龍點心 (Eastcore)

營業中

休息中

🏮仿懷舊嘅新派裝修, 燈光色彩繽紛, 感覺有喜感🥰水滾茶靚 $8/位✨創意精緻點心, 即叫即蒸素描 QR code 點餐, 既方便又環保一龍大滿足 （6件）$58 1️⃣酸菜魚鳳眼餃（微辣）：辣辣地嘅魚肉餃子, 味道特別好開胃2️⃣蟹粉菠菜香蝦餃：面上鋪滿咗多粒大蟹子, 大大粒蝦肉嘅餡料, 好有咬口感3️⃣筍尖蝦餃皇：足料大蝦餡料, 肉質彈牙4️⃣松露野菌晶瑩餃：全野菌餡料, 口感豐富5️⃣豌豆桃子：豌豆蓉做餡,唔會太甜6️⃣糯米燒賣：糯米混和少少肉粒嘅燒賣👍一次過可以試晒多款口味每款各有特色味道又足料好睇又好食😋🌶️口水汁龍利魚腸粉 $42龍脷魚做腸粉餡料好特別輕微麻辣嘅味道,配合青瓜絲墊底,好醒胃😋🥟松露野菌晶瑩餃（4隻）$36紫色賣相超靚😍松露味香濃, 野菌嘅餡料咬落有彈牙口感馬拉小籠包（4隻）$42皮薄, 餡料肉軟, 肉汁香濃鹹蛋黃墨魚燒賣（3隻）$42外面包著香濃嘅鹹蛋黃蓉,燒賣係墨魚滑,爽口彈牙咬落口, 中間會爆鹹蛋黃汁好有嚼口感🤩不單只是特色點心店（即叫即蒸）餐單內,還有飽肚主食 （飯及粥）,滋潤燉湯.....等等未埋單離開, 已經諗定下次再回頭想食啲乜了.....必定要試埋🍔炸饅頭豬柳漢堡😍

媽媽愛吃中式點心。但因天雨路滑她不宜出行，我今早便去朋友推介，位於觀塘道的Eastcore一樓的龍點心外賣點心回家吃。手工點心即叫即蒸，新鮮好食。龍點心的Fusion點心在社交平台及Openrice等平台都有好多人推介，試過果然值得支持。必食推介中，我們喜歡一龍大滿足，脆脆富貴紅米腸粉和拉絲菠蘿包。一龍大滿足可一次過試齊6款特色點心，酸菜魚鳳眼餃有特色，如食得辣必食。蟹粉菠菜香蝦餃和松露野菌晶瑩餃精緻有創意，好食。筍尖蝦餃皇和糯米燒賣也不錯。豌豆桃子外形靚，包好食豌豆蓉香。脆脆富貴紅米腸粉超正。粉皮香滑餡足料，蝦肉甜，食落內脆外滑有口感。如堂食會更美味。拉絲菠蘿包一份三個，包內的芝士令菠蘿包食落更有層次風味，好食。龍燒賣抵食好食，一籠4件。麻辣牛肉燒賣令人開胃想食多粒，龍蝦汁墨魚燒賣彈牙鮮甜，鹵水鵪鶉蛋燒賣和懷舊燒賣真材實料。厚切叉燒腸粉真係有好多叉燒，好食抵食，推介。店最新推出8款環遊世界點心系列，以8個不同國家作構想。我揀了代表意大利的芝士鮮蝦腐皮卷，加了芝士效果不錯。媽媽吃得很滿意。下次天氣好，帶她去堂食，飲杯茶，試多幾款點心，包括只供堂食的馬拉小籠包。

其實真係好普通，我唔明點解咁多好食評，仲形容到咁好食！從今日開始我唔會再信啲foodie!連啲茶都無味，鐵觀音可以勁啖，淺色到好似白開水咁。我初初以為比左壺水我地而唔係茶！叫左8樣野得一樣比較好食。雲耳蒸雞飯啲飯粒好硬，雲耳勁干無味。金針有啲苦。鹹蛋黃燒賣一啲鹹蛋香味都冇，燒賣又冇味。鳳爪好硬又唔入味。其他食落口都無任何驚喜。唯一好食嘅就係一口炸豆腐整體就係食完都唔知自己食左乜既感覺。寫食評既人可以多點真心嗎？

