龍點心 (Eastcore)

營業中

休息中

觀塘好食又有創意既點心餐廳就係APM附近，新開左唔係好耐，裝修好新穎，有好多霓虹燈，顏色好sharp好搶眼，牆上亦有餐廳的吉祥公仔龍師傅。啲座位都好闊落，坐得好舒服，啱晒坐低嘆茶食點心～要讚下啲點心，上枱都幾快，食物好夠熱出晒煙咁，炸野都係岩岩炸起。我地一共叫左5樣野：一龍大滿足、脆脆富貴紅米腸粉、鳳尾蝦多士、炸饅頭豬柳漢堡、羊肚菌瑤柱雞湯。特別推薦一龍大滿足，呢個真係必點！一個蒸籠可以食到6款唔同口味既點心，包括酸菜魚鳳眼餃、松露惹菌晶瑩餃、糯米燒賣、筍尖蝦餃皇、蟹粉菠菜香蝦餃、豌豆桃子。啲配搭真係好特別，酸菜魚整做一粒餃都俾佢諗到，仲要個味道做到真係食緊酸菜魚咁，又有少少麻辣的感覺。松露惹菌晶瑩餃都好好食，中間啲菇菇好有口感，而且好香松露味，好啱我口味！另外，紅米腸都幾好食，中間春卷炸得好脆，又包滿配料，十分豐富。下午茶時間都好多人黎食，食物有質素，都推薦大家黎試下！

🇭🇰肥ne&肥兔岀巡😺今次肥ne 同肥兔小編去到觀塘新商場之一Eastcore嘅一間新型中式點心店 - 龍點心🐲唔知肥ne 嚟到龍點心會唔會變龍貓呢？…🙂🙃🌬門面裝修好有心思, 茶餐廳格局加入中式紅白內部建築Style Crossover，坐位坐得舒服，仲好啱畀人用嚟打卡呀ne 😽😽😽其中一道牆更有「鮮、精、平」三個大字…肥ne 覺得「精」字係最適合用嚟形容呢間食店😼因為佢啲點心好精緻 - 保留舊滋味之餘, 又同時能搞搞新意，非常創新👍🏻食物方面, 肥ne同肥兔小編order咗😋🐈一龍大滿足<<<可以一次過試到幾隻唔同嘅創意點心😽🐈脆脆富貴紅米腸粉<<<肥ne 推介😽腸粉入面夾著蝦卷🤤🐈紅油抄手<<<肥兔小編私心鐘意🐰因為佢係雲肉豬餡😍食物質素(🐈x6最高)：🐈🐈🐈🐈$性價比(🐈x6最高) ：🐈🐈🐈🐈 (有茶位及服務費)

聽同事介紹的點心店，座標唔係大商場，不過都近地鐵站。帶屋企人去試下新菜式。一來就點左好多平時食開嘅點心，上菜好快，而且仲係熱辣辣的菠蘿包居然拉絲哈哈哈，小朋友好鍾意，紅米腸好正，食完又點多個流沙包飲茶必點，點左有十多樣，未影相已經被掃蕩哈哈哈，幾個人戰鬥力極強，上月尾去食的，到依家小朋友都時時問幾時再去下次平日去，平日好似有八折正

由細到大，一直係觀塘都係飲開傳統中式茶樓，而家先知原來新起Eastcore入面有幾間新開餐廳，特別係新派特色點心店—龍點心🐲舖店配色鮮艷搶眼，環境光猛企理☺️龍點心有傳統點心，亦有fusion新派點心，以咁質素高黎講，價錢合理😗龍餃子（$42）筍尖蝦餃王•蟹粉菠菜香蝦餃•酸菜魚鳳眼餃•松露野菌晶瑩餃龍餃子一籠包晒龍點心四款特色餃子，四款口味都唔錯🤣 酸菜魚鳳眼餃嘅酸菜魚味好出，食落辣辣地🔥松露野菌晶瑩餃黑松露味濃，同野菌好夾🍄兩款餃子有驚喜～龍燒賣（$38）懷舊燒賣•麻辣牛肉燒賣•龍蝦汁墨魚燒賣•滷水鵪春蛋燒賣龍燒賣一次過可以試晒傳統同新派fusion燒賣☺️款款餡料紥實，味道都一樣有驚喜🤤 麻辣牛肉燒賣辣味強勁🔥 龍蝦汁墨魚燒賣爽口彈牙，帶有龍蝦味😆脆脆富貴紅米腸粉（$42）外面嘅紅米腸粉煙煙韌韌，入面香脆嘅網紙皮包住彈牙嘅鮮蝦🦐可以跟返自己口味點唔同嘅醬汁（豉油、泰式辣醬、蛋黃醬）拉絲菠蘿包（$36）睇落平平無奇，但菠蘿包入面充滿芝士，甜甜地嘅菠蘿包加埋咸咸地嘅芝士，味道出奇地夾😋馬拉小籠包 （$36）皮薄餡靚，小籠包充滿湯汁，肉骨茶味重😆一口鹹水角（$32）賣相可愛，兩隻顏色嘅咸水角

