18樓雞煲火鍋專門店

營業中

休息中

環境環境都ok，地板係乾淨嘅。如果要挑剔，地板有小小小癡，提供嘅大藍色膠杯就有漏水嘅狀況，搞到我衣袖濕咗，係無意之間。但服務員見到都有幫我收走個漏水杯。跟住我自己處理返濕咗嘅衣袖。服務服務就相對一般。部分服務員服務就差小小，但唔太有乜影響。10分滿分都有6-7分嘅。食物質素首先，雞煲分量相對從前就少左啲啦，呢到有啲失望。如果要食多啲雞就要另外加多48蚊每位，冇聽錯嘅話。價錢方面ok嘅，平均一個人加一就181.5左右，任食嘅話都OK嘎。呢個價錢可以畀8分。因為我都去咗四五次以上，感覺上就係退步咗嘅。會唔會再去？甘就未必啦。冇之前甘吸引。完。thx

太耐無食過雞煲啦🤩之前一直都無食過這間，所以今日就黎試啦！！佢旺角都有分店，但見荃灣多啲like就一於試試佢😚一入到去6點幾咋，窗邊位已經坐滿哂，心諗咁誇張嘅！！原來佢都係掃QR code落order，好方便又環保，十分user friendly!第一次叫咗雪花肥牛，第二次叫特級肥牛，我覺得特級肥牛好食啲🙈雪花肥牛有啲散，而且無咩味🤣反而特級肥牛個肉質仲好咬！！滑雞件都好好食！！好嫩，而且肥瘦均勻，咬薄去唔會好鞋！！！🤣今晚嘅是日海鮮係蜆！好新鮮，上到碟仲係識yuk🤣🤣好搞笑不過最正都係響玲！！明顯同街買嘅有分別，大嚿啲又厚啲，滾5秒就做到外脆內軟，仲要吸晒啲湯嘅味🥳飲品方面佢都好多選擇，竟然有冬瓜茶！啱晒下火！！！味道唔錯，唔算好甜！！不過茉莉綠茶略略唔夠味🤣飲支裝嘅解茶仲開心😂😂最後仲有fro yo 食，簡直係完美嘅句號！！雪糕真係有乳酪酸味，消肥一流！！！

約咗朋友喺荃灣食飯，大家都好耐冇食過雞煲，一於就搵間又可以食雞煲又可以打邊爐嘅餐廳，佢推薦左18樓雞煲火鍋專門店！一坐低店員就會問你要咩辣度，我哋要再中辣，個人來講都接受到唔算好辣，會有少少麻。然後好快就上咗雞煲啦！呢度兩個人嘅份量，都幾多，每人都食咗好幾件雞。啲雞都幾滑，如果唔夠食可以再叫雞件或者雞柳，煮多一陣。雞柳就滑好多，好食😋😋另外可以電話落單，叫火鍋配料，落完單好快就送到。我哋叫到成枱都係嘢食😆基本火鍋配料都有！鍾意食魚嘅朋友推薦食脆肉鯇，好彈牙！海鮮方面個人幾鍾意食蜆，我哋都叫咗好多次🤣佢啲蝦好大隻，肉質十分新鮮，爽口彈牙！朋友食到停唔到口🤣墨魚滑都好好食，好彈牙！羊肉片都唔錯！飲品方面，平時罐裝飲品呢度都有，另外都仲有杯裝飲品，例如冬瓜茶、茉莉綠茶，唔會好甜，味道啱啱好。食到飽一飽，唔少得就係食返杯乳酪雪糕先啦！面頭可以再加配料，我都幾鍾意食呢種乳酪雪糕😋食到好飽好滿足☺️☺️

How long I have been longing for 雞煲🐥🥲好耐好耐冇食雞煲，近排想食重口味野第一時間諗起雞煲，今日就同左朋友嚟食啦😬18樓雞煲價錢好抵食，而我最鍾意佢嘅地方係環境好闊落，算係我見過環境最寬敞舒適嘅雞煲火鍋餐廳☺️☺️坐得舒服好重要！！雞煲只係叫咗BB辣，都算有少少麻香唔食得辣嘅朋友仔都可以食到👍🏻任食火鍋嘅配菜種類都算幾多但係兩個人唔大食就試唔哂不過火鍋配料一般都唔會太差！反而店員嘅態度就可以好少少就咁放低咗個雞煲無指示過食得未同埋點樣加湯打邊爐😕

