16 Shell (已結業)

今日去咗16 shell蒜一蒜。巧遇許鞍華導演。餐廳播放一d好柔和的音樂。餐廳寧靜。感覺舒服。黑炭黑蒜牛油蒜蓉包-黑媽媽的麵包。皮脆，中間麵包軟，香噴噴嘅蒜蓉味白酒橄欖牛油煮蜆~蜆雖然唔算大粒，但夠鮮味。而且冇沙。加埋檸檬汁更加味美香煎橄欖油無骨雞肶意大利麵~大蒜味香濃，雞肉嫩滑，雞皮香脆，意大利麵軟硬適中。酥皮黑松露pizza~外型特別。不是一搬圓形pizza。而係四方型的。餅底係酥皮，牛油芝士包住黑松露，香菇，加上香草。由於酥皮，冇一般pizza餅底厚，所以唔會太漏。原來呢個pizza仲有另外一個名堂“鋒味”pizza。係謝霆鋒有份參與嘅菜式之一。最後叫咗一杯芒果汁及凍檸茶。

朋友知我係個大蒜控，就約我去一間專門店食晚飯。餐廳位於砲台山站一條小街(蜆殼街)，靜中帶旺，聽聞謝霆鋒都有份參與呢間餐廳嘅食物構思。去到見到係一間小小嘅餐廳，門外有幾張室外座椅，有啲外國feel，不過因為天氣有啲涼，我最後都係選擇入室內進餐。入到去對餐廳嘅第一感覺係好型 ~ 幾乎全黑色嘅裝修，好特別，連盛食物嘅食具都係黑色，真係好有型格。餐牌送到嚟， 見上面有一個大蒜，就知道我冇嚟錯餐廳，因為一定有我至愛 ~ 大蒜食物。 我哋先叫咗杯橙汁飲住慢慢揀食物，橙汁係時下流行嘅冷榨果汁，唔太甜，感覺好清新天然 。跟住我哋揀咗呢間餐廳嘅 signature - 黑炭黑蒜包，朋友鍾意食海鮮，就揀咗個白酒煮蜆，再加個青口意粉，我就要咗個雞髀大蒜意粉。黑炭黑蒜蓉包嚟啦……非常有驚喜，外皮烘得很香脆 ，但內裏仍鬆軟，最特別係內有黑蒜粒粒，甜甜哋，好特別， 難怪成為這間餐廳的 signature ， 我覺得盛黑蒜包嘅碟如果能改用其他顏色就可以更突顯出黑蒜包嘅外型。跟住再試下個煙肉洋蔥白酒煮蜆，蜆肉冇沙，好清甜，用煙肉洋葱白酒煮，陣陣白酒清香，可以帶出蜆肉嘅新鮮味道香煎欖油、大蒜、白酒汁青口意粉青口好大隻

炮台山的大街小巷都隱藏著美食尤以卧虎藏龍的低調小店最多先來lemonade和iced tea解解渴反正店方只提供礦泉水先來招牌的黑蒜麵包黑色的麵包上有一層薄薄的黑蒜味道清幽不會很嗆再來是白酒橄欖牛油煮蜆牛油味極濃非常惹味配上鮮味的蜆仔更香點了主打的酥皮黑松露比薩批酥皮感覺像東南亞的油酥餅配上黑松露芝士食用特別如果配上一碗馬沙文咖哩食用又會怎樣呢香煎橄欖油大蒜無骨雞肉意粉是下一幕醃過的雞腿肉嫩滑得無話可說意粉上鋪上山盛炸蒜愛蒜者必為之瘋狂口裡的蒜香整夜不散和你渡過了一個另類的浪漫午夜

