18樓雞煲火鍋專門店

營業中

休息中

今日突然間想食雞煲,去開荃灣知到大鴻輝入邊有間叫18樓雞煲，見到價錢又唔係貴，即管入去食吓。上到18樓地方非常闊落，有好多卡位，最適合傾偈。主打係麻辣雞煲，醬汁非常濃厚，雞好有雞味，紫洋蔥帶動成個到嘅香味。肥牛，肥瘦分明，616就食得，牛味夠重，今日可能太肚餓食咗好多碟。今日全日最好食我覺得係黑椒牛丸，爽口彈牙，好大粒，牛味相當濃厚。近期好鍾意食台灣腸，依家18樓雞煲我都有，好爽口肥而不膩。打開個雪櫃全部都係買菜，我揀咗油麥菜因為我覺得佢同打邊爐好夾，菜很新鮮，很爽趣，好鮮甜。當然最好做一個雪糕作為終結，朱古力味食極都唔會厭。