16 Shell (已結業)

＊年輕得踫著誰　亦能像威化般乾脆　快活到　半日也像活盡一百萬歲　任何事　亦難像青春般清脆　快活到　每日大一歲　＊謝霆鋒曾經係多小少女心目中的男神，諗起拒喺演唱會唱呢首歌時嘅情景，簡直令人無法忘懷。呢間餐廳有一些係謝霆鋒設計的食物，特別推薦的係呢款酥皮pizza，我就選左黑松露味。薄薄的酥皮十分香脆，上面塗上了一層黑松露，十分香，再配上雜菌增加口感。還有就是上面芝士厚度非一般的厚，用手切開還要用上一點力。除了這個外，餐廳的其他食物都十分不錯。前菜可先來一個蕃茄黑醋配水牛芝士。芝士味淡，但有口感。配上新鮮蕃茄更是清新。著眼點還要提提就是上面的香草，入口後更覺不平凡。黑碳黑蒜蓉包，個人覺得比普通蒜蓉香，但帶點甘的味道。但朋友就是喜歡這樣，說是特別。法式薯蓉焗田螺，那個蒜蓉的味道，不用吃都可以嗅到，雖然烈，但卻情不自禁。田螺肉軟身，夠淋，配埋香滑的薯蓉，同一個質感，很夾。還有個白酒意大利麵，用上了幼身半圓麵條，質感滑。味道很特別，有酒香得來又不會嗆喉，連不愛喝酒嘅我都能接受，大家都可以一試。人生真的像威化，年輕可以是乾脆的威化，成熟了就是乾脆的骨頭，多好嘅比喻，哈哈。

好像很久沒跟弟弟單獨約會，趁今天要到炮台山中南買點文具，便約弟弟到16 Shell午餐來個姐弟聚。16 Shell的牆壁掛了不少老闆跟明星的合照。今天點了:黑炭黑蒜蓉包白酒橄欖牛油煮青口黑松露意大利燉飯配雞香煎橄欖油、大蒜、鹽醃咸漁仔配大蝦意粉黑炭黑蒜蓉包 $60黑蒜包很香脆，沒有平時吃到的油膩感，帶點黑蒜的甜味。白酒橄欖牛油煮蜆 $108白酒牛油味很香濃，蜆沒有沙粒的情況出現，蜆都十分鮮甜美味。煮蜆的白酒牛油汁料用來點黑蒜包也是不錯的選擇。黑松露意大利燉飯配雞 $148黑松露燉飯的軟硬度掌握得不錯，帶點煙靭的感覺，但少了點點黑松露的味道。雞不錯，很嫩滑。香煎橄欖油、大蒜、鹽醃咸漁仔配大蝦意粉 $168這個有點像不辣的"避風塘"味道，很香口的說，食前先要把配料跟意粉拌均，這樣味道和口感才最好。味道方面不會太鹹，比想像中少了一份油膩感。蝦已挑腸，質感頗彈牙 ，不錯。Iced Cappuccino $42,   Iced Mocha $45天氣炎熱，要喝點冷凍飲料降溫。Iced Mocha不會太甜，可可味與咖啡味平衡得不錯；Iced Cappuccino亦頗好，可自行加糖漿控制甜度。

食檸檬食檸檬！都是我們的男神吧！可惜佢已經情歸霏霏 😭 但係佢對菲菲的痴情真係值得我們學習 🤓 就算寶寶食唔到檸檬本人都要食到佢 ... 既助手 ... 既餐廳，係一間好有情調既餐廳，地方一角靜靜地與愛人進餐都係幸福的 ☺️——————————————————————#黑炭黑蒜蓉包 $45呢個包唔只係黑包咁簡單，而真係有媽媽的味道！皆因媽媽家中都有整黑蒜既習慣，每日一粒對身體好好喔，而呢個包就係充滿黑蒜味，但係味道唔係個個都喜歡既#蒜蓉香椒白酒汁煮蜆 $80非常輕度微辣，個蜆就正正常常，而個汁係鹹鹹地帶小小酒味，味道唔太濃帶些少蒜蓉酒香味#蘆筍意大利雲吞 $138有幾大隻雲吞，最大特色就蕃茄汁真係好濃，岩哂中意食茄既茄友，配埋洋蔥同蘆筍食真係幾清新，唔太餓冇乜胃口既朋友食呢個係唔錯#酥皮松露薄餅 $138松露味唔係好食到，呢個薄餅可取特別既地方就係個酥皮，咬落去似係印度薄餅手抓餅 feel，個 pizza 就有啲簡單既配料，蘑菇、各色椒、芝士等等#自家製乳酪 $35都係普通酸酸甜甜既味道，不過係結撻撻既口感——————————————————————16 Shell天后炮台山蜆殼街 6-