北角嘅大街小巷真係充滿驚喜， 唔係鬧市中心，但細心啲搵，其實有好多高質餐廳， 今日就嚟咗蜆殼街嘅16Shell。近排天氣涼涼地， 坐低叫咗杯latte ， 本身鐘意飲開skim milk， 有啲cafe會整到杯咖啡好淡， 呢度用嘅skim milk飲得出唔係低級盒裝奶，幾有奶味之餘，小編欣賞奶同咖啡的比例平衡， 唔會太苦澀， 又唔會太淡。蒜蓉包必食見佢黑蚊蚊咁唔係得個樣， 型得來真材實料， 有香噴噴嘅蒜蓉味， 每一塊都焗得脆卜卜， 麵包中心又保留返靚麵粉嘅煙靭質感， 上面仲查搽咗少少番茄醬， 在一個麵粉控感到十分滿意。 要特別讚嗰四隻大蝦， 非常之彈牙同鮮甜， 仲非常巨型， 啖啖肉~ 食蝦飽😆👍街上有少許香草調味， 唔會蓋過原本嘅鮮甜。麵嘅質地都好彈牙， 仲要滑嘟嘟添， 係白酒牛油嘅醬汁裏面， 聞到香味經好吸引。跟住就到呢個pizza啦， 用酥皮做pizza底真係第一次見， 本來以為食落會好油膩， 食完會好滯， 點知咬開食到個酥皮唔單只好鬆脆， 牛油味都好適中， 中間有適量芝士， 又有拉芝效果， 加上松露香味， 整個配搭幾好。每個菜式都有特色， 每款都係誠意之作， 週日嚟到食個午餐都幾

知道呢間餐廳係霆鋒助手開既所以好想試一試 一黎到覺得裝修時尚有格調 即刻加分先叫左一個牛油大蜆 每隻都好飽滿 靚料 不過覺得個汁本身牛油味香濃已經好出色 過多既黑椒好似後來有點搶味 多此一舉左再黎一個黑炭麵包 本身入面既果乾酸酸甜甜 令人食慾大增 點少少落牛油汁就可以無咁heavy 唔錯既配搭之後叫左個大蝦意粉 咁大隻咁彈牙既蝦真係好少見 好好味 不過又係意粉落太多胡椒黑椒 搶左食物本身既鮮味 其實如果材料新鮮 唔需要咁重手既調味可能更佳最後呢個pizza 好特別係用酥皮做架 食落香口又唔會過油 好好食 好滿意呀總結：其實好有心做 食得出材料都唔會將貨就價 不過調味如果輕手d 同埋果位叔叔多點笑容就好了

今天是萬聖節，相約了在港島區接朋友放工。想着不如就腳就在銅鑼灣覓食，不過我朋友就說吃到有點悶，而且萬聖節一定比較人多，就建議轉戰炮台山，天后那邊尋找美食。我們搭叮叮到了炮台山附近，走過蜆殼街就見到一間餐廳以街名命名的「16shell」。光看門面，只是簡單的燈牌亮着餐廳名字「16 shell」，門口擺着幾張小木桌子，驟眼看是一間普通的西餐廳，見它價錢不算太貴，就入去一試。餐廳不算大，大約有二，三十人的座位。當天去到已經九時，食客都還有幾圍，更有不少是外國人。我們被安排坐到牆邊，這時才發現餐廳內有乾坤，來頭不小。牆邊有不少相片全部都是名人到訪與餐廳的合照。明星包括有謝霆鋒，草蜢等等。再留意了一份報道，原來謝霆鋒是有份參與餐廳菜式的製作呢。我們都想不到誤打誤撞竟然進了一間有明星參與的西餐廳。翻開餐牌，發現不少菜式以「蒜」作主題，相信今頓飯吃完一定口氣大增。我們都是「蒜」怪，既然這裏用「蒜」作主題，就必定要試一試它的「蒜」蒜不蒜利害。我們馬上點了兩杯飲品、一個黑炭黑蒜蓉包、白酒橄欖牛油煮蜆、香煎橄欖油大蒜無骨雞髀意大利麵和酥皮黑松露比薩。Lemonade＄30這杯果汁用一個conical fl

