18樓雞煲火鍋專門店

營業中

休息中

近年打邊爐連同雞煲，實行一雞兩味！ 荃灣逛街後便到眾安街了！ 我兩挑選了位於大鴻輝中心的《18樓雞煲》即荃灣港鐵B1出口。 開放式環境，地方及座位寬敞，約容納250人！枱與枱相隔甚遠也有隔板，亦看見客人餐後職員用清潔濟。 👏🏻👏🏻這裡特式在除多款雞煲外，其他配料都任點任食，使用QR code 落單以免遺留，過程中更不用追單添👍🏼這裡有各式各樣湯底而我兩選擇了藥膳，最這種天氣就最為合適啦～ 湯底仲好足料～ 😁食物中雞皮簿沒帶很多脂肪，雞肉質煲久了也不會鞋口。 然而配料款色雖然不算多但齊了 海鮮類、牛類、丸類、脆鯇魚等等 其中海鮮類中的魚 爽口又有鮮甜味、蝦肉質口感不錯但本身蝦種鮮味不明顯、蜆有點點沙、但口感滑的鴨血就點了六遍😂飲料自取，密封式自制冬瓜及綠茶杯或罐裝飲品～ 自助處提供湯底壺、蔬菜杯、乳酪等等～ 人流挺多，用餐更不斷有客人入座！

大鴻輝出晒名多野食，今日就黎試下呢間18樓雞煲火鍋專門店黎到既時間未夠6點，未算多人，面積都幾大，d座位都好闊落等一時間就去攞野飲先，除左一般既野飲，仲有自家制台式冬瓜茶同冷泡桂花烏龍茶，我兩款都有攞，冬瓜茶清甜好解渴，桂花烏龍茶清香解油膩，兩款都係必飲雞煲好快就到啦，我簡左小辣。未食已經聞到好香，每件雞都啖啖肉，又夠晒入味，少少麻辣令成個雞煲更惹味，好食到停吾到口食完雞當然吾少得要加湯打邊爐啦，用Qr code落單更加方便環保。值得一讚係食物送黎既時間好快，剛剛落單幾分鐘，已經即刻有得食。食物選擇都幾多，而且有d款都幾特別，好似秋葵，花膠等等我最鐘意就係食鮮牛肉，吾係好多餐廳打邊爐有得點。呢到既鮮牛肉真係超級嫩滑淨係睇見已經覺得好好味，新鮮之餘仲牛味十足，我重複點左幾次好少見既花膠都有得食岩晒想養顏既人士。花膠吸晒湯底既味道，咬落去滿滿的骨膠原，軟綿綿的十分滿足最後當然吾少得甜品，呢到有蜜瓜雪糕同乳酪雪糕，仲可以自己再加配料。乳酪雪糕酸酸甜甜好醒胃，蜜瓜雪糕好驚喜，蜜瓜味好香，而且吾會太甜食完差不多七點幾，個場都開始爆滿。總括黎講十分滿意，食物質素好而且又坐得舒服，下次會再黎幫襯

雞煲真係唔係間間整得好食，所以次次都會問下身邊朋友有冇咩好推介先再去，咁先唔會咁易中伏😂 朋友大推呢間18樓雞煲，話性價比高，咁就梗係要黎試下。因為有朋友唔食得辣，所以我哋嗌咗小辣，小辣都夠晒麻夠晒惹味，不過如果食得辣既朋友嗌辣啲就更加正~ 雞份量都幾多下，而且幾嫩滑~食完雞煲當然就係打邊爐環節，上湯同菜類可以喺自選bar度拎，有西洋菜，唐生菜，娃娃菜等，都幾新鮮~~ 而其他配料就可以掃qr code落單，任食黎講選擇都幾多，丸類、台灣腸、響鈴同粟米都不錯食，推薦😇😇打邊爐點少得肥牛，牛味幾重，我哋瘋狂encore，四個人應該嗌咗十幾廿碟🤣 羊肉比想像中好食，中意食羊既朋友唔好錯過。到海鮮既部份，我哋叫咗超多蝦同蜆，因為夠晒鮮甜，真係忍唔住encore🤣飲品都勁多選擇，因為周邊有好幾個雪櫃，個個雪櫃都有唔同既飲品。最後當然要用甜品黎作結。

