1963 木十豆寸

營業中

休息中

又一間因為佢個名特別而吸引左我地去食既餐廳 我地一行二人午飯時間去 大家都叫左“台式滷味拼盤拼滷肉飯”呢個午餐set滷肉飯：頗高質 滷肉軟嫩帶有膠質 而肥瘦度亦恰到好處 醬油非常惹味 用黎送飯一流 正！滷味拼盤：同樣十分高質 好入味 而滷味既種類亦都幾多下 有豆干，蛋， 海帶， 豬耳，牛展等等 非常豐富 我仲聽講店主係台灣人 係正宗既台灣風味呀！環境方面 舒服好坐 裝修走懷舊風 入到去好似時光倒流幾十年咁 幾特別 睇得出店主既心思 打卡影相一流 另外溫馨提示 午膳時間比較多人 唔想等太耐的話 建議預早打去訂座

呢間餐廳呢平時我已經好想食，但係之前上班想食晏晝啦，經常幾日前book都已經full左，今日專登搵一日星期日下午過嚟品嚐，之前已經book定位。餐廳嘅位置其實都算方便，但係就喺唐樓嘅2樓，普通人未必會即刻就發現到佢。行上兩層嘅樓梯嚟到餐廳門口，已經感受到佢王家衛式的味道，古舊嘅木門，手動式嘅相機，舊時嘅電話，被歲月洗禮復古味濃嘅燈飾，令人已經目不暇給，幻想自己係花樣年華嘅主角，喺呢度拍一齣懷舊嘅香港情懷電影其實都很不錯啊！好啦講咗咁耐，餐廳除咗裝修之外，梗係要講佢嘅食物啦，今日我就叫咗個紅燒牛肉麵，一個滷肉飯套餐，再加多碗青木瓜排骨湯。食物呢只要5分鐘呢就已經上枱啦，全部呢份量都係超充足。個牛肉麵呢啲湯唔會話好濃，聽講佢啲牛肉呢係用兩天啦用自己調校的香料燉煮而成嘅，所以食嘅時候呢佢係好軟同埋係好入味嘅。個滷肉飯呢，我自己覺得呢嗰個飯呢反而係比較特別嘅，因為佢用咗一種平時我哋喺出面食到嗰種汁來加上啲飯到，令到人覺得係好上癮，味道又好香嘅，好似我喺台灣食到嘅一樣,又係去唔到旅行食下台灣野先啦！差啲唔記得講，餐廳不停播着耳熟能詳的台灣歌，一路食一路哼唱添啊!一路食嘢一路享受下佢嘅裝修，而且兩

又嚟到打公仔期待嘅lunch time。星期四信用卡又有80蚊減20蚊嘅優惠。精打細算嘅Mingorr想食好啲同飲岩鹽咖啡。所以再經openrice幫襯依間餐廳嘅外賣。講一講上次食咗個茶漬飯加薰雞。薰雞味太濃烈。令到啲雞有陣苦味茶漬飯正常。本身唔諗住再食。但佢嘅岩鹽咖啡真的不錯。又唔係度度有。所以再戰。環境以懷舊為主題。如果堂食真的不錯。講返今次叫咗個眷村伴面。算是不錯吧。都足料。竟然有杞子。有啲進補feel。面都彈牙。湯都濃郁。有啲肥豬肉燒腩仔加一粒貢丸。可以。份量一般。再嚟係岩鹽咖啡。成杯都好濃郁。咸咸甘甘咁。又有一絲甜。好飲大杯啲仲好。總結嘢食份量唔算多但比較貴。食物正常水平。嘢飲出色。

呢排個案多咗唔少,少咗堂食,多數都叫food panda,今日經同事介紹,一齊叫咗呢間平時要預約嘅餐廳,佢只做預約,NO walkin,心諗無得walk in質素一定有翻甘下下,點知貴就唔在講(因為佢部份嘢食個份量都幾少下),仲要幾難食下,可能我條脷同其他人唔同,我真係食唔出佢賣嘅嘢食值呢個價位,簡單D講句CP值唔高, 我地叫咗家常菜:台式滷味拼盤(75-無飯)、家常菜:烏龍茶香燻雞(80-有飯跟)、魯肉飯X2(38/個),共231,係香港食台灣嘢都係around6X-7x,所以呢個價位真心有少少貴同時佢張menu嘅描述有少少過於簡單,無寫明邊個有跟飯或只有小食,分咗營養湯品、冷前菜、家常菜同主食,以我嘅理解就係營養湯品同冷前菜係無飯/麪跟,而家常菜同主食就係會有飯/麪跟,定還是我學識淺,理解能力低呢台式滷味拼盤-1隻蛋、豆腐4塊(每塊約2cm厚)、豬耳5條(正常size)、雲耳絲約20條、2隻雞翼同2嚿羅白,睇落份量好似好多,但係以素為主,仲要係唔係值好多錢嘅材料,而且無主食緊我覺得少貴烏龍茶香燻雞-約一雞件女仔手掌大少,唔鞋,但係有少少煙燻過龍,所以食落D肉有少少苦味同羅味,收我8