呢次黎到傳聞係謝霆鋒十二道鋒味助手既餐廳 openrice天后no.1都要黎朝下聖啦 呢度冇鐵粉拌威靈頓牛扒同毛巾雞蛋仔食🤣 咁就試下佢地既signature dish 全部都係"蒜"主題既 岩哂重口味既我😎黑炭黑蒜蓉包 $60 您冇睇錯呀5塊多士要$60 見到openrice個個都讚 肉赤都要試啦😭 試完更肉赤 又唔係重蒜味 反而食到甜甜地 有啲九唔搭八 就算岩岩烘起脆卜卜都冇用 只係普通西餐附送既餐包質素 銀包流左一滴淚OlioStyle無骨雞脾扁意粉 $148 其實有啲似避風塘雞肉炒意粉 有4塊雞脾肉配上大量香蒜+鹽醃咸漁仔用欖油炒既意粉 好重口味下 香蒜本身炸過既 好香口同惹味 雞脾肉都煎得好香 雞皮好鬆脆 不過太細舊份量唔夠 不過都幾油 食到尾成隻碟都係油 同朋友share會冇咁膩總結Oilo Style意粉係值得試既 不過個黑蒜包就唔使客氣喇😅

雖然我唔算係 FANS，但係响網絡得知有呢個 CROSSOVER，確實係好吸引，所以今次係慕名而來，初嘗「鋒」味。店內的擺設富有歐洲餐廳的格調，配合柔和的燈光，很有情調。我們先來一個前菜，就選了兩支果汁 和 黑炭黑蒜蓉包。果汁是選用了 bless 的支裝果汁，而黑蒜包的蒜味唔算好重，而且包身暖暖的又鬆軟，味道不錯。蒜蓉香椒白酒牛油汁煮蜆蜆肉很鮮味，咬落帶點陣陣的酒香，加埋蒜蓉味很突出。酥皮黑松露比薩批呢個 8 吋大的「鋒味PIZZA」就係我今次來的目的。PIZZA 是四方形的，可以話打破了我一貫對 PIZZA 的觀念，而酥皮的外圍包住3椒、芝士同埋菇。而食起上來黑松露的香味非常濃郁，係由薄餅的中間滲出來的。原來一揭開 D 芝士同配料，黑松露係鋪滿成個餅底，以百多元的價格就可以食得到，相當抵食。風乾火腿+菠菜芝士汁 無骨雞胸肉 意粉雞胸肉同埋意粉煮得很腍身，索哂個白汁的味道感覺係 FRESH。同埋食得到帶些咸味，是因為風乾火腿突出了整個味道，我認為食得濃味的人真係可以試試。

細妹係謝霆鋒忠實粉絲，難得兩姐妹相約食飯，就揀左霆鋒助手開嘅呢間16 Shell，有部分菜色更係由霆鋒親自設計。16 Shell位於炮台山與天后之間，走嘅係中高檔西餐路線。店舖唔大，位於小巷之中，十分有情調。坦白講，一開始對呢類明星效應嘅餐廳都唔會抱太大期望，但16 Shell嘅食物實在出乎預料地抵同好食。16 Shell menu上有個香蒜頭廚師，相信不同蒜頭製成嘅食物係主打之一，果然樣樣都無令人失望。黑炭黑蒜蓉包($60)係大家都推薦嘅食物，當然要試一下。五大塊麵包一上枱，已經聞到好香嘅黑蒜味。黑炭麵包微暖，外皮酥脆，中心軟熟。黑蒜蓉同一般蒜蓉醬唔同，帶點甜味，更加香口開胃。蒜蓉香椒白酒牛油汁煮蜆($108)，兩個愛蒜蓉之人見到呢個名特別覺得吸引，又即刻點左。同樣地，一上枱就聞到香濃嘅白酒味夾雜牛油味。新甜又大大粒蜆肉。估唔到咁大盤，十分抵食。有謝霆鋒粉絲係度，主菜自然唔少得鋒味pizza。鋒味pizza有兩款，truffle pizza或者salami pizza，我地最後揀左黑松露口味($138)。熱辣辣嘅pizza，上枱時仲冒住煙。之前係由妹妹負責睇食評揀食物，我其實無特別了

