18樓雞煲火鍋專門店

營業中

休息中

好耐冇約朋友食飯,今日約埋同事去咗荃灣大鴻輝食雞煲打邊爐.其實喺荃灣選擇很多,不過比較價錢同埋食物質素,呢間雞煲好食,火鍋配料夠水準,價錢亦差不多,確係好抵食.我們三人都對食雞煲好有要求,之前喺九龍城附近散嗌都會叫雞煲嚟食下. 這間 18樓雞煲,名副其實真係有啲料到. 雞件大大件, 肉質亦覺新鮮,最緊要係個調味醬, 獨特嘅麻辣 味道真係越食越爽,啱曬我哋重口味一族.最令我驚喜係火鍋配料非常豐富,肥牛水準極高,豬肚亦新鮮,爽口.大大隻海蝦, 鮮魷魚鬚,土魷, 是日海鮮係細細隻嘅蟶子仔, 真係超抵食.埋單每人 200蚊都唔使, 食到飽.

心思思又想食雞煲， 今次就試下 大鴻輝呢間 18 樓 雞煲火鍋專門店。主角係雞煲，配料十足，調味剛剛好，叫了一個小辣，少少微辣，雞肉好入味，裏面嘅洋蔥、西芹絲加埋黑辣子……真係令人回味無窮，夠味但係好咸， 而且雞肉唔會過韌！食完雞煲就加湯底打邊爐，個人都喜歡食菜，呢度自助式有多款唔同嘅選擇，啱曬我！先落一些冬瓜、冬菇、粟米……再加埋合時嘅通菜，吸下雞煲上嘅雞油 ，分外惹味。肥牛水準都唔錯，肥瘦適中，厚薄剛好，肉味濃厚。呢度嘅海蝦畀我之前試過其他任食火鍋真係確係新鮮同埋十分大隻，來回叫了兩三轉，必食推介！落單用手機都係常態，最緊要係上菜速度夠快。

無乜驚喜放低左個囡可以同老婆拍下👫拖，睇完戲諗住食返餐平時湊女無得食嘅野，老婆提議食雞煲，咁梗係茅蚊啲啦。本身係想去一品🐔食，但人太多，見到有姐姐派單張，寫個價錢💰又唔貴，最重要係有位，咁就殺上去啦。其實坐低同其他放題都係差唔多，不過重點有兩個係令到我未必再食嘅原因🤷🏻‍♂️，1. 佢個雞煲放題唔係🐔雞任食，再加雞要俾錢，講真我食雞煲放題多係可添食雞，因重點係雞煲，呢個係扣分嘅。2. 頭先講左雞煲放題個雞煲係重中之重⚠️，但佢嘅就⋯⋯⋯太過咸☹️，可能佢想你放湯後有啲味掛，但我地真係接受唔到囉。整體又唔係話好差，但有得揀我未必會返兜，完。

朋友成日都話18樓雞煲好正，終於有機會陪佢地一齊去食🍲我哋去咗荃灣嘅分店，餐廳好大，座位都好闊落坐得好舒服～生意超好，好多人～好彩我哋預早book定位。我哋揀咗最平嗰個套餐A，每位$178任點任飲食。有雪花肥牛同特級肥牛兩種肉類🥩一坐低，店員就好快上咗個雞煲～我哋要咗小辣🌶我鍾意佢個雞煲味道好足，夠濃味，但係又唔會覺得好咸。醬汁好’杰’，雞肉好入味🤤食完雞煲就打邊爐，雞煲嘅醬料變咗做湯底，味道幾好👍🏻肥牛嘅質素都唔錯～呢個餐勝在性價比高🤩其他餸菜配料選擇又多～落單後上菜嘅速度都好快，唔使擔心會唔夠時間食。我覺得18樓雞煲係一班人打邊爐嘅好選擇～揀最平嗰個餐，加埋一都係$200左右，可以食到飽一飽🤤

雞煲味道很濃郁，食物豐富，略有一些鹹，牛肉好味，配菜也不錯，食完雞後再加湯打邊爐，但湯底一般，坐位尚算舒適，很喜歡有泡茶渴，其餘飲品都多選擇，價格尚可，整體質素可以，值得推介一下