放假起身做咩好呢？梗係去食嘢啦，瞓到自然醒點幾呢啲時間最啱就係去飲茶啦😏😏😏.咁岩朋友有間點心鋪想去試，好！一於就GOGOGO啦！.餐廳裝修懷舊又有特色，座位寬躺而且服務唔錯。餐牌上有好多點心都好有特色而且又有拼盤選擇，真係啱晒樣樣都想食嘅我。.一龍大滿足 $58一籠有六隻，分別有筍尖蝦餃皇，酸菜魚鳳眼餃，松露野菌晶瑩餃，蟹粉菠菜香蝦餃，糯米燒賣，豌豆桃子。.筍尖蝦餃皇同平時係酒樓食既蝦餃一樣.酸菜魚鳳眼餃入面餡係豬肉，上面有一塊酸菜魚，食落有少少花椒味.松露野菌晶瑩餃紫色既外皮包住野菌碎，好香好重松露味.蟹粉菠菜香蝦餃綠色嘅餃子皮包住豬肉同菠菜，上面擺上三文魚子做點綴，食落都幾match.糯米燒賣糯米飯做成燒賣既造型，變左一口糯米飯.豌豆桃子似係迷你版既壽桃包，中間有綠豆蓉，唔會太甜.松露野菌晶瑩餃 $36叫左先發現原來一龍大滿足都有呢個不過好食既野唔怕重覆叫紫色既外皮包住野菌碎，好香好重松露味.黑椒汁金錢肚蒸腸粉 $36金錢肚有咬口唔會韌，不過黑椒多左少少腸粉吸唒啲汁，好食.鹹蛋黃墨魚燒賣 $42燒賣中間有咸蛋碎，都幾好食.肉鬆馬拉糕 $32呢款幾創新，馬拉糕配上肉鬆，甜甜地又咸咸

觀塘近期新開了一間新派點心專門店，除左有傳統點心外，還有多款特色點心，如炸饅頭豬柳漢堡，鹹蛋黃墨魚燒賣，馬拉小籠包等...座位尚算闊落，掃描QR code就落單十分方面，點心即叫即蒸熱辣辣脆脆富貴紅米腸粉腸粉皮好滑，腸粉裏面既春卷香脆，蝦肉又爽口，仲配埋3款醬汁，不同味道，口感非常豐富拉絲菠蘿包菠蘿包外層鬆脆，內裏包含鹹鹹的拉絲芝士，唔會太漏龍燒賣拼盤裏面有4款唔同味道燒賣，包括麻辣牛肉燒賣、傳統燒賣、龍蝦汁墨魚燒賣及鵪鶉蛋燒賣，全部燒賣都新鮮彈牙，龍蝦汁墨魚燒賣較為出色，感覺好似食緊墨魚丸大澳蝦醬鮮魷卷餡料豐富有好多鮮魷，還用了大澳蝦醬，味道超香濃，相當有創意松露野菌晶瑩餃薄薄紫藍色外皮非常吸引，餡料全部都係新鮮野菌及黑松露，好勁黑松露味道*味道不錯，有創意，但相對傳統點心就會較細