返工大壓力間中都會想食下啲邪惡野😂今日嚟到荃灣大鴻輝中心18樓雞煲！😝因為朋友生飛滋所以我哋只係叫咗微辣雞煲🥳雖然我哋只係得兩個人食但係雞嘅數量都有好多！我覺得好好食喎☺️少少麻辣味又唔會太辣🥰朋友都食到！隻雞夠晒入味越食越上癮😏食完雞煲可以自己出去拎雞湯做打邊爐！😇餐廳用QR code形式order材料🤗而豉油同埋菜同嘢飲就自己出去拎😆疫情期間餐廳都執行要求客人出去拎嘢食嘅時候要戴口罩👍🏻夠晒衛生！雖然呢間雞煲火鍋食材種類唔算太多 但係樣樣都好好味夠晒高質🥳海鮮又夠新鮮！食完雞煲真係好滿足😃正呀！有機會一定會再嚟😝

都未坐底店員就問要咩要咩辣坐底未抹晒餐具雞煲就到勁快！（來誤：任食是要爭取時間的）不過老實：咁快應該係因為平日雞煲微辣，雞好嫩滑，醬好足上枱時既雞都已經係8-9成熟都唔洗等好耐就可以食！湯底自行加脆肉鯇腩骨正過脆肉鯇片是日海鮮：蜆同蝦好新鮮，呢個超加分！個人幾鍾意佢上菜份量細海鮮同肉同丸一樣都係細細份一視同仁因為好老實講，唔夠食再叫就可以了但叫太多食唔晒就浪費菜就自己拎同埋佢唔會陰啲陰啲 黎一啲你冇叫既野🤣又冇甩單，冇叫左又唔到

荃灣一向好多嘢食今次同朋友傾傾吓決定又係時候食雞煲啦朋友想食得豪放啲所以就決定揀咗18樓雞煲顧名思義18樓雞煲梗係喺18樓啦基本上一入到去店員已經會問你雞煲要咩辣小中大辣任君選擇我今次就嗌左個中辣開心就係雞煲冇耐已經上到嚟啦雞件大小適中選用雞髀雞翼雞胸肉啖啖肉辣度啱啱好加埋啲洋蔥愈炒愈香食到咁上下就可以自己去拎上湯變做打邊爐拎上湯見依度仲有唔同嘅蔬菜自己攞啦而打邊爐嘅類型嘢食都非常之多同朋友一行兩個人所以各樣野都嗌左兩件啲但一上到黎已經見到成日桌野好震撼雖然係任食但係肥牛滑牛嘅質素都有返咁上下炸魚皮響鈴山根應該係自家製所以乾脆到係脆卜卜仲想讚下佢隻蝦大隻又彈牙除左普通啲唔同嘢飲之外佢仲有自家冬瓜茶甜度唔會好甜啱晒嚟食雞煲同埋打邊爐最後仲可以食乳酪雪糕加埋唔同配料好開心

依家疫情反覆不定，有得晚市堂食就盡量約人去食，呢晚約咗朋友去荃灣食18樓雞煲，有套餐A、B、C選擇，主要分別牛肉種類及質素有所不同，B、C餐另有廣島蠔、手打蝦滑、半殼扇貝；今晚食咗個套餐A，$178一位連加一，二佰大元都唔使，食足兩粒鐘，對肉無乜要求嘅我哋，已經好足夠😋一坐低爭取時間要咗個走辣雞煲，因為佢哋真係即叫即整，製作需時⏱之後施施然去揀飲品，多款唔同飲品，放喺舖頭唔同嘅位置，所以走咗個圈先至揀咗自家製台式冬瓜茶＆仙草爽，一路飲一路用手機落單叫打邊邊配料🧃🧋菜、上湯、多款調味料、多款熱茶、軟雪糕🍦自助式供應新鮮雞煲一到已聞到香噴噴，看似個樣好濃味，但其實味道啱啱好，雞亦好滑，連雞胸都唔錯，喜歡佢洋蔥生生地食到甜味🧅打邊邊配料以我個人口味有幾樣係必食，海蝦非常新鮮彈牙，白鱔片無泥味，夠特別嘅係胡椒豬肚丸、醬爆豆卜，味道唔錯唔錯，菠菜豬肉餃都幾多菜，滋補花膠煮多一陣吸晒啲湯汁味好好味🥰