由走進大廈入口那刻開始，沿著樓梯一直上到二樓，都感受到滿滿的復古風。而室內的裝潢擺設也不例外，餐具亦刻上了不同字句，精巧細緻。價錢方面，午餐比晚餐經濟實惠，最好預先訂座才到訪。.‣麻醬麵套餐(配貢丸湯) $65醬料有麻醬及甜醬，麵質彈牙，味道恰到好處，甜而不膩。貢丸湯加入了杞子紅棗，味道鮮甜。.‣台式三杯雞飯 $70三杯雞份量不少，雞肉嫩滑，但醬汁偏咸。滷肉鋪好鋪滿，肥瘦比例剛好，入口即溶。.〒1963 木十豆寸灣仔灣仔道110號中匯大樓2樓

呢間成日都好多人 次次WALK IN都唔會有位今次好醒 朋友晨早BK左原來地方都唔細GA WO仲坐得好鬆動我叫左個台式醉雞面醉雞非常入味 充滿酒香而且都有不少件 有D藥材 算係真材實料加上係凍的冷盤 感覺好清新同埋係配面 一D都唔會油膩朋友叫左個台式三杯雞飯份量都好多 飯上面仲有D魯肉好多送 真係岩哂D食肉獸三杯雞味道都幾惹味 帶少少辣配飯食真係唔錯另外一提 店員好多真係台灣人服務都幾細心 值得一讚

由入門口拉開木門開始,到店內的裝潢擺設,甚至上菜的餐具都係走懷舊風,每個角落都好啱打卡lunch menu都算幾多選擇,睇完一輪都係最想食滷肉飯,最後揀左脆皮雞腿飯 (辣),落左單上菜都幾快,雞腿肉質幾嫩滑, 但個皮就唔算脆 (我估應該一早炸定)味道都ok , 個辣原來係指個pat 辣醬 (有少少失望lol )滷肉飯個味都幾香係灣仔呢個價錢黎講,份量同質素算幾抵,反而另加ge特飲味道一般, 寧願食完行多幾步去買杯天x飲仲開心

在灣仔返工，令人最傷腦筋的一定是Lunch吃飯的時間，因為灣仔上班人士比較多，每次吃lunch的是一間必定大排長龍，幸好找到這家位於灣仔的樓上店，而且在OpenRice可以預先訂座，今天跟同事一起來吃吃。午飯餐牌選擇也有很多，跟同事各人點了一款醉雞冷麵，整個套餐都是以冷呈現眼前，醉雞味道未算太過濃郁，只有淡淡醉雞香，不過雞肉肉質不會過分鞋口，整體還算不錯而我自己點了一款排骨幼面，幼面咩都比我想像中有啲出入，湯底味道不算突出，幸好的是排骨做得不錯，配上台式豆瓣醬帶點鹹香，配上面來一起吃剛剛好！而且面上放滿台式魯肉，魯肉肥程度恰到好處，但味道個人覺得略為淡口，不像台灣吃的魯肉，這個有點小失望同事叫的三杯雞，以魯肉飯呈現眼前，三杯雞肉質頗鮮嫩，以三款菜式比較下個人比較喜愛三杯雞，配飯一流！剛剛亦有介紹到滷肉飯比想像中的台式味道有出入，而且飯今天做得比較濕潤，吃落過於林身，同事跟我都比較喜歡吃粒粒白飯，所以這麼飯比較遜色整體而言味道中規中矩，唯一小不足是午飯餐牌並不是套餐，如需加配飲品須另加錢。