龍點心(觀塘Eastcore）# 點心類別多元化，非常有創意，環境幽靜，有別於一般酒樓，裝修色彩繽紛，具懷舊特色，令人有一種舒服的感覺。而且用手機自助下單，非常方便。1.大澳蝦醬鮮魷卷： 外層香脆可口,而且炸得金黃色, 蝦醬與鮮魷的味道非常合拍 ,蝦醬味道不會過鹹 ,餡料除彈牙的鮮蝦外,再加上芫茜，味道非常合拍， 吃起來鮮味十足。2.鳳尾蝦多士:多士炸得非常香脆，散發出濃濃的酥香味，配上彈牙爽口的鮮虾，集酥脆與鮮味於一身，令人回味無窮。3.脆脆富貴紅米腸粉：份量十足，共有六件，紅米腸粉非常滑溜，而且薄薄的紅米皮表層， 包著香脆的炸蝦，吃起來卜卜脆，非常香口，蝦肉夠彈牙， 另外附上甜酸醬、蛋黃沙律醬 和 醬油供客人自行調味 。4.鹹蛋黃燒賣: 外表圓形的 ， 像墨魚丸 一樣。彈牙爽口。 放進口裏一咬，蛋黃醬立即破口而出, 蛋黃味非常突出， 令人有驚喜的感覺。5.蟹粉菠菜香蝦： 造型非常特別， 大大隻吃起來有很濃郁的蟹粉味，透明的皮 ，厚薄適中，有一種煙韌的感覺 ，內裏有菠菜和彈牙的蝦肉，面層放上三文魚籽作裝飾 ，三文魚籽多到滿瀉， 而且鮮味十足，口感豐富。6.擔擔麵：大大碗，份量十足，

11:20到達，一開始就講只得一小時用餐時間，時間有點趕，想食多兩籠飲多兩杯茶傾多一陣都唔得😒用QR code 落單環保方便一心諗住食拼盤可以樣樣都試到，點知個日所有拼盤都暫停，勁失望😮‍💨總共叫咗四款食物為咗打卡靚d，所以叫咗紫色嘅松露野菌餃，味道普通，松露味唔夠，個皮太軟無咬口第二款係鹹蛋黄燒賣，42蚊得三粒，街邊的燒賣仲太粒過佢，見到個賣相係即刻O嘴，食落仲大件事，賣相同味道跟本就同街邊燒賣差不多😠餡唔係豬肉，類似墨魚但又唔彈牙，鹹蛋黃個味完全食唔出，只係有少少黄色嘅流心响中間流出來，絕對係伏🤢第三樣係一口鹹水角，顏色打卡係勁靚，但個皮太腍唔夠脆口，個餡普普通通無特別最後係鳳爪排骨飯，係四樣之中最好嘅，56蚊唔算太大碗，但排骨份量都算多，夠入味飯粒粒分明唔會太腍點心太精緻的的骰骰，兩個女仔都覺得唔夠飽，想再叫又唔夠時間食店舖裝修很特別，不過二人枱有點迫，多幾籠點心都難放下冷氣唔夠，坐了15分鐘已經流汗🥵整體食物一般般，價錢偏貴，唔會特別想再幫襯

上次去nutmad食野…見到呢間點心店幾多人幫襯…今日黎開觀塘就過黎試下坐低望下menu…樣樣都幾吸引咁😂😂😂咁就點左個樣樣有d既點心set既一龍大滿足再加拉絲菠蘿包肥牛腸粉厚切叉燒腸鳳爪排骨飯蝦餃大澳蝦醬鮮魷卷食物唔錯…喜歡一龍大滿足樣樣都有…可以試齊大部份出名點心。蝦餃個皮煙韌…蝦又爽。個蝦醬鮮魷卷…即叫即整熱辣辣…好香蝦醬味好惹味整體野食唔錯…所有野食都即叫即蒸…當日唯一可以改善就係唔夠冷氣…真係食到流哂汗