一龍大滿足🥢蟹粉菠菜香蝦蛟、酸菜魚鳳眼蛟、松露野菌晶瑩蛟、筍尖蝦餃王、豌豆桃子、臘味糯米燒賣，有六種唔同口味，樣樣都有真係大大滿足。脆脆富貴紅米腸粉🥢餡料好脆口，用左腸粉皮包住口感好好，仲有三種調味料選擇，有唔同感覺嘅食法。鳳尾蝦多士🥢好小地方有得食，脆卜卜蝦又爽口。滷水鵪春蛋燒賣🥢小小辣，不過食到好懷舊風味。黑金流沙包🥢咬一啖奶黃就流晒出嚟好正呀。櫻花果凍天鵝酥🥢天鵝其實係紅豆餡，酥身好脆，果凍好清甜仲有黑糖味添。

.再訪龍點心🐲叫左六籠點心，每款都keep到水準👍🏼龍餃子(筍尖蝦餃皇、蟹粉菠菜香蝦餃、酸菜魚鳳眼餃、松露野菌晶瑩餃)一籠四餃，每款賣相精緻，餡料豐富，啖啖蝦肉。另外酸菜魚鳳眼餃較辣，其他味道正常，熱焫焫既點心好好食😋一口鹹水角賣相好得意，好似日本丸子(団子)咁將兩球串埋一齊，有別於傳統鹹水角，呢款有少少蝦醬味(?)咸魚味(?)我覺得幾特別，餡都好足，外脆內軟。黑金流沙包超級流心～熱焫焫～包都好鬆軟，奶黃都好香。醬汁鳳爪鳳爪索哂豆豉醬汁，好惹味！脆脆富貴紅米腸粉依然係我至愛，腸粉滑捋捋，入面既蝦餡足料，有少少芫荽，我鐘意點甜酸醬同豉油食，冇咁油膩。櫻花果凍天鵝酥最後點左一個甜品，天鵝造型，超打卡able。入面係豆沙餡，唔會好甜，都食到粒粒紅豆，外面都幾酥脆鬆軟，唔會好油膩。果凍配上焦糖醬都好好食。呢到環境好舒服，又乾淨，員工服務態度良好，食物種類都多，多fusion，黎開觀塘可一試。星期一至五食下午茶同晚市仲有八折優惠。茶位每位$8，茶款選擇有菊普、香片、鐵觀音、普洱。.味道 ★ ★ ★ ★ ☆環境 ★ ★ ★ ★ ☆服務 ★ ★ ★ ★ ☆性價比★ ★ ★ ★ ☆