今日食左呢個「18樓雞煲」，真係好出色，忍唔住即刻要同大家分享。呢到係任飲任食雞煲打邊爐，岩晒同fd子一齊黎食野吹水！荃灣大鴻輝18樓，坐得好舒服、鬆動，又望到出面景，落地大玻璃，環境一流。坐低等雞煲個陣，緊係要拎返杯野飲先啦。呢到唔止有罐裝，仲有自製冬瓜茶、烏龍冬等等，冬瓜茶唔會好甜，我飲左3 4杯雞煲黎到，即刻食得。我地叫左微辣，開頭都唔係好食到辣味，食到咁上下啲味開始出，食到有啲麻，好正！雞煲汁即非常出色，濃味，咸咸甜甜，超正！個汁好食到之後打邊爐都係點呢個雞汁，連豉油我都無拎！食完雞煲，可以自助倒高湯，唔洗下下要搵staff，等黎等去。事因個雞煲汁太正，為左唔想晒左，我地打邊爐都係加好少水，等啲食材都索到啲濃味汁！肥牛、墨魚滑、鯇魚、響鈴、魚皮、雜丸，呢到乜都有，想食咩都可以用手機落單任叫，上菜上得好快，抵讚！食飽飽緊係要加多個甜品先叫perfect，呢到有乳酪雪糕，真係無得彈呀！最後埋單，每位$200有找，咁抵食好食，香港仲有邊到搵得到！

😍好耐之前已經聽過佢個名，終於比我搵到機會前嗰幾日過去食！😎喺荃灣區應該冇人唔識，🐔18樓雞煲可以食雞煲同打邊爐放題！👍🏼性價比超高！我叫咗最基本嗰個餐，連埋加一都係$178！勁抵食！🤑環境幾好，又大又乾淨。👍🏼佢呢一到係可以用QR code落單，好方便！服務員一開始就已經放左壺湯俾我地等陣加湯用。😊⭐️我哋叫咗🌶小辣雞煲，🐔果然係佢嘅招牌雞煲，調味好好，好香辣！勁嘢味！😋而且有好多雞肉！高質👍🏼！⭐️食到差唔多就加湯打邊爐🍲⭐️出面自助區有調味料、飲品、蔬菜🥬同乳酪雪糕🍦其他食物就要落單！⭐️雪花肥牛、質素好好喎，叫咗好多碟！🥩⭐️佢呢度仲有海鮮可以食！🦐⭐️食物種類好多，我好欣賞！佢個蟹柳同埋白菜豬肉餃，仲有台灣腸！環境不錯！食得飽飽，價錢合理！絕對係值得推介俾朋友！😍

今日嚟咗荃灣行街 又想趁放假食餐好嘅 醒起好耐冇食過好食嘅雞煲 就嚟咗大鴻輝18樓食呢間18樓雞煲火鍋專門店😛一入座 店員就問我地食咩餐同雞煲要咩辣度 我地今次嗌咗A餐 喺等嘅時候就出咗去睇吓雪櫃有咩野飲 最近食放題都見多咗健康嘅冷泡茶 我同友人就揀咗茉莉綠茶同冷泡烏龍 各有各特色 兩樣都好飲🍵等咗陣雞煲就嚟到啦 雞嘅份量都好多 雞肉沾滿咗雞煲嘅醬汁 我地揀咗小辣 一開始食覺得辣度好輕微 越煲就越辣 不過都可以接受 都幾建議揀小辣🤤 打邊爐都唔會辣得濟😺食晒啲雞之後就可以落兩吋清湯打邊爐啦 火鍋配料有好多選擇 用手機落單又環保又唔會漏單🤤之後食過已經知道呢間雞煲上菜速度好快 又唔會漏單 最重要係嗌一份通常都係兩件 啱晒我地一人一件 唔會過量 仲可以食多啲款添😛有太多種類紀錄唔晒🙊 相中有特選肥牛 羊肉片 肥鵝腸 白鱔片 芝心丸 芝士豆腐 芝士腸 粟米豬肉餃 脆肉鯇魚腩 五香牛腩 豬肉片 響鈴 南瓜片 炸魚皮 生菜個人最推介五香牛腩 雖然上碟時賣相一般 但好入味 翻熱咗 半肥瘦咁好可口🤤🤤 白鱔片都唔錯 唔係間間都有得食 所以好開心可以喺呢度食到☺️今日嘅甜品乳酪雪糕同朱古力雪糕 兩款都唔