假日係同家人飲茶🫖好時候今次去觀塘新開點心餐廳好多款特色點心口味非常創新又好食每位茶價都只係$8掃描QR code就落到單真係好方便☺️🔸一龍大滿足 $58一籠有6款，真係一次過滿足晒個胃。當中有筍尖蝦餃皇、酸菜魚鳳眼餃、松露野菌晶瑩餃、蟹粉菠菜香蝦餃、糯米燒賣、豌豆桃子。款款口味都好特別，酸菜魚個款辣辣地，好惹味！🔸黑金流沙包 $32一咬開，金黃色嘅奶黃爆晒出嚟呀😍外層仲有金箔盡顯貴氣。🔸脆脆富貴紅米腸粉 $42滑溜溜嘅紅米外皮包裹著脆脆內層，咬入仲有鮮味十足嘅大蝦，配埋沙律醬特別滋味。🔸馬拉小籠包 $36小籠包內餡有豬肉同肉骨茶，好香濃！第一次試呢種口味嘅小籠包，好有創意！🔸一口鹹水角 $32呢款有別於平時食開嘅鹹水角形狀！以竹籤串起兩粒，呈圓形。外層鬆脆，內層多餡。🔸肉鬆馬拉糕 $32呢款都係非常創新，平時都係食開普通款馬拉糕，呢款配上肉鬆係面層，甜甜地又帶有少少咸味，口感豐富。

有一段時間冇去觀塘搵食，原來都開左唔少新餐廳！今次就同朋友試左呢間新派嘅手工點心❤️有別於傳統酒樓嘅點心，佢地嘅點心多數都混合左不同嘅原素，創意十足，每款都比到人驚喜。✨一龍大滿足（$58）話明一龍大滿足，就當然係一次過試晒餐廳最signature 嘅幾款點心喇❤️一籠入面分別有筍尖蝦餃皇、 酸菜魚鳳眼餃、 松露野菌晶瑩餃、 蟹粉菠菜香蝦餃、 糯米燒賣、 豌豆桃子，每款都好睇又好食！我自己就特別鍾意松露野菌晶瑩餃，食落好重松露香。蟹粉菠菜香蝦餃亦幾有驚喜，嫩綠嘅餃皮上加左魚子，食落鮮味十足，絕對可以encore😆✨脆脆富貴紅米腸粉（$42）呢款都係必叫！滑溜嘅紅米腸粉包裹住脆卟卟嘅蝦春卷，成個combination 好完美😋✨龍蝦汁墨魚燒賣（$36）有別於一般燒賣以豬肉做餡，呢款燒賣就用左手打嘅墨魚滑，食落口感彈牙，而且一咬有龍蝦汁係口腔爆開，非常有驚喜😍✨拉絲菠蘿包（$36）菠蘿包上枱嘅時候仲係微暖，拉開中間有芝士，味道都唔錯。餐廳仲有好多款點心我好想試，而且價錢相宜，所以絕對會encore😋

都係透過朋友推薦嚟到呢間觀塘嘅點心店裝修主要用紅色同綠色非常中式嘅設計螢光燈更加有種新潮嘅感覺💡試咗龍脷柳腸粉好創新嘅配搭 龍脷柳好滑😍腸粉包裹住嗰一層又好香脆成個配搭好值得推薦其次就會係魚子蝦餃自己來講就覺得唔係太夾有少少魚腥味😰跟住佢個豬頸肉飯都好好食😚好足料就算唔落豉油都好夠味鹹水角嘅話裏面竟然係鹹魚味😳好特別 不過我更加鍾意食傳統嘅鹹水角最後香脆墨魚都好好食😜配上沙律醬好正❤️❤️

星期一晚食咩好，係觀堂見有唔少新開餐廳，點心控被我發現左有間龍點心餐廳。環境亮麗，座位舒適。點心選擇幾多，晚市有八折，食欲提升不少。龍餃子有餃子四款:筍尖蝦餃王、蟹粉菠菜香蝦餃、酸菜魚鳳凰餃,以及松露野菌晶瑩餃。創新口味，食物顏色擺盤，影相打卡都幾靚，味道還不錯。番茄蛋春卷賣相吸引，原來番茄蛋春卷呢個配搭還不錯，春卷外脆，幾清新。脆脆富貴紅米腸粉 米腸又薄又滑,包住香脆米卷,再包住結實的蝦仁,口感豐富,而且提供三種醬(泰式酸辣醬,豉油,沙律醬),不同味道。 鳳爪拼金錢肚(辣)金錢肚厚身,微微黑椒香辣，鳳爪軟唸微辣。 黑金流沙包 3隻熱哄哄的，一咬香甜蛋黃流心餡便流出，甜度剛好。整體而言:餐廳裝修新穎有活力,包點幾好食