黑蒜包@16 Shell天后炮台山蜆殼街6-16號寶榮大廈地下B舖好掛住個黑蒜包，帶埋同樣愛蒜的朋友來吃，真係臭味相投。黑蒜包$60焗得香脆，呈黑是加了食用炭粉，蒜味表層帶點甜，每次來都會點，令人翻尋味。好似避風堂炒海鮮意粉，面上舖了好多炸蒜粒，大蝦炒意粉，中西合壁。蒜粒令菜式更惹味，也令口感層次更分明多重，撈均來食是重點哦。酥皮黑松露pizza $138四方酥皮pizza第一次食，放了好多蘑菇片同三色椒。抹了層松露醬，令色香味俱全，是signature dish之一。白酒煮蜆$108，白酒味超濃郁夾伴住蒜香，隨住吸啜蜆肉，連湯汁都一拼吸。蜆肉帶新鮮海水鹹甘香，鮮甜無比。湯頭隨了直接喝，亦可用來麵包蘸點同吃。橙汁是bliss的冷榨橙汁，果然重質素有品味。提拉米蘇，放了草莓藍莓賣相更好香。海綿蛋糕鬆軟，個朱古力粉仲有點似咖啡的苦味。比起上肉次來多了新穎的菜單，而菜單設計是有謝霆鋒參與的。

多年不見的老朋友，回港探親，當然要見一見。有朋自遠方來，緊係食餐好聚一聚。最緊要間餐廳環境舒服，安安靜靜可以回味人生，一約之下，估唔到朋友早早已經睇中左間餐廳，重話我知個menu 明星謝霆鋒有份設計，不得了估唔到朋友咁識野。一行二人，餐廳都算易搵，我地相約於地鐵站，行去只需短短5分鐘，又唔難搵。去到已經看見門口已有人於門外等侯，幸好我們早已訂位，於門外confirm booking便可進內。餐廳細細，五臟區全。入去第一件事就是交水費，超級乾淨。食物方面，我們叫了香蒜大蝦，黑蒜包，三文魚配意大利粉，六吋pizza，加一人一杯飲品。我就叫左 cappuccino 手調製既咖啡係唔同d，苦中帶甜飲後回甘，最重要上面厚厚的一層泡沫，留係嘴唇上，轉眼年輕了不少。大蝦爽口彈牙，蒜香味足，油份較重。黑蒜包，蒜香味十分，自家整面包口感好，唔痴牙。三文魚煮得岩岩好，唔會過熟，入口香嫩，外皮香脆，意粉黃金時間5分鍾不多不少， 煙韌有咬口。Pizza上的巴拿馬火腿好香果香，味道清新，手整薄餅香脆可口。最重要食完唔會趕人走，可以慢慢坐，細談一番。

Lemonade 冇汽同太甜！蟹腳有咁多！好正！仲要唔係凍嘅！我鍾意熱，好香牛油味！讚！爆谷蝦...係切左粒嘅蝦，加炸漿，炸到一粒粒好似爆谷咁！外脆內軟，炸粉都幾薄！冇食到成口粉嘅感覺。truffle 帶子 意大利飯。飯嘅軟硬度做得好好truffle 味好少，食唔到咁制！帶子煎得好！入面仲有淋淋的，唔會un左！魚。好厚肉，超好味！魚油味好重，好香！魚皮香脆可口！魚都幾大件！tiramisu, 唔錯，咖啡味重！蕉糖燉蛋，冇特別！唔出色！$50個好貴！唔洗係到食！個waitress 令人好大壓力，會係咁睇你食完未，一食完9秒9黎收碟！令到我地成餐飯唔好意思慢慢食咁！

同男朋友喺北角簽完份保險後。啱啱好就係lunch time。一早已經plan好去試呢間星味濃嘅鋒味16shell。行到去已經見到有塊黑板大大隻字介紹鋒味Pizza。有6吋同8吋不過琴晚先食完意大利嘢叫咗pizza。決定試其他嘢， 我哋點咗。。。1、Caesar salad佢嘅汁好正喎。明顯唔係喺一般嘅超級巿場嘅現成貨。因為食得出味道香濃。應該係特制調配過。蔬菜都好新鮮。食完好開胃！2、白酒橄欖牛油煮蜆侍應話今日啲clams好新鮮，就試下d蜆啦。白酒同牛油比例都好好。蜆肉都飽滿新鮮唔會老。而且吸收晒牛油味好香好香。佢既汁都試咗，冇話白酒太多搶曬啲味3、香煎欖油白酒汁煮大蜆意大利面我覺得個蜆咁正一於再點呢個蜆煮面。呢個係扁闊面，煮得Al dente , 配埋個汁一流4、香煎面包粉鮮羅勒大茄瓜意大利面男朋友就點咗呢款。大茄瓜炸得好香好脆。面就配以炸過嘅蒜粒一齊撈起食。新潮惹味，我哋之後自己加左啲chilli flakes, 好有避風塘嘅感覺，正。5、Hot Latte & Cold Mocha好欣賞Hot Latte 可以如此香濃。其實一開始坐低就嘆到呢杯咖啡已經好有驚喜。絕唔係普通貨色，咖