自從疫情之後，已經好耐無食過雞煲火鍋放題。今日收工約咗個舊同學過嚟荃灣大鴻輝中心呢邊，呢棟大廈出晒名好多打邊爐/放題舖頭，由G樓去到十幾樓都係咁。之不過呢間18樓雞煲係第一次試，雖然之前已經久仰大名。我哋大概7點去到，樓層真係喺大廈嘅18樓。一開始店員會直接問我哋雞煲想要咩辣度(大/中/小辣)，平時雖然食得算辣，不過安全起我哋揀咗小辣。首先食咗雞煲先，呢到雞煲係即叫即煮，所以入座坐低之後要等10分鐘左右。雞煲上到枱已經大致上熟晒，雞肉肉質幾嫩滑，索晒汁好惹味，份量預得幾好，兩個男人食我覺得啱啱好，配料主要係洋蔥、芫荽。同其他打邊爐/放題店一樣，顧客自己Scan QR Code落單，唔洗每次落單都要重新填紙仔，又唔洗每次都要再舉手叫職員。火鍋配料方面，有晒豬牛羊雞等等，海鮮方面就有蝦、墨魚鬚、水魷等等，仲有是日海鮮推介，今日呢款就係蟶子。飲品方面，大路嘅罐裝飲品應有盡有。比較驚喜係有兩款台式茶飲，分別係桂花烏龍同自家制台式冬瓜茶，我兩款都試咗，以免費飲品嚟講，質素可以話係相當唔錯。蔬菜櫃，想食咩菜就自己拎，食雞煲想索汁當然係強力推薦食生菜。乳酪雪糕機，有原味、朱古力可以揀，仲有其他top

荃灣大鴻輝係火鍋集中地，講起荃灣打邊爐，應該冇乜人唔識大鴻輝。夏天將至，打邊爐就要趁快！18樓雞煲就真係喺18樓嘅，個名改得幾好，包你唔會去錯地方。今次已經係唔知第n次食，因為真係幾抵食。一入座，店員會問你食咩餐，雞煲要幾辣，我哋今次目標唔係牛肉，而係要留肚食其他食物，所以叫咗最平嘅A餐。朋友唔太食得辣，雞煲就叫咗小辣。場內有好多個雪櫃俾我哋任攞飲品，除咗有罐裝、枝裝飲品，仲有自家製嘅冷泡茶同冬瓜茶。冬瓜茶飲解渴又唔會太甜，不妨一試！原來可以向店員order Coca-Cola plus，啱哂怕肥唔飲甜嘢嘅朋友。除此之外，醬料、蔬菜同甜品都係自己攞嘅。雞煲好快就上枱，香噴噴，聞到已經流哂口水！味道係一向嘅水準之作啦，好惹味！小辣就麻而不太辣嘅，刺激得嚟又唔會狂飲嘢解辣😂今次雞煲令我哋有少少失望，就係啲雞冇乜肉食，好多都係骨…不過唔緊要啦，好彩我哋邊食邊落order，火鍋配料好快就到，嗱嗱臨加湯打邊爐！雖然我哋叫最平嘅餐，但牛肉都幾靚喎！肉類整體唔錯，肉味香濃，又唔會太多肥膏。其他配料最令我心動嘅就係白鱔片！鱔片冇欺場，爽口又油潤。宜家白鱔唔平架，任食梗係唔好客氣啦！肥鵝腸同自家製響鈴都

講到雞煲相信唔少人都會即刻諗到呢間18樓雞煲，幾年前雞煲熱潮出現嘅時候已經好多人啦其他餐廳度食雞煲，有機會始終呢度真係多人排隊上樓，今日難得見到冇咁多人就即刻入嚟試吓！環境👏👏👏👏呢到唔會好迫，所以大家唔洗擔心坐得唔舒服！拎野食位置方便， 唔同位置都有飲品拎，呢一方面都真係細心！食物👏👏👏👏主打嘅雞煲冇得添， 但係佢味道上嘅配搭係比較濃味，啱晒重口味嘅人！呢到既辣其實都唔算係非常過分，大家平時食得辣嘅都可以試吓中辣以上。