最近天氣開始變凉，差唔多又到打邊爐嘅季節😋同朋友喺一個平日嘅晚上嚟到呢間喺荃灣大鴻輝18樓嘅18樓雞煲火鍋專門店😂記住餐廳名就記到地址🤘🏻👻可能太早入座，最初入去嘅時候人唔算太多，估唔到過咗六半客人慢慢多，疫情下都算坐得滿！👍🏻一坐低，店員就問我哋想要嘅雞煲辣度，好快雞煲已經上枱🤩我哋叫咗小辣，辣味唔算重，唔食得辣嘅朋友都接受到👻食完雞煲可以掃一掃用QR code點火鍋配料，好方便！一般嘅火鍋配料呢度都應有盡有，豬牛雞羊海鮮呢啲唔需要多講🤩仲有好食嘅有蜆肉、台灣腸、牛筋丸等😋餐廳四周圍都有飲品雪櫃，每個雪櫃都裝住唔同嘅飲品🧃仲有自家製嘅冬瓜茶🥤而蔬菜、上湯同埋醬料都係自助式嘅，要自己行去攞。時間關係就食唔切雪糕😢Overall 雞煲質素高，雖然略嫌多骨😛火鍋配料多，一定揾到啱食嘅嘢👍🏻

又嚟到大鴻輝嘅18樓雞煲，每次想打雞煲都會不期然諗起18樓，皆因佢哋嘅雞煲品質上乘，火鍋材料新鮮之餘又種類繁多，仲有個自己唧唧嘅乳酪雪糕機添。坐低無幾耐雞煲就送上，呢度嘅雞煲係即開即食嘅，唔使話冚蓋焗幾分鐘至食得，辣度揀咗中辣，我覺得個辣度大約等於譚仔嘅三小，對於我嚟講啱啱好，絕對辣得過癮；雞肉嫩滑，被惹味嘅雞煲汁包圍住，非常美味。鮮蝦海蜆，食完雞煲就加湯打邊爐，蝦同海蜆都極度新鮮，索埋雞煲剩餘嘅精華，夠哂鮮味。脆肉鯇，脆肉鯇比起坊間嘅大塊好多，塊塊新鮮爽脆，完全無泥味。雪花肥牛，肥牛嘅牛味都算幾重，雪花均勻，薄薄一片落水拖一拖就食得，得咗。乳酪雪糕，食飽自己去雪糕機玩唧唧，有得食又有得玩，乳酪雪糕有兩個口味，甜度啱啱好，係我最鐘意嘅甜度。

個日我地一行三人去旺角揾野食，發現左呢一間野有八八折，又係新開張，BOOK左十點去。但早到左，結果等左45分鐘9：30後個轉。入到去有驚喜，雞好正，好重香料味，叫野又唔漏單（呢樣好緊要），啲野又到得快，價錢又抵，真心正。

OT過後好肚餓，收工即興同同事落荃灣食雞煲！同事介紹嘅呢間雞煲放題，環境寬敞，座位全部都係卡位，坐得舒服，唔怪得咁多一家大細都嚟開餐。呢度嘅醬料，飲品，同菜都係自助形式，食幾多攞幾多。仲有甜品雪糕都係自助，旁邊仲提供唔同嘅配料！飲品方面除咗多款汽水，仲有各式冷泡茶，我揀咗冬瓜茶，甜味適中，味道唔錯👍🏻火鍋配料選擇亦都唔少，有牛肉、豬肉、雞肉、海鮮、丸類、蔬菜、麵食，仲用QR code落單，方便快捷又環保♻️雞煲有辣度可以選擇，我哋就揀咗個小辣。雞煲非常惹味，而且味道香辣，令人食到停唔到口。好快我地就食哂啲雞，加湯開始打邊爐。火鍋配料細細碟，乾淨又整齊，上枱速度快，而且出單項目同數量都好準確，我地都食得好盡興👍🏻炸魚皮浸完湯都仲係脆卜卜！推介推介！肉類同丸類都多選擇！蝦肉爽口彈牙，亦都係必食之選！