等到頸都長埋終於可以出去食飯，之前兩個人淨係可以食啲單點食物！今次四個人終於可以放肆咁食一次任飲任食火鍋雞煲！大鴻輝不嬲都好多人排隊，上到去已經坐晒人響度等，但好彩等咗一陣已經入得去啦，入面好大座位好寬敞，坐得非常之舒服。雞煲最緊要就係夠辣同埋夠香又夠麻，18樓雞煲絕對做得到。第一啖食落去已經覺得好香好入味唔知係咪太耐冇出街食過呢個晚飯，見到咩都想食我都叫咗好多蔬菜好新鮮牛肉選擇亦都非常之足夠，重點係上菜非常之快！咁樣先至夠時間食到咁多唔同款嘅嘢。我覺得響鈴，炸山根，炸魚皮 這類的火鍋配料很棒 夠脆 冇油益味。由於個湯底實在很惹味 一於叫個冰豆腐吸下湯底嘅精華 索曬味 超正。另外亦都推介一定要叫花膠！好厚身好大隻，揼落去雞煲度，吸晒啲味仲充滿着骨膠原滋陰又好味。重點推介甜品有朱古力味同埋原味嘅乳酪雪糕，我同男朋友係食咗三杯實在太好味啦。覺得朱古力味比較好味，仲要配料十分之多。食咗幾輪之後食埋幾杯雪糕簡直係一個完美嘅晚餐。餐廳仲有自家製降火飲品提供 味道唔會太甜 飲完個喉嚨真係舒服好多

成日見到大鴻輝個外牆大大個廣告 寫住地表最強雞煲 任飲任食 又麻又辣 呢啲字眼真係引死人 一於約埋幾個朋友一齊去開餐餐廳佔用了全層面積 可以容納好多人 地方夠大唔會好焗促 入座嘅時候仲未爆滿 食食下已經見到店內座無虛席 真係好旺揀咗中辣嘅雞煲 四個人食覺得個份量啱啱好 個雞煲真係超惹味 醬汁非常濃厚 又香又麻又辣 雞件完全入味 而且唔會好肥食完雞之後就可以加湯打邊爐 店內好自助形式 自己加湯 自己調配醬料 自己選擇喜歡的蔬菜 挑選自己喜歡的飲品蔬菜一盤盤 清洗乾淨放在雪櫃 有西洋菜/生菜/油麥菜/黃芽白… 另外仲有一些瓜類的 從電話QR code落單QR code落單 既環保又方便 而且送餐速度非常快 完全冇留單情況出現 值得稱讚 火鍋配料款式非常之多牛肉質素有驚喜 絕不是便宜貨色 肥瘦均稱 而且色澤紅潤 很新鮮 有肉味一定要點花膠 花膠完全吸曬湯底嘅味道 超入味 軟綿綿嘅口感好似棉花咁 充滿骨膠原海蜆和海蝦也是無限量供應任飲任食的 蜆肉肥美冇沙 充滿海水味 蝦肉彈牙爽口 夠大隻另外仲有多種火鍋配料 例如午餐肉 響鈴 山根 蟹柳 各式各樣嘅丸類 牛柏葉 豬紅…數之不盡 整齊乾淨衛生 質

荃灣區不嬲都好多好嘢食，打邊爐雞煲都有好多選擇，但係今次利是呢間18樓雞煲，原因好多人都推介佢抵食，同埋嘢食質素真係唔錯。我哋好早到咗，但係都已經有好多台客食緊。甜品、醬料區、蔬菜類同埋飲品類都係可以自己拎，飲品嘅選擇都幾多，特別推介嘅係佢個台式冬瓜茶，我見都幾多人揀黎飲，一邊打邊爐一邊飲，可以降熱氣。因為我哋唔係好食得辣，所以叫咗微辣，啲雞肉好新鮮，一啲都唔鞋口，一想個雞煲嘅份量唔算太多，可以預留空間位置食其他嘢。佢哋係用QR code手機落單，非常方便。落咗order唔使2分鐘啲嘢食就已經上枱，非常有效率，唔似得其他啲舖頭三催四請啲嘢食先到。每個份量嘅嘢食都唔算太多，可以食多幾種，雪花肥牛好有牛味，墨魚滑個墨魚肉口感好好，好彈牙，另外佢個五香牛腩，半肥瘦嘅狀態，啲脂肪入口即溶，有興趣真係可以試試，我好推介牛腩。食到尾聲加返個雪糕乳酪，有原味同朱古力味，滿足晒，其實佢可以食兩個鐘，但係我食咗個零鐘就已經飽晒