位於大鴻輝大廈18樓既18樓雞煲火鍋專門店閒日都已經好多人，最好早少少打電話確認一下當日一出lift門已經好香既雞煲味傳黎，一陣陣既麻香醬汁飲品蔬菜都自助形式相當方便。雞煲黎到時店員都好貼心提醒雞已經熟透，加湯後先調至大火雞肉好鮮嫩，冷藏味血水唔存在，處理得好好雞煲汁好濃烈，花椒味好香又不會過辣，而且之後可以加高湯，味道更加濃郁，好適合火鍋依加以QR code落單好方便，分為肉類，海鮮等牛肉分為幾種，一個雪花肥牛一個係頂級。兩種都好值得試，油花分佈得平均海鮮內臟類首先要讚係洗得好乾淨而呢樣係重要其次因為湯底濃郁，所以土魷同牛柏葉相當入味同爽口鱔片脆腔厚度適中，絕不姑寒，而且爽口新鮮蔬菜類一般生菜羅白有提供外。估唔到有秋葵食，又幾過引而且好健康

嚟到荃灣梗係要一試18樓雞煲，當日唔算太多人，環境好闊落舒適，服務員先問雞煲要咩嘢辣，唔係好食得辣嘅我就嗌咗個小辣。啲雞幾話滑，小辣又唔算太辣，調味適中唔會死鹹，但係如果都係唔食得咁鹹嘅人，食到一半都可以加佢嘅日式清湯，咁啲雞就會沖淡啲亦都可以係另一種口味。呢度係可以任叫火鍋配料，上菜上得好快，生菜洗得姐乾淨，肥牛脂肪分布得不錯，所以食落去唔會太晏，水準之上。海鮮都唔錯，最推薦係粟米豬肉餃子，超好食😋粟米夠甜！最抵嗰款都有是日海鮮，好鮮好甜，蟶子仔唔會有沙，又彈牙。最後試晒佢兩款雪糕，一款係乳酪味一款係朱古力味，啲雪糕唔係想像中咁creamy ，比較似係冰沙咁樣，但係食落去好有驚喜，特別係朱古力嘅味好濃郁，配上麥片同埋最鍾意嘅爆爆珠棉花糖，食到停唔落口😋如果鍾意食雞打吓邊爐咁樣，呢個價錢呢度真係唔錯

荃灣不嬲都出咗名多嘢食，而且價錢都係好貼地的，所以今日嚟咗荃灣食<<18樓雞煲火鍋專門店>>哈哈其實我自己一個都可以食晒一個雞煲🤫既然佢話地表最強雞煲，今日一定要試吓！冇想像中咁好食😓雞肉正正常常，冇乜特別話好多汁好嫩滑，而且雞煲嘅汁唔係好入味，可能係佢哋份量做得太多，冇特別注重呢個位置。對於一個雞煲愛好者來講，真係有少少失望。任食嘅肥牛正常發揮，冇乜太大期望，係可以接受的😌其他嘢都中規中矩，不過依個價錢來講，任食開心下係ok既👍🏻

平時reu等多人活動，必定有人提議18樓雞煲，可見已經深入民心店入座位其實幾多，又大，坐得舒服😌地表最強😆2小時任食雞煲今次叫了套餐A 精選美國雪花肥牛❄️🐮$178又多野食，又高質微辣🥰十級惹味雞煲一嚟到已經食得，下單後等少於10分鐘，幾快👍🏻雞煲加入了洋蔥🧅葱，芫茜、花椒八角等🤤超入味我地2個大約有半隻雞🐥食完仲可以加湯打邊爐🍲仲有自家製嘅桂花烏龍茶(無糖)、台式冬瓜茶(微糖)，真係好配搭😍雪花❄️肥牛特別肥牛🐮呢個價錢，呢個質素已經係中上😍紋理色澤好靚海鮮類有海蝦，魷魚🦑牛栢葉等手打墨魚滑、鯇魚魚片，蟹柳蔬菜🥬可以自己岀去攞，無需落單抵食花膠，同豆腐一樣會吸盡湯底精華☺️個人好鍾意食滑牛🐮❤️最緊要仲有甜品🍦上面係抹茶味🍵下面係yogurt味🤤