上次和友人去木星街食西班牙菜時，已經留意到蜆殼街入面有間很有情調嘅小店，回家後上網翻查，原來這家取名《16 Shell》的意大利餐廳，來頭不少，是間明星食堂，據說謝霆鋒和很多藝人都非常捧場，所以趁這天周末，就來吃頓午餐，順便碰碰運氣，說不定還會撞到 Artist 呢！ 餐廳屬小店格局，佈置很簡約，但亦不失格調，店面以深褐色為主，色調暖和，給人一種說不出的親切感。走近長梳化背後的白色牆身細看，上面襯有一系列栩栩如生的黑色食物剪影，極具觀賞性，盡顯店主藝術品味。入座後，先細閱餐牌，封面很精美，以蒜頭做主角，而且更大大隻字標榜無味精，無添加，在烹煮每一道菜時，都會選用橄欖油，讓人感覺健康。翻開內頁，菜式有頭盤、湯、沙律、小菜、餐廳精選、比薩批、意大利麵、烤燒類和飲品等，而且每個項目都有唔少選擇，真使人花多眼亂，還是先選飲品，再花點時間慢慢揀。Pink Guava ($30) 桃紅色的番石榴汁，色澤好迷人，而且入口帶天然的果香，好清新。至於 Iced Latte ($45)，據說咖啡嘅醇香度，雖然唔算好突出，但口感都幾柔滑。食物方面，既然餐廳以黑蒜做主題，前菜就先來一客黑炭黑蒜蓉包 ($60)

這餐廳在我公司附近，今天中午就跟同事到這裡吃午餐。餐廳招牌logo有點面善，原來是謝檸檬的post，八掛看看其他食評才知道真的與謝檸檬有點關係，但還是要試試食物的水準質素。黑炭黑蒜蓉包 $65一碟5件黑漆漆的黑炭包上掃上了黑蒜蓉，很香口入味，而且外脆內軟，很讚。白酒橄欖牛油煮蜆 $108白酒味不濃，不好牛油的我對牛油湯底興趣不大，但勝在蜆無腥味還算入味，但請在放涼前吃以免牛油汁停乾。酥皮黑松露pizza $138熱烘烘新鮮出爐很有酥香，一層層很薄的酥皮口感香脆，中間放了大片芝士，味道剛好不太濃，沒有預期中的油膩，可以一試。扁意大利粉配大蝦 - 蝦已除殻並香煎過，大隻彈牙；雖然意大利麵不需要煮至全稔，但還是略嫌此扁意大利粉過硬。pink guava $30/glass果然解渴開胃，吃過豐富的午餐喝一杯果汁感覺消膩。

聽聞這間位於炮台山的＂16 Shell ＂所提供的食物有部份是由霆鋒做顧問設計的，看到他們的照片很是吸引而且黑蒜蓉包很出色，今天終於有機會來一試，真的很期待😋黑炭黑蒜蓉包 - 一上枱已聞到陣陣的香氣，熱辣辣濃濃的蒜香，甜絲絲脆脆的外層，焗得軟硬適中，真的值得來一試爆谷蝦 - 外層的粉醬少少厚，不過想不到內𥚃蝦很鮮甜彈牙配上沙律醬非常野味酥皮黑松露比薩批 - 用酥皮做比薩餅底，感覺新鮮特別，黑松露味濃配上蘑茹和芝士很夾，加上火箭菜沒有那麼膩👍🏻香煎橄欖油無骨雞脾加大蝦意大利麵 - 雞脾塊煎得非常出色，雞皮還是脆口的，一咬落去雞汁豐富，蝦既大隻又彈牙鮮味十足，加上很多蒜蓉粒非常香口味道一流Tiramisu - 外表吸引入口醇滑而且帶著濃濃的咖啡酒香味，加上士多啤梨的香味配合下，甜度適中是晚餐完美的句號😉Skin Angel (pineapple, pear, lime)菠蘿味比較重些，不太甜很清香，不錯！