2022-07-29同去女朋友去咗觀塘🚶🏼‍♀️專程去食間新派點心🥠餐廳叫龍點心🐉星期五晚市，唔算太多人😅店員安排我哋坐四人枱4️⃣餐廳可以使用手機落單，超方便📱當日埋單有八折優惠🎱我哋點了，招牌菜一龍大滿足，58蚊籠，有六款點心分別有🎊筍尖蝦餃皇，餃皮唔錯，唔會蒸到溶溶爛爛，新鮮彈牙🦐酸菜魚鳳眼餃，食落口有種辛辣嘅味道，麻辣味幾好食🐟松露惹菌晶瑩餃，超濃嘅黑松露味道，值得一試🐿蟹粉菠菜香蝦餃，綠色嘅外皮，内餡有蟹粉，菠菜和蝦仁，上面有一粒粒嘅魚子，口感豐富🐡糯米燒賣，普通糯米飯的味道🍚豌豆桃子，普通壽包嘅味道🍑賣相好獨特打卡一流，味道就唔係款款都咁好食😄普通擔擔麵（辣），48蚊碗，擔擔麵湯底濃郁，超重花生醬味道，有少少辣味，推介一試😃拉絲菠蘿包，36蚊碟，味道一般，菠蘿包皮唔脆，完全無拉絲嘅效果，不推介😅脆脆富貴紅米腸粉，42蚊碟，粉皮香滑餡足料，炸蝦肉甜，食落內脆外滑有口感，可配搭沙律醬，豉油，泰式辣醬嚟食，份量多，可以試吓😋整體環境新裝修幾靚，用咗龍作主題，坐嘅空間幾大幾舒服😁服務幾好收碟速度快，幾有禮貌😍食物方面都可以，一龍大滿足味道唔錯，壺茶都好飲，叫咗菊花茶，重菊花味，會再幫襯👍

由細到大都好鍾意食點心，但係觀塘好多都係傳統茶樓點心，難得見到呢一間有好多特色點心可以食，即刻捉咗同事陪我去試全餐都好滿足好驚喜先講茶，叫咗菊花普洱，好特別，出邊真係未飲過！好驚喜，隔住口罩都聞到好香嘅菊花味估唔到咁夾🤤兩個女仔叫咗五個點心一龍大滿足 $58呢個真係好適合心大心細嘅人一次過可以食到六種唔同嘅款式絕對值得一提嘅係蟹粉波茶香蟹蛟面頭既魚子好鮮甜😋 內裏包住好多蟹肉😳好好好好食！！ 脆脆腸粉 $42呢個一上台真係打卡一流，但係食落口更加無敵！🥹🥹❤️出邊層皮好軟滑，入邊就脆卜卜佢係新鮮即炸新鮮包食落去真係無得嘆😳😋 必點！！一口咸水角 $32好得意！共有4粒估唔到入邊嘅行都好滿！好食！鹹蛋黃墨魚燒賣 $42呢個真係我第一次見，好特別一食落口，嚇親，入邊係流心㗎😍😍😋總括來講呢餐真係非常滿意，食物唔止好食，仲要好好睇！值得一讚嘅係所有員工都好有禮貌成餐都食得好滿足😋100 分推介！

不一樣的炸兩色彩繽紛的咸水角口感很好的流心金沙墨魚燒賣必食推介: 一龍大滿足食物黎得好快!!! 新鮮滾熱辣, 外觀精美, 味道同樣吸引.飲茶飲左菊普. 水熱茶濃!!可以用GULU 排隊.. 上型族想飲茶可以試試龍點心

雪梨海底椰燉瘦肉🍲個湯底好鮮甜，飲落去好清爽，配料都好多，不過個瘦肉煮得有點老，唔太好食😕蟲草花滑雞粥，個粥幾好食，份量都好多，好足糕。不過個雞肉有點少，雞皮好多，感覺好似好肥膩🐓羊肚菌燉水鴨，個羊肚菌好爽口，個湯飲落去淡淡地，好爽口。個水鴨煮得啱啱好不會太老。環境衛生幾好員工服務態度幾好價格10分合理

喺二零二二年七月二十七日（星期三），我同朋友去咗位於觀塘Eastcore一樓嘅龍點心叫咗以下呢三個菜式：包括蟲草花滑雞粥、雪梨海底椰燉瘦肉，同埋羊肚菌燉水鴨，全部都係少鹽少糖之選，又好味又健康！

