783
23
8
開飯介紹
提供雞煲任食及火鍋放題，雞煲醬汁香辣濃郁，客人可以按自己喜好選擇適合的套餐，套餐價錢適宜。
繼續閱讀
營業時間
今日營業
16:30 - 00:00
星期一至日
16:30 - 00:00
公眾假期
16:30 - 00:00
公眾假期前夕
16:30 - 00:00
以上資料只供參考, 請與餐廳確認詳情
有關獎賞計劃
食家推介
18樓雞煲火鍋專門店早幾日中同突然打比我話想出去打邊爐，如果佢早少少打嚟就一定會留肚，中午先食完刀削麵，真係好鬼飽！輪椅人士去呢度要注意，要搭貨，貨喺大鴻輝後面近休憩處，上到18樓穿過後巷就入到火鍋店，入面算闊落，方便大家約成班輪椅朋友上去打邊爐！呢間18樓雞煲火鍋店應該大家都唔陌生，今次我哋揀咗套套B，呢個套餐有扇貝、手打蝦滑、 雪花肥牛、特級肥牛、廣島蠔、美國安格斯牛頸脊同指定啤酒任飲，打邊爐就任食2小時。呢間火鍋店都係用QR Code手機落單叫野食，有超過90款食物比人叫，首先就係先食雞煲，食完再打邊爐，呢間無湯底揀，枱上只有乳白色無咩味嘅湯就係比你加，加完無哂可以叫店員再比你！飲品方面有2款係自家製，包括有冬瓜茶同桂花烏龍茶，仲有其他大路罐裝同支裝飲品，唔洗加錢任飲啤酒有嘉士伯、藍冰同獅威！雪糕方面就有兩種味嘅雪糕比人任食任唧，有乳酪同抹茶味，仲可以加朱古力針同迷你棉花糖。我今次必食推介有：美國安格斯牛頸脊、廣島蠔、牛柏葉、麻辣鴨血、響鈴、 黑椒牛丸、胡椒豬肚丸、包心芝士丸、牛筋丸、炸台灣一口腸、海蝦、芝士豆腐、山根、金菇、鯇魚片、炸魚皮、蟹爪肉棒、滋補花膠等等......4人總共價錢$1179，有加一服務費！個人口味總評分：8/10@18fhotpot地址：荃灣眾安街55號大鴻輝(荃灣)中心18樓#18樓雞煲火鍋專門店 #任食打邊爐 #香港美食 #荃灣美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
想搵個地方慢慢坐，同朋友食餐好同傾下偈，就嚟咗呢度，餐廳好光猛同乾淨，幾乎全場座位都係卡位，又闊落又好坐，加上餐廳喺18樓，坐窗邊望落去好開揚，感覺好舒服我哋揀咗$218嘅套餐A，首先上咗個小辣嘅雞煲雞嘅份量好足，雞件好滑，味道香濃。食到七七八八，就點各款火鍋配料，準備打邊爐。火鍋配料有好多唔同種類，有店家推薦嘅熟食、牛、豬、雞、海鮮、丸、蔬菜同其他例如鵝腸、餃子等嘅食材，所有種類嘅選擇都好多食材好新鮮，洗得好乾淨，而且每款嘅份量都剛剛好，夠食得嚟唔會浪費醬料區好乾淨，提供嘅選擇都好足夠仲有好多唔同嘅飲品，有自家嘅冷泡茶、樽裝茶、樽裝飲品、各式汽水、茶包等等，選擇好多，總有幾款啱飲，想讚店家嘅冷泡茶，好濃好夠味呢度仲提供乳酪同雪糕，今次試咗原味乳酪同巨峰提子雪糕，兩款個質地都好好，好香滑，仲有唔同嘅toppings俾大家加整體質素高，選擇多，環境舒服，我覺得幾抵食
繼續閱讀
