又係勁干！連我男朋友對食物要求咁低嘅人，居然都唔肯食曬碗麵，真係仲衰過杯麵。黑糖奶茶好淡，但可以飲。唯一我覺得算合格係湯，其他全部係我人生入面試過最難食嘅「台灣菜」佢地一開始省皮，有兩部冷氣無開。我一開始食到全身汗。好彩waiter係我要求下，即刻開番部，呢個比番like。至於服務，我係香港食飯從來無期望過。佢地係門口到入座會有d亂，一開始無人帶+漏單要催+唔記得幫我地埋單，但again，我覺得可接受，因為係香港從來無期望過服務質素，所以唔會失望。除咗碗雞湯，對於一個好普通的食客來說，呢兩個set無一樣嘢可以合格。埋單仲要比伍佰幾蚊，食唔飽，一肚氣。完。

當初會留意這間店是因為店名的關係，拆開來的木十豆寸～不知大家有沒有看出是什麼字來？其實就是一個「樹」字喔！看到店名上的那棵大樹應該也不難猜吧?!位於灣仔的 1963 木十豆寸 是在唐樓的2樓。上了樓梯，推開兩道厚重的木門後就迎來一片復古感的環境感覺每一處都有自己的小故事，像是舊式飛髮舖的燈箱 ... 印花牆紙更添一份味道兩邊的走廊都可以去到用餐的位置~順帶一說，午餐只有60分鐘的用餐時間我們被安排在右邊的用餐區，那裡有一個放滿活字印刷字粒的櫃子就連雪櫃、相機等，每一個擺設都在透露著歷史久遠另外每一張桌子、椅子，還有燈的樣式也是不一樣～舊式的味道十分濃厚而且也發現到店內的古董~留聲機還真是比較少見了看起來餐廳每一個位置都是一個不錯的打卡位呢！午市餐點的選擇從麵類到飯類也有，都是一些傳統的台灣菜。飲品反倒不算很特別，我自己則是對這裡養生系列的茶較有興趣牛蒡紅棗枸杞茶 ($30) - 味道一點都不寡淡，喝起來有點清甜主食的話，我點的是 - 台南南部擔仔麵搭滷味拼盤 ($65)其實單是擔仔麵的餸都滿豐富~有彈牙的蝦、入味的肉燥麵條亦很有咬口，配上濃郁的湯底別有一番風味滷味拼盤包括了豬耳、雞翼、

期望已久來這間台式餐廳食飯，聽聞常常滿座的，所以趁昨天路經灣仔又未撞正午餐時段，入去碰碰運氣😅還好... 有位！餐廳好有復古風格，差少少以為自己走左入去阿飛正傳的拍攝場地😝我點了一杯黑糖珍珠奶茶，還有一份台式醉雞麵線。話說是冰鎮過的醉雞。不過真心評論，個雞醉味淡得很，應該浸酒時間不足。麵線的汁雖然有點顏色但其實淡到似清水一樣😔黑糖珍珠奶茶就只有珍珠還可以，杯奶茶完全黑糖味不夠，奶和茶份量都淡到一個點😒完完全全食到餐低糖低鹽，非常健康，所有食物都無味😣完全失望的一餐，不會再去☹️

《 1963 灣仔 》世事就係咁奇妙，正當我打算暫停食台灣嘅時候，自己又會不經不覺入左台式餐廳食飯....🐣 豆乳雞飯 $70哩個豆乳雞確實不簡單，雖然炸雞係台式菜中係基本款菜式，但要好食都不容易。哩間餐廳嘅豆乳就能做到色香味俱全，豆乳雞嘅鹹香味同豆乳味突出尤其餐廳是即叫即炸令香味再提升。雞肉亦鮮嫩有肉汁而且調味適中送飯一流！🐥 台式醉雞冷米線 $78令我最陶醉係醉雞冷米線，醉雞嘅紹興酒味好香，酒味更能帶出雞肉嘅香味。餐廳更以類似日式叉燒方式製作醉雞卷，所有完全冇骨啖啖肉，以醉雞汁配米線的確恰到好處，米線冇因為凍食而變得一舊舊，仍然條條分明，好味！

平時食牛肉麵、滷肉飯食得多，今次依間身處唐樓既台灣野可以食到啲比較正宗、傳統嘅菜式。店主話自己嘅台灣菜偏向台南嘅口味，同香港平時識到嘅會有分別，因為香港食到嘅台灣菜通常都會經過改良去迎合香港人口味，店主想像原始嘅味道還原，所以餐廳用嘅醬料、米酒主要係由台灣直接入口。-1️⃣ 台式三杯雞飯 💰70（👅: 7.5/10）雞肉食落幾嫩滑，三杯雞嘅醬汁偏重味，有啲人會接受唔到嫌太鹹，我諗正宗台式應該係呢個味道，我個人可以接受，不過三杯雞唔太食到酒香味。滷肉份量足夠，夠撈成碗飯，肥瘦算均衡，入口溶化。整體唔係好驚人不過可以食到平時台灣菜小食既菜。-2️⃣ 茶燻雞佐烏籠茶漬飯 💰78（👅: 7.5/10）雞肉份量多，食落嫩滑，有肉汁，煙燻味重有小小茶香，雞皮食落唔油膩但香口，雞出色。茶漬飯無咁出色，覺得烏龍茶茶味偏淡，如果重啲會更好。-🧋黑糖奶茶💰15（👅: 6/10）味道偏淡，茶味唔太飲到，珍珠唔係彈牙煙韌，唔太推介。-🌟可惜係當日食唔到台灣地道既山菜好似水蓮菜，要睇個日來貨同季節。算係中價既台灣菜，比起野食環境更好，打卡一流，裝修格外用心，無論係舊式信箱、木門、印花牆紙、收音機、地櫃、古董電話、相機，