這間18樓雞煲, 之前都試過, 貪佢任飲任食兩小時,而且食物水準都唔錯｡今次同埋兩個侄仔一齊來,再次捧場｡先來一個小辣雞煲,味度適醬汁惹味, 雞件啖啖肉, 好足料, 裡邊有芫茜,洋蔥十分惹味, 無得輸｡跟住開始打邊爐雪花肥牛脂肪適中 ,好有肉味｡蔬菜喺雪櫃自取乾淨及新鮮海蝦好大隻 , 仲有是日海鮮飲品選擇好多最喜歡就係這款青檸汁,少少甜十分清新地方頗大而且乾淨整潔, 我們四人安排坐一張超大卡位, 仲可以靠近窗邊望夜景, 這個價錢真係10分超值。

大鴻輝多野食就係人都知，雞煲放題應有盡有，食左咁多間，今日就黎試下係18樓既18樓雞煲火鍋專門店。我5點鐘早早去到，雖然唔洗排隊，但入面原來一早入左人。今日有窗邊位坐，好開心！望到出面個境原來都好靚，坐得好舒服。我地叫左重慶雞煲微辣，但辣味都好出。呢到整既係正宗重慶辣，食落好麻，唔係得個辣字，而且雞好入味，夠晒喊，食到停唔到口！食雞煲跟打邊爐係基本啦，呢到用手機落單，menu一目了然，又唔洗等staff黎先叫到野食，唔錯！食完雞就加湯打邊爐，野食都好快黎到，肥牛海鮮肉丸菜菇乜都齊，打邊爐要既乜都有。值得一提係佢既響鈴係自製既，新鮮炸出黎，食落脆卜卜，唔似得街市買一包包個啲又碎又軟淋淋，抵讚！不過我覺得湯底有啲淡，但可以點返雞煲啲醬汁，好好味！除左野食，野飲都值得讚，呢到唔只得罐裝飲品，仲有自製既冬瓜茶、綠茶、烏龍茶，而且會好甜，正！飯後甜唔仲有原味同士多啤梨味既乳酪雪糕，可以自己加椰果、朱古力針等等，一流！今次食到勁飽先走，又唔洗煩成日搵唔到staff落單，野食又正，推廌！

小編上網睇到一間讚不絕口既雞煲，而且香港既天氣都開始變得好凍❄，係時候約朋友們去打邊爐食雞煲喇🙏。有睇開兵工廠食評既朋友就知，荃灣係小編經常去既一區，今次都唔例外，去到大鴻輝(荃灣)中心18樓🤩，一間叫做「18樓雞煲火鍋專門店」，除咗聽聞有好食雞煲外，同樣有邊爐拾下拾下😳。✦✦✦✦✦✦✦✦✦✦✦✦✦✦小編個人認為雞煲用既辣汁的確唔錯，辣味雖十足，但亦未至於食到好辣，而且可以按個人口味揀選辣度🤔。雞煲既雞肉就好似唔多覺可以再添加，份量每人幾件就差唔多要轉打邊爐🧐。打邊爐既湯底就原用返雞煲既辣汁再加上餐廳提供既上湯，湯底就唔可以話有咩特別🤯。而各式各樣既肉類、丸類、菜類同樣都有。小編們仲特別去嗌左要加錢既牛肉粒💰，牛肉粒一份68蚊，大約有十幾粒，入口爽口彈牙，牛肉滋味😋，加錢食亦不錯。✦✦✦✦✦✦✦✦✦✦✦✦✦✦呢間雞煲火鍋專門店，毫無疑問係雞煲方面的確好食👏，亦令食客有煥然一新既感覺，非常好評👍。但如果就著火鍋方面就畀出面餐廳輸蝕少少，湯底亦無得選擇，不過從唔同款式既食物質素餐廳可提供既雪榚、飲食，或多或少係可接受🧐。✦✦✦✦✦✦✦✦✦✦✦✦✦✦