最近的平日去食晚飯，喺openrice訂抬有8折食7:00都唔會話特別爆人，女店員 態度好，喺門口已經問定我地飲咩茶。佢環境顏色幾多元化，同其他人影的一樣，感覺開心。佢四周地板都乾淨，呢樣我重視。1壺茶1壺熱水，同茶樓一樣，洗下筷子同杯。似係菊普，茶味清新。點心 好夠熱，小心辣親蕃茄春卷 有多少蝦的成份，朋友有點敏感。鹹水角 有4個圓波波幾打意粉紅色皮的蝦粒腸粉肉鬆馬拉糕d肉鬆 一夾就跌唒出來，出唒煙下次想約多一兩個人，咁就可以試多幾款～洗手間喺外面近處，問店員拿匙卡嘟。待續～睇相

觀塘趣味點心網上見到呢間點心好似入咗動畫世界入面咁，好得意，裝修都好色彩繽紛，混合左懷舊香港特色，有別於一般傳統茶樓，感覺置身於功夫熊貓一樣🤣座位舒適寬敞。上菜快，服務好🥰而且佢有好多款點心都好可愛，好獨特，賣相吸引，還有多款拼盤，而且價錢唔貴。可以一次過試晒唔同口味，茶位$8位，餐牌圖文並茂方便睇，手機自助下單很方便，另收加一服務費一龍大滿足 $58超滿足，乜都有，最鍾意酸菜魚鳳眼餃，少少辣好香。另外仲有，蝦餃皇、松露野菌晶瑩餃、蟹粉菠菜香蝦餃、糯米燒賣、豌豆桃子一口鹹水角 $32橙色綠色波波好得意😎脆脆富貴紅米腸粉腸粉包住香脆蝦春卷拉絲菠蘿包 $36迷你三個菠蘿包好得意黑金流沙包 3隻$32去親點心店都一定嗌嘅豆腐布丁 🍮$22酸甜山楂粉配上豆腐花味燉蛋，喜歡龍燒賣 $38Lung Siu Mai Platter懷舊燒賣、麻辣牛肉燒賣、番茄海鮮燒賣、龍蝦汁墨魚燒賣龍餃子 🥟$42Lung Dumpling Platter筍尖蝦餃皇、蟹粉菠菜香蝦餃、酸菜魚鳳眼餃、松露野菌晶瑩餃服務質素：9/10環境舒適度：8/10ᶘ ᵒᴥᵒᶅ個人口味評分：7/10

諗諗下好耐冇食點心啦，今晚就決定食呢間精緻點心茶館🫖☕️ 裝修比較新㯋，橙色牆好光猛令人感覺生氣勃勃，打卡都幾正👍🏻懷舊燒賣 4隻 $28.8正方蒸籠好型👍🏻 燒賣味道唔錯，形狀均一😋蟹粉菠菜香蝦餃 3隻 $44.8表面蟹籽多到滿瀉，菠菜皮煙煙韌韌，裏面有彈牙蝦粒，口感幾好😆馬拉小籠包 4隻 $28.8第一次試呢款點心，小籠包裏嘅湯汁係肉骨茶，啖啖滋味❤️拉絲菠蘿包 $28.8香軟暖粒粒菠蘿包，咬開裏面嘅餡又甜又有拉絲😍 口水汁龍利魚腸粉(辣）$33.6辣口水汁好正，麻香辣椒惹味🌶️ 每片腸粉都包住一條厚身嘅龍利魚柳，好有份量😃一口豆腐 $38.4外酥脆內軟，椒鹽好香口😁擔擔麵 （辣）$38.4擔擔麵湯底濃郁又開胃，麵條煙韌好卦湯，辣度唔算太辣，啱啱好😃