疫情復常後，終於可以安心地食一餐雞煲火鍋喇！呢間係荃灣同旺角都有分店既18樓雞煲火鍋專門店，名符其實位於18樓架！🤪今次黎荃灣店打大佬，睇下食到幾多野🤪店內除左每枱可用QR code落單點配料食材外，亦有飲品區同蔬菜區比客人出黎「走走」。各區都有好多選擇，菜亦好新鮮。我地分別拎台灣冬瓜茶（左），同冷泡茉莉茶（右），最後我個杯冬瓜茶獲勝，因為連朋友續杯時都係拎冬瓜茶😎，兩杯味道得宜，唔會偏甜偏濃味，正正可以係雞煲火鍋之間取得平衡。同朋友點左個A餐食，值得欣賞既係我地一坐低就會有職員送上雞煲啦，仲要係已經可以食得，唔使等佢慢慢熟先可以食呢！對於做任食火鍋黎講，真係好有良心！咁我地唔客氣，就可以即刻品嘗啦！☺️雞件切得正好，唔會太細或太大件，每件亦好入味，我地點左bb辣，有好微既辣加埋濃濃雞煲牆味，好正👍🏻A餐雖然無咁多選擇，但亦已好滿足啦，有豬、雞、牛、羊、海鮮、丸、菜等等，同埋每份肉都堅係新鮮的，最中意羊肉，羊酥味突出，過足口癮呀🥰海鮮類別亦要一讚，蝦、沙白、鯇魚片…全部都好新鮮，沙白煮到開口後即食，無沙之餘亦有鮮味，鯇魚片爽口，切成厚片好口感十足！ 呢度仲有花膠食架🤤索哂啲味好正！呢餐食得好滿足，呢間地方好大好寬敞，坐位之間亦有充足間隔，絕對唔會人逼人，可以享有足夠私人空間，又可以食到飽飽呀！下次再黎過😎🤤🤤
繼續閱讀
📍18樓雞煲火鍋專門店友人捨命陪君子，岩岩腸胃炎好返都陪我食雞煲，於是特登揀咗微辣雞煲就返佢。今日搭升降機上去嗰時，有個健談嘅叔叔仲話佢都食過，話幾好食。我就第一次食，食完我都同意佢！🥰平日夜晚都已經爆曬場，兩個鐘食到飽一飽咁走😚門面同餐廳都乾淨企理，餐廳環境闊落唔逼。我同友人兩個人都可以坐到卡位，又唔洗搭枱。有自助醬料區比客人準備火鍋配料 (蔥、辣椒、炸蒜、生蒜)。附近仲有部雪糕機比客人自己整雪糕🍦飲品有好多種款式，每個飲品櫃都有小小唔同架！重頭戲雞煲，雞全部都好入味，濃味岩晒我😍雞嘅份量都多，大約半隻雞到其他打邊爐嘅餸呢就要用QR code落單啦，菜就要自己係出面雪櫃拎，我一開始上雞煲就已經落左單，點知落左單5分鐘內就送左晒所有野黎，超級快呀！呢個價錢、食物質素同服務態度超值呀！海鮮都好新鮮，食落去啲蝦肉都好爽口🍤肥牛嘅肉同油脂分配都好平均，唔似有啲舖頭比啲肥牛得啲肥膏😍麻辣鴨血大推忌廉芝士煙肉薯波，勁好食！！趣趣炸🦐蝦片其他配料:特色野:
繼續閱讀
係之前已經食過一次，今次又再試下佢既水準有冇保持到。因為平日加早入座，相對比較少人。雖然我地兩個人胃口比較細，只係叫左套餐A，可以任食雪花肥牛同特級肥牛及其他配料。一坐低，雞煲好快就上台啦，我地叫左ＢＢ辣。二人大概有半隻雞份量，從顏色上一睇就知夠惹味啦，同以前一樣雞既份量都多，而且仲要啖啖肉。食完雞之後，可以倒上一早放係台既湯底，就可以轉做打邊爐。邊爐既配料選擇五花八門，先講下海鮮，一食就知係新鮮既海中蝦，因佢肉質一點都唔霉、又有鱔片同鯇魚片、甚至有墨魚鬚添提提大家，呢啲都唔洗淥太耐嫁，如果唔係就老了。打邊爐唔少得既肉，雖然只有兩款牛肉揀，但兩種牛都唔差嫁，。個人就中意雪花肥牛多啲，因為佢油脂比較多，口感豐富啲之外，又唔會肥得過份。其他配料真係多到食唔曬，有各色各樣既丸，例如，墨魚丸、芝士腸同魚腐等，仲有脆卜卜既炸魚皮同響鈴等。野飲方面，除左有普通既汽水之外，仲有自家製嘅茶，我就試左冬瓜茶，好怕甜既我，覺得呢個甜到岩岩好！好加分！十
繼續閱讀