有一排冇食雞煲！係大鴻輝已經有好大競爭，宜家尼間仲越黎越差！以前都冇分A,B,C plan 餐，今日揀左中間價位黎食！多左個蠔/蝦滑/扇貝/同牛高級D其實個牛冇咩牛味⋯⋯食最平個款都得！廣島蠔，雪到冰晒⋯味道一般扇貝急凍貨⋯⋯又細冇咩鮮味蝦滑⋯⋯正常囉。不過要提既係個雞煲！雞煲最重要係雞件！成係都係骨！ 同埋係冇肉！雞煲有3隻雞脾既幾腳！ 雞胸係冇⋯⋯好差⋯可以話越黎越差！食完仲好口渴。價錢$198 一位！既餐食最平既都得！希望有所進步！唔係又另一間被淘汰！

今日突然間想食雞煲,去開荃灣知到大鴻輝入邊有間叫18樓雞煲，見到價錢又唔係貴，即管入去食吓。上到18樓地方非常闊落，有好多卡位，最適合傾偈。主打係麻辣雞煲，醬汁非常濃厚，雞好有雞味，紫洋蔥帶動成個到嘅香味。肥牛，肥瘦分明，616就食得，牛味夠重，今日可能太肚餓食咗好多碟。今日全日最好食我覺得係黑椒牛丸，爽口彈牙，好大粒，牛味相當濃厚。近期好鍾意食台灣腸，依家18樓雞煲我都有，好爽口肥而不膩。打開個雪櫃全部都係買菜，我揀咗油麥菜因為我覺得佢同打邊爐好夾，菜很新鮮，很爽趣，好鮮甜。當然最好做一個雪糕作為終結，朱古力味食極都唔會厭。

今日同朋友嚟到荃灣食雞煲放題做晚餐，有ABC三種選擇，同朋友平平哋食個A餐，2小時任飲任食，盡興一下！夜晚七點前離座每位唔使$200離場，性價比都高。坐低冇幾耐，主角已經登場，雞煲的香味撲鼻而來，食落味道濃郁，好惹味，同朋友叫咗小辣，辣度帶點辣又唔會嗆口，仲有微微花椒的麻味，個人會再以生洋蔥配雞食，又辣又麻又香，相當重口，but I like it🤣🤣差唔多食完啲雞，就可以開始加湯底打邊爐。一開始以為食放題落單之後要等好耐，點知原來上菜速度好快，用手機落單後唔使5分鐘就到，好有效率！火鍋配料都有好多選擇，牛肉、豬肉、雞肉、遠慮、蔬菜類等等，就算係最平嘅A餐都有海鮮選擇！咁多配料當中，最surprise 係滑牛肉，食落去相當嫩滑同牛味十足！仲有自製響鈴都值得一試，食落冇好重嘅油膩感，幾好！有自助醬料區，自己最鍾意嘅醬汁就係，無限多蒜蓉再加少少紅辣椒、蔥同醬油，我同朋友都覺得用呢個醬汁配肉類，有蒜泥白肉嘅味道😂！最後係自飲的飲品區，唔同雪櫃都有唔同嘅飲品選擇，選擇都好多，自製冬瓜茶飲落微甜，都幾順口舒服，解熱氣一流！

之前出黎荃灣陪女朋友行街就黎左朋友之前介紹既18樓雞煲入去之前已經揀左大中小辣坐低後 都未開口 已上雞煲 好有效率佢地唔會浪費你嘅一分鐘任食嘅機會食完雞之後就自己去攞湯最鍾意就係自己落手落腳咩都自己拎佢係用電話落單方便上菜幾快落左單一陣就上不過每碟份量好少都幾好既廢事啲人成日叫左又食唔晒唔錯既諗法叫咗個微辣嘅雞煲好香好惹味食落有少少麻麻地我本身唔食辣都覺得好好食而家有幾多菜揀黎食鍾意食咩自己擺野飲都有幾多選擇今次飲左烏龍茶細細支飲完又可以試下其他野飲唔錯唔錯最尾緊係要食翻杯乳酪啦為尼餐飯畫上完美句號旺角都開左分店唔洗再突登黎荃灣食尼間係我食過幾抵食既一餐雞煲Cp value極高好抵食極力推薦大家黎試下