呢到點心不得了！一定會不斷再食！.嗰時係外賣8折，每樣都係三十幾蚊好抵🤤.外賣影出嚟都好靚，唔係得個樣啲嘢都好好食啊！.🥖炸饅頭豬柳漢堡見係推薦就試下，比想像仲好食，炸饅頭甜甜地，攞翻屋企仲好脆入面好juicy，芝士味濃得黎唔會搶味，豬柳都整得岩岩好，多汁冇渣。.🥟龍餃子其實係入面放左唔同料嘅蒸餃，皮薄，估唔到會有三文魚籽仲唔少tim~酸菜魚餃都夠辣冇骨，松露餃都好香好足料！.🐮黑椒汁金錢肚腸粉金錢肚全部都大大舊，又嫩，同酒樓食個啲好唔同，真係咬幾口就入溶甘擠，都有成5 6舊。黑椒汁都好濃，呢個價錢超良心！🥺食完好似打劫佢甘.🍤大澳蝦醬鮮魷卷呢個好特別，外層係比薄薄脆口炸左嘅一絲絲包住，入面係好新鮮唔韌嘅魷魚，當然有埋蝦醬就更惹味🤩成個配搭都好好！.🐟口水汁龍脷柳腸粉夠多汁有誠意！呢個口水汁都好正宗，每條腸粉入面都塞滿嗮龍脷柳，非常飽滿，4大條已經好飽。.懷舊同龍蝦汁墨魚燒賣懷舊比外面嘅大粒，又係好足料，肥豬肉唔算多~龍蝦汁墨魚竟然係入面爆醬的！好驚喜，龍蝦汁啲味都唔假，好滿意🥰.staff好好人有禮貌，夜晚點心都入座9成，超級推薦！

今日同朋友嚟左試 新加入少鹽少糖菜式的食店，《龍點心》。 一入到去裝修好vintage， 好靚。菜式方面， 我地就簡左 蟲草花滑雞粥、雪梨海底椰燉瘦肉、羊肚菌燉水鴨。蟲草花滑雞粥入面有蟲草花、雞蛋、 雞同瑤柱， 少左調味都吾會影響個鮮度。 依兩款燉湯呢個味道都恰到好處，好清甜❤️‍🔥

失望 食物質素好一般唔明點解咁多like當初就係因為咁多like而幫襯，中晒大伏 叫左7個點心，其中最離譜係叉燒包 ，明顯豬肉解凍得唔好，仲有陣雪藏味，個龍蝦汁燒賣仲普過街市買既龍蝦丸，鳳爪唔香濃偏淡味，金錢肚腸粉，黑椒落得太多，腸粉煎到勁硬九唔搭八，小籠包你唔叫佢都唔會俾醋你，唯一叫做合格就係小籠包，流沙包正常但餡太小，唔知食左啲咩，服務質素hea做，咁既價錢真係冇下次，總括黎講 想做創新點心但又變左四不像。

原來觀塘建築一間新嘅商廈，在新嘅商廈裏邊我發現有幾間新餐廳，今次就試一試這間位於商廈裏的點心舖。。。裝修絕對是走型格潮派，吸引打卡的一眾年青人，不到十二時入座已經有7分滿，入座時員工已經叮囑用餐時間，一人入座半個鐘頭已經吃畢全程～先來是一個招牌（一籠大滿足）HK$58.六款各有特色的點心集於一籠之內，分別有臘味糯米燒賣/蟹粉菠菜香蝦餃/酸菜魚鳳眼餃/松露野菌晶瑩餃/筍尖蝦餃/豌豆桃子～六款點心當中自己就覺得酸菜鳳眼餃和松露餃味道較為突出，另外四款感覺上中規中矩，沒有失色亦沒有令人嘩然，不過就佩服大廚將六款截然不同的味道拼配在一起，而且顏色上撞得多麼漂亮⭐️⭐️⭐️⭐️點心紙中的困難在於自己要挑選，所以在芸芸新潮的點心紙上，我還是揀了（酸菜魚鳳眼）一籠HK$36.酸菜魚輕輕帶有點辣勁，但不會過於搶⭐️⭐️⭐️⭐️另外叫了一個（鳳尾蝦多士）HK$48.一上枱就看到油光滿面，感覺上廚房沒有給上索油子，【當然烹煮功夫也考了牌】，《猶如乾炒牛河碟底成碟油一様,》吃在口中感覺如同，雖然表面有一隻中規中矩身材的蝦肉，但吃到成口都是油減分自然是必然的⭐️⭐️★整體上價錢不算抵，不過偶爾一次也未嘗不可，而且有一半感覺是吃在