我係霆鋒fans，謝先生演藝事業越做越好，唔多唔少都要多得助手「表哥」嘅照顧同打點，而表哥進軍飲食業，喺天后開西餐廳，部份菜式亦由霆鋒設計 + 改良，呢晚收工後就同男友嚟到蜆殼街試試16 Shell 嘅野食如何啦~ 餐廳環境比我想像中細，而牆上亦掛咗唔少表哥跟藝人朋友嘅合照。 Menu封面位哥仔有一大個蒜頭，可想而知16 Shell出品以蒜味為主，但個人認為Menu寫得有少少亂。 黑炭黑蒜蓉包 $60 呢款蒜蓉包同平日食到的有啲唔同，正常係會蒜蓉加牛油鹹鹹地，但呢個黑蒜蓉包係加咗層蜜糖甜香味，外層少脆而中間鬆軟，幾掂~ 白酒橄欖牛油煮蜆 $108 西餐廳食一個白酒煮蜆九成九都要過百蚊，而呢到只係一百蚊剛剛出頭，價錢合理。最欣賞當中嘅檸檬味，酸味開胃之餘仲令到成件事多咗層次，唔會淨係得牛油同酒味。 酥皮黑松露Pizza $138 第一次食酥皮底嘅pizza，切嘅時候會有啲倫盡，酥皮碎會跌到張檯污糟。但味道嚟講黑松露係超香，芝士味濃但唔覺膩，而且食酥皮底我覺得會無咁易飽，所以兩個人食一個pizza都okay~ 香煎橄欖油無骨雞髀加大蝦意粉 $188 呢碟夠晒惹味，意粉非常乾身，上面有一大灑

※本文以用餐當日的環境、服務和食物質素為準，口味亦因人而異，文章只作參考之用。-知道「16 Shell」這間餐廳好耐了，最特別必定係部分菜式由藝人謝霆鋒設計，相信粉絲們一早已潮聖了。餐廳位於炮台山的蜆殼街，整條街還滿多食肆的，光是食拉麵已有兩三間，想食西餐可以選擇去這間16 Shell。餐廳環境不大，但整潔舒適，環境幽暗，充滿浪漫氣氛，滿適合情侶來約會的。牆上的佈置。餐牌部份小妹點的Lemonade $30 和男人的Apple Juice $30，鍾意呢度既Lemonade唔會酸得滯，甜度岩岩好，消暑一流！黑炭蒜蓉包 $60先上餐廳自家製既餐前麵包，黑色既！？因為用上健康既黑炭所製。初時仲諗點解無比牛油既？原來食落已經有好重蒜香味，上枱前更有烘過，所以咬落邊位香脆，中心位很鬆軟，好食！白酒橄欖牛油煮蜆 $108一上枱已經聞到好重牛油味，勁邪惡啊！蜆食落無沙，連埋汁食好重白酒味，一個人要食晒一碟話咁易！酥皮黑松露比薩批 $138據說呢款酥皮批係由謝生所設計的，用酥皮黎取代厚厚的Pizza餅皮，更加吸引！酥皮咬落好香酥啊，充滿牛油香，有食緊酥皮湯個層酥皮既感覺。加埋少少pizza餡料，有芝

細個嗰時已經好鍾意謝霆鋒，一直都好欣賞佢嘅努力！知道呢到個餐牌佢有份設計，所以專登約埋另一個愛鋒之人，一齊過嚟捧吓場嘛餐廳環境唔錯，幾有氣氛！最攪笑係佢個餐牌，封面係一個蒜頭人連餐牌都咁有心思，睇得出老闆應該放咗好多心機係入面呢個係黑炭黑蒜蓉包$60，一上枱應該聞到好香蒜蓉味，而且食嘅時候仲係微暖，唔錯！之後就到前菜蒜蓉香椒白酒牛油汁煮蜆$108，蜆size 都幾大隻，食落好香牛油味，而且仲辣辣地咁，幾開胃！主菜我地就叫咗呢款香辣大蝦炒扁意粉$168，唔好講笑，佢啲蝦真係好大隻大蝦食落鮮甜爽口，意粉就軟硬度適中，口感唔錯，而且呢個扁意粉食落同樣係少少辣辣地，啱晒鍾意食辣嘅我地最後當然唔少得呢個由霆鋒設計嘅酥皮Pizza啦今次係人生第一次食酥皮Pizza🙈口感比平時食開嘅鬆脆！不過可能由於太脆啦，所以好易食到一枱都係餅碎但耐唔時食開，都係幾過癮另外呢到好在無限時，食飽飽之後仲可以同朋友飲番兩杯，傾吓計咁！番工咁辛苦，放工之後同朋友咁樣輕鬆吓，就係我最大娛樂