當天約下午5:30到館子，打算來一頓early dinner。到達門前，有一小告示表示按鈴後，等待店員前來開門。的確，只待了一會，便有店員前來應門。甫進門，店員便敷衍且態度惡劣著我們量體温之類，甚至有點呼喝的感覺，登時興致大失。完全不知何故可以如此過份！？其實店內惟獨是那位長得胖胖的女店員態度如此，其他的也服務殷切，值得表揚！

叫咗好多唔同嘢食，有炸比目魚扒、啤酒鴨、三杯雞、蜆、新竹米粉、櫻花蝦炒飯、滷水拼盤等等，一人叫咗一杯嘢飲，我叫咗熱情果梳打。炸比目魚扒唔係好油，但唔係好香，不過都OK嘅。櫻花蝦炒飯幾好食，好香，又唔會太咸。新竹米粉賣相麻麻地，同埋啲椰菜蘿蔔絲芽菜一齊炒，但本身鍾意食新竹米粉覺得幾好食。三杯雞，正常味道，唔知三杯雞咩味😂個啤酒鴨冇影到相，一開始食舊豆卜有啲啤酒味，唔知係咪之後個啲酒味揮發左，好似冇啤酒味，個鴨都ok。叫侍應俾啲碗或者碟我哋，但俾咗膠兜我哋，覺得有啲唔係咁環保。

一月一度嘅小紀念日 今個月我揀左呢間位於灣仔嘅木十豆寸之前都聽過有朋友介紹 不過一直未有機會試嗰排實在太掛住台灣 所以決定食個台灣菜止下癮😭入到去見到個裝修都係懷舊風 全程背景音樂都播住台灣嘅歌發現餐具的小巧思👍最後我地叫左台式滷味拼盤($75)、烏龍茶香薰雞($80)、魯肉飯($30)、麻醬麵($45)個魯肉飯真係好好好好食😭 個醬汁唔會太濃味 啲肉粒又唔會太肥 係我鍾意嘅味道😭麻醬麵冇影 因為一上菜就被男友夾亂哂🙃佢話佢好欣賞呢個麵😆😆 不過我覺得有少少“漏“🙈睇黎短期內飛唔到台灣 惟有得閒過黎解下相思之苦😢btw, 建議最好預先訂位, walk in應該都要排一陣

係灣仔search台灣菜唔算特別多選擇今次黎到呢度主要係俾佢嘅裝修吸引到🙈TLDR: 食完整體感覺係主打環境 食物就正常發揮 晚市如果有親民價錢d既dinner set 會更加吸引餐廳設計到有舊式中菜店既風味配以各種既擺設，例如古董酒杯、舊時鐘同鏡等等加上選址都係舊式唐樓上去餐廳嘅時候好似過一條時光隧道咁同時亦都擺放左連儂文宣今次同朋友食左2個主菜清燉牛肉麵 ($70)有牛腩同牛筋雙拼可能係因為清燉湯底感覺都比較肥膩古早味滷排骨 ($75)& 五穀飯($20)排骨煎得香脆 配以淡淡甜味五穀飯非常合適

訂位時沒有告知午餐用餐時間只有一小時，服務員及經理態度非常傲慢及無理，只是一昧叫我們一小時內一定要走，遇上這種不講理又沒有服務品質的餐廳，要去捧場的客人請三思。

幾有feel嘅餐廳。食物基本黎講都唔錯。茶勳雞最好食！不過整體而言就是比較貴咗啲同埋有時間限制。最多可以食90分鐘。職員也會提你時間，很準時就要你離開。在正在用餐的我哋嘅角度就比較可惜，會希望可以係呢個環境中坐多一陣。但係對正在等位的人來說應該會係幾欣賞，因為時間到就一定有位給你。可能正因為有時間限制，所以食物亦會上得好快。我哋三個人共叫咗4樣嘢加兩個飯。個人比較鍾意滷肉飯，口感豐富啲。而雞飯感覺比較清。

今日Lunch，同事帶我坐叮叮去灣仔食台灣菜。12點45分左右到達，人不算多。見到抗疫餐牌，就點了個很養生的薑母鴨米線。上菜的時候，有少少驚訝，鴨肉很多。鴨肉是‘淋’，但又未到一咬就散開的程度。湯底是有淡淡的藥材味，亦唔咸。最欣賞的是橙色的醬，有淡淡的腐乳味和很微很微的辣，鴨肉配這個醬令人食唔停口！同事點了肉燥飯和滷水拼盤，份量亦很多，食了滷水雞翼，雞肉滑又入味。同事說其他滷味都不錯。總括來說，值得一試！