夜晚收工約左friend嚟食雞煲，難得book一早夾到時間又book到位 ，一出lift就直入準備開餐堅爽！好貼心有濕紙巾提供！雞煲可以揀唔同嘅辣度，我地揀左中辣，食落都唔會話好辣，雞肉幾嫩滑，食落好野味。飲雞煲又點少得飲品，重點係任飲。食完雞煲就落湯準備打邊爐！滾吖！滾吖！全程自己落單，幾方便幾，上order仲幾快手。蝦片幾香脆。打邊爐必打嘅丸類、腸仔同蟹柳！仲有蔬菜類，加落湯底紅中一點綠冬菇、淮山、魔芋必點！其中有個friend勁鐘意打邊爐打淮山，口味獨特。啲蝦新鮮，蝦肉滾完都仲實淨，同完全唔會食到沙。山根同是日海鮮！牛柏葉同鮮魷魚都好好味。呢到嘅環境好闊落，坐位同坐位之間都有足夠空間，坐得幾舒服，遲吓天氣凍啲再encore!!

成一年冇食到雞煲啦😇第一時間諗起18樓雞煲，位置方便坐位又多😊可能好耐冇食，我覺得好食過之前🤭好夠味有我最鍾意食嘅紫洋蔥配菜選擇都好多，咁多隻牛或滑牛肉最好食😋水魷魚都唔錯如果可以訂位唔使等都係一個唔錯嘅雞煲選擇

返工返到心很累收工約幾個friend打邊爐吐下苦水朋友suggest去荃灣18樓雞煲有雞煲又有打邊爐價錢都唔算貴8點上到去坐滿左大半環境都幾乾淨企利而且抽氣唔錯唔會成浸火鍋味先食雞煲要左小辣對於唔太食得辣既我黎講剛剛好加左辣椒洋蔥胡椒落去炒都好惹味而且份量都唔少每一舊雞食落啖啖肉又嫩滑食完雞煲就可以加湯打邊爐自助形式攞湯、調味料、飲品同蔬菜火鍋料選擇都好多海鮮、牛豬羊肉、菇類丸類、花膠、豬紅應有盡有作為食肉獸當然一定要叫牛佢既雪花牛幾好食雪花分佈平均食起嚟嫩滑值得一提既係掃QR code落單非常方便同環保而且冇咩漏單上菜收碟都好快服務唔錯飲品除咗有罐裝汽水仲有冷泡茶同冬瓜茶打邊爐配茶非常解渴而且唔太甜

風雨夜在荃灣區找吃店，18 樓雞煲火鍋，真的在18樓。唔使點豉油的雞煲。有不同層次的辣度任選擇， 因我不能吃太辣的味所以點了一鍋微棘雞鍋。雞鍋上桌 ，稍熱一下就可以吃，雞塊軟滑，有微微麻辣的味道在口腔，口感十足， 真是不需要點豉油。吃完雞鍋加落上湯，繼續吃不停。雞鍋吃完，火鍋食品陸續來，任點任吃。先來第一圈，豬肉，牛肉，鲜魚 ，鲜蝦實有你喜歡的。飲品自取，汽水之外，有很多選擇。吃得飽飽，喝到滿足，仍有一樣令你更加捨不得不吃的。自助组合甜品，雜果 ，朱古力粒，满滿一杯冰乳酪，滿載而歸。

今日同朋友你食飯，當然要平。靚。正，先係我肥師奶本色啦，又係秋風起涼涼地，梗係食火鍋啦，朋友話食2味，食埋雞煲，我梗係無問題啦，食3味我都仲得😋😋😋😋朋友介紹18樓雞煲，佢已係熟客仔咁，熟晒架部，入坐前就選擇大中小辣，坐低後，都未開口，已上雞煲，佢地唔會浪費你嘅一分鐘任食嘅機會，食完雞煲，自行加湯便是火鍋，用電話落單，方便又唔尷尬，因我會成晚不停叫🤗🤗,火鍋配料選擇都非常多，而且好干净，但每碟份量好少，我要不停叫，但就適合細胃口嘅女仔🙄🙄🙄我已經唔係好耐。。。原本＄178都不算貴，食放題都係上下，但7點半前結賬仲減＄10，晚上宵夜時段仲＄148，嘩！真心抵，宵夜又多一個好去處🤗🤗