環境挺有情調的餐廳，燈光帶點暗坐得都舒適，適合情侶或幾個三五知己來啊點了黑炭黑蒜蓉包(聽說是這裏的招牌呢)成功做到外脆內軟，而且比一般的香。吃多幾舊也不覺滯味道剛好又不會過鹹羅勒配黑醋水牛芝士，作為前菜份量比想像多，剛看見這麼多芝士時還害怕會膩。誰知有蕃茄和黑醋作為平衡，比想像中更清新易入口加上羅勒本就香^^整體的感覺比較健康當然少不了pizza，好像是霆鋒設計的，好期待。pizza的皮非常酥軟，光用手是吃不了的要用叉子副助啊。皮像是非常薄一層層鋪上去 (與千層蛋糕有異曲同工之妙？)不過要襯熱吃，芝士會有拉絲效果！以黑松露和一些菇菌配搭，令其更惹味。羅勒白酒汁青口意粉，可能是酒汁加上扁意粉的緣故，意粉用叉完全夾不住 後來幾乎要拿起碟子爬着吃。青口每件都有相當的質量 飽滿，不會出現大小不一的情況。用酒可以帶出青口的鮮味~可是意粉的吸引力不夠高，整體相對普通。甜品的tiramisu卻令人喜出望外，不會過甜。它除了口感軟滑外還帶有不同層次的感覺，咖啡味香濃配合可可粉。我一向對tiramisu沒有甚麼大感覺，也不禁吃多幾口。飲品方面，點的芒果汁濃郁好喝。這裡整體的食物都帶有少許健康的感覺，讓人

為於炮台山的這間西餐廳一早就聽過好多朋友介紹去食，佢地話哩間餐廳的食物好食又唔算好貴。為興祝朋友生日，今次就黎到試一次。預先睇左openrice有咩好食，所以基本上唔洗睇menu 就落得單。等左約15分鐘就開始有野食喇！哩個黑蒜包係哩度既推介，雖然睇落好似冇咩特別，但一食就不禁驚嘆出黎，個包好脆好香蒜味，就咁食唔洗點任何汁或湯都超正！另一道心心眼既菜就係哩碟白酒煮蜆！香噴噴既香酒同大蜆永遠係最夾既組合，蜆肉都幾多，好味！酥皮底既pizza 我第一次食，好特別又有新鮮感！黑松露醬好黑，整個pizza 既味道好夾，芝士味濃，不錯！當晚我地點左哩碟蒜香pasta，見到枱枱食客都有叫，看來係招牌菜呀。無骨雞胸肉煎到金黃色，肉嫩有汁，粒粒香蒜連埋意粉一齊食好香呀！難怪個個黎到都食啦！

好耐無係天后一帶食嘢, 早前心血來潮, 便去了16 Shell食飯. 坐下後, 先點了杯飲品. 見到有個黑炭黑蒜包幾特別, 平日較少見到, 所以點了一客試下. 外層帶有少許脆身, 中間是鬆軟, 由於搽了蒜蓉, 入口有淡淡的蒜蓉香味, 幾好味. 愛食蜆的我, 選了白酒橄欖牛油煮蜆. 蜆唔算好大隻, 份量也不少. 蜆肉的肉質尚算彈牙, 幾厚身, 唔會太乾和硬. 再配上蒜蓉和橄欖, 多重口感. 唔講唔知, 原來這裡有些菜式係由謝霆鋒設計, 我當然要捧場, 最後選了鋒味酥皮黑松露薄餅. 酥皮湯就飲得多, 酥皮整的薄餅相對較少食. 上枱時香味撲鼻. 一切開後, 已感覺酥皮相當鬆化. 入口不會有油笠笠感覺，饀料有足夠. 這個真係令人食不停口. 天后真係多不同類型的小店.