【#飲食】C+搵食團 || 蜆殼街轉角遇上「鋒味」 - 16 Shell******************************最近「鋒味」又被說得熱哄哄，要品嚐「鋒味」除了有曲奇餅、睇電視之外，原來都可以係天后蜆殼街轉角遇上「鋒味」，見到呢個招牌ms.Ｃ都係因為呢到呢個招牌，所以約埋幾個閨蜜，又黎開飯喇！******************************16 Shell既位置唔算太顯眼，係天后 & 炮台山之間，雖然鋪仔細細，但我地越坐越多人，唔想等既可以早少少去。我地幾個女仔，叫左好多唔同款既野食，每款份量都唔算太多，如果更食量大既話，可以叫多幾款。******************************黑炭黑蒜蓉包 - $45黑炭黑蒜蓉包，好香蒜蓉味，但唔嗆口，包身做得幾好，軟硬度剛好，唔會焗到又乾又實。******************************Crab Leg - $128蟹腳味道非常鮮甜，唔使沾任何醬汁，慢慢食可以出海鮮的天然咸味。而且16 Shell蟹腳已經拆殼，可以就咁成支拎住黎咬，用黎當餐前小食一流。******************

既然呢期Chef Lemon Tse咁人氣，就講下同佢有關的餐廳啦。據聞位於炮台山的西餐廳「16 shell」係霆峰助手開，部分菜式Lemon有份畀意見。有名氣加冕，呢間鋪頭都頗受注目。我去當然唔係為左lemon，而係幾片烏卒卒成舊炭咁嘅吐司。其實佢係黑炭黑蒜蓉包（$60），麵包加入左黑炭，味道就食唔出，都係一般吐司咁，面層塗上薄薄的黑蒜蓉，香口惹味，但唔會好辛辣嗆喉。不過就想反映下，全黑的包可唔可以唔好襯黑色的碟呢？係昏暗燈光下真係好難影。另一款前菜係白酒橄欖牛油煮蜆（$90），偏貴的價錢分量亦唔算多。蜆肉都算飽滿鮮甜，但個汁就酒味重左d，而且有少少苦，唔夠鮮味，不過我都照用黑蒜包點來吃。16 shell有供應pizza，但menu上冇寫，只寫係店內黑板上。大致分為pastry同charcoal pizza，我選左Pastry的truffle口味（$138）。四方形的賣相有別於一般pizza，酥皮薄餅底上鋪上蘑菇、芝士、紅椒、黑松露醬同火箭菜，材料簡單，但咁先容易襯托出黑松露醬的香氣，薄薄的酥皮面脆內煙韌，都幾特別的。下次可以試試另一款招牌菜無骨雞髀意粉。

天后巷仔有間餐廳，平時行過覺得好有情調咁，主打黑蒜包，今次約埋朋友試下黑炭黑蒜蓉包 $45 黎到必食的前菜，黑蒜味重，又香，上碟時又熱又脆法式田螺 $68 ，上碟時都係熱熱的，烤到薯蓉又香，又有少少脆脆地，都好出色茄汁帶子意大利粉 $138蒜蓉汁海鮮意大利粉 $188有青口，蜆，魷魚，蝦，材料都幾多配上蒜蓉汁，有少少湯浸住，唔會太乾最後甜品是藍苺雜果 yogurt $35我地都食到好飽，2個人share , 呢個甜品唔貴，味道正正常常啦

拜完山已經好晏，好肚餓，專登入炮台山諗著食好野，點知食左一肚氣落肚我地兩個人叫左兩個lunch餐湯上後我地再另外加份$60黑炭蒜蓉包女服務生話要等20-30分鐘結果等左八個字，野食完，餐飲都凍曬，個包都仲未到而另一枱客只係等左十分鐘就黎左個黑炭蒜蓉包我覺得唔對路，叫男服務生跟跟結果我地被告知原來漏左單，要等多三十分鐘，冷冰冰咁問我地仲等唔等梗係唔要啦，仲要我地乾等多半個鐘？然後先細細細聲補返句唔好意思當時兩點半，入面座位唔多，得三枱客，而我地係第一枱客入去咁都可以出錯，分明係遊緊魂而女服務員到我地埋單果刻唔知消失左去邊，員工之間完全無溝通服務態度真係唔太好，請檢討一下

從銅鑼灣走到天后再到炮台山的附近，總是有林林總總的食肆，多得令人眼花繚亂，幸好今天有朋友帶路，說要帶我去吃一間超級邪惡的蒜頭大餐。我當然不會客氣路。餐牌很有個性，用上了蒜頭來自白，看來真的是不簡單啊。先來的是一客黑蒜法包。黑黑黑的，賣相自是不太吸引。可也說是真材實料，整件法包都是黑黑的。一咬下去，外皮非常的香脆，而且夾雜著極為香濃的蒜味。很重口味，但我喜歡。配湯是浪費了依一個包。只應單吃，吃其蒜香。再來的是激多蒜頭雞脾扒意粉。一看到相片說香出蒜頭轉豐富程度吧。大概可以說是跟意粉是一比一的份量。蒜香，蒜油味入到意粉當中，非常惹味。炸蒜十分脆口，不淋身。雞脾肉就相對地失氣了一點，可能是口